Sunday, December 14, 2008

تباع الشمس



قال لها أحبك


فأجابته.. ليس بأكثر مني... فأنت بقلبي كل لحظة، و لو كنت بعيدا مثل تلك اللحظة التي خلالها نتحدث


أخبرها بأن تحمل له أي ذكرى من المكان الذي تجلس فيه.. حتى إذا جاء المساء و حان وقت لقائهما أعطت تلك الذكرى له لتظل معه لآخر العمر تذكره بها




كـــانت مولعة بالزهور و ألوانها.. لكنها أساءت الاختيار تلك المرة


! فقد اختارت تباع الشمس


لم تكن في الحقيقة تحب اللون الأصفر كثيرا، لكن زهرة صغيرة الحجم جذبتها إليها بشدة.. لم تر في حياتها زهرة تبــاع الشمس بهذا الحجم البسيط الرقيق




ابتسمت و هي تتذكره، و قطفت له الزهرة الصغيرة لتكون دوما رمزا لحبهما الذي ولد صغيرا يوما ما


كــــي تظل معه طوال العمر


و جلست تنتظر حلول المساء


فهي متشوقة إلى ذلك اللقاء كثيرا




و جاء المساء


و استعدت لمقابلته


و ذهبت و انتظرته


...............


و تأخر الوقت


حتى ذبلت الزهرة


و نامت أوراقها
و تضاءل حجمها
و فقدت بريقها


و لم يأت هو

24 comments:

mohamed ghalia said...

كلماتك فى منتهى الروعة
سلم لكى قلمك
دمتى بكل الود
فى حفظ الله

blue-wave said...

ما اصعب ان تنتظر من قد لا يأتى

اقصوصه said...

كلمات جميله

استمعت بقرائتها

تمنياتي بالتوفيق

قلب ينبض لله said...

نهيتي الحكاية بسرعة
بس سيبتي جوا اللي بيقراها أحاسيس كتييير أوي
ماخبيش عليكي معظمها بيوجع

طيب هو ليه ماجاش؟
طيب وأيه علاقة تباع الشمس بأنه ماجاش

اه عاوزة أقولك علي حاجة
البوست دا تحففففففففففة:)

Anonymous said...

ليه ما بتفكريش بجد تكتبي قصص

حتى لو ما اتنشرتش دلوقت ممكن ييجي يوم تتنشر

بجد بجد

انا معجب اوي بالبوست ده

ارجو ان ما يكونش له صله بتجربه شخصيه

Empress appy said...

حلوه اوي اوي اوي بجد مش عارفه اقولك يه بسنا مبنتظرش خالص

