Thursday, February 7, 2008

تاج جديييييييييد

تاج حبيته أوي لأنه بيخلي الواحد يفكر،ومش أي تفكير :) لأ بجد بيخلي الواحد يشغل دماغه و هي مش بتشتغل كتيرطبعا في العادي
:)
كمان عجبني أوي فكرة "لوكان ممكن أكون كنت هكون" دي
المهم التاج دة لأي حد يقرؤه و يحب ياخده، بالهنا و الشفا تمااااااما
كان في بلوج "أنا الذي لا أعرفه" و هو بعته لكل الناس،و هعمل زيه و ببعته لأي حد يشوفه، إن شاالله حتى كان معدي بالصدفة هنا و عجبه
هسيبكم معاه بأة،و فيه حاجات مش لقيت عندي إجابة ليها فسبتها عشان التاج يفضل زي ماهو بس أنا مش جاوبتها
غالبا محدش فهم حاجة من آخر جملةدي بس مش مشكلة:) عارفة إنكم هتسامحوني لأني في نت كافيه ومش طايقاني

لــــو كان بإمكاني أن أكــــون شهرا في السنة الميلادية لكنت أكتوبر و نوفمبر
لــــو كان بإمكاني أن أكــــون شهرا في السنة الهجرية لكنت رمضان
لــــو كان بإمكاني أن أكــــون يوم في الأسبوع لكنت الخميس
لــــو كان بإمكاني أن أكــــون وقت في اليوم لكنت لحظات شروق الشمس
لــــو كان بإمكاني أن أكــــون كوكب لكنت نبتون
لــــو كان بإمكاني أن أكــــون مخلوق آخر لكنت ملاك أو...:) فراشة
لــــو كان بإمكاني أن أكــــون جهة لكنت ناحية مكة
لــــو كان بإمكاني أن أكــــون شيئا لكنت سجادة صلاة "بس ماتعلقش ع الحيطة"طبعا
لــــو كان بإمكاني أن أكــــون سائلا لكنت "..."
لــــو كان بإمكاني أن أكــــون شجرة لكنت شجرة الياسمين الهندي. بحبها أوي لأنها كل يوم بتوقع وردصغير على الأرض بيكون منظره حلو أوي،بس في الشتا هي ممتنعة

لــــو كان بإمكاني أن أكــــون نبات لكنت زهرة الأوركيد البيضاء
لــــو كان بإمكاني أن أكــــون طائر لكنت...هدهد كان أول اختيار لي لأسباب كتير، بس هقول اللي بعده.. نورس فوق البحر الأحمر

لــــو كان بإمكاني أن أكــــون آلة موسيقية لكنت فيولا
لــــو كان بإمكاني أن أكــــون طقس لكنت نسمة هوا باردة في جو محتاجها..:)آل يعني
لــــو كان بإمكاني أن أكــــون ظاهرة طبيعية لكنت تساقط الثلوج
Snow

لــــو كان بإمكاني أن أكــــون ثمرة لكنت مشمش
لــــو كان بإمكاني أن أكــــون شخصية خرافية لكنت جليفر طبعا

لــــو كان بإمكاني أن أكــــون صوت لكنت إسعااااااف :) لأ فعلا لكنت صوت الأمواج

لــــو كان بإمكاني أن أكــــون رنين لكنت "!!!" مش فاهمة السؤال بس ممكن أحرفه و أقول لو نغمة موبايل يبقى أي موسيقى شقية لموزارت أو أغنية احلم معايا

لــــو كان بإمكاني أن أكــــون عنصرا لكنت ماس
لــــو كان بإمكاني أن أكــــون عنصر في جدول ميندلييف لكنت هيليوم

لــــو كان بإمكاني أن أكــــون أغنية لكنت ييييي...كتير، بس نقول "يارب محتاجلك"أكتر حاجة في الوقت الحالي، غيره أحب أكون "كنا نتلاقى" لفيروز و "زمان"لهشام عباس و "بحب النور
"
لــــو كان بإمكاني أن أكــــون مكان لكنت فلسطين، ولو في دنيا الأحلام يبقى إيطاليا بلا نقاش

