Saturday, December 29, 2007

فضفضات بأة جاااامد...... بشرّدلي؟! أيوة طبعا :) هي ليها اسم تاني غير كدة؟

أنا... بنت مصرية
وطبعا الكلمة اللي بعد الجملة دي عند أي حد هي... وبحب بلدي أوي و بموت في ترابها
بس دة مش اللي كنت هقوله :)
لأني فعلا عمري ماحبيت مصر للدرجة دي... أينعم كان بيجيلي إحساس بالسحر الفظييييييع لما أشوف النيل أو لما نمشي بالعربية في ميدان التحرير..... رغم الزحمة الفظيعة و "المناظر الغريبة للناس" في بعض الأحيان..إلا إني كنت بحس إني فرحانة أوي إني في مصر ساعتها
وبحس إني بحن أوي للبلد دي ومش عايزة أسافر في بلد تاني مهما كانت نظافته و لا رفاهيته و لا ولا.... دة اللي كنت بحسه في مصر
مجرد إحساس بالحب الغامض... على إحساس بالانتماء لأني مش كنت بشوف أعمامي إلا لما نيجي مصر الشهر أو شهر ونص في السنة كلها
إنما غير كدة... فحياتي في بلاد البترول اللي كمان مش أقدر أنسى أحلى أيام حياتي فيها أبدا أبدا أبدا
كان دة كل اللي بيربطني ببلدي لغاية وقت قريب أوي... لما اكتشفت إنها يوم بعديوم بتغرق أدامنا واحنا مش عارفين نعملها حاجة، ساعتها بس حسيت بغيرة فظيعة عليها، ولقيتني رافضة للوضع دة
اكتشفت أكتر حبي ليها لما سمعت ناس زي د.عبدالحليم قنديل وهو بيتكلم عليها، بجد راجل بيحسسني إنه بيحب البلد أويييي، ولازم أكون زيه... راجل يستحق الاحترام بكل معنى الكلمة
2007!!!
سنة هتخلص كمان كام يوم... لقيتني عايزة أعمل الحركة بتاعة الأفلام والشعر و الحاجات دي :))
قعدت على الأرض في الأوضة لوحدي و راسي بين إيديه..... سرحت كتيييير أوي..فكرت في حياتي كلها، أو يمكن سرحت في آخر سنة دي أكتر
السنة دي كانت مش سنة حلوة أبدا لي الحمدلله :) . لكن رغم كدة قررت أفكر من الناحية التانية... وفكرت
فكرت في إني اكتشفت السنة دي إني لسة ممكن أعبر عن اللي جوايا بطريقة غير الكلام... طريقة افتكرتني فقدتها مع مرور الزمن وكتر انشغالنا في حاجات ملهاش لزمة
فكرت في إني اكتشفت في نفسي حاجات عمري ماكنت أعرف إنها فيّ..وافتكرت مثلا إني طول عمري كنت بحلم أكون مدرّسة مؤثرة جدا وبعد كدة الحلم هيكبر و هيكون لي منهج تربوي خاص المدارس تكون عايزة تطبقه مع تلاميذها
:) ودة مش كان غرور، و لا طموح زائد...لأني كنت متأكدة من إني متميزة في المجال دة جدا بشهادة الجميع في الشغل و في العيلة وبعشق الأطفال.... والمهم إني كنت فاكراني مش ممكن أعرف أعمل حاجات كتير في مجال غير دة..... لكن لما جربت مجال تاني، لقيتني برده ممكن أكون حلوة فيه!! ودي كانت مفاجأة
اللي أقصده إني اكتشفت إننا ممكن كل يوم نكتشف في نفسنا حاجة جديدة عمرنا ما عرفناها عن نفسنا قبل كدة... إما إننا بنقرر نجرب نفسنا فيها فنكتشف كدة، أو إن ربنا هو اللي يحطنا في المكان دة عشان يسيبنا للاكتشاف و القرار بعد كدة
اكتشفت بإني مش لازم أشوف الناس عشان أحبهم... بالعكس.. ممكن نعرف ناس كتير و يكونوا من أرقب الناس لينا و احنا عمرنا ما شفناهم
اكتشفت إن حياة الواحد ملهاش أييي لزمة لو هو مش حاسس باللي حواليه
اكتشفت إن أهم معنى للحياة السعيدة هو "العطاء"، و تحت المعنى دة هتلاقي كل حاجة تانية
عطاء مش معناه فلوس أو مادة بالضرورة، بس العطاء في الحب، و العطاء في إحساسك باللي حواليك و إنك تحسسهم إنهم مش لوحدهم، العطاء في إنك ممكن تكون عارف إنك هتكلم صاحبك في التليفون وهو متضايق زعلان ومش عايز يكلم حد... بس مع كدة انت برده تكلمه و انت عارف ومتأكد إن المكالمة دي مش هتسعدك ولا هيكون فيها حاجة تضحك... بس بتكلمه عشان هو يحس إنه مش لوحده
صحيح كلامك ممكن مش هيفيد، و لا هتقولله حاجة جديدة، ويمكن كمان تحس إنك ممل لما كل شوية تتصل.... بس هو هيقدر كدة جدا، و هتكون بتساعده يخرج من حالته دي وهو مش حاسس... لإنه مرة بمرة هيحس بأن فيه ناس بتحبه و مصممة تفضل تسأل عليه حتى وهو مش مفيد ليهم
اكتشفت الإحساس دة السنة دي أكتر من أي وقت تاني
اكتشفت كمان إن التردد دة أوحش صفة في الدنيا كلها
:) و اكتشفت إني بقيت "هشة" جدا جدا و محتاجة حاجة تقويني بس مش عارفة ألاقيها
اكتشفت إن التردد اللي في حياتي ممكن يقضي على كل حاجة حلوة فيها ويحولها لجحيم في لحظات... بس مع كدة مش قادرة أخلص منه
اكتشفت كمان :)... إني حتى لو بقيت عندي ستين سنة، هيفضل صوت الطفل الصغير البريء هو اللي بيتحرك ويعبر جوايا أكتر من أي صوت تاني
اكتشفت إن زيي زي أي بنت تانية... نفسي ألاقي فارس أحلامي اللي رسماه جوايا، اللي أهم حاجة فيه إنه يقدر يديني الحب اللي عايزاه وبس
اكتشفت إني عايزة أحس بمعنى الحب كتيييير أوي...نفسي في الكتف اللي ممكن أعيط عليه وميزعلش و لا يمل مهما طال الوقت، الحضن اللي أترمي فيه و أنسى نفسي معاه، ووحشتني أوي العيون اللي بتحس بي من غير ما أنطق ولا كلمة
يعني "أنا" وحشتني أوي... ووحشني حياة الأحلام اللي كنت فيها واصطدمت بالواقع جامد السنة دي بس.... مش أول سنة ليّ في الحياة العملية الحقيقية، لكن هي بالتأكيد أول سنة في إحساسي بعدم الأمان و الرغبة في البكاء بأعلى صوتي
سنة مرت و خلصت... لكن لسة مش خلصت جوايا
اكتشفت فيها كتير... يمكن لقيت نقط كتير إيجابية لما فكرت بعقلي وسبت قلبي قاعد لوحده
حاجات عمري ماكنت هكتشفها
أكيد دة مش كل اللي اكتشفته.. بس دة اللي حسيته في اللحظة دي وكتبته
صحيح :) ..كنت هنسى أهم اكتشاااافين
اكتشفت ان فيه حاجة غريبة اسمها بلوج!! و إنه حاجة ظريفة أوي بدأتها من حوالي 5 شهور من كتر الخنقة مش أكتر :))... و اكتشفت إني بحبكم أويييييي أوي
ولو، مقيد، سالي، راما حبيبتي، الشارد، القلب الجديد اللي عرفته من البلوج "قلب ينبض الله"، الريس، .......شكرا جدا على كل حاجة.. وناس كتير تانية "لو" استحملوا وقرؤوا دة كله يسامحوني مش هينفع أكتب الكل. ومهما قلت مش هعرف أوصل اللي جوايا ليكم
إخواتي، أصحابي، البنات حبايبي أكيد :). بجد انتو غاليين عندي أوي
آخر اكتشاف... و أهم اكتشاف......... اكتشفت إني اتجننت، و إني بشرد جامد أوي لنفسي
نقول فضفضة، فضحضة، تشريد، هلوسة، كلام فاضي..... :) مش مهم. محدش واخد منها حاجة
و مش شايفاني هخسر كتير بالكلام دة
البلوج بلوجي و أبوظه براحتي :)
ملحوظة: التعليق هنا مش واجب مدرسي أبدااااا... لأن صعب أوي حد يعلق على كلام مش مفهوم، ووالله والله مش هزعل لو مش لقيت ولا تعليق. أوكي؟ :) دة بجد جدا جدا جدا والله. لا تعليق أحسن عشان صحتكم

