Saturday, January 5, 2008

UnDer The Rain


There she stood..

Under the Rain

So alone and silent..
Was it the sweet lonesome?
Or was it out of pain?

All alone in the dark street
Her face was white as snow
Staring everywhere as if looking for something
Her golden hair flying with every blow
Wondering if time has come for a storm!

Oh Windy Freezing Day!!

Under the Rain

On her cheek, there was a tear
Was it a drop of rain?
Or was it out of fear?
Of such endless night
Of such lonely street

So wet& frozen..
Standing there..
That little girl
Whispering with a silent blare

Under the Rain
تحديث الأحد الساعة10.30 بالليل: لوأي حد فكريقرأ الكلام دة..بس بقول للكل "سامحوني". سامحوني لوكنت قلت أي حاجة غلط لأي حدفيكم، سامحوني لوكنت مقصرة في الردعليكم سواء بالتأخيرأو مش التعليق خالص ساعات في بلوجاتكم،سامحوني لوكنت نكدت عليكم شويتين تلاتة، بس والله مش كان قصدي خالص...وعشان نيتي في البلوج دة مش كانت أبداأبدا إني أضايق الناس وأسوّد الدنيا أكتر...فياريت تسامحوني آخر حاجة..وأهم حاجة...لأني بفكر مش أكتب تاني لفترة بسيطة:)...مش عارفة بصراحة هقدر ولا لأ!!يمكن كمان يومين أرجع ألاقيني هنا تاني لأني بحب المكان دة وبحب أكتر الناس فيه...بس..نقدر نقول إني ناوية مش أغلس على الخلق أكترمن كدة
البلوج كان فضفضة...أيوة..بس فيه وقت بتاخد الفضفضة معنى تاني..وتبقى غلسة أوي، وأنا مش كدة،ومش عايزة أكون كدة
قرارأخدته وواثقة إني مش هعرف أطبقه غالبا :) بس أنا فعلا أخدته بعدطول تفكير، ويمكن الكتابة دي تخليني أحسن!!مين عارف
بحبكم أوي أوي،ونفسي أشوف كتير منكم جداااااااا
تحديث غلس :بعدما كتبت الكلام دة بنص ساعة، فجأة افتكرت إني بدأت كتابة نفس اليوم دة من6شهور، كل سنة وبلوجي حبيبي نص طيب:). قدره إنه ياخدهدنة أول مايكمل نص سنة بالصدفة!كان نفسي أقول كلام تاني اليوم دة بس عادي بأة.....سلام عليكم

24 comments:

angelic devil said...

she stood there
under the rain
feeling nothing but pain
wondering if it comes from her inside
or it's coz of this repeated sight
sight of lonliness
sighr of inside darkness
or it's just from the hitting rain drops
hitting her as if she had done the most crime
she had killed the boring time
standing there under the rain
having nothing left to gain
nothing except stare
seeing far there
a sort of some glare
wondering if it's going to come one day
or
it's just goona forever be there

sooooooo nice
thaaaaaaanks

alshared said...

انا مش فاهم
انتي ليه مش بتكتبي بالعربي
الموضوع رائع وحده وبرد ومطر وعواصف ووشوشه

بصراحه جميل

بس تعرفي انه بالعربي أحلي بكتير من الانجليزي

أه انا بتأسف جدا لاني مش بقدر أزورك بس والله العظيم ورايا أمتحانات الترم ربنا يعدينا منها علي خير

بس ان شاء الله بعد يوم 22 يوم ما الامتحانات تخلص هكون مقيم هنا :)

تحياتي

Wish I were a Butterfly ... said...

angelic devil,

Watching the rain drop
as if it was crystal crashing into pieces
Wondering if it will ever stop
Or would she..herself be torn into these pieces
Coz of this repeated sight
of the lonely night
Of the beautiful sparkling moon
which is far&out of sight
Hoping light would come again soon

U r quite creative :)
I liked ur lines of her crime of killing the time and what's after.

I like ur decent style a lot.
Thank you for sharing us with ur beautiful talent.

