Monday, February 16, 2009

في لحظـــات


دخل فجأة دون استئذان

ضرب الباب بعنف و اتجه داخل البيت بخطوات ثابتة

انتفضت السيدة عند دخوله و ظلت تنظر إليه بتوجس..نظرة تسأله مئات الأسئلة

بنظرات حادة بادلها حوار الأعين في لحظات، ثم مضى إلى الداخل

كأنه ذئب يعرف أين تكون فريسته بالضبط

يحفظ المكان

يعرف هدفه ومتأكد منه

لم يلق بالا لما تقول بعينيها أكثر من ذلك

فقط اتجه صوب النافذة و ألقى بسلسلة مفاتيحها بعدم اكتراث، لكنه أبقى معه مفتاحا واحدا فقط.. و نظر إليها مبتسما بخبث،و مضى إلى داخل الغرف

أصوات تكسير و خراب

و أوراق تقطّـع و متعلقات تتحرك من مكانها

سلب كل شيء بالبيت... كل شيء.. كل ما وجده من متعلقات، أوراق،و أشياء للذكرى مهما كانت صغيرة

ابتسم ابتسامة كبيرة لقيامه بمهمته الغامضة

!! و نظر إليها و هي في حالة ذهول

لا تجد حولها بكل مكان تنظر إليه سوى الخراب و الدمــار

رفع يده مودعا و كأنه صديق قديم!! و على شفاه ابتسامة الانتصار

تركها في حالة يرثى لها... فهي لا تصدق ما حدث في لحظات!! كل ما حولها تم أخذه و كأنها تود لو أن تختفي مع ما تم أخذه

تركها و دموعها قد تجمدت مما يحدث حولهاو هي في قمة الانهيار

أغلق الباب بإحكام بالمفتاح.....و رحل
. . . . . . . . . . . . . . . . .
تحديث: ما أكتبه ليس بالضرورة معبرا عن تجربة عشتها أو واقع أعيشه اليوم.. ربما كانت مجرد خواطر، أحاسيس أخافها، أو حتى مشاهد أتخيلها بناء على شيء بداخلي

16 comments:

mohamed ghalia said...

كلمات صعبة قوى
الهجر ده صعب فعلا
دمتى بكل الود أختى

Anonymous said...

عزيزتي الفراشه

يمكن يكون لما قفل الباب سابها لوحدها
بس كمان أداها الفرصه أنها تلملم ما بعثرته يداه

مفيش حاجه بترجع زي ما كانت بس كمان مفيش حال بيدوم

على الهامش

هو وصل لمكان الفلوس ولا ملحقش :)

Mafrousa said...

مين ده؟؟؟؟؟
لوحرامي....يبقى الحمد لله انه سابها عايشة

لو جوزها.......
مع الف سلامة.........رحمها من انها تري اي شيء تذكرها بيه
كده مش حتفتكر غير اللحظة ديه و قلبها اكيد مش حيحن و لا يشتاق له

كل شيء مادي ممكن تعويضة
لكن المعنوي لأ

بس انا بقا لي سؤال هوه قفل عليها بالمفتاح ليه؟؟؟ حبسها؟؟؟؟
و رمى مفتاحها من الشباك علشان تفضل محبوسة؟؟؟؟؟؟

يا بنوتة مافيش مفتاح مالوش اخ فى الدنيا بحالها
واللى مالوش اخ بنغيرله الكالون

خليها تغير الكالون

بصي انا مش بحب الضعف....
كل حاجة و ليها حل
تحمد ربنا انه مشي و اخد كل ما يمكن ان تتذكره بيه
اللى ما يبقيش عليها.......لا تبكي عليه

sakayar said...

وكأنه تلاعب بالذاكرة وكل الفلاشات اللي تحمل ذكرى ثم تركها حبيسة النفس ... لكن ممكن تبص م الشباك تنده لحد يجيبلها مفاتيح النفس اللي اترمت من الشباك دي هههه
ومن الممكن متنتظرش حد يجيب المفتاح وتكسر هي الباب لتنطلق وتجمع شتات نفسها دون إنكسار أو انهيار

تحياتي

رئيس جمهوريه نفسى said...

حلو قوي الون شوت دة بيعجبنى قوي الكاميرا على وجهة البطلةاللى انتى بتنقلى التعبيرات بتعها بيدخل المجهول بيقتحم وحدتها وبترتسم الانفعالات بتعتها صوت التخبيط والكسر وبيتقل على الكام كلوز على وجة البطلة
المشهد مرسوم بحرفية شديدة وان كان نصيحتنا بيحتاج لبعض اعادة الصياغه ادبيا

الملخص ابدعتى فى المشهد وفى الاسقاطات بتعته

تعاملت مع البوست كنص ادبي بحت زى ما بفضل دائما
:(

salma mohamed said...

السلام عليكم
ازيك يا بوبة؟
الاسلوب جميل ,والغموض فيه اجمل,
صحيح انا مش عارفة المغزى اللي انتِ تقصديه من البوست,
هو ممكن يتفهم باكتر من معنى,
بس معلومة او وجهة نظر,حتى لو الشخص ده خد كل حاجة ممكن تكون ذكرى,الذكرى نفسها مش ممكن تتمحي من جواها.

وحـــــــــــى القلم said...

الموضوع شيق بجد
والسيناريو بتاعه قوى
بس انا تقريبا مش فاهمه :-)
يبدو ان مخى متوقف
هو مين ده
يطلع ايه ؟
دمتى بود

alshared said...

فقط عندما نخرج من تجربة تركت بداخلنا ندوب وجروح من الصعب أن تلتئم

نود لو لم يكن لها وجود

ولكن لا نستطيع نسيانها

...............ز

مش عارف أنا فهمت صح ولا غلط بس ده الأحساس اللي وصلي

....
دمتي عزيزتي بكل الود
أخوك

صفــــاء said...

.
من هذا الذى يملك مفاتيحها

ويعرف مخبأ أسرارها

ومن هذا الذى عرف انها لن تجرؤ على التعرض له .. او رفضه .. او حتى طردة

هو قبل ان يبعثر كيانها
هى ملكته مفاتيحها
.

blue-wave said...

كم هى رائعة وقاسية كلماتك
اوجزت معان كثيرة بكلمات قليله
سلمت يمناك

نـــــور said...

مش عارفه انا مش فهمت اوى
بيتهيألى لو فهمت صح بتكلم عن انها مش مفروض تزعل لو كان حد حبته وهو دخل حياتها على غفله دمرها ليها وخرج
لو كده يبقى مش يتزعل عليه
اما لو غير كده اعذرينى
يمكن تكون شحنه غباوه هبطت عليا؟ :)

Wish I were a Butterfly ... said...

mohamed ghalia,

شفت بأة؟
:)
مرة أعمل كيكة و تكون ألفاظ سهلة زيادة و مرة أصعبها على الناس. بس عشان مش تزهقوا

شكرا لمتابعتك اللي بتسعدني

Wish I were a Butterfly ... said...

انسان مقيد

امممم
وصل للفلوس و الثروة؟؟مش عارفة بصراحة. :) ممكن تسأله

ليه مفيش حاجة بترجع زي ما كانت؟؟ ساعات بحس إن فيه حاجات ممكن ترجع عادي
حلو كلامك. بس لو سايرتك في تخيلك للموقف... ليه من الأول أخد و كسّـر كل حاجة؟؟
شكرا لتعليقك أخي العزيز

A long distance said...

احساسك صورتيه بطريقه جميله
عجبتني جدا
بس ان شاء الله تبقي كويسه
وميحصلش حاجه تدايقك

KEBLAWYAT said...

جامد جدا

Anonymous said...

عن جد شي حلوووو