لــــو كان بإمكاني أن أكــــون مادة دراسية لكنت دراما و فن مسرح

لــــو كان بإمكاني أن أكــــون مادة لكنت مورفين :) ...و هنعمل دماغ دمااغ و نتوه في السلطنة

لــــو كان بإمكاني أن أكــــون طعم لكنت طعم الشيكولاتة النضيفة

لــــو كان بإمكاني أن أكــــون رائحة لكنت لافندر أو بيرفيوم كاسيليا

لــــو كان بإمكاني أن أكــــون أكلة لكنت تشيز كيك

لــــو كان بإمكاني أن أكــــون كلمة لكنت بحبك

لــــو كان بإمكاني أن أكــــون إحساس لكنت رحمة

لــــو كان بإمكاني أن أكــــون موضوع لكنت "..."

لــــو كان بإمكاني أن أكــــون جزء من الوجه لكنت العيون

لــــو كان بإمكاني أن أكــــون شكل هندسي لكنت دائرة

لــــو كان بإمكاني أن أكــــون لون لكنت لون البحر

لــــو كان بإمكاني أن أكــــون رقم لكنت 2

لــــو كان بإمكاني أن أكــــون هدية لكنت شيكولاتة

لــــو كان بإمكاني أن أكــــون شخصية كرتونية لكنت ممم:) صعبة!! لكنت ليديا اللي مع روبن هود "فارس أحلام طفولتي :)"، الخنزير الصغير الطيب بتاع
Loony Toons
اللي اسمه تقريبا
Piggy
بحبه أوي :)، أو الفيران اللي ساعدت سندريللا وعملت الفستان. وكفاية كدة عشان كل اللي قرأ تأكد إنه بيكلم "عيلة" بمعنى الكلمة

لــــو كان بإمكاني أن أكــــون شخصية عامة لكنت غاندي
لــــو كان بإمكاني أن أكــــون قصيدة شعر لكنت عذبة أنت كالطفولة "مع اعتراضي على شوية حاجات فيها طبعا بس بحب رقتة كلامها أوي"، أو أي حاجة من "معظم" قصائد إيليا أبو ماضي

21 comments:

mohand said...

السلام عليكم

ضيفي السؤال ده

لوكنتي مدونة كنتي هتبقي مدونة ايه ؟


الاجابة مدونتك صح؟

رئيس جمهوريه نفسى said...

اول كومنت حجز بس

رئيس جمهوريه نفسى said...

متفقين فى اجابات كتير شخصيتك رومنسيه واضحه وصريحه وده من خلال اجاباتك تحياتى

RAMA said...

تاج جديد بس حلو أوي أوي أوي .. وإجابتك فيه هي اللي خلته حلو

لو كنت كلمات تقال لمدونة لكنت : لذيذة وجميلة وذكية وحلوة وظريفة وحاجات كتير حلوة

تحياتي يا فراشة

قلب ينبض لله said...

السلام عليكم ورحمة الله وبركاته
اقول ازيك يا مشمش ولا ازيك يا فيولا ولا ازيك يا شجرة الاوركيد ولا ازيك يافراشه؟

امرنا الي الله نقول ازيك ياهبه وخلاص؟

تعرفي ان اجاباتك المدهشه علي التاج دا أكدتلي انك رقيقه جدا

تحياتي يا ارق فراشه

إنسان مقيد said...

عزيزتي الفراشه وحشني الكلام هعلق هنا وبعدين أعلق على الباقي واسمحيلي أرد على الاسئله اللي مرذتيش عنها أنتي
أنا كمان مش بطقني لما أقعد في نت كافيه أو في كافيه من غير نت

أشمعنى نبتون؟
أنتي لو كنت سائل كنتي هتبقي عسل عشان انتي فراشه
أنا بحب النورس أوي وكنت أيام شغلي في البحر كنت أحب أتفرج عليه وهو بيصطاد سمك
أنا كمان بحب المشمش بس أسمحيلي أنتي أفضل من ذلك بكثير لأن المشمش بيقوله عليه روحه قصيره وأنا أعرف أن أنتي نفسك طويل
أشمعنى الماس؟ ياترى عشان صلب ولا عشان غالي؟
كمان ليه أيطاليا؟ هل لعشقك للأحذيه أم المكرونه والبيتزا