Tuesday, December 25, 2007

إلى متى سأرى تلك النجوم؟؟



ليل هادر كموج البحر..... شديد الظلمة... شديد السكون

و إذا ما نظرت إلى الأفق.. فستجد السواد في كل مكان



يجعلك تدرك أنه ليس له نهاية
و ربما لهذا الليل نهاية... لكنها ليست بالأفق

خلف ذلك الظلام نجوم تشتعل
تحاول اختراق ذلك السكون
تحاول اجتياز تلك الأمواج المتلاحقة

لكنها تغرق... لا تجد سبيلا للنجاة


نجوم مشرقة
تمتص الظلمات المتتالية أضواءها
فلا يصل منها إلا ضوء خافت
تلك النجوم المشتعلة خلف الظلام
تحاول من جديد
تريد أن تلقي على العالم شيئا من نورها الخاص
تود لو أنها تستطيع اجتياز أمواج الظلام
تقاوم أمواج الليل الحزين
لتجتاز ذلك اليأس و ذلك السكون
لكن صمودها أصعب مما تتخيل


إلى متى ستصمد تلك النجوم؟؟

و هل ستنجح في اجتياز الظلام؟
في اختراق كل تلك الصعاب؟؟؟
تكاد أمواج الظلام المتوالية أن تجرفها معها

تغطيها فينطفئ آخر نور لها

يود ذلك الليل الثقيل لو يسحبها
.................
إلى عالم غريب.... بعيد الشعاب
مجرد هذيان ليس له أصل


فيالك من ليل كأن نجومه..... بكل مغار الفتل شدت بيذبل
بيت شعر أحبه..لامرؤ القيس

Sunday, December 23, 2007

HELLLOOO..

Hello everybody..

It gives me pleasure to enter this dreamy world- according to my friend's invitation-

Actually i don't know why i'm here with you & what i'm going to write &... I'm at work & feel booooorrring coz i'm here alone by my self

I just want to say hyyyyyyyyyyyy for you all -& Bondok esp.-
Kol sana w entom taybeen

Ahhh...Sorry!!!

I forget to introduce myself..I'm Heba, Butterfly's friend

Salam ba2a w agelko kman shwaia.

Saturday, December 22, 2007

Miss U


أيام مضت.. وشهور انقضت
و طوال هذا الوقت لم أراك
فكيف هذا و أنت في قلبي ملاك
ملكت قلبي برؤياك

لو تعلم أني أعيش بذكراك
أحن كثيرا للقياك

لو تعلم ما بقلبي من أشواق
لو تعلم كيف يؤلمني ذاك الفراق
فيتغير لون حياتي من شدة الاشتياق
..........
حقا... أتوق لرؤياك

Friday, December 21, 2007

Rainbow :)))


Yesterday was a very nice day for me alhamdulellah :)
U know why??!

Coz it was the first time the rain falls while I'm in an outside area since the beginning of this winter.
:)

Actually I was in quite an oooopen area... where everything around me is so green and fresh.

I was extremely happy with that rain... I really needed it a lot.

But what made me even more thrilled was the RAINBOW :)))
It was my first time also :) to see the rainbow that clear.

It was filling the sky seriously, and we saw all the seven colours of the rainbow so vivid& clear.

Rainbow was so colourful, so joyful :) , just like the one we see on cartoons.
I really wanted to take a picture of it, but knew that rainbow would fade so fast& I would waste my time in bringing my mobile to picture it.

Rainbow made me feel quite happy&releaved to the extent that I was jumping out of joy when I first saw it frankly.

:))
Horraaaaaay Winter Signs!! :) I really missed u
Thanx to Allah that we have all such beauty around us in the world.


May all ur lives be full of colourful rainbows& happiness :)

Sunday, December 16, 2007

Happy Eeeeeeeeeeeeeeeeid :)


HaPpY Courban FeaSt
تقبل الله منا و منكم
..................

لو كنت مكان الخروف يوم الوقفة و شايف كل الناس بتتفرج عليك... هتعمل إيه، و هيكون نفسك تقول إيه؟
:)

Friday, December 14, 2007

كنت المفروض أكتب بوست من أول امبارح :( بس الحمدلله...قدر الله و ما شاء فعل
المهم... استمرارا لحالة العقل اللي أنا فيها كنت عايزة أقول اقتراح للأيام دي...إيه رأيكم نخلي يوم السبت دة "غدا" يوم نحمد فيه ربنا كتيييير أوي؟
يعني مش نقول "الحمدلله" كدة و خلاص. بس نحاول نحس بالموضوع أكتر، و نفضل نفتكر كل الأوقات اللي ربنا ساعدنا فيها لما كنا محتاجينله أوي... و نفتكر نعم ربنا الكتير أوي اللي ممكن نكون مش بنفكر فيها كتير مع انها مؤثرة في حياتنا أوي... يعني زي الأصحاب و لما ربنا منع عنا حاجة كنا فاكرينها جميلة أوي و بعد كدة اكتشفنا العكس فحمدنا ربنا عليها جامد أوي.... بس نخلي بكرة يوم نفتكر فيه نعم ربنا الكتير أوي.... وحتى على الأقل 10 دقايق قبل المغرب نحمد ربنا. إيه رأيكم؟؟
كدة نكون أخدنا ثواب الأيام دي، وخصوصا انه مستحب فيها الحمد والتهليل و التكبير... و كمان اتغيرت النفسية شوية :) لما افتكرنا ان ربنا بيحبنا أوي و دايما بيساعدنا
مش منتظرة تعليق و لا أي حاجة... بس بتمنى أي حد يشاركني إحساسي دة

Sunday, December 9, 2007


"

ما من أيام العمل الصالح فيها أحب إلى الله من هذه الأيام." قالوا يا رسول الله ! و لا الجهاد في سيبل الله؟ قال: و لا الجهاد في سبيل الله، إلا من خرج بنفسه و ماله ثم لم يرجع من ذلك بشيء." دة حديث لرسولنا "محمد" صلى الله عليه وسلم، و غالبا كلنا عارفينه... و يمكن كمان حافظينه. بس الحقيقة اننا مش بناخد بالنا منه و لا بنطبقه


الأيام اللي في الحديث دي هي العشر أيام اللي قبل العيد!! يعني من يوم الثلاثاء الجاي

و الوقت دة دايما يكون فيه امتحانات و مشاريع تخرج و برد و..... كتييييييير أوي. بس كنت دايما متعودة ان أصحابي الحلوين دايما بيتجمعوا في الوقت دة و بنعمل خير مع بعض... بغض النظر عن عمل الخير. هم كتير لو عديناهم. بس المهم ان السنة دي شكلنا كدة مش هنتقابل

:(

و دي حاجة أكيد مزعلاني

بس في نفس الوقت...مش عايزة الأيام دي تفوت كدة مع نفسها و احنا مش عملنا حاجة

و في نفس الوقت كمان..... فيه كتير أوي من الناس اللي بيشوفوا الأي كلام اللي أنا بكتبه دة.. أنا بحبهم أوي "أكتر مما يتخيلوا" :) و نفسي أشوفهم جدا... و بما ان أمنيتي دي.. ممممم.... يمكن صعبة شويتين.... فأنا قررت قرار



قررت إني أخلي عندي أمل أشوفهم في الجنة بعد كدة "لو دخلناها يعني" :) فممكن تسمحولي؟