U r an angel indeed :)

Wish I were a Butterfly ... said...

alshared,

مقيم هنا مرة واحدة؟
:)
ربنا يعزك يارب. شكرا على المجاملة

ممكن يكون بالعربي فعلا أحلى..ومش لأي سبب غير إن دي لغتنا ولغة القرآن يعني بجد أحلى لغة
بس تقدر تقول إني لماأكتب انجليزي بعرف أعبر أكتربكتير، مش لخلل في اللغة العربيةأبدا،لكن هو غلط فيّ أنا
بحب الانجليزي،ومتأثرة في كتابتي باللي درسته وقرأته"في الكلية"لأني حتى كنت مدارس عربي مش هعيش في الدور يعني، بس أي تفكير لي بيكون انجليزي فاهم إزاي؟

شكرا على المجاملة عموما وأتمنى تكون شفته جميل بجد، بس حتى لوهو فعلا حلوزي مابتقول، أعتقدإني مش هعرف أكتبه عربي ويوصل نفس المعنى اللي جوايا

سايبة ليك العربي كله :) ابدع واظهر مواهبك في كتاباتك أكتر وأكتر

ربنا يعينك في الامتحانات إن شاء الله وأنا عارفة إن الكل في امتحانات الأيام دي
تحياتي

mohand said...

السلام عليكم

انا مسامحك بس متعمليهاش تاني

خلاص؟
اديني نبهتك اهو


وارحمي اهلي وكبري الفونت شوية انا نظري ضعيف


اللي فات كله كان تهريج بس كبري الخط بجد

Anonymous said...

عزيزتي
أغيب شويه أرجع الاقي الدنيا ضلمة
لأ أجمدي شويه ثم مين قال ان في نكد ولا ده عشان ما أعلقش على الكلام الرائع انتي عارفه اول ما قريته افتكرته اغنيه ومش عارف ليه جيه في بالي انها لسيلين ده غير اني بجد اتجمد وانا واقف تحت المطر معاها
متغبيش كتير احنا بجد محتاجين دايما نقرالك ونسمعك وكمان نحس بالتواصل

تحياتي

على الهامش للاسف مش بحب اسيب كومنت على بوست قديم في مكانه بس شدني جدا البوست اللي فات يمكن لان قنواتي الدمعيه دايما مفتوحة- مين فين اللي كئيب بقى- وفعلا عندك حق احلى ضحكة هي الضحكة اللي بعد بحر من الدموع بس للاسف معرفش حد بيبكي غيري عشان ارسم الضحكة على وشه وعشان كده هكتفي بأن في واحد بيرسملي الضحكة على وشي

MarwaAshraf said...

أولا : وحشتيني

ثانيا: الصورة تحفة أوي

ثالثا : وحشتني

رابعا: أنا زعلانة منك علشان كمية الإعتذارت اللي بتحطيها في البوست.. ياهبة البلوج ده صديقي بيعبر عني .. وقت ما أكون فرحانة حيفرح ووقت ما أكون زعلانة حيزعل .. ووقت ما أكون عاوزة أسكت حيسكت معايا.. فعبري زي ما إنت عاوزة واللي مش عجبة مع إحترامي للكل بلاش يدخل هنا مع إني متاكده إن كل الناس لما بتدخل هنا بتحبك وبتحب كلامك على طول

خامسا: وحشتيني

سادسا: لو عاوزة تستكي ماشي ححترم ده بس اوعي تسكتي كتير علشان بجد ما أقدرش على كده

سابعا وأخيرا : وحشتيني وبحبك أوي ومش حعتذر على الرغي علشان أنا عارفة إن المكان بتاعي

:P

Anonymous said...

عزيزتي
انا عارف انك زهقتي مني
بس انا المره دي مرسال حاتم كان بيقولك لو كنتي مش هتكتبي تاني فاستنيه لما يرجع عشان يكتب كومنت
تحياتي
على الهامش قريتي رساله نقطة ميه؟

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

Rain_Drops said...

مين المجرم اللي يقول إن الكلام دا غلس بقى ؟ يا ستي احنا بنحب الغلاسة اللي من النوع دا غلسي علينا انتي بس و مالكيش دعوة

:)

Wish I were a Butterfly ... said...

mohannad,

وعليكم السلام ورحمة الله و بركاته
:)

حاضر يا فندم. عارفة إن الفونت كان مزعج جدا بس أنا حسيت إن الكلام دة مش مهم فكتبته صغير

معلش سامحني مرة تانية

Wish I were a Butterfly ... said...