انتي لو كنتي موضوع كنتي هتكوني "تأثير المناخ الشتوي في بناء الشخصيات الإيجابيه"
يا ترى حبك للدائره لأنها ملهاش نقطة بدايه أو نهاية محدده أم لأنها ليها مركز ثابت أم لأنها كما يقال تحتوي على عدد لانهائي من النقط
وغريبه موضوع رقم اتنين ده أنتي تستهلي رقم واحد فليه ترضي برقم أتنين ولا عشان بيبص ناحيه اليمين؟
على الهامش
أنا دورت على القصيده على النت ولاقيتها هي فعلا حلوه كتير
وكمان
إجابات كلها بيقطر منها عشقك للشتاء

oceaneyes said...

عارفة يا هوبة


انتى جميلة اوى

:)

بجد والله


كلامك واجاباتك بجد بتبين كدة ...ويا بخت اللى يعرفوكى شخصيا وقابلوكى


ربنا يخليكى ليهم يا رب ويخليكى لينا


تحياتى يا جميل

وابقى طمنينا عليكى


:)

alshared said...

أجاباتك جميله

رقيقه

زي جناحات الفراشه

زي همسات الموج

تحياتي

أمير الهدوء said...

ههههههه
واضح جدا إنك بتحبي الشيكولاته

إجباتك جميله جدا



عن طريقها الواحد ممكن يعرف شخصيتك

شخصيتك جميله

تحياتي
:)

الشريف / جمال طة said...

الخليــــــــــــــــج الفارســـــــــــــــــــــــى

نــــــــــــــــــــــــــــــــــــداء
الــــــى الرئيـــــــــــــس الايرانـى / محمــــــــــود أحمـــــــدى نجـــــــــــــاد
ربــــــط الملــف النــــــووى ألأيرانـــــــــــى وجميع ملفـــــات الجمهـورية الاسلاميـــــــــة الايرانيــــــة
فـــــى المحافـــل الدوليـــــة منهـــا ألأمم المتحــــــدة ومنهــــا مجلــــــــس ألأمـن
بالغــاء نظــــام العبـــــــودية والاتجـــار بالبشـر المسمـــــــى بنظـــــام الكفالــة المقيت
بمنطقــــــــــة الخليـــــج بصفـــــة عامـــــــة والسعـــودية بصفـــــــة خاصــــــــــــة
لاسائتـــه للاســلام والمسلميـــن أمام العالـم بــأن ديـــن الاســلام ديـــــــــــن العبــــــــودية
وعنـــــــدها ســــــوف تجـــــــــــــد أمريكـــــا وأوروبـــــا وجميـــع دول العالم والمنظمــــــات الدولية لحقــــــوق الانســـــــــان
معــك ومع ايران وســوف تكســــــب دعــــاء المستضعفين فى دول الخليج وخاصة
المظلومين والمنهوب حقوقهــــــــم
والمسروق أمــــوالهم فى السعـــــودية يرفعـــون أياديهم للسمــــــــاء يدعـــــون لك ولايران المسلمـــــة بالخـــــير كل الخـــــــــير

برجاء الاطــــلاع وشكرا

http://gamal51.blogspot.com/

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

Wish I were a Butterfly ... said...

Mohannad,

و عليكم السلام ورحمة الله و بركاته

:))

مممم....بصراحة....لأ
أكيد بحب مدونتي بطريقة لاتتخيلها بس دة لأنها معبرة عني تماااما، وعن كل حياتي ومش ناقصها غير تفاصيل وتبقى هي حياتي أصلا..فطبعا بحبهاوبحب اللي بيزوروهاجدا
بس لو في إطار التمني...أعتقد كنت هحب أكون مدونة أكتر إفادة-مش إخبارية وصحافية لأن الدنيا مش ناقصها مواقع إخبارية وصحف-بس أكون مفيدة بأي طريقة
حاولت بصراحة بس مش بستمر أكون مفيدة فعلا :) لأن هدفي من الأول كان التدوين عشان ميحصلش انفجار وبس...أتكلم من قلبي يعني

عجبني سؤالك :)
دايما منورني ياأستاذ مهند... و مستنية أشوف ردودك على التاج لو عجبك

Wish I were a Butterfly ... said...