يعني ممكن كلنا نتفق على حاجة نعملها؟ و كل واحد مع نفسه وكل واحد في مكانه.... بس هنكون كلنا بنفكر في بعض، و تكون نيتنا اننا بنعمل عمل في أحلى 10 أيام طول السنة، و كمان نيتنا إننا عايزين نتقابل في الجنة عشان اشتركنا مع بعض في عملنا دة. ممكن بجد؟؟؟

يعني من الأعمال المستحبة جدا في الأيام هي الصيام... طب ما يللا نصوم الأيام كلها بالنيتين اللي اتفقنا عليهم؟!! و لا حتى كفاية اتنين و خميس بس

أو نتفق على طول ال10 أيام دول بس... يكون فيه صدقة يومية بنعملها. ممكن؟؟

و أعمال الخير ماااا أكثرها لو فكرنا نعدها، يعني أيتام و مسنين و إطعام فقراء و صدقة بأنواعها و زيارة مرضى و مساعدة حد"ان شاالله في مشروع تخرجه بس بنية صح" و سد حاجة محتاجين...... كتير أوي بجد، و مش هقولكم أنا لأن كل واحد في دماغه ألف عمل هو عارف ممكن يعمل فيهم ايه


عارفة إني بكتب باللغة العامية أوي زيادة عن اللزوم :) . بس دة لسببين

أولا: إني تعبانة من الشغل أوي حاليا بس قررت إني لازم أكتب لأن البلوج وحشني و لأن يوم الثلاثاء قرب

ثانيا: ممممم.... إني مش هعرف اتكلم جد لفترة طويلة، و هتقلب ضحك و هزار :) فخليني بالطريقة دي أحسن... و يارب يكون اللي أقصده وصل لأي حد..... : ( ان شاالله واحد بس)


مستحب في الأيام دي أوي التحميد و التكبير و التهليل كمان :)

Friday, December 7, 2007

Idioms& Sayings

I like collecting idioms, sayings, and quotations of famous people. These are three idioms I like a lot.

Most people believe in that idiom, but actually.... I don't!!

"Out of sight, out of mind"

I feel that whenever the one you love is far away, I'll miss him\her and wish to see him more and more than ever, and he would always be on my mind more than anything else. And even when he comes after a looooong time of being far away, I guess my love would be even more and more than the past!

The following idiom or saying .....mmm.... I smile whenever I hear it. however... I believe it's "kind of" true in this life. :D

That's the idiom :) :

"The more I know people, the more I love my Dog!!!"
Am I that wrong?!!

The coming one.... I totally agree with. Nothing is better than being simple in everything. That it :) :


"Simplicity is indeed often the sign of truth and a criterion of real beauty"



And at last.... "When it's dark enough, you can clearly see the stars". I looove this saying.

Monday, December 3, 2007

Sunset in Alexandria


A picture I have taken with my mobile for the sunset in my last visit to Alex. (last Eid).

I liked it mostly because of the "rays of the sun" penetrating and going through the clouds :)
For sure it was much much more beautiful in reality.
"hope u like it anyway".
What do you feel when you see the sunset?!!

Thursday, November 29, 2007


كنت قد قررت ألا أكتب ما يحزنني مرة أخرى

لست أخفي مشاعري... لكني قررت أن تظل صامتة معي لبعض الوقت، لا تكون سببا في حزن من حولي

لكن...... لا أستطيع!!! مازلت مترددة.. أكتب؟ لا أكتب؟


أصرخ بأعلى صوتي؟ أم تظل همومي و ما يحزنني أسيرا بداخلي لبعض الوقت لعلي أجد له حلا؟!!! بالفعل لا أعرف، و لا أجدني قادرة على الحديث.

قررت ألا أتحدث. و تذكرت أنها مجرد مشاعر مختلطة.. لا أستطيع تمييزها!! و هذا بلا شك هو السبب فيما أنا فيه

قررت أني سأستطيع تخطي كل شيء وحدي

ثم فجأة و بلا مقدمات...

وجدت نفسي أتصل بحبيبتي و التي دائما بجانبي .. أعز صديقاتي....... إلا أني فوجئت بأني لا أعلم سبب اتصالي!! تحدثت إليها و أنا في الشارع. لا أدري لماذا! و لم أخطط لما سأقول!! فاجأتني عيناي بأنها لا تستطيع الصمود أكثر من ذلك.. وجدتني أبكي "في وسط الشارع" فور ما سمعت صوت صديقتي

مع ذلك :) لم أتحدث و لم أقل شيئا، إلا أنني قلت لها "محتاجالك أوي. مش عارفة بعد ربنا المفروض ألجأ لمين؟!!!" . ثم أنهيت المكالمة بأني لا أدري ما سبب اتصالي!!! فلساني يرفض التحدث الآن

ءأكتب؟؟؟؟ أم لا أكتب؟!!!!!! صدقا لا أعرف الرد

Monday, November 26, 2007

Wish I Were a ButterFly



Wish I were a butterfly...

So Soft& light

Wish I were a butterfly, always live in the sunlight

Living in harmony& delight

Roses& sweet lilacs are always at her sight

Her Life is full of freedom,

&her world is full of beauty

Wish I were a butterfly...

Move from place to place

Her limits are the endless space

Her world is so green& rosey

Always free to rest& mosey

Wish I were a butterfly, so young& free

To be smart& light

People would always miss me..

When I get out of sight..

Coz... I'm a little butterfly who never wants to annoy anyone.. or be a heavy burden ever

Wish..I were a butterfly...

Beauty is all around her

Seem to sing the most beautiful songs to the world

Declaring freedom, purity, and innocence

Wish I were a butterfly...

Move freely from one flower to the other

Never fear the shadows of power

Released away from all tyranny& corruption

Oh Sweet Peaceful Life.... How much I miss you!!

Thursday, November 22, 2007

The Greatest Love


هي قصة

قصة حب نعم... لكنها من نوع آخر

قصة شاب و فتاة
جمعهما الحب لسنوات.
كان حبها له منذ النظرة الأولى بالفعل

ما أرقه هذا الحب!! لم تستطع أن تمنع عينيها من الافصاح عما بداخلها

هو أيضا... كان حبه لها يحسده عليها كل بني جنسها

حافظ عليها كثير
ا
و رسما معا العديد من اللوحات الوردية
تشاركا في الكثير و الكثير من الأحلام
تقاسما معا أحلى الذكريات
و جمعتهما الوعود

لسنوات و سنوات...
كان يخبرها بحبه

فتجيبه بأن حبها له أكثر من ذلك بكثير

كان حبهما مثالا لقمّة الرقة و النقاء

مثالا يحتذي به أحب و أطهر العشاق


و في يوم....

قرر الشاب أن يمسك يد الفتاة

فكما ارتبطت قلوبهما... رأى أن ترتبط أيديهما معا

ترددت الفتاة كثيرا... لكنها رضخت في النهاية

تحت اسم أحلى حب

شعروا بأن أعين الناس جميعا تحيطهم حين تتلامس أيديهما

لكنهم مع ذلك... لم يدركوا معنى تلك النظرات

ظنا منهم أن حبهما مازال غاية يبتغيها العشاق

غاية في النقاء و البراءة

و واصلا رحلة الحب معا

فيخبرها بحبه

و تخبره بحبها الأكبر

حبها له .. هو و فقط هو

و أيديهما دائما متشابكة معا
.......................................
و فجأة

أخبرها الشاب بحبه الشديد يوما

و لكن الصمت الشديد كان ردها

فأعاد اعلانه بالحب

الا أن الدموع كانت الرد الوحيد لاعلانه

..........

ساد الصمت بينهما لفترة..حتى تحدث الشاب المحب
هو : أما عدت تحبيني؟
هي: بلى. أحبك، و بشدة
........

