كنت المفروض أكتب بوست من أول امبارح :( بس الحمدلله...قدر الله و ما شاء فعل
المهم... استمرارا لحالة العقل اللي أنا فيها كنت عايزة أقول اقتراح للأيام دي...إيه رأيكم نخلي يوم السبت دة "غدا" يوم نحمد فيه ربنا كتيييير أوي؟
يعني مش نقول "الحمدلله" كدة و خلاص. بس نحاول نحس بالموضوع أكتر، و نفضل نفتكر كل الأوقات اللي ربنا ساعدنا فيها لما كنا محتاجينله أوي... و نفتكر نعم ربنا الكتير أوي اللي ممكن نكون مش بنفكر فيها كتير مع انها مؤثرة في حياتنا أوي... يعني زي الأصحاب و لما ربنا منع عنا حاجة كنا فاكرينها جميلة أوي و بعد كدة اكتشفنا العكس فحمدنا ربنا عليها جامد أوي.... بس نخلي بكرة يوم نفتكر فيه نعم ربنا الكتير أوي.... وحتى على الأقل 10 دقايق قبل المغرب نحمد ربنا. إيه رأيكم؟؟
كدة نكون أخدنا ثواب الأيام دي، وخصوصا انه مستحب فيها الحمد والتهليل و التكبير... و كمان اتغيرت النفسية شوية :) لما افتكرنا ان ربنا بيحبنا أوي و دايما بيساعدنا
مش منتظرة تعليق و لا أي حاجة... بس بتمنى أي حد يشاركني إحساسي دة
13 comments:
Dear..thx 4 ur nice suggestions..
thankfull ...we Must b all the times...
but ui wil follow ur advice and make it intenssive these dayes in shaa2 allah..
pray 4 us...2 prevent illness , poverty, in justice,and Violence from Us...ameen..
best regardes
عزيزتي
احيكي وبشده فعلا احنا محتاجين نتفكر شويه في نعم ربنا علينا ونحمده عليها
اوعدك اني احاول اعمل ده واني احاول كمان اوصل الفكره لبعض الناس
بجد شكرا اوي
تحياتي
Dreamer,
Thanks a lot :) . I really appreciate a lot ur response.
Now I'm "reactivated" again with bloggers whom I don't know, but really help me& share me good things. :)))
May Allah accept from both of us.
Thank you very much, sir.
My best regards as well
............................
انسان مقيد
:)
الموضوع مش محتاج شكر خالص. و لو عاوز تشكر حد، يبقى المفروض تشكر ربنا و أنا كمان أشكره انه ممكن يكون خلاني سبب صغير في اني افكرك تشكر ربنا على نعمه
يارب يتقبل مني... و من حضرتك كمان ان شاء الله
:) من النعم اللي هشكر ربنا عليها أوي هو اني عرفت ناس جميلة من عالم البلوجرز اللي مش واقعي دة....... ناس مش بس بيحاولوا يساعدوني لما أكون محتاجة أي كلمة تخفف صدمات الحياة، بس كمان بيحاولوا يتعاونوا معايا على الطاعة.. ولو لأيام قليلة :) .مش دي محتاجة شكر كتير أوي؟
ألف شكر على المتابعة و المساعدة..وربنا يرجع الباشمهندس بالسلامة ياااارب
تحياتي
ما شاء الله عليكى بجد يا جميل
ان شاء الله يا هبة ربنا هايكرمك من اوسع ابوابه بإذن الله ...والله انا اول ما شوفت البوست ده كان امبارح باليل قبل ما انام ..حمدت ربنا كتير اوى انى شوفتها ..وفعلا النهاردة من ساعة ما صحيت وانا كل ما اكون لوحدى ومش بتكلم بحمد ربنا وحتى كمان اصحابى عرضت عليهم الفكرة وكلهم عملوا زيى
يعنى بجد كله فى ميزان حسناتك ان شاء الله
وربنا يباركلك يا رب
انتى تستاهلى بجد كل خير يا قمر
وكل سنة وانتى طيبة
:)
Oceaneyes,
و انت طيبة يارب
ايه دة ايه دة؟! قلتي لأصحابك؟ :) بجد فرحتيني اوي . يارب يتقبل مننا ويرزقنا الاخلاص
وشكرا على كلامك كتير. ربنا يغفرلي اللي انت مش تعرفيه عني ياسالي
كنت محتاجة حد يفكرني بالمعني ده اليومين دول بالذات
فعلا الحمد لله
علي نعم كتييييييييير احيانا بتغيب عن عيوننا
شكرا اوي عالتذكرة وعالمعني الجميل
ربنا يجازيكي عنا خير
حلم الحرية
آمين يارب
أول زيارة ليكي في البلوج يامروة. شرفتي البلوج بجد.و يارب مش تكون آخر زيارة
مدونة حضرتك جميله جدااا
بجد جزاكي الله خير
كل سنة و انتي طيبة
و متخاليش حد يقصقص ريشك
طموحك هو أمانة ... لا يجوز التفريط فيها
مهما كان عالي هو ممكن
و مالا يدرك كله لا يترك كله
سلام
كل سنه وانتى طيبه يا قمر
أمير الهدوء
جزانا و إياكم
:)
شكرا على ذوق حضرتك...و ادعيلي بالاخلاص
.........................