رئيس جمهورية نفسي

:(
أنا آسفة بس مش أول كومنت ودي غلطتي أنا والله...بس كفاية أوي إنك لسة بتعبر البلوج بتاعي ودي حاجة بجد بتفرحني جداجدا
:)

شخصيتي رومنسية؟؟ياخسارة!! كان نفسي أكون شخصيتي مفيدة مش رومنسية
بس عادي بأة :) مفكرتش كتير في إجابة معظم الأسئلة و طلع التاج بالمنظر دة...عموما أحسن من التمثيل بشخصية غيري
:)
أكيد متفقين في إجابات كتير لأن بلوجك بحسه قريب من قلبي أوي
عايزة أشوف ردودك على التاج دة لو سمحت
شرفني مرورك وتعليقك

Wish I were a Butterfly ... said...

أحلى راما في الدنيا

لو كنت كلمات ترد على كلماتك كنت هكون "....." لأني مش هلاقي كلام يشكرك ويقوللك أد إيه إنت جميلة
:)
كنت عايزة أسألك على موضوع "ذكية" دي لأني مش حسيتها خالص في إجاباتي خاااالص يعني، بس خلاص بأة عرفت من برة البلوج تقصدي إيه

مش هقوللك عايزة أشوف ردودك على التاج لأن براحتك خالص بس أكيد أتمنى أشوفها

ربنا يخليكي لي

Wish I were a Butterfly ... said...

قلب ينبض الله

و عليكم السلام ورحمة الله و بركاته

هههههه
قولي اللي يعجبك. كل اللي يطلع منك حلو أكيد
و كمان عشان ألخبطك أكتر هقوللك إن أصحابي أوي بيقولولي "بندق" :) شوفي بأة تحبي إيه

طب لماأنا رقيقة يبقى انت إييييه؟؟؟ ماينفعش كدة فعلا :). أكرمك الله ياجميلة و شكرا على ذوقك أوي
بس أنا مش رقيقة أوي كدة :) أنا بس مش عايزة أصدمك
:)))
يللا المهم عايزة أشوف ردك على التاج بس على مهلك لأنك لسة طالعة من دور تاج جامد أوي ومحتاجة نقاهة شوية

سلام ياأرق قلب
:) شوفتي بعاكسك إزاي؟

Wish I were a Butterfly ... said...

إنسان مقيد

نبتون لأني بحب إحساس البرد أوي، و بكون حابة أقعد لوحدي في أوقات كتير، ولو كنت نبتون يبقى هحس بالحاجات دي، بلوتو كمان كدة بس يمكن مش هحب أكون بعيدة عن العالم للدرجة دي

الماس أكيييد لأنه صلب ومفيش أي حاجة تانية ممكن تكسره،وأنا أتمنى أكون كدة لأني في ضعف مستمرو كل يوم بتكسر أكتر

إيطاليا أهم أهم أهم سبب عشان
Venezia
اللي بحلم أروحها طول عمري -اللي هي البندقية تقريبا-، ولأن إيطاليا بحسها كلها ساحرة، غير إن الشعب هناك زي المصريين في الحلو والوحش فمش هستغربني أوي هناك
وممكن نضيف لهم حبي للازانيا والبيتزا والمكرونةو..و.. :)اللي هنا ليهم نفس الأسامي بس أكيد هناك هم أكل تاني خالص وطعم تاني
بس دي مش أولوية لأني مش بحب الأكل خالص أصلا

