Sunday, July 13, 2008

محاولة للطيران


لم يصدق عينيه ذلك الصباح

أخذ يحرك جناحيه ببطء و ينظر إليهما

لقد شفي تماما من ذلك الجرح المؤلم في جناحه و الذي كان يمنعه من الطيران

.........................................

بدأ الطائر الصغير في التساؤل... هل بإمكاني الطيران الآن بعد أن منعني جرحي لشهور عديدة مضت؟


لم يفكر كثيرا في إجابة لسؤاله، فقد بدأ في التحليق عاليا في السماء تاركا الماضي خلفه

انطلق بحرية بين السحب... رفرف بجناحيه بقوة... يغرد بأحلى الألحان السعيدة


أحس بأن قيودا كثيرة قد كسرت، و لم يعد أسيرا لجرح كان عميقا في يوم مضى

لم يعد هناك ما يمنعه من الطيران الآن

أحس بأن الكون بأسره.. ملكا له وحده

و فكر

لكم تمنيت أن أحلق عاليا بعيدا عن كل العيون

ها أنا أحلق بحرية في تلك السماء الواسعة التي لا أرى لها نهاية

و تلك السحب الصغيرة تتحداني كي أمر خلالها و أغوص بداخلها... اطمئني أيتها السحب... فلن أضل طريقي هذه المرة

و تلك المروج الخضراء هناك تناديني..... فإليك أنا قادم


في تلك اللحظة... شعر الطائر بأن كل من حوله من الطيور ينظر إليه

لعله مجرد إحساس بداخله لأنه لم يطر منذ شهور.... لكنه نظر مرة أخرى ليجد الجميع يتوجهون بأنظارهم إليه فقط


مهلا!!! تلك ليست نظرات سعادة من أجلي!! و لا هي نظرات حقد!! ربما هي نظرات.......... و هنا، نظر الطائر إلى جسده الأبيض الصغير ببطء.. ليجد اللون الأحمر قد غطى جزءا منه


إنه ذلك الجرح اللعين

لم يلتئــم بعــد



بل عــــاد ينزف دما

45 comments:

Doba said...

انتى شريرة بجد
بقى بعد مفرحت وبقيت مبسوطة وسعيدة انه بيطير ويطير

تقومى تقولى انه مازال ينزف وان جرحه لم يلتئم - واحسرتاه

جميل الوصف والكلمات
تسلم الأيادى
تحياتى
هبة

المـــفـــــــقــــــــوعـــــة مــرارتـهــا said...

لاقيتك
انا شاطرة اهوه
سبقتك
بس انا متأكدة اني زرتك قبل كدة
اخبارك ايه ؟

Wish I were a Butterfly ... said...

doba,

شفتي الشر بأة؟ :). معلش إني فرحتك ودايقتك تاني بعدها
دة اللي حسيته مش أكتر

شكرا أوي يا دووووبا :). بحبك أوي أوي أوي بجد

Wish I were a Butterfly ... said...

المفقوعة مرارتها

الحمدلله يا قمر. أنا كويسة

انت طبعا طول عمرك شاطرة
:)
نورتي يا مفقوعة... بجد كان يوم لذيذ أوي

هحاول أزور بلوجك قريب قريب
سلام يا جميل

alshared said...

الجرح الذي لا يلتئم هو جرح الروح
فقد النفس
ربما يتبقي من الجروح أثر
مجرد أثر
يذكرك به
لتعلمي أنكي كنتي هناك
في لحظة ضعف أو قوة لا يهم
الذي يهم هو أنكي أنتي وليس أحدا سواكي
من تسبب في هذا الجرح

سوء أختيار
أو سوء تقدير


أنا أسف كتبت كلام مكنتش عايز أكتبه بس متسق مع حالتي دلوقتي

متخيله لما تكوني عايزه تعملي حاجه وفي نفس الوقت مش عارفه تعمليها

أنا عارف انك مش هاتزعلي مني
مفيش حد بيزعل من أخوه

أدعيلي والنبي

blue-wave said...

ربما لأنه تعجل الشفاء
وربما لأنه لم يجد من يعينه على الشفاء
وربما لأنه لم يتيقن من الشفاء
تحياتى

أيامنا الحلوة said...

