Monday, August 18, 2008


The picture taken from lianne1962.stumbleupon.com


سمعتهم كثيرا يقولون

أن الحب جنون

و أن أدق وصف للعاشق أنه المجنون

لم أصدقهم يوما

فربما كان حديثهم ظنون

و هم يوما لم يعلموا

معنى الحب بحق

و ما يحسه العاشقون

لم أكن يوما لأصدقهم

إلى أن جئت أنت

فعلمتني ما لم أكن لأعلم لولاك

فأصبحت أنا ذاك العاشق المجنون

أتراهم يسخرون؟؟

من حمرة وجنتي

من تلعثم كلماتي

و تردد نظرات عيني حين أراك

أتراهم يلحظون

شرودي في بحور من الأحلام

إذا ما سمعت أغنية تذكرني بك

أو طاف بخلدي بعض كلماتك

فأزيد بها عشقا لك و لقلبك الحنون
............
عندما تحدثت.. حملتني معك إلى قارب من الأحلام

تحدثت.. فأنسيتني قسوة الحياة و الأيام

تحدثت.. فجعلتني لا أدرك ما أفعل حولي.. ما يجول بخاطري و ما أقول
!!

لاشك أنه قد أصابني!!! ذلك السحر الخالد.. ذلك الجنون

تحدثت أنت، و معك... نسيت من أكون


مجرد كلمات كتبتها أمام البحر في يوم من الأيام

26 comments:

همسة قلم said...

بجد روعة

ماكنتش اعرف انك شاعرة يابندقة :)

عجبتني جدا الخاطرة اللى كتبتيها بجد رقيقة ومعبرة جدا

دمتِ بود ودام قلمك مبدعا :)

اشتقتلك

Wish I were a Butterfly ... said...

همسة قلم

شاعرة مرة واحدة :)؟؟ لأ و منك انت الكلام دة؟
ربنا يعزك يا جميلة

أينعم هي مجاملة بس بجد مجاملة رقيقةأوي منك و كلام أعتز بيه بجد بدل منك يا سمسمة
أنا كمان اشتقتلك أوي أوي

قلب ينبض لله said...

لا بئي أنتي مش كل مرة هاتئعدي أدام البحر هاتكتبيلنا الكلام الحلو دا

بصي ياهبه البحر مالوش دعوة بحاجه زي دي
قري واعترفي أنك موهوبة وحساسة

كلامك حلو أوي وسلس جدا تحسي الكلام بييجي ورا بعضه كدا من غير تكلف

سلام ياقمر

blue-wave said...

عذرا
هى ليست مجرد كلمات
هى احساس
هى نبضات
هى ومضات
هى تقلبات قلب
هى ثورة مشاعر
هى اى شئ
الا مجرد كلمات

Mafrousa said...

الله الله الله يابنوته الله
كلمات جميله جدااا و رقيقه جداااا
اولا وحشتيني برضه جداااا
ثانيا: انا دايما بقول ان وقوفي قدام البحر اولا بحس انه بيسحب كل الشوائب اللى جوايا و بيخلى الزهن صافي
و مهما الواحد لو حاول يدور على موضوع يضايقه بيلاقى البحر سحبه
الله..انا بحب البحر اوي اوي
و ياريت تروحي عنده كتير
علشان تكتبي كلام حلو كده تاني
الكلام معبر و رومانسي و رقيق
وحشتيني و رمضان كريم

إنسان مقيد said...

عزيزتي الفراشه

أتراهم يسخرون؟؟
من حمرة وجنتي
من تلعثم كلماتي
و تردد نظرات عيني حين أراك

طيب ينفع كده
مهو مش معقوله كل مره هستأذن وأقولك أنا هاخد الكلام وأخليه عندي عشان كده شكلي بقى وحش أنا هتحول للص وأسرق الكلام على طول

بس بجد سؤال هو ده من تأثير البحر وبس يعني أنا ممكن أقعد قدام البحر شويه فحس بالإلهام كده على طول

مأعتقدش لازم الاول أتمتع بشويه أحساس متتبرعي بشويه ومن قدم شيء بيداه ألتقاه وهنيالك يا فاعل الخير والثواب

تحياتي

على الهامش
هو في خواطر تانيه من أمام البحر أرجوكي لو فيه تنشريهم عشان بجد كلامهم بجد مؤثر جدا

Salma Amer said...

مفيش كلمات اجمل من كدة
انت
أبدعتي بجد
تفتكري صحيح الحب جنون ولا الحب قمة العقل ؟؟
ولا هي خلطة كدة ما بين الاتنين ؟
ولا اقلك هو احساس جميل بالحيرة علشان نفضل نوصف فيه وما نوصلش هو اية

نـــــور said...

السلام عليكم
ازيك ياهبه
ياعينى على الكلام الجميل ياستى
لا بجد الحب جنون فعلا واحلى مافيه بجد هو جنونه ده اصله بيبقى اسمى مراحل العقل اللى هى انك تتخلى عن عقلك خالص
طبعا ممكن مش تفهمى حاجه من كلامى بس بجد كده بتتكلمى صح
هو ده الى بيحصل لما حد يحب

تحياتى ليكى ياجميله

حمامة said...

تحدثت أنت، و معك... نسيت من أكون

مع الحب ننسى حتى اسامينا

:)

الخيط الرفيع said...

