Tuesday, January 29, 2008

مشربتش من نيلها؟؟؟ طب و بعدين؟

سؤال يراودني كثيرا

أعلم أن البطالة و الفقر و ندرة الفرص "إن لم يكن انعدامها" هي السمات الأساسية التي تشكل حياة معظم شباب مصر هذه الأيام

لكن...هل يعني ذلك بالضرورة أن يكون حلم شباب مصر...هو السفر للخارج؟

أحقا وصل شعور الإحباط بداخلهم إلى الاستعداد للسفر متى ما طرقت أبواب الفرصة أبوابها خارج مصر؟؟

بعض الكلمات كانت مكتوبة في عمود جريدةالدستور منذ بضعة أيام تتحدث عن الشعب المصري قائلة "تجعلهم سعداء بالنوم في إسطبل خيل أو في مزرعة أغنام، فالحياة وإن كانت في زرائب العدو بدت أحسن في عيونهم من النوم في بيوت مصر، بدت مصر كمقبرة جماعية كبيرة..الخارج منها مولود، و الباقي فيها مفقود". تلك كانت الكلمات


نعم الحياة قاسية، ونعم ربما بالخارج هناك فرصة أكبر لتحقيق الأحلام بالفعل، لكن... هنا تجد الأهل، و هنا تشعر أنك بين أحضان وطنك حتى و إن كان وطنا لا يساعد بأي شيء، بل و أحيانا يضر و يصل إلى حد إهانة الكرامة في بعض الأحيان، و لكن في النهاية هناك شعور غامض بالدف و الحنان و الخوف على هذا الوطن

ألا يراودكم نفس هذا الشعور؟؟

سؤالي للجميع...إن جاءت لك الفرصة للسفر إلى الخارج للعمل هناك أو استكمال الدراسة، فهل ستسافر؟
و إن سافرت...فهل سيكون ذلك مؤقتا..و لك عودة إلى وطنك الحبيب من بعدها لترفع اسمها عاليا و تساهم في نهضتها؟؟ أم أنك ترى أن رجوعك سيمحو كل فرص النجاح و ستكون مجرد خطوة للبدء من جديد؟
أمازلت تشعر بذلك الانتماء العظيم الذي نحسه عند سماعنا للأغاني التي تتحدث عن مصر و تدمع أعيننا له؟ أم أنه مجرد إحساس بني في الماضي و محته قسوة الظروف؟
هل ستعود لتعيش بين أهلك و أحبائك... أم أنك ستفتقدهم كثيرا و لكنك لا تستطيع التضحية بما وجدته بأي دولة أخرى... و ستقتصر رؤيتك لهم على مجرد زيارات شهرية أو حتى سنوية... و تقابلهم من حين لآخر على الانترنت؟؟؟

سؤال بجد بسأله و عاوزة أعرف الناس التانية بتفكر إزاي!! لأني صدمت لما لقيت ست أم كبيرة في السن بتقول إنها تتمنى أولادها يسافروا لأن هنا مش ليهم مستقبل... الصدمة بس كانت لأني فكرت الشباب هم اللي بيفكروا كدة أكتر لكن هي هيحكمها العواطف المفروض........ الله أعلم

Sunday, January 27, 2008

عارفين النكتة بتاعة الغلس اللي وقع في حفرة، حاول يطلع أكتر من مرة مش عرف... فقال "خلاص. المرة الجاية لو مطلعتش..أنا همشي" :) الحقيقة إنها نكتة سخيييييفة، بس فجأة لقيتني قررت أحققها في الواقع

قررت إن اللي أنا فيه دة لازم ينتهي، و أنا مش عارفة أنهيه، ومش عارفة أقرر إيه الغلط بالضبط، فهدي لنفسي مهلة 3 أسابيع بالكتير غالبا... بدأتها من امبارح كأني لسة واحدة جديدة و ذاكرتها ورقة بيضا مش فيها أييي حاجة...عشان أعرف أحدد النقطة الغلط اللي غيرت شخصيتي و خلتني "غتيتة جدا" دي فين!!و الحقيقة إني قررت إني لو مش وصلت، يبقى هسيب شغلي اللي أنا فيه حاليا و هسيب حاجات تانية... عشان أشوف إيه اللي كان السبب في حالتي السيئة دي.. اللي ملازماني و في تزايد مستمر... و خلت حتى بنت أختي اللي عندها 3 سنين تلاحظ وتعمل حاجات فظيييييعة عشان تسعدني "هحكيهالكم بعدين يمكن"، حاجات عمري مااتخيلت إن فيه طفلة صغيرة كدة ممكن تفكر فيها