مفيش أحلى من الحرية والسعادة ومفيش ابشع من الجرح والنزيف

حلو اوي الوصف والكلمات بجد
ربنا يوفقك ويسعدك ويبعد عن الجروح

تحياتي

.»--•ًٍ[Mًٍ®ًٍ.ًٍ¢ًٍâًٍٍَlٍMًٍ]•--«. said...

احساس قريب من احساسي
لكن في اللحظه دي
حاسس ان الجرح بدأ يلتأم
^_^

يا رب يا رب تكوني سعيده
ويبعد عنك كل حزن وضيق

تحياتي وتقديري الشديد لكي
أمير الهدوء
أحمد

.»--•ًٍ[Mًٍ®ًٍ.ًٍ¢ًٍâًٍٍَlٍMًٍ]•--«. said...

هبه
مدونة Oceaneyes
راحت فين
مش بتفتح عندي خالص

لو تعرفي توصليلها سلامي يبقى كويس
انا معرفش اسمها

وسلامي ليكي طبعا
^_^

فاتيما said...

الطائر دا صاحبى
انا عارفاه كويس قوى
عملت زيه مرة
و الطيور التانية إتفرجت عليا
نصهم كان بيبص لمجرد الفرجة
و النص التانى صعب عليه المنظر
أنتى طلعتى حكاية و أنا مش واخدة بالى خالص كدا
يا رقيقة الله ينور عليكى
يا من غير ما توشى
إنتى بترفلاية رقيقة

sakayar said...

لأ على فكرة بقى
انتي غلطانة
اللون الاحمر ده مكانش ينزف دماً
ده كان بياكل سندوتش برجر بالكاتش وهو طاير فالكاتشب وقع عليه
هه
النهاية سعيدة بقى ماليش دعوة انا
هه
اما عن البداية
فمش هقول يكفي شرف المحاولة انه يرجع يحاول يطير من جديد
بحسها وبحبها اوي الفكرة دي
اطير
انجرح
اقع
اقوم
اطير
انجرح
اقع
وهكذا
لكن ف كل ده بتعلم ... لذلك مش كل مرة هقع لنفس السبب واكيد هتيجي المرة اللي مش هقع فيها واللي هييجي يوقعني هو اللي هيقع ... خلاص هكون فهمت اللعبة واتعلمت اطير صح واطير من غير قيود
تحياتي

BoBo said...

انا متفقة مع دوبا انك طلعتي شريرة بجد
عموما الجراح في النهاية بتلتئم مهما كانت صعبة وعميقة.. المهم نبقى عاوزينها تلتئم ومش عايشين في دور الضحية وعاجبنا
وحشتيني على فكرة وعمر بيسلم عليكي

momken said...

ياه ه ه ه
مؤثره جدا
كنا خلاص فرحنا وقولنا هيعيش حياته

قصه مؤثره اوى
تسلم ايدك
تحياتى

Wish I were a Butterfly ... said...

alshared,

مش شرط بالضرورةأكون أنا من تسبب في هذا الجرح. الدنيا كفيلة بجرح الناس كلها والضحك عليهم

مش تتأسف يا شارد لأنك زي ماقلت مفيش حد بيزعل من أخوه.. مش هزعل غيرلو اتجاوزت حدودك في الكلام، ودة مش حصل المرة دي

يارب كلماتك الحزينة تتغير تاني و ترجع كلمات سعادة وتفائل زي زمان... ربنا يزيل عنك كل هم و نصب قريب
:) ابتسم أرجوك

Wish I were a Butterfly ... said...

Blue wave,

صح جدا
و ربما خيل إليه أن الجرح قد التأم تماما لكنه لم يكن كذلك

تعليقك في بلوجي بيشرفني جدا :). شكرا

Wish I were a Butterfly ... said...

أيامنا الحلوة

آمين يارب

الحمدلله إن الكلمات عجبتك يا شيري
ربنا يسعدك إنت كمان أوي أوي

وحشتي البلوج :)

Wish I were a Butterfly ... said...

أمير الهدوء

الحمدلله إنه بدأ يلتئم
يارب دايما مرتاح و سعيد يا أحمد

...................
بالنسبة لتعليقك التاني ..بصراحة أول ماقرأته كان نفسي أقولك كلمتين وبس
:)
صباح الخييييييير

بتهزر؟؟ :) مدونة
Oceaneyes
مختفية من وقت كتير جدا جدا، حاولت كتير أشوف المدونات اللي كانت بتحبها وأبحث في التعليقات لعلي ألاقي حد يعرفها في الحقيقة بس مش لقيت
هي وحشتني أوي فعلا ومش حبيت إنها تختفي كدة بدون سابق إنذار. اسمها سالي..وافتكرها في دعاءك بأة
:)
هي كانت أختنا برده... لو عرفت توصلهافي يوم من الأيام انت ابقى سلملي عليها :).. هي فعلا حد حبيته أوي وفرق معايا جامد

Wish I were a Butterfly ... said...

فاتيما حبي أنا

أنا كمان عارفة كتير زي الطائر دة

أنا طلعت حكاية؟؟ طب ليه كدة بس؟؟ :) دة انا غلباااان

ربنا يكرمك يا طمطومة ويسعدك أوي أوي. انت اللي بجد رقيقة أوي وتستاهلي كل الخير
:) مش عارفة أوصفلك فرحت أد إيه لما لقيت اسمك هنا... ربنا يارب يصبرك ويرزقك بكل الخير يا حبي.... سامحيني إن أول حاجة قرأتيهالي تكون سودا كدا

Wish I were a Butterfly ... said...

SaKaYar,

تعليقك صعب الرد عليه
:)
ربنا يكرمك

يكفيه شرف المحاولة فعلا. فكرة إنه يقع ويقوم تاني فعلا رائعة، بس ساعات بيصعب تطبيقها في الواقع

شكرا جداجدا لمتابعتك و لتعليقك اللي أضاف لي كتير

Wish I were a Butterfly ... said...

Bobo,

مين؟؟؟؟ هبة؟؟؟
:)))

نورتي نورتي كتير يا جميلة

بس ليه داخلين فيّ شمال كدة؟ :(. أنا أعمل إيه بس؟؟ هي جت كدة

انت كمان وحشتيني أوي بجد.. نحاول نتقابل قريب إن شاء الله. خدي بالك من عمر النونو :)

معلش ليكي انت وفاتيما ودوبا..أول بوست بعدماأقابلكم.. طلع مش سعيد خالص معلش. إدعيلي

Wish I were a Butterfly ... said...

momken,

أنا اللي أقول "يااااه". يمكن حضرتك مش تعرفني، بس "ممكن" بالنسبة لي هو أحد الأعلام البلوجرية المميزة جدا في حياتي البلوجرية القصيرة
:)

رأي وتعليق أعتز بيه جدا جدا. شكرا لحضرتك

قلب ينبض لله said...

ازيك يا أحلي فراشة في الدنيا كلها؟

عارفه أحسن حاجه في البوست دا ايه أن الطير المجروح حاول يطير من تاني وفعلا طار
جرحه ماخلوش يستسلم
صحيح لما طار رجع الجرح نزف تاني بس مش مهم بكره يلتئم الجرح ويرجع تاني يطيير

كلماتك أكتر من اني اقول عليها تحفه وتجنن

بحبك جدااااااا

قلب ينبض لله said...

اه نسيت اقوولك كل سنه والبلوج بتاعك أحسن وأجمل ويارب تفضلي تكتبي فيه لحد كمان 50 سنه بلاش ميه اصلهم هايبئوا كتيير اوي :D

حمامة said...

انا عجبنى اوى ف الاول
عدم اهتمامه بجرحه
ومنشغلش كتير بفكره هيطير ولا لأ
وطار فعلاً
بس زعلت ف الأخر

صالحينى بقى

:)

همسات دافئه said...

آآآآآآه وجعتينى
بعد ما طلعتينى لأعلى سحابه رمتينى
بس تفتكرى السعاده والنشوه الى حاس بيها وهو فوق هينساها لما يترمى على الأرض أسير جراجه
ولا هيحمد ربنا انه حاس بيها قبل السقوط الذى قد يكون الفناء
فكرتك فى منتهى الروعه كالعاده يافراشتى الرقيقه
تحياتى
شيماء:)

واحدة مفروسة said...

حبيبة قلبي انا جيت
وحشتينى جداَ و انتي
هاديه و راسيه كده...و ناعمه كمان

بصي يا قمرة انا من رأي إن كون الطائر بدأ يفكر انه يطير ديه علامه من علامات الشفاء
التفكير فإنه ممكن يقدر يطير و بدأ يفوق للعالم اللي حواليه
ديه إشارة لطريق التعافي
حيشفي...و يطير...و ريشه يكبر.....
بس كل شيء يباخد وقته
و على حسب بقى قدرته...
سلام
وحشتيني بجد

همسات دافئه said...

انا جيت تانى
مش عارفه ليه حاسه دلوقتى بمدى التشابه الى بينه وبين الطائر بتاعك
بجد البوست ده مسنى اوى
اسلوبك رائع
واحساسك قوى اوى
أحييكى بجد
شيماء

الخيط الرفيع said...

ممممممممممممممممم
انا قلقانة
قوي
وحسة ان نزف الطائر مع سبق اصرارة وترصده
ممكن لو حاول يطير تاني وينسي موضوع الجرح ويمحي اللون الاحمر من القاموس بتاعة الوضع يتغير
لو قلبنا المقلوب ينعدل

lyssandra said...

يا ألم م م م م

صعب أوي

آخر جملة كانت بمثابة طعنة


صعب أوي الألم والجرح
والأصعب لما يتفتح الجرح تاني

تحياتي يافراشه
بس ليه كم الألم ده

يارب دايما تكوني سعيده


lyssandra

رئيس جمهوريه نفسى said...

القصه حلوه فى فكرتها بس لو كنتى وقفتى عند انى هو بيطير لاحظ نظرات باقى الطيور بيلتفت لقى الجرح والدم وسكتى كانت النهايه حيبقى فيها الاسبنس ما تلاها زياده ليس لها محل من الاعراب

رئيس جمهوريه نفسى said...

ليكى عندى واجب تعالى استلمية من المدونه

سبهللة said...

هاقولك زى ما قلت لرئيسة حزب الاحلام
انتوا كنتوا فى اللقاء النسوى ساكتين وهاديين اوى اوى
لكن لما بتكتبوا
بحس انكم جبابرة الكتابة
فعلا ياما تحت الساهى دواهى
بجد بوست هايل

Doba said...

أزيك يا بنوتة يا أرق مالبسكوتة
وحشتينى يا رقة

لو سمحتى انا حاولت اجيب تليفونك ومعرفتش فحبيت أقولك خدى رقمي من روفى - الخيط الرفيع - الرقم معاها وابقى كلمينى او ابعتيلى رنتيت وماسيدج وبعدها طوالى ادارى فى الدرة علشان هطخ نار

نيهاهاهاها

فى انتظار تليفونك او رقمك فى اس ام اس
بوسى نفسك بوستين
وعالجى الطير المجروح ده بقى احسن واجعلى قلبى

يلا سلام
هبة

a Dreamer with feet on the Floor said...

Dear.... U know ..how many broken wings...R there now..and each time U have great hopes ...the expectations comes so low...
we R living in the era of the killed dreams..

I enjoy Reading Ur Posts

الحلم العربي said...

ايه القصص الجامدة دي
الله يسامحك
بجد اتضايقت علشانه لكن انتى رسمتى الصورة بدقة أوي
فعلا ساعات الواحد من كتر ما نفسه يكون حاجة يستعجل و يضيع كل حاجة

بحبك في الله يا صديقتى اللى ماعرفهاش لغاية دلوقتى

على فكرة ايميلى على المدونة بتاعتى ممكن تاخديه لأنى مالقيتش الايميل بتاك هنا
سلام يا أجمل فراشة

واحدة مفروسة said...

انا جيت هنا قبل كده و سبت تعليق
انا اتنشلت؟؟
ولا ما دوستش على ال بابليش
ما هو اختك فى الطراوه
ممكن تعمل اي حاجه

كفايه احساسه انه حيكون قادر على الطيران حتمكنه
من معاودة الطيران
ساعات
الامل القوي..بيسرع بالشفاء
و كفايه انه نفسه يطير
فتأكدي انه حيشفى بسرعه

Wish I were a Butterfly ... said...

قلب ينبض الله

أنا كمان بحبك أوي بجد

فعلا أهم حاجة إنه مش يياس و يفضل يحاول تاني و تاني
بس الحقيقة إن الكلام أسهل بكتير من الفعل

.............
:)
و انت طيبة يا رودي شكرااااا

هفضل أكتب إن شاء الله بس لو انت فضلتي تكتبي انت كمان. ياترى فهمتي قصدي ولا..؟؟
:)))
أنا فعلا بحب البلوج دة أوي أوي، و صحيح بكتب فيه لمجرد الكتابة عشان أفضفض عن اللي جوايا وبعتبره جزء مني و بحب أكتب فيه أوي وكدة، بس كمان بحب ناس كتير فيه أوي أوي... و صحيح مش الهدف من البلوج كان الناس دي لكن لو عدد منهم اختفى أنا مش هستمر في الكتابة كتير بعدها لأني هحس إني بموت. أتمنى يكون وصلك قصدي يا حبي
:)
ربنا يخلي لنا كل اللي بنحبهم حوالينا...و انت أكيد منهم

Wish I were a Butterfly ... said...

حمامة
اممممم... :( معلش بأة

طب انتو عندكوا كل الورد و الحاجات الحلوة أنا هعمل إيه بأة؟؟
:)
طب بتحبي الشيكولاتة؟؟

اللي تقولي عليه أنا تحت أمرك.. بس أرجوكي مش تزعلي
نورتي يا حمامة يارقيقة

Wish I were a Butterfly ... said...

همسات دافئة

تصدقي انت اللي وجعتيني أوي بكلامك دة؟ آسفة على الإحساس الوحش دة يا شيمو

اممم.... سؤالك صعب شوية
لأ غالبا هيحمد ربنا إنه فرح في لحظات من حياته فرحة مفيش بعدها و هيفضل يتمنى لحظة زيها تاني

انت اللي سؤالك وتفكيرك بجد خلاني أفكر كتير :) هو اللي رائع مش اللي كتبته

Wish I were a Butterfly ... said...

واحدة مفروسة

:)
مش هعرف أوصفلك فرحت أد إيه لما قرأت كلامك
ياااااه!!! بجد جميل أوي أوي. شكرا أوي كتيييير... يارب حياتك كلها يبقى فيها أمل و حب للحياة كدة و عمرك ما تبقي مكان العصفور أبدا بجد
:)
انت كمان وحشتيني جدا جداااا
انت كنتي من الناس اللي شخصيتها عميقة وجواها كتيرأوي بس فعلا حبيتك أوي

بس إيه "ناعمة"دي؟؟ :$ أول مرة في حياتي أسمع الوصف دة رغم إنه عجبني معناه أوي
:)))
شكرا إنك شرفتيني في البلوج :) نورتي بجد

Wish I were a Butterfly ... said...

همسات دافئة

ربنا يكرمك يا شيمو
:)
أتمنى عمرك ما تكوني زي الطائر في إحساسه الأخير

نورتي تاني ;)

Wish I were a Butterfly ... said...

روفي

ممكن
:)
و ممكن كمان لأ

أدينا بنحاول في الدنيا و هنشوف آخرها إيه
يمكن يطلع اللون الأحمر كاتشاب زي ما سكايار قال في تعليقه..أو شوية بوية وقعوا عليه و هو اتوهم من المنظر... يعني...الحياة كلها تجارب و المفروض مش نمل من كدة
الله المستعان :)
وحشتيني في الحقيقة و في عالمنا الخاص جدا هنا:) وحشني تعليقك يا توتة

Wish I were a Butterfly ... said...

Lyssandra,

احلى حاجة قلتيها
الأصعب لما يتفتح الجرح تاني

ربنا يسعدك انت كمان أوي يا ليمو
:)

Wish I were a Butterfly ... said...

رئيس الجمهورية العزيز

شكرا على ملاحظتك :). رأي يحترم و حسيت إن ممكن يكون عندك حق فيه شوية

أنا فعلا فكرت أقف عندها بس حسيتني عايزة أكمل بعدها جملة إنه رجع ينزف تاني

طبعا اتأخرت جدا و الواجب اختفى خلاص بس عموما أنا عارفة التاج و هعمله في يوم من الأيام قريب إن شاء الله

دمت بألف خير

Wish I were a Butterfly ... said...

سبهللة

جبابرة؟؟؟!!!! ربنا يعزك يا رب
بس أنا لأ أنا مش كدة خالص خالص. كتابتي عادية جدا جدا فعلا

شكرا أوي يا جميلة على المبالغة :). ربنا يكرمك

أتمنى أشوفك تاني إن شاء الله... كان يوم حلو أوي بجد :)