و لكن ... أحب خالقي أكثر
هو: كلنا نحبه!! ماذا تقصدين؟
لماذا تربطين عشقنا بحبك لربك؟ ما العلاقة؟
هي: لم تعد قصة حبنا شديدة البراءة كما كانت

انتهت أسطورة قمة البراءة التي بنيناها معا

من أجل حبي لك

و من أجل حبي الأكبر و الأغلى

لا بد ... أن نفترق
أتألمه كثيرا... هذا الفراق المقدور لنا

أشعر بوخزه من قبل أن يحدث... و لكن
حبي لربي هو الأغلى
حبيبي... لا بد أن نفترق
حبيبي... إن لم نلتق في هذه الدنيا... و نستكمل أجمل قصص العشق التي كانت في هذا الكون

فلقاؤنا في الآخرة... ليجمعنا الله بعدما تفرقنا من أجل رضاه

لا تقبل لي أن أستمر في الزلات .. و يزداد الأمر مرة تلو الأخرى
لا بد.... من أجل حبنا الأكبر
أن يكون القرار هو الفراق


و انتهت قصة العشاق... قصة أغلى و أسمى أنواع الحب
أدركت الفتاة أن حبها الأكبر هو لربها وليس لمخلوق آخر أيا كان
أدركت أن تشابك أيديهما هي وحبيبها لن تكون أبدا نهاية الخطأ... بل هي البداية فقط، و سيليها العديد من الخطوات الأخرى
أدركت أن الحب بينهما في طريقه لأن يتحول إلى مسمى آخر غير الحب.... و هي وحبيبها لم يشاؤوا أن يتلوث ذلك الحب العظيم بينهما
أدركا أن الله يعلم ما يشعر به كل منهما... و فضلا الحياة مع الله عن أي حياة أخرى
نعم... مؤلم هو ذلك الفراق كثيرا.... و لكن له ثواب عظيم ... و سيشعران بمحبة الله لهما من أجل ما فعلوه. و بالتأكيد... سيعوضهما الله بأفضل مما كانا يتخيلان

Monday, November 19, 2007

Innocence...


تحاول العيش في براءة....... في عالم انعدمت فيه البراءة


فهل تستطيع؟؟؟
ملحوظة ملهاش علاقة بأي حاجة: بس حبيت أكتبها قبل ما الشهر دة ينتهي :) ... دايما أخويا الصغير كان بيقول
October winds & November Sky
و أنا كنت بستغرب أوي و أقولله اشمعنى يعني الشهرين دول متخصصين باللي انت بتقوله!! بس الحقيقة اني اكتشفت ان عنده حق و أنا الغلطانة :) . حاليا شهر نوفمبر.. بس بصوا على السما في أي وقت وهتشوفوا جمالها الفظييييع، لو وقت الشروق أو الغروب هتتمتعوا بأحلى الألوان، و لو في أي وقت تاني... بس بصوا عليها وهتفهموني
كل ما تشوفوا جمال السما قولوا سبحان الله على بديع خلقه..... و افتكروني :) وادعولي

Thursday, November 15, 2007

How Many OpPuRTuNitieS have you Seized In Your LiFe?


أغنية بحبها أوي... عارفة انها قديمة شويتين :) بس برده لسة بحبها
و حبيت أكتبها -رغم انكم ممكن أوي أوي تكونوا عارفينها- بس عايزاكم تركزوا في كلامها المرة دي.عشان بجد معناها جمييييييييييييييييييل أوي


الفرصة بنت جميلة .. راكبة عجلة ببدّ ال

شعرها بيطير أدامها.. بيداري علينا جمالها

و العاقل لو يلحقها

يتبدل بيه الحال

الفرصة :)

لو ننده مابتسمعشي
أصلها بتسد ودانها

لو راحت مبترجعشي
دي شقية و ليها دلالها
.......................
حلمك لو يوم يلمسها
تدّ يك أكتر ما بتحلم

الفرصة بتعرف ناسها
و اللي بتفوته بيندم
......................
لو واقف وسط كتير
ممكن تختارك انت

مهما تطول المشاوير
فآخرها هتوصل انت

و العاقل لو يلحقها
يتبدل بيه الحال
دي الفرصة

الدنيا كلها مليانة فرص. بس فعلا الفرصة مش هتستناك، و لا هينفع تناديها و هي تجيلك... لازم انت اللي تروح تدور عليها، و تاخدها بسرعة

انتهز الفرصة في مجالات الدينا كلها

انتهز فرصة انك حاسس أوي بالحب في اللحظة دي.. و اعلن حبك
انتهز فرصة أي ثواب... اوعى تتأخر و تاخد وقت في التفكير! لأن ساعتها هتلاقي "ألف" شخص غيرك ممكن يسبقوك و يفوزوا بالثواب

انتهز فرصة انك حاسس أوي بعطف أمك و خوف أبوك عليك، و انحني بوس إيديهم و فرح قلوبهم

انتهز فرصة شعورك بالألم الشديد أو الظلم... و قرب من ربك أوي و ادعي بكل قلبك و خلص نفسك من قسوة قلبك و جفاف عينيك أدام ربك

و في النهاية... انتهز فرصة إنك لسة عايش في الدنيا دي، و خلي ليك بصمة و فعل مشرف و إيجابي في حياتك... و افتكر اننا موجودين "هنا" في الدنيا.. لفترة مؤقتة و بعد كدة هتكون حياتنا خالدة... يا في مكان جميل أوي :) ، يا.... انتو عارفين بأة

Saturday, November 10, 2007

Again... I NeeD Help!!!


بما أني مجرد مدونة... بل أيضا مازلت في بداية تجربة التدوين نسبيا... و معظم من سيقرأ هذا الحديث لا يعرفني شخصيا -و لن يعرفني في الغالب :) - فقد قررت أن أتحدث بحرية تامة... أكثر من أي وقت مضى
قررت أن أسألكم .... ماذا أفعل؟!! فأنتم بالفعل لي نعم الأصدقاء... ربما لأني لا أعرفكم في الحقيقة و ربما ذلك سيتغير إن رأينا بعضنا البعض..... لكني مازلت متأكدة أني أحبكم كثيرا.. و أثق في كلامكم بالتأكيد

هل تتخيل أن تذهب لفنان ، و تخبره بأن رسمه رديء جدا؟! ماذا تعتقد سيكون رد فعله؟
أو تذهب إلى مطرب في بداية مشواره الفني و هو شديد الحماسة و متأكد من جمال صوته... فتذهب إليه.. و تخبره بأن صوت الضفادع...ممم.. ربما يشبه صوته، إن لم يكن أفضل
أو أن تقل لانسان شديد الحساسية أنه قد جرح مشاعرك بشدة و أنك لن تغفرها له.... ماذا تعتقد سيكون شعورهم في تلك اللحظة؟!! بماذا سيشعرون؟

أهو مجرد" رأي و السلام"، و هيروح لحاله؟
أم أنها مجرد "شكة دبوس"... سيتذكرها نعم... و لكنها لن تؤثر فيه للدرجة؟
أم أنهم سيدركون أنهم قد طعنوا بأحدّ الأسهم الموجودة في هذا العالم... لن تطويها صفحة النسيان إلى الأبد

هذا في الحقيقة ما شعرت به... عندما وجدتني... و فجأة..... غير قادرة على العمل بتخصصي.... تخصصي الذي أحببته بشدة طوال حياتي، و حلمت به... و لم أصدق نفسي عندما شعرت أني قد أدركت حلمي في العمل كما تمنيت... أو على الأقل اقتربت كثيرا من ذلك

لا أعرف ماذا حدث بالضبط... و للأسف الشديد، في الحقيقة لا أدرك لماذا حدث هذا كله؟

و لكن ما أستطيع قوله هو أن بالتأكيد كان لموقف سبقه ببضع شهور قليلة تأثير عميق عليّ
للأسف الشديد أفقدني الكثير من ثقتي بنفسي... و لا أعرف لماذا
أعلم أن هذا خطئي أنا في النهاية... و الله أعلم ذلك حقا
و لكني لا أقوى على الصمود الآن. أجدني في بحر هائج لا يستقر... أحب السباحة... أجيدها جدا........ لكني لا أستطيع الصمود الآن أمام أمواج هذا البحر الثائر
صدمتني هذه الموجة منذ بضعة شهور و أضعفتني كثيرا... لكني لم أتخيل أن يستمر ضعفي إلى هذا الحد
تختلط دموعي بمياه البحر.. فلا يراها أحد
أستغيث و لكن.... في الحقيقة لا أحد يفهمني
ربما يسمعون أصداء كلام
و لكنهم لا يميزون ما يقال
أشعر بالضعف الشدييييييييد جدا... و هو مستمر حتى الآن
لا أقوى على الاستمرار
أحب السكون و التفكير وحدي بلا صديق
ثم اللجوء إليهم عندما أجد التفسير لما أشعر و أشاركهم فيه
لكني لا أصل إلى شيء