إنسان مقيد

أكيد كلامي ملوش أي علاقة بالتعليق ماتخافش...بس أنا حيت إني في موقف لا أحسد عليه...وتأثيري مش بس سلبي و السلام، لأ دة كمان ممكن أكون سبب في خنقة أي حد من اللي بكتبه و حاساه، و العالم مش ناقص حاجة تانية تزعل أو تضايق

عارفة إن قرار إني أبعدعن كل حاجة دة غلط، وغلط جدا كمان، بس...تقدر تقول إن الشيطان شوية أقوى مني بس مش هيستمر كدة كتير إن شاء الله لأني بحاول أفوق تاني دلوقتي و ربنا يقدرني
والله بجد السبب في بعدي هو إني مش عاوزة أخنق أي حدمعايا ومش قادرة أكتب أي كلام غير المود اللي أنا فيه!!فليه؟؟ أبعد لحظات وأرجع تاني..وأول ماألاقيني كويسة شوية أو حتى أقنع نفسي إني ممكن أكتب أو أكلم اللي حواليا من غير نبرة الحزن دي هتلاقيني علطول هنا :)

وشكرا أوي بجد على كلامك الرقيق جدا. بس بجد بتحس بالتواصل فعلا؟؟ :)...بجد حاجة تسعدني بس كمان تحيرني لأني مش بحسني إني بقول حاجة فعلا

بالنسبة للهامش بتاعك بأة
أولا: لو كنت تحب تكتب في مكان البوست اللي فات فمش مشكلة خالص لأني عندي كومنت موديريشن. فاكر؟ :) فأكيد هشوف تعليقك
ثانيا: الناس كتير و الدموع كتيييير..بس أعتقد انت اللي مش بتدور حواليك. بجد حاول تحس باللي حواليك وتساعدهم هتلافي للدنيا طعم تاني خالص

ووالله هتلاقي كتير جنبك ويمكن بتشوفهم كل يوم ومحتاجين حد يحسسهم بالاهتمام ولو بكلمة

تحياتي ياعزيزي

Wish I were a Butterfly ... said...

حبيبتي راما

مش عندي رد لكلامك الرقيق والجميل أوي دة
ربنا يكرمك ويسعدك بجد ياراما، وكلامك دايما بيوصل لقلبي علطول عشان بحسك صادقة أوي وبحبك أوي أوي

أنا عارفة إن البلوج هو صديقي اللي بوشوشه بكل اللي جوايا وساعات كتير باللي أنا مش قادرة أقوله فعلا في الحقيقة حتى لأقرب الناس لي، بس...زي ماقلت لإنسان مقيد..مينفعش أكون سبب في حاجة سلبية للناس. يعني أوكي تكوني إيجابية، أوكي كمان تكوني مش مؤثرة...لكن اللي أنا فيه دة!! لأخالص

وأنا إن شاء الله مش هتأخر أوي لأني اكتشفت إني مقدرش خالص أبعد عنكم، ولا عن فضفضتي اللي ساعات بتكون كارثية
:)

أسألك الدعاء بس...وبموت فيكي

Wish I were a Butterfly ... said...

إنسان مقيد تاني

لأ مزهقتش إطلاقا

لوقلت إني مش هكتب لفترة مش معناها هقفل البلوج،لأني مش هقدر
ويشرف الباشمهندس حاتم أكيد في أي وقت. مستنية تعليقه لما يرجع، بس أنا مش هقفل البلوج أصلالو هو فاهم كدة لأ

أكيد أستنتجت إني قرأت رسالة نقطة مية لأنها كانت التعليق اللي بعدك علطول
وكان نفسي أروح جداالافتتاح لأكتر من سبب. .ورغم إني عارفة إن لما أقابل ناس جديدة دي حاجة هتساعدني أرجع أبقى كويسة..إلا إني برده مش قادرة أقاوم المرة دي ومش هروح
بتسأل ليه بأة؟؟؟

Wish I were a Butterfly ... said...

نقطة مية

جزاكم الله خيرا
ربنا يجعل الرسالة دي في ميزان حسناتك إن شاء الله ويرزقك بالناس اللي تسعدك دايما

بجد فرحتله جدا جدا رغم إني عمري ماعرفت عنه أي حاجة حتى البلوج بتاعه. يارب الكل يحققوا كل اللي بيتمنوه قريب
بس سامحيني أنا مش هينفع آجي...رغم إنك من الناس اللي كنت نفسي أروح عشان أشوفهم، بس قدر الله وماشاء فعل

Wish I were a Butterfly ... said...