أسئلتك عن الدايرة حسستني إني بكلم مهندس :).هو حضرتك مهندس أساسا؟ :)). بس فعلا هي منطقية وخلقتلي أسباب تانية لحبي للدايرة، بس بالنسبة لي الموضوع أبسط من كدة بكتييير أوي ومفيهوش تفكير
مجرد إني مش بحب أي حاجة حادة وفي نفس الوقت بحب المنحنيات أوي، يعني حتى في ديكور البيت أوالعربيات أو أي حاجة في الدنيا..أول حاجة بتشدني هي المنحنيات اللي مش صارمة كدة، وكنت نفسي لوكنت دخلت علمي رياضة إني أكون مهندسة ديكور عشان بس أوري الناس شكل المنحنيات مريح إزاي للمكان

طول عمري كنت بحب 7 أوي،بس من كام سنة بأة الشهر دة هوشهر الحزن بالنسبة لي
فمش قلت 7 بس عشان كدة، رقم 2 لأن أحلى أحاسيس وأحلى علاقات دايما بتكون بين 2، ممكن بين مجموعة أيوة، بس أكتر وقت تحس بإخلاص أو حب أواهتمام أوي أو أو..هيكون بينك وبين حد تاني بس، لو بين كتير مش حتس بالمشاعر دي بالقوة دي. فاهم إزاي؟؟
دة ببساطة سبب حبي للرقم ودلالاته عندي
النورس بحسده على المكان اللي هوفيه، ومش بحب أوي أشوفه وهو بيصطاد،بس حبيت شكله لما كنا بنرمي عيش في الهوا وهو يطير بسرعة ويخطفها في لحظات قبل ماتنزل وسط المية

شوف بأة....أنا مش فراشة!كل اللي قلته إني بتمنى أكون فراشة وبس. طب افرض اكتشفت في يوم من الأيام إني فلافيلو ومش فراشة :) هيكون رد فعلك إييييه؟؟؟ بقول بس افرض، ودة طبعا مش بالضرورة الحقيقة والله أعلم
فمن الآخر كدة..مش ينفع أكون "عسل" لأني أصلا هبة، مش فراشة :)

يااااه...عجبني أوي اسم الموضوع اللي اخترته دة، أوي أوي بجد. ياريتني أكون كدة
:)

Wish I were a Butterfly ... said...

Oceaneyes,

طبعا يابختهم
:)
متعذبين من يوم ماعرفوني
:))
ياسالي يالولو ربنا يخليكي انت لي، ويارب أكون عند ربنا أحسن من ظنكم كلكم فيّ
يارب ربنا يغفرلي مالاتعلمون

و انت كمان بجد جميلة أوي أوي
و شكرا أوي على ذوقك

Wish I were a Butterfly ... said...

alshared,

:)

مش هعرف طبعا أرد
ربنا يكرمك أوي

و أهلا بيك بعد طووول غياب..واضح إنك بتظهر مع الدراسة بس :)
شكراأوي على وجودك دايما لما أحتاج أتكلم

يارب تكون أحسن دلوقتي

Wish I were a Butterfly ... said...

أمير الهدوء

بحبها بس؟! دة فيه واحد في الشغل قعد يسألني اسئلة عشان يتأكد إني مش مدمناها
:))
والله بتكلم جد


ربنا يكرمك ياأخويا الجميل
ويارب أكون عند ربنا أحسن من ظنكم فيّ...انت كمان شخصية اتشرفت أوي أوي بمعرفتي ليها

تحياتي

Wish I were a Butterfly ... said...

الشريف\جمال طه

حاضر يافندم. إن شاء الله هدخل على واحد من المدونات دي عشان أفهم أكتر
لأني مش متأكدة إني فهمت العلاقة بين ملفات إيران و بين نظام الكفالة في السعودية

شكرا

ولــــــــــو said...