لا وحدي و لا معهم

فكرت في اللجوء إلى أحب الملاجئ إليّ
إلى البلوج العزيز
ربما.... ربما أجد حلا لما أعانيه هنا

الحمدلله هناك الكثير من الناس حولي :) لا تعتقدوا أني أعاني من الوحدة مثلا. لا و الله... لكن ... لا أعرف. لا أملك القدرة على الحديث عن آلامي مرة أخرى... مللت ذلك. و لا أريد أن أزعج أحدا معي

و لكن... في نفس الوقت أتمنى أن يتحملني من لا يعرفونني و يساعدوني إذا استطاعوا
لهذا السبب "فقط" ألجأ إليكم اليوم.. (يارب أكون خفيفة عليكم )
بداخلي الكثير و الكثير أكثر من هذا الكلام الغير مرتب. و لكني في الحقيقة "مازلت" أشعر أن لا أحد سيتفهم ما أقصده. فسأكتفي بذلك

و بيني و بينكم "كفاية كآبة" :) كفاية اويييي يعني
و الله بحاول أخرج من اللي بيحصل دة بس مش عارفة. و عارفة كمان ان انا اللي غلطانة و المفروض أكون أقوى من كدة.. و ايه يعني حد قاللي حاجة في يوم من الأيام و لا مرة مش عرفت أعمل اللي عليّ صح!! بس برده لسة تعبانة أوي. و مش قادرة آكل أبدا و لا أفكر .. و لا أييي حاجة
كمان حاجة :$ للأسف عارفاها... إن ممكن الناس تتعب مني و تفكر إنه.. كفاية بأة. هو ليه كدة ؟! احنا ناقصين؟!!! بس.... يعني.. لعلي أجد من يستطيع مساعدتي هنا... و مش أخنقكم

:) الحمد لله على كل حاجة

يارب لك الحمد حمدا كثيرا طيبا مباركا فيه

Saturday, November 3, 2007

لحظة تخاريف



أول ما بدأت أفكر في اني أعمل مدونة... مكنتش مفكرة في أيييي حاجة غير اني هكتب و بس. مش عارفة هكتب ايه و لا لمين!! بس المهم إني هكتب

ممكن أقول اني كنت بادئة أكتب لأني كان جوايا كلام كتيييييييييييييييييييير عايزة أخرجه من جوايا.. و ممكن أوي يكون الكلام دة لنفسي أصلا! أو بمعنى تاني... مجرد أحاسيس و أفكار جوايا.. تعبت من الكلام أوي، و في نفس الوقت وصلت لمرحلة اني مش عارفة اتكلم اصلا خااالص :( و لا حتى لأعز أصحابي... بس حسيت إني عايزة أعبر... بس بطريقة تانية غير الكلام، و غير الدموع


فكرت في البلوج دة و كتبت فيه من غير ما أقول عليه لحد غير أنتيمتي... بعدها بفترة بدأت أقول للقريبين مني. كنت منبهرة بأكتر من بلوج تانيين بس كنت مش بعلق أو ساعات قليلة بعلق ك"مجهول" لأني كنت حاسة اني مش بكتب حاجة تهم أي حد في الدنيا، و لأني مش شايفة نفسي شاعرة و لا أديبة :) "طبعا يعني" . بس مجرد بنت و بتكتب اللي جواها... اللي مضايقها واللي مفرحها

بعد كدة لقيت نفسي بقيت بحب المكان دة أوي :) . جزء مهم من حياتي، و بكون في قمة سعادتي و راحتي و أنا بكتب فيه أو بشوف البلوجز اللي بحبها. و بحب أفتح البلوج و أقعد أحكيله..... يمكن عشان كدة معظم كلامي يضايق "للأسف يعني"!! بس دي طبيعة الحياة.. دايما مش ماشية على طريق واحد، و بالنسبة لي أنا بقالي فترة و أنا مش أنا. . . بحاول أرجع لنفسي بس مش لاقياني!! بحاول أفتكرني بس واضح اني اختفيت من الذاكرة!!! أتمنى ان اختفائي دة يكون من ذاكرتي أنا وبس، مش من ذاكرة العالم كله


طبعا وااااضح جدا.. إني حاليا بخرف جامد و بكتب كلام ملوش لزمة. بس أنا حاسة إني عايزة أكتب و بس. عايزة أكتب إني بجد تعبت أوي، الحمدلله و راضية جدا بكل حاجة الحمدلله. بس مش عارفة فيه ايه اصلا!! :) مش هزعل لو مفيش حد علق على الكلام دة، لأني معاكم انه كلام "لا يستحق التعليق". بس أنا بس حاسة اني عايزة اتكلم شوية... و في نفس الوقت.... زهقت جدا من الكلام


كنت عاملة البلوج و أنا "شبه متأكدة" إن مفيش حد هيكتبلي.. و بصراحة شديدة..... كنت مش متضايقة أوي من كدة لأني بحقق هدفي في الكتابة شخصيا.

يمكن ناس هتفكر إنه لأ. أكيد التعليقات هتكون أهم حاجة ليهم. دة صحيح مش هنكر.. بس دة يمكن عشان يعلقوا على أسلوبهم أو مواضيعهم اللي بيناقشوها

دي كانت بداية تفكيري إن التعليقات مش فارقة خالص... بس بعد كدة لقيت ان حد يعلق على اللي أنا بكتبه، و يشاركني همومي و أفكاري... و يحاول يشجعني لو حسيت إني وقعت جامد... دي أكيد حاجة من أحلى الحاجات في الدنيا كللللها

ناس مش عارفاهم في الحقيقة :) . يعني... مجرد شخصيات على ورق، بس الحقيقة إن كتير منهم أثروا في حياتي و تفكيري بجد. بقيت حاسة إني مش قادرة أستغنى عن البلوج دة.... اللي هو "عالمي التاني" اللي ممكن أقول انه غير واقعي إلى حد ما... ايوة مش واقعي

بس مجرد إني أحس ان ناس ولا أعرفهم ولا يعرفوني بس بيحاولوا يساعدوني... و بيعلقوا على كلامي المتواضع جدا اللي مرة كل 10 مرات ممكن يفيد حد "للأسف طبعا" :)
و إني أحس اني أنا و شباب من بلدي بنشترك في التعبير عن رأينا، و لو في الحاجات الصغيرة دي.... دة بجد حاجة فرقت معايا جدا. و بجد بجد..... مش عارفة لو ماكانش عندي عالمي التاني دة كنت هعمل ايه!!! أكيد الانترنت و البلوجز ممكن يولدوا "الوحدة و الانطوائية" من ناحية تانية. بس ان شاء الله أنا واخدة بالي من النقطة دي و مش هوصلها بإذن الله

حاسة أوي إني مش بقول حاجة فعلا حاليا... و سامعة كمان ناس ممكن تكون بتقول "إيه دة؟! مالها دي؟!!" دلوقتي :) . بس أنا فعلا بكتب اللي جوايا حاليا. و يمكن المرة دي من أكتر المرات اللي خرفت فيها و كتبت كلام عمره ما يهم أي حد غيري... و عشان كدة ان شاء الله همسحه بعد فترة :)

بس هو بس احساس إني كتبت اللي جوايا عشان أبقى أحسن. لأني بجد مش حاسة إني كويسة أوي.