Rain_drops,

أنا المجرم
:)
عندك مانع؟؟

شكرا جدا على ذوق حضرتك ربنا يعزك

شرفت البلوج وشرفت البوست اللي بيتكلم عن حبات المطر. هي صدفة إن تعليقك جه في بوست بنفس اسمك البلوجري؟ :) ...حبات المطر يعني الأمل
أتمنى دايما تلاقي الأمل في حياتك منور طريقك

قلب ينبض لله said...

تعرفي ياهبه
الدنيا كانت بتمطر النهاردا
وافتكرتك
وقولت ياااااااااه هبه بتحب المطر وبتحب الجو دا
والنت فاصل عندي من فترة وجه النهاردا
أدخل الائيكي كاتبه البوست الجميل اوي دا

عاوزة اقولك اني بحب اوي وماتسبيش البلوج وماتسيبيناش
انتي مش غلسه ولا حاجه
بالعكس والله
كلامك حلو اوي وتعليقاتك وبوستاتك وانتي كمان
وبعدين فضفضي براحتك ولو زعلانه او مدايئه شاركينا معاكي ومش هانكون زعلانين منك خااااااااااالص

يلا سلام

رئيس جمهوريه نفسى said...

انتى بقاء الى سمحينى لانى الانجليزى بتاعى مكسر
بس حعلق على التحديث احنا بنكتب على البلوجات علشان نطلع كل الى جوانا ونفضفض لبعض واكيد حنستحمل بعض فكتبى ولا يهمك حاجه
ثانيا كل سنه وبلوجك وانتى طيبه مش نص طيب وعقبال 100 سنه بلوجر

حبة حاجات (ايمان) said...

nice words
nice meaning
nice nice feeling

iam so happy cos i visited this blog

note:pls make the font bigger than that to read easly
you know the risks of age

Wish I were a Butterfly ... said...

قلب ينبض الله

و نسيتي تقولي إني بحب أوي الناس الرقيقة اللي زيك

ربنا يعزك ياقمر. انت و الله اللي جميلة أوي بجد شكرا على كلامك و تشجيعك دة

إن شاء الله هحاول أفوق و أرجع تاني لأني مش هعرف أبطّل كتابة
بس انت مش تبعدي كمان عشان حبيتك أوي أوي
:)

Wish I were a Butterfly ... said...

سيادة الرئيس الموقر

جزاكم الله خيرا

و وانت طيب. شكرا :) . انت الوحيد اللي أخدت بالك من عيد ميلاد البلوج النونو

أهه بدأ يقول كلام مش مفهوم و لسة بيزحف على خفيف
:)

متأكد إنكم هتستحملوني و أنا غلسة كدة؟؟؟! أنا بصراحة مش متأكدة من إن الكل هيستحملوا، و أنا مش عاوزة أكون سبب في حزن أي حد

شكرا على مرورك اللي بينورني أوي كل فترة

Wish I were a Butterfly ... said...

حبة حاجات ...إيمان

Thank u very much "nice" friend :)

أنا اللي سعيدة بمرورك هنا و بأنك عبرتيني :)

وسعيدة أكتر بأني أعرف البلوج بتاعك. بجد جميل أوي

تحياتي ليكي كتير يا إيمان

oceaneyes said...

Amazing !!

حلو اوى الكلام بجد ...احساسك ومشاعرك فيها شفافية عالية اوى بجد ..بحب الجو اللى بتعمليه فى كتاباتك وكلامك

ماشاء الله عليكى فعلا


وبجد بجد ما تعتذريش تانى على حاجة مالهاش اساس


تحياتى

:)

Wish I were a Butterfly ... said...

Oceaneyes,

الجزء الأول من كلامك

يارب يخليكي يارب
:)
الحمدلله إن كلامي بيعجب حد يافندم

بس دة اللي كنت حاساه أوي لحظتها ولقيتني بكتب الكلام الغريب دة

بس.... انت بتقولي بعمل جو؟؟!! ما يمكن الجو هو اللي بييجي لوحده
:p

مش عارفة ليه بحب أغلس عليكي أوي!!بصراحة يعني، لأ وكمان بغلس بدم تقيل
:)
بس والله دة عشان بحبك وبحسك قريبة مني أوي و عاوزة "أجر شكلك" زي مابيقولوا

الجزء التاني من كلامك بأة... مش عارفة ليها أساس ولا لأ، بس حسيتني عاوزة أعتذر عشان مفيش حد يتضايق مني لأي سبب من الأسباب

تحياتي