طبعا اجاباتك اكتر من رائعة وبجد انا بأشكرك على كل حاجة عملتيها
اسمحيلي اختار اكتر اجابات عجبتني وفيها حاجات مستغربها برضه

لــــو كان بإمكاني أن أكــــون طائر لكنت نورس فوق البحر الأحمر
احييكي على اختيارك منظره فعلا خرافة واكيد احساسه بيكون لا يوصف

لــــو كان بإمكاني أن أكــــون مادة لكنت مورفين؟
علشان مخدر فاللي بيأخده مش بيحس بألم
ولا فيه سبب تاني انا مش متخيل اجابه تانيه بالنسبه ليكي

لــــو كان بإمكاني أن أكــــون طعم لكنت طعم الشيكولاتة النضيفة؟
النضيفة؟ غريبة بجد

لــــو كان بإمكاني أن أكــــون رائحة لكنت لافندر أو بيرفيوم كاسيليا
بيرفيوم كاسيليا؟ انجليزي ده يا مرسي

واسمحيلي بقى اجاوب على الاضافات
لــــو كان بإمكاني أن أكــــون
قصيدة شعر لكنت كن جميلا
ووالله مش علشان افتكرت اليا ابو ماضي لكن بجد القصيدة دي من اروع ما سمعت
وبعدها قصيدة انا وليلى اللي غناها كاظم الساهر

واحب انا كمان اضيف
لو مش كنت عرفت حد زيك مش كنت اتمنى اني اعرف حد احسن من اللي انتي عليه

لو مش كنتي موجودة ف بلوجر كنت اتمنى بلوجر يقفل من بدريييييييييييييييييي

Wish I were a Butterfly ... said...

ولو
لو كان بإمكانك أن تراني لكنت وجدت ابتسامة كبييييرة أوي
:)
شكرا على الكلام الكبير أوي أوي أوي دة
و المجاملة الفظيعة أوي دي
و عايزة أفكرك بحاجتين..أولا فيه كتير أوي ناس كويسة وحضرتك نفسك اللي كنت قلت كدة أكتر من مرة،ودة ردا على آخر جملتين عندك في تعليقك
تاني حاجة هي إن الشخصية اللي تعرفها هي اللي على الورق..يمكن دة اللي جوايا أوي أيوة،بس متعرفش ممكن تكون الحقيقة شخصية تانية خالص.فأكيد أتمنى تلاقي ناس أحسن مني بكتير أويييي، وعندك واحد بيكلمك كل يوم في موبايلك واتقابلتوا إمبارح في التحرير:) مش بعيدة يعني
بعدين أنا اللي أتمنى أعرف ناس جميلة زيكم في الدنيا الحقيقية

بالنسبة للمورفين بأة... :) صح أوي اللي فهمته. دة سبب الاختيار الأساسي، بس كمان كنت مدمرة أوي نفسيا لفترة طويلة و بالتالي بدنيا طبعا..فكنت نفسي ألاقي حاجة ممكن تنسي الدنيا كلها كدة
:)بس متخافش والله ماجربتها، بس اتمنيت أكون المادة اللي بتنسي الآلام دي

الشيكولاتة النضيفة أيوة.. طبعا النضيفة
:)
ماهو مش كل شيكولاتة تشوفها يتقال عليها شيكولاتة هههه..بعدين بتاعة مصر دي أغلبها بتجيب حساسية وحاجات غريبة لمعظم الناس اللي مش قضت طفولتها في مصر ومش اتعودت عليها من صغرها. فيه شيكولاتة تاكلها وتقول "مواد حافظة 100%"
وواحدة تانية تدوقها تقول..حلوة، وفي حاجات مش تعرف تقاومها، وفيه حاجات بأة بمثابة السحر لعشاق الشيكولاتة :) وهي دي تبقى النضيفة
:)))
كفاية كدة عشان متتضايقش مني

بيرفيوم كاسيليا؟
Cassilia
:)
اللي لون السائل بتاعها حتى روز حلوأوي،بحس إنها مسكّرة!! ومتسألنيش يعني إيه ريحة مسكّرة لأني معرفش :) بس دة اللي بحسه لماأشمها في أي مكان
مغرمة بيهاأوي
أناكمان بحب أوي "كن جميلا". بس إشمعنى أنا وليلى؟؟أناعمري ماركزت فيها بس شفتها على النت من شوية

عموما شكرا أوي على ذوقك، ومازلت شايفة إني مش أدالكلام الكبير دة خالص
:)بس بجد شكرا
نفس الكلام ممكن أهديه ليك تاني
ربنا يعزك