الووووووووووو
فينك انا موبيلي فيه مشكلة ومش عارفة اوصلك
حاولي تكلميني نحدد ميعاد نتقابل فية
انا كويسة بس عاوزة اطمن عليكي
فراشتي حاولي نتقابل بكرة او بعدة لو مناسب ليكي
انا علي فكرة في بلادكم المرهقة الايام دي
وحشتيييييييييييييييييييييييييني قوي
قوي قوي كمان

ان كان جنون فأنت جنوني
وان كان ابداع فالبحر أكاديمية لهذا الابداع
وان كان شعر فهو عجبني وبعد اذنك هنقنق فية تاني

قررت أكون عانس said...

نسيت من أكون

مشكلة الحب النسيان

نسيان من تكون

كلمات معبرة

alshared said...

ما أقل الكلمات التي تمس شغاف القلوب
وتحوي خائنة الدروب
وتتغلب علي أقسي الخطوب

كلماتك مست شغاف قلب


تحياتي

الحلم العربي said...

تسلم ايدك
ايه الرقة دي كلها
لكن هي بجد مجرد كلمات؟؟؟
ربنا يخليلك مشاعرك الجميلة و يرزقك باللى يقدرها يا رب
تحياتي يا فراشتى الرقيقة

Wish I were a Butterfly ... said...

قلب ينبض الله

أقر؟؟ أعترف؟؟؟
أ...أ...أصل... إيه يابنتي؟:) .و الله بجد البحر بيعمل اكتر من كدة كمان

بعدين قلتلك قبل كدة مش هتعرفي كل أسراري. صح؟؟

:P

سلام يا أحلى قمر

Wish I were a Butterfly ... said...

Blue wave,

عجبني تعليقك أوي يا دكتور
:)
ألف شكر

نورت بكلماتك البسيطة الجميلة

Wish I were a Butterfly ... said...

واحدة مفروسة

رمضان كريم عليكي كمان ان شاء الله يا حبيبي

عندك حق في وصفك للبحر و اللي بنحسه منه
:)

هو نعمة جميلة اوي اوي اوي من ربنا

فعلا بينسيني كل حاجة وقوفي أدامه

ربنا يسعدك يا بنوتة انت كمان :)

Wish I were a Butterfly ... said...

إنسان مقيد

أكيد فيه خواطر كتيرأوي أوي. البحر ليه سحر مش يتوصف بجد
غير سحر إن كل اللي على البحر لازم يبقوا جعانين :)

شكرا على ذوقك بجد... أنا مش عاملة أي حظر على اللي أنا كاتباه فبراحتك، بس اللي أنا متأكدة منه إنك ممكن تكتب أحسن منه مليون مرة، بس حضرتك اللي مش بتحاول

نورت البلوج بعد طوووول غياب :)

Wish I were a Butterfly ... said...

Salma Amer,

اسئلتك حيرتني أوي و خلتني فضلت أفكر معاها
:)
بس في الآخر قلتي أحلى كلمات ممكن تتقال ووصلتيني للإجابة الصح . هو فعلا إحساس جميل بالحيرة بياخدنا لحيرة أكبر منه.. و في الآخر مش ممكن نوصفه زي ماقلتي :). انت اللي أبدعتي في كلماتك البسيطة دي

بس لسة برده بحس إن الحب قمة الجنون

نورتيني بجد يا أحلى سلمى

Wish I were a Butterfly ... said...

HABIBA,

و عليكم السلام ورحمة الله

:)))
ضحكني أوي "اسمى مراحل العقل اللى هى انك تتخلى عن عقلك خالص" :). بس تصدقي عندك حق؟

ربنا يكرمك و يرزقك بقلب يسعدك أوي أوي وتتخلي معاه عن عقلك تماما من غير ندم
شكرا على سؤالك...ادعيلي، و شكرا أكيد على تعليقك يا حبيبة

Wish I were a Butterfly ... said...

حمامة

أيييوة :). اسأل مجرب
بتنسي اسمك فعلا يعني؟؟
:)))

يارب دايما حواليكي كل حبايبك يا حمامة

طارت الحمامة من بيتها لحد هنا عشان تكتبلي الكلمتين الحلوين دول :). أشكرك عليهم

Wish I were a Butterfly ... said...

رفيدة

نأنئي فيه براحتك
:)
أنا كمان بحبك أوي ووحشتيني أوي

ردي متأخر أوي ومش أعتقد حتى هتشوفيه

Wish I were a Butterfly ... said...

قررت أكون عانس

شكرا لتعليقك :). يشرفني إن الكلمات عجبتك

Wish I were a Butterfly ... said...

الشارد

شكرا يا شارد على تعليقك
:)
تفتكر هحتاج قاموس عشان أقرؤه؟ :)) بهزر طبعا. أحترم جدا إنك تكتب تعليقك بالعربية الفصحى

أتمنى تكون بخير دايما

Wish I were a Butterfly ... said...

الحلم العربي

إييييه الأسئلة الصعبة دي؟
:)))

يــارب يرزقني باللي يقدر فعلا و يرزقك بيه كمان إن شاء الله

زيارتك لبلوجي المتواضع بيفرق معايا أوي أوي. دمت بخير

maxbeta3zaman said...

هذه من أجمل ما قرأت من كلمات فيها من المشاعر الرقيقه الكثير ..وانا حتى كتبت لك التحيه الزجليه قبل قراءتى لهذا النص
تحية جديده على نص قديم زمنيا

Wish I were a Butterfly ... said...

شكرا جدا على تعليقك حضرتك على نص فعلا قديم
:)

رأي حضرتك أسعدني بجد

نورت البلوج