قرار البدء من جديد دة كان لأسباب كتير أوي... أولا إني وصلت لمرحلة وحشة جدا عمري ماوصلتلها، و دة مش أنا، ودة كمان أنا مش هسمح بيه لأكتر من كدة
زائد إن حالتي النفسية السيئة دي بقت باينة عليّ أويييي لدرجة إني مش بقابل حد غير لما يسألني "مالك؟!!" من قبل ماأتكلم، ودي حاجة تخنق بصراحة لأني معرفش مالي أصلا
:)
سبب تاني....هو ميمو بنت أختي وأحلى حاجة في حياتي
بجد هي سبب رئيسي جدا... إن الأطفال بيحسوا بكل حاجة أكتر من الكبار دي عارفاها، لكن إنهم يعملوا حاجة جامدة عشان يغيروا المود دة!! دي حاجة أكيد مش كنت متخيلاها للدرجة دي

بس المهم إن بداية ملاحظة ميمو لي كانت بأننا كنا في العربية وهي مش سلمت علي و لا ضحكتلي ولا أي حاجة رغم محاولاتي!! ودي مش حاجة بتحصل معايا أبدا لأنها بتحبني أوي و بتبدأ في الضحك الهيستيري من أول ماتعرف إنها هتشوفني :)... المهم إننا فضلنا شوية في العربية وهي مش بتعمل حاجة غير إنها قاعدة بتص عليّ أوي ومش بتقول حاجة

عينيها بتتكلم، لكن هي مش قالت حاجة أبدا... بعدها بفترة كبيرة، لقيتها بتسألني "انت صوتك خفيف كدة ليه؟!"، السؤال بصراحة صدمني أوي لأني فهمت قصدها إن صوتي حزين!! ودي حاجة زعلتني أوي لأنها آخر واحدة ممكن أفكر تتأثر بي وأنا زعلانة
:(
المهم اللي عملته بعدكدة كان فيلم تاني بس مش وقته

من أسباب قراري كمان...إن إمبارح مشيت في المطر الجااااامد :)))) و طبعا كلنا عارفين المطر وسحره

فافتكرت حاجات كتير سعيدة و مواقف مع المطر... و كمان خرجت مع أخويافي المطر وعملنا مغامرات ضحكتنا أوي

فأنا الحمدلله النهاردة مرتاحة شوية...مش لأي حاجة غير يمكن تأثير المطر لسة... و قراري إني أبدأ من جديد مؤقتا دة برده أكيد حاجة مفرحاني، بغض النظر عن نتائج القرار دة اللي لسة مش عارفاها ولا عاوزة أفكر فيها لأنها مجنونة أساسا
:)
لاتنسوا الدعاء للفلسطينيين

Monday, January 21, 2008

غزة...تغرق في بحر من الظلام


"أنا هون هلأ عشان الأطفال بمستشفيات فلسطين..بدّي قولٌّن إني معهن و بدّي يكفوا الحصار عن غزة" قالها طفل في وقفة احتجاجية أمس في ساعة تجاوزت منتصف الليل حسب توقيت القاهرة

...............................................

"حضارة تتحدث عن دخول امرأة النار بسبب تعذيبها و تجويعها لهرة، و حضارة أخرى تقتل الأطفال و الأبرياء كل يوم. ألا ندرك الفرق بينهما؟" قالها مواطن "سوداني" أمس بوقفة منددة بالحصار على غزة

................................................

طفل آخر في الثانية عشرة من عمره شارك في الوقفة الاحتجاجية بالأردن بوقت متأخر أمس... بعضهم حاملين الشموع لكي يضيئوا ليل القطاع الحزين.... نسألكم الدعاء للفلسطينيين، ممكن كلنا النهاردة قبل المغرب بنص ساعة ندعيلهم؟ على الأقل يكون عندنا ولو رصيد بسيط من حاجة عملناها للفلسطينيين

حسبنا الله و نعم الوكـــــــــيل

ملحوظة: أعتذر عن عدم ردي على بعض التعليقات في البوست السابق، بس الموضوع دة كان ضروري بالنسبة لي... و هرجع تاني للبوست اللي فات أكيد لأن فيه ناس بحبها أوي

Thursday, January 17, 2008

ليه بنجرح أوي؟؟؟


هو لازم نلبس أقنعة عشان نكلم الناس؟
طب ليه مش ممكن نتكلم بطبيعتنا من غير تمثيل؟

ليه لوكنت تلقائي و بتعبر ببساطة عن اللي في قلبك...معظم الناس تفهمك غلط؟؟

ليه لما تشكر حد على خدمة قدمهالك..الناس بتتفاجئ من الشكر دة؟!! مش أكيد اللي بيساعدني يستحق و لو كلمة شكر بريئة؟

و ليه لو اعتذرت عن وقت حسيت إنك ممكن تكون جرحت حد فيه..الناس بتعتبرك ضعيف جدا، و يحاولوا يلغوا كلمة "آسف" من قاموس الحياة؟

مع إني دي مش مجرد كلمات بسيطة... لكن هي معنى و موقف و مشاعر كتييير، و ذكرى ممكن نحفظها جوة قلوبنا طول العمر
ليه كتير لما بنعبر عن مشاعرنا البريئة و عن أفكارنا بيكون رد الفعل صد؟؟

ليه معظم الوقت تتفهم غلط؟ و اللي قدامك يفهم تقديرك الشديد ليه بطريقة غلط و يبدأ يترجمه مع نفسه لحاجات تانية
و يكون رد الفعل بعدها محاولة للبعد عنك لأنك صادق في مشاعرك؟! "رغم إنك فعلا مش تقصد أي حاجة بكلامك"!

ليه بعد ماترتبط بشخص "في الحقيقة أو حتى في العالم الخيالي" و تتأثر بكلامه... تفرح لفرحه و تزعل لحزنه..... تلاقي إن دي أصبحت جريمة انت عملتها، و تكون عقوبتها رد صادم و صد لمشاعرك...مشاعرك اللي مش بالضرورة لازم معناها غلط أبدا أبدا!!! رد ممكن يكون سبب في جرح ناس تانية، و سبب في وجود دموع حارة جدا خلال لحظات رغم البرد القارس

ليه الناس مصممة تجرح؟؟؟
و ليه فيه ناس كتيــر بتقابل الحب و التقدير... بجرح كبيـــــــــر؟؟
دي أسئلة كانت جوايا... لو حد عنده رد عليها ياريت يقوللي

ملحوظة: "راما" حبيبتي من العالم الخيالي لامتني أوي لما قلت "سامحوني"، بس سامحيني ياراما أنا هكررها تاني و أقول للجميع... على الأقل في عالم البلوجرز اللي يعرفوني في الحقيقة و اللي لأ... أرجوكم سامحوني لو كنت غلطت في حق أي حد فيكم، سامحوني لو عبّرت بحرية و دة ضايق أي حد فيكم... و سامحوني تاني على الغلاسة دي. بس حسيت إني عاوزة أكتب أوي ، ومش قادرة أمنع نفسي المرة دي... و عاوزة أكتب الكلام دة... من إمبارح
المرة الجاية هكون واحدة تانية إن شاء الله :) "دة في حالة إن فيه حد لسة هيدخل تاني البلوج دة". ادعووووولي

Saturday, January 5, 2008

UnDer The Rain


There she stood..

Under the Rain

So alone and silent..
Was it the sweet lonesome?
Or was it out of pain?

All alone in the dark street
Her face was white as snow
Staring everywhere as if looking for something
Her golden hair flying with every blow
Wondering if time has come for a storm!

Oh Windy Freezing Day!!

Under the Rain

On her cheek, there was a tear
Was it a drop of rain?
Or was it out of fear?
Of such endless night
Of such lonely street

So wet& frozen..
Standing there..
That little girl
Whispering with a silent blare

Under the Rain
تحديث الأحد الساعة10.30 بالليل: لوأي حد فكريقرأ الكلام دة..بس بقول للكل "سامحوني". سامحوني لوكنت قلت أي حاجة غلط لأي حدفيكم، سامحوني لوكنت مقصرة في الردعليكم سواء بالتأخيرأو مش التعليق خالص ساعات في بلوجاتكم،سامحوني لوكنت نكدت عليكم شويتين تلاتة، بس والله مش كان قصدي خالص...وعشان نيتي في البلوج دة مش كانت أبداأبدا إني أضايق الناس وأسوّد الدنيا أكتر...فياريت تسامحوني آخر حاجة..وأهم حاجة...لأني بفكر مش أكتب تاني لفترة بسيطة:)...مش عارفة بصراحة هقدر ولا لأ!!يمكن كمان يومين أرجع ألاقيني هنا تاني لأني بحب المكان دة وبحب أكتر الناس فيه...بس..نقدر نقول إني ناوية مش أغلس على الخلق أكترمن كدة
البلوج كان فضفضة...أيوة..بس فيه وقت بتاخد الفضفضة معنى تاني..وتبقى غلسة أوي، وأنا مش كدة،ومش عايزة أكون كدة
قرارأخدته وواثقة إني مش هعرف أطبقه غالبا :) بس أنا فعلا أخدته بعدطول تفكير، ويمكن الكتابة دي تخليني أحسن!!مين عارف
بحبكم أوي أوي،ونفسي أشوف كتير منكم جداااااااا
تحديث غلس :بعدما كتبت الكلام دة بنص ساعة، فجأة افتكرت إني بدأت كتابة نفس اليوم دة من6شهور، كل سنة وبلوجي حبيبي نص طيب:). قدره إنه ياخدهدنة أول مايكمل نص سنة بالصدفة!كان نفسي أقول كلام تاني اليوم دة بس عادي بأة.....سلام عليكم

Friday, January 4, 2008

Purest Smile



أصدق ابتسامة..هي التي تأتي بعد بحر من الدموع
.....


فاحرص أن تكون أنت من يرسم تلك الابتسامة على وجوه الآخرين