سامحوووووني على التخريف ياأصحابي و اخواتي المدونين القليلييييين أوي... بس اللي بجد فخورة جدا بيهم و بحبهم أوي و مش محتاجة أكتر من كدة حتى :)

إن شاء الله مش هخرف أوي كدة تاني و هبقى أكتب كويس ان شاء الله

يارب مش تزهقوا مني ...... يا عالمي الخيالي و يا اصحابي اللي عمري ما هشوفهم "غالبا" :) إلا لو حصل صدفة غريبة عجيبة مع أي حد فيكم

شكرا ليكم أوي... بجد مش عارفين كل واحد فيكم ايه بالنسبة لي. جزاكم الله عني خيرا. يارب كلكم تبقوا كويسين أوي و مبسوطين ان شاء الله

وسلامي إلى الأهل و الأصدقاء و ماما و تيتا و عمو عباس و خالتو...... :) و السلام عليكم و رحمة الله


ملحوظة: واضح إني في حالة من التهييس، و لكن .. لا تقلقوا. همسحه قريب ان شاء الله

ملحوظة تانية: :) أنا بكتب الكلام دة على اساس ان ممكن حد يستحمل و يواصل قراءة البوست لحد هنا أساسا!!! سامحوني تاني... مش هعمل كدة تاني...... و ادعوووولي ، بس دعاء غير "ربنا يشفي" عشان خاطري

Wednesday, October 31, 2007

ذكاء امرأة

من المهم جدا اختيار الكلمات المناسبة و الأسلوب المناسب للحديث، لكن الأهم.. هو اختيار "الوقت المناسب" لذلك الحديث

و هذا موقف علمت به فأحببت أن أكتب عنه.. لأنه أعجبني بشدة
ففي يوم و تلك الأسرة عائدة إلى منزلها... بعد قضائهم لليلة سعيدة حيث قاموا بزيارة العديد من الأقارب، دار هذا الحوار

الابنة: لماذا لا تكون أيامنا كلها عيدا ؟! أتمنى أن يدوم العيد طوال العام.. أو على الأقل يستمر لبضع أيام أكثر

الأم: أما أنا.. فأتمنى أن تعود بعض الأيام إلى الوراء لأصلي مرة أخرى "التهجد" في المسجد

الأب(و قد بدت عليه علامات الدهشة و الاستفزاز): لماذا التهجد في المسجد بالتحديد؟! صلاة المرأة أفضل ببيتها. ألا تعلمين ذلك؟! يمكنك قيام الليل كله إذا أردت ذلك، فلست بحاجة إلى المسجد في شيء

الأم: نعم... إحساس أنك تصلي في جوف الليل هو إحساس رائع.. قمة في الرقي و الرفعة تشعر به نفوسنا بالطبع........ لكني أشتاق لأن أسمع صوت الامام.. أو أن أصلي خلف أحدهم و أسمع القرآن يتلى من غيري.. فتكون "جماعة"... و لكن في جوف الليل..... يااااه! ياله من احساس و مذاق.. أتمنى أن أشعر به مرة أخرى قريبا. أن أصلي مع الناس في جوف الليل ..في أحلى وقت في حياة الانسان


و تمر ساعات الليل الثقيلة، و يسدل الظلام ستائره على الكون كله... ليخترق سكون هذا الليل الغامض صوت قرآن..... في جوف الليل.. إنه صوت رجل

نعم!! إنه هذا الرجل.... ، و خلفه تصلي زوجته ... سعيدة بتحقيق أمنيتها :) لقد استطاعت أن تغرس نبتة صالحة في منزلها.. بكلمات بسيطة، و أمنية عابرة.. و لكن... قيلت في وقتها المناسب

Monday, October 29, 2007

Ship in the Sea of MeMories


Memories...

How much do u remember of these past memories?!
Let's just forget about sad memories :( . I know they are a loooooot always. But let's try to look at the other bright side.. just try! I promise you won't regret it.......
How many nice memories do you remember?!

Just squeeze your mind.. You'll find more. just do it! Right now, remember :)

Ok. I'll try to help...just a try. ok?

Do you remember the first time you achieved one of ur dreams?
Do you remember the first friend you had when you were young? How old were you at that time?

Do you remember your childhood friends?

Do you remember the craziest adventure you had? Where did you go& how did it end?

Do you have a friend whom you had since you were a child, and is your dear friend till now? If you sent him a message now, what would you tell him?

Remember your best memories with him\ her?

Do you remember when all your friends gathered and made you a surprise party?!
Do you remember your reaction at that time? :)

Did you scream?! did you jump out of joy& surprise? or.. did you just laugh loud?
You stood stunned& speechless... out of surprise, may be?!

Do you remember the first time you went out on a "real" outing with your friends?
Just after you've all finished your preparatory exams... and decided to go out without returning to your home for a rest. Do you remember that day? How much fun did you feel?!

Do you remember the first time you felt so freeeeeee ?
While you were riding your horse fast... or may be on your Safari trip :)?

Do you remember the silentest moment when you felt your in most tranquility& peace?

Do you remember when you had a moment of HILLARIOUS laughing when you couldn't stop yourself from laughing however your friends tried?

Do you remember the craziest day in your life? When was that?

Do you remember the BEST day you've ever had in your life?

Do you remember the first time you felt yourself falling in love?! May be it was in your babish childhood time, but... do you remember the stupid things you did to get your lover's attention?

Do you remember the first time you've felt a "real" big hug from your dearest friend? Do you remember your feelings that day?

Do you remember the first time you spoke in public in front of many people... and succeeded in your discussion?

Do you remember your graduation day "the one with your friends at least"?

Do you remember the best Birthday party you've ever had?

What about the best gift ;) ?

What about the best memory?!!!!

Do you remember..... lots of memories that would never be fogotten. Yes, there are "LOTS" of sad memories as well... but just remember these in the meantime. Can you? :)

Did I succeed to draw a smile on your face?!!!!!
Really hope so.

Enjoy your life memories.. and even if they were sad ones, However ther are sad... just try to remember them and smile :)

With My Best Wishes to Everyone... Have a better future :)

Monday, October 22, 2007

I've Been Tagged!!



أولا: لازم أقدم اعتذاري الحار و الشديد جدا لأني اتأخرت في الرد."خصوصا لمن أرسل لي هذا التاج الجميل" ولو"... شكرا جدا و آسفة جدا". بس اهه :) محدش يزعل مني

ثانيا : ممممم... أتمنى انكم كدة تعرفوني أكتر، زي الاتنين اللي بيتعرفوا فوق دول :) " و يااااارب محدش يكرهني ". بسم الله الله أكبر... انطلق


كنت طالب شاطر في المدرسة؟

الحمد لله كنت طول عمري شاطرة، بس طبعا أولى ثانوي لأ. : ) لأنها ملهاش لزمة. و بعد كدة ثالثة ثانوي كنت في شلة الضياع، و لم ينقذني إلا مجموع ثانية ثانوي بصراحة شديدة.
بس عمري ما كنت بفكر إني لازم أكون شاطرة و لا أذاكر كتير... الحمد لله الموضوع ماكانش في دماغي أوي و لا كنت بهتم بالمذاكرة زيادة.
حتى يوم نتيجة تانية ثانوي اللي عمري ما هنساه في حياتي... ما كنتش قلقانة و لا حاجة خالص و لا حاطة في دماغي ان النتيجة هتظهر في اليوم دة. لقيت ماما بتصحيني و تقوللي "اصحي بسرعة!! انت جبتي 97%". طبعا كان رد الفعل المتوقع من واحدة لسة صاحية من النوم.. ان أنا ضحكتلها أوي و قلتلها "لأطبعا". و بعد كدة .......شششش. ساد الصمت في الغرفة.... : ) لأني نمت و سبتها

ايه كانت أحب مادة ليك في المدرسة و الكلية؟
أكتر مواد طول عمري بحبها من صغري هي اللغات، و زاد عشقي ليها مع دخولي الكلية لأننا كمان درسنا أصول اللغة الانجليزية كويس و اللغات التانية اللي هي اتأثرت بيها و الكلمات المتاخدة من هنا و هناك... كدة يعني. بجد تعلم اللغات دة من أحلى الحاجات اللي عملتها في حياتي و فخورة بيها جداااا.
و بتجنن لما نسافر الغردقة و لا أي حتة و أكلم الأجانب.. حتى حاجة بتثبلهم ان احنا شعب متحضر و بيعرف يتعامل. لازم نغير نظرة بعضهم الرجعية لينا.

كمان بحب أوي التاريخ "بس الجغرافيا لأ"، و الفلسفة مش عارفة ليه!! بس بحبها جدا.يعني ..ممكن أقول ان كل المواد كانت ظريفة إلا الرياضيات و الفيزياء
في الكلية كانت مادتي المفضلة هي Culture, Drama, and Conversation.


أكره مادة ليك في المدرسة و الكلية؟

ما قولنا الفيزياء. بلاش إحراج بأة. : ) أساسا أنا بطيخة في الفيزياء دي. و كنت بحس بالغباء الفظييييع و أخويا بيحاول يشرحلي و أنا مش فاهمة و لا كلمة!

كنت عايز تطلع ايه و انت صغير؟

ممم...هو الحقيقة إني طول عمري كنت شخصية حالمة جدا، بجد زيادة أوي : ) و كل أصحابي كانوا بيحسوا اني خيالية جامد. بس أنا كنت بحب كدة، و الحمد لله ربنا رزقني بأني حققت كتير من طموحي و أحلامي.
بس عموما كنت بحلم أطلع ايه و انا صغيرة؟!
... هحاول أقول شوية منهم :)


أول حاجة كنت بحلم أكونها لما أكبر.. و يمكن دي استمرت معايا لسنين كتير أوي، هي اني ابقى مضيفة جوية "بس مش في مصر للطيران عشان مكنتش بحبهم خالص : )"

و أغرب حاجة اتمنيتها هي إني ابقى
Waitress
جرسون يعني : ) . و مكسوفة شوية و أنا بقول كدة بصراحة!! بس بجد دة كان من أحلامي لدرجة إني كنت بسعد جدا لما نروح ناكل في أي مطعم و أفضل أراقب اللي بيشتغلوا هناك بيتكلموا و يتحركوا ازاي، و بيشيلوا الأطباق الكتييييير من غير ما تقع ازاي : ) . و كنت بتضايق جدا لما ألاقي جرسون بيشتغل\ بتشتغل من غير ما يبتسموا، و كتير كنت بقولهم إن كدة وحش أوي : (

والله دة و أنا في فترة ابتدائي و أولى اعدادي يمكن (بعد كدة مش بقيت أقول "كدة وحش" : ) ).

كمان كان نفسي أكون مدرسة عشان بحس إني كويسة في المجال دة. دة من الأحلام السهلة اللي اتحققت لبعض الوقت الحمدلله.

و من أحلامي اللي استمرت معايا كمان كتير أوي اني أكون صحفية ناجحة جدا أو مراسلة في بلد بحبه... و دة الحقيقة يمكن لسة بحلم بيه شوية. بس مش عارفة طريق تحقيقه!


اسم مدونتك؟

Whispers :)

Is the name of my beloved blog
My other beautiful unreal world



لماذا اخترته؟ و ما هي نيتك من اختياره؟

هو المفروض كان يكون اسمه
Whispers lost in space
بس خليتها كلمة واحدة كفاية. و اسمها كدة لأني فكرت في البلوج بس عشان أقول اللي جوايا كله. و اللي جوايا عمره ما بييجي مترتب.. عبارة عن أحاسيس و أفكار و أحلام... كلها ملخبطة و مبعثرة.. يعني...

حسيت إن اللي أنا عايزة أقوله هو مش حاجة معينة. هو بس أي حاجة بفكر فيها. زي لما تمسك لعبة الصابون بتاعة الأطفال و تنفخ فيها جااامد... بتلاقي فقاقيع الصابون طارت في كل مكان... هو دة اللي جوايا، اللي عملت البلوج عشانه في الحقيقة. عشان كدة هي
Whispers... flying&lost in the endless space


هل فكرت في اغلاق مدونتك؟ و السبب

لأ خالص



صورتك في المدونة... رمزيتها
هي الصورة الوحيدة اللي على البلوج حاليا هي صورة حصان. بحب الصورة دي جدا.. و بيعجبني فيها ان كل واحد بيشوفها بيحس احساس غير التاني خالص.

أنا شخصيا اختياري ليها كان لأني ب... لأ هي كلمة اكتر من "بعشق" الخيل بكتير. و مش عارفة ليه لما شفتها حسيت بالحرية المطلقة. حاسة ان الحصان دة طاير لوحده، و معاه ضوء القمر ماشي معاه في رحلته دي. الحقيقة انه مش حصان واحد، هم كتير أوي بس دة اللي سارح لوحده "في ملكوت تاني "يمكن

كمان معظم الصور اللي بتكون ظل لشكل معين بتعجبني أوي


لماذا دخلت عالم التدوين من الأساس؟
الموضوع كبير.. و حاسة اني اتكلمت كتير أوي. البوست الجاي ان شاء الله هيكون ردي :) على السؤال الصعب دة


أحلى جملة قيلت لك في وصف مدونتك؟

السؤال عن وصف "المدونة" مش بوست معين. أكيد بحب كل اللي كتبولي، بس لو بنقول على اكتر تعليقك حبيته و أثر في "عن المدونة عموما مش بوست".. يبقى : " فيه ساعات باقرا بوست عند حد اعرفه من فتره ويعجبني اوي واحمد ربناواحس بالسعاده اني عرفت الحد ده بس سازعل قوي لما اقرا بوست عند حد باقراله لاول مره ويعجبني لدرجه اني باندم على اني مش عرفته قبل كده البلوج بتاعك من النوع التاني"... و يااااارب أرجع كدة زي ماكنت وقت البوست دة تاني عشان أكون مفيدة


التعليقات بالنسبة لك. أهميتها

أكيد التعليقات فرقت معايا جدا جدا. و بقيت حاسة اني لي عالمي التاني اللي ممكن ألجأله أي وقت اكون محتاجاه. و بجد بحب اوي معظم اللي بيعلقولي على أي حاجة. و كفاية جدااا عليّ اني الاقي حد مهتم باللي بكتبه وممكن يشاركني فيه :)


كمان هي حاجة تسعد اوي اننا نحس اننا عندنا القدرة عشان نعبر عن رأينا من غير خوف و لا قلق. و بجد يكفيني فخرا اني أحس ان شباب بلدي لسة كويسين و بيعبروا عن رأيهم. و دة ممكن تشوفه في اي بلوج مصري تفتحه
عموما موضوع التعليقات دة هتكلم عنه اكتر مع بوست سبب المدونة دي


ما أحلى بوست كتبته؟ ضع اللينك ثم اذكر لماذا

ممم... مش عارفة!!
يمكن بحب
feelings!!

هو حزين اوي بس يمكن بحبه لأنه اول بوست حسيت اني نجحت اخرّج اللي جوايا فيه

بحب أوي "وعجلت اليك رب لترضى" و
Crazy Laughter

لأن ذكريات اليومين دول بحب افتكرهم جداااا :)


أحلى مدونة قرأتها

صعب أوي يكون فيه أحلى مدونة قرأتها!! بس ممكن أقول بعض المدونات اللي بحبها.. بس كدة طبيعي هكون مكتبتش مدونات تانية جميلة أوي.

1. قضية عم أحمد رفعت: بلوج بيعجبني في كل حاجة فعلا. وبحب أوي اختلاف المواضيع في البلوج بتاعه، يعني مش ماشي بنفس الشكل و الأسلوب على طول البلوج، و مواضيع المناقشة بتاعته بتتغير كل مرة، بس برده تشدك تقرأها جدا.

ميزة أخرى تميز هذا البلوج جدا في رأيي هو الرد على التعليقات. صاحب البلوج دة هو أحسن شخص عجبني في رده على تعليقات الناس التانية من حيث الاحترام و الدم الخفيف...


2. و لو: يمكن نفس الكلام في اني بحب أوي اختلاف المواضيع عنده. بس اللي بحسه لما أدخل البلوج دة هو غير اللي بحسه في أي بلوج تاني. بجد بحس إني في بيتي : ) مش بيتي يعني. بس أقصد إني بحس ان كلام البلوج قريب مني جدا جدا، و مش محتاج أي اضافات عشان تصدقه. بلوج صادق لدرجة لا تتخيلها

فعلا من البلوجز اللي بستريح أوي لما أفتحه، و بفرح جدا جدا لما ألاقي بوست جديد عليه
ميزة تانية كمان هو إن صاحب البلوج شخصية ابتكارية جدا، و كل شوية تلاقي منه حاجة غريبة و جديدة! بس جميلة : )


. فلسطينية الهوى: برده من أقرب البلوجز لقلبي. واحدة بتتكلم من قلبها بجد. بكلمات و أسلوب بسيط جدا. بس بلمسة ساحرة.


.همسة قلم: مش هعرف اتكلم عنها كتير بصراحة. بس اللي أقدر أقوله إن البلوج دة نوع تاني غير اللي فاتوا. أسلوب وصياغة رائعة. أسلوب أدبي متميز جدا. لما بدخله بحس إني بقرأ لشخصية تتمتع بمستوى آخر من التفكير غيري تماما . بس مازالت كتاباتها رائعة " في معظم الأحيان"

كتير بجد. بس طبيعي مش هعرف أقول كله لأن كل واحد مميز بحاجة. بس ممكن اللي كتبته بالترتيب يكون أكتر حاجات متابعاها جدا و قريبة من قلبي


حد قل أدبه في التعليق؟ عملت ايه؟

لأ الحمدلله. و مش متوقعة حد يعملها ان شاء الله . و لو حد عملها.... (صمت لفترة قصيرة، ثم يسمع المتفرجون صوت ضحكة شيطانية تتردد و تعلو و تعلو ) : )
بسيطة يعني مش موضوع. همسح التعليق. بس دة لو كان كلام وحش، لكن لو كان واحد مخالف في الرأي و خلاص، يبقى أكيد مفيش مشاكل. في الحالة دي يتفضل يكتب و كمان أعزمه على أكلة



إيه اللي هيحصل لايميلك لما تموت؟

على فكرة دة أكتر سؤال بيستفزني لما أقرأ أي تاج. و عشان كدة مش هرد عليه "غلاسة"


اديت الباسورد لحد قبل كدة؟

أييييون

ايه كانت علاقتك بيه؟

كدة حسيت إني في تحقيق بجد : ). بس عموما الباسوورد مع أعز صاحباتي "هبة"


اسمك؟

اسمي سهل أوي : ) و ممل أوي. أكتر الأسماء انتشارا في مصر. مكون من 3 حروف بس. لو شقلبت الاسم من الآخر للأول هيفضل برده زي ما هو : )

كويسة الفزورة دي؟!! اسمي كمان "هبة" زي صاحبتي


اسم الدلع المشهور بيه وسط أصحابك

لو وسط "أصحابي" يبقى اسمي "بندق" : ) لا تعليق بأة خلاص.



مجال دراستك؟
الحمد لله مجال دراستي هو اللغات. دخلت كلية الألسن اللي كنت بحلم بيها من و أنا عندي 12 سنة، و اتعلمت ايطالي زي ما كنت بحلم برده. و الفضل كله لربي أكيد "الحمدلله"


شخصيتك... نوعها ايه؟

شخصيتي... لو بنتكلم في الوقت الحالي يبقى هادية و بس.
لكن لو بنتكلم في لما أكون في حالتي الطبيعية "مش مجنونة متخافوش : )". يبقى غالبا هادية هو الانطباع الأول للناس عني "دة لو كان الانطباع دة في مكان عادي". لكن لو كان في رحلة أو فرح أو كدة... يبقى. مجنونة و مرحة و مطرقعة جدا. و دة غالبا في أي وقت تاني... بس برده دة مش في الوقت الحالي للأسف.

نفسي ألاقي نفسي تاني!! هوصل ان شاء الله.

ممكن كمان طفولية "شوية يعني" : ) مترددة، بحب الناس جدااا، و بحبهم بسرعة، بحس باللي حواليا أوي و يمكن بحاول مجرحش أي حد..حتى ساعات زيادة عن اللزوم. دي ميزة اني حساسة شوية كدة، بس كمان عيب كبير أوي و بحاول أخلص منه.



مودك ايه؟

MoooooooDY


بتعمل ايه في وقت فراغك؟

زمان كنت برسم أكتر، دلوقتي أكيد بكتب أكتر بكتير أوي. بحب القراءة أوي. بس أكيد مش أي وقت كدة.. لازم اكون في مود القراءة.

لو وقت فراغي و أنا متضايقة شوية يبقى بعزف على الأرج "ممكن لساعات و أنسى نفسي"، أو بقعد في أي حتة لوحدي و أحلى حاجة لو أمام منظر طبيعي واخد مساحة. يعني لو بنتكلم على داخل البيت يبقى أكيد أقعد في البلكونة و أسرح في الدنيا تحت. أو لو متضايقة بنزل بعد الفجر أسوق العربية و أشغل سامي يوسف عالي "شوية يعني" :) و أفضل ألف بالعربية في أي حتة (ودايما أبدأ الجولة بأغنية سامي يوسف
FREE )
أقولكم على سر... مع اني متعلمة سواقة من زمان : ) مش معايا رخصة لسة. محدش يبلغ عني بأة ; )

أو أكيد بعيش مع الانترنت في أي وقت فراغ، بس دي حاجة بحاول مقضيش فيها وقت كتير أد ما أقدر عشان ماما متزعلش

: )


الأكلة المفضلة؟
Le Chocolat
لو أكل بجد يبقى الأكل الايطالي عموما و البروكلي. بس الشوكولاتة هي عشقي الأول و الأخير


السفر بالنسبة لك؟
بحلم أسافر أماكن كتير أوي، و بحب جدا اتفرج على البحر و الجبال و الحاجات دي. بس في نفس الوقت مش بشتاق للسفر أبدا.. حلو وبحبه، بس ... مش عارفة


صفات أخدتها من بابا
حب الفقراء و البسطاء اويييي، و حب انك تتعامل مع كل الناس الموجودة في الشارع كأنك تعرفهم من زمان "خصوصا في الأماكن الفقيرة :) عشان الناس بتكون طيبة وصديقة أوي"
عدم القدرة على النوم لأيام كتييير لو فيه حاجة شاغلة تفكيري

صفات أخدتها من ماما
مراعاة مشاعر الناس اوي والحرص على عدم جرحهم زيادة
التعبير عن الرأي في اي مكان -سواء نقد او حاجة كويسة- بس أكيد من غير مضايقة حد. لسة مكتشفة قريبا جدا ان انا طالعة لماما أصلا في كدة :)
مهما حاولت أخبي مشاعري... كله بيبان علطوووول :) للأسف

و يارب يرزقنا الطيبة وحسن الخلق دايما



أكتر 6 حاجات بتكرهها
جرح الناس وعدم مراعاة مشاعرهم
الجدل.. لمجرد الجدل، مش للوصول لحل أو الاقناع

النفاق
التردد "مع انه موجود معايا دلوقتي "
أكيد بكره أي حد بيحارب ديني
و الفراااااق


أكتر 6 حاجات بتحبها
ممم... هي حاجة طفولية أوي. بس الحقيقة اني لما أشوفها،بحس اني في عالم تاني.
إني أشوف فقاقيع صابون كتييييير أوي طايرة في الهوا :) . ساعتها بحس اني رجعت طفلة تاني، و بسرح معاها لغاية ماتختفي في السما و أنا قلبي بينط من الفرحة :))) . عبيطة مش كدة؟
"ملحوظة: بحب أجيبها لبنت اختي و ألعب بيها انا "

إني أشوف طفل بيضحك.. ويكركر كمان :). ياخبرررر... بجد الأطفال ينسوا الدنيا كلها

أعمال خير وسط أصحابي، مش لوحدي.. بتكون طعم تاني

ساعات مش دايما... احساس اني قاعدة لوحدي في مكان بحبه

بكون مبسوطة أوي لما الاقي "شهامة" بين الناس


الشغل بالنسبة لك

أكيد مهم جدا عشان أحس اني بعمل حاجة بجد. نفسي أعرف أحقق نفسي في المجال اللي فيه دلوقتي... لأني حبيته جدا

ايه الكمبيوتر و النت بالنسبة لك؟
الكمبيوتر شخصيا... ولا حاجة خالص
النت... حاليا جزء مهم أوي من حياتي، مش حاسة اني ممكن أستغنى عنه
عالمي التاني

بس بحاول مش اقضي ساعات كتير في عالمي الجميل لأن فيه أولويات تانية



تمرر التاج لمييييين؟
RaMa,
BannouTa
&
SunShine

و يارب مكونش خنقت الناس معايا :)