The last Sammurai,
شكرا جدا على تعليق حضرتك الراااائع..اللي خلاني فكرت كتير أوي قبل الرد عليه
بس للأسف كنت أتمنى تكون إجابتي إيجابية و فيها أمل زي تعليق حضرتك كدة، بس دي مش الحقيقة خالص
وصلت لمرحلة حرجة دلوقتي الحمدلله :) أو على الاقل أنا شايفة كدة للأسف..... و شايفة كمان إني لو طير..يبقى خلاص مش بقيت أعرف أطير تاني
بس بجد جزاكم الله كل الخير على تعليقك المشجع جدا و المليء بالأمل حقيقي... هحاول أفتكر إن طموحي أمانة لايمكن التفريط فيها..... و هحاول أرجعها تاني ان شاء الله
سؤال بأة!! مش حاسة إني شفت اسم حضرتك في معظم المدونات اللي دخلتها قبل كدة. حضرتك عرفت المدونة اليتيمة بتاعتي منين؟
:)
نورت المدونة... و شرفتني جدا بتعليق حضرتك اللذيذ والمفيد
............................
Semsem,
و انت طيبة يا قمرين
:)
انا فاكر يوم الجمعة ده كويس جدا
انا قعدت بعد ماخلصت صلاة الجمعه على السور وبصيت حواليا لقيت فضا
وكان الجو برد جدا وكنت قاعد ف العربيه وقافل الازاز ومشغل التكييف وسرحت
سرحت ف دنيا عشتها من غير حساب وناس كتير وانا منهم مش يملى عينهم حتى التراب
اد ايه قلت ان ربنا كبير
بين يوم وليلة حالي يتغير من غير ما حتى اسعى واعمل المفروض عليا
اد ايه ربنا كريم
وساعتها نمت وقمت حاسس اني واحد تاني
اللهم لك الحمد كما ينبغي لجلال وجهك وعظيم سلطانك
انا بجد باشكرك انك خليتيني افتكر لحظات حلوة ف حياتي اتمنى تفضل مصحباني على طووووول
ولو
:)
أنا كمان أتمنى تفضل مصاحباك علطول حالة السلام النفسي والرضا دي
وكان لي ملحوظتين صغيرين على كلامك
:)
أولا: كلامك مريح أوي و اسلوبك بجد جمييييل... كان واحشني أوي
ثانيا بأة: انت بتركز في التفاصيل جامد أوي!! عارف كدة؟ :) بجد دة دايما. يعني بص انت قلت ايه في التعليق دة بس مثلا.. قافل الازاز ومشغل التكييف. طب مااكيد لو تكييف يبقى مفيش ازاز :p
ووصف للي انت فيه بالضبط وبالكلمة :) بيخلي أي حد يقرؤه يحس ان هو اللي كان هناك مش انت
تحياتي.. ويارب نفتكر نعم ربنا علينا دايما كدة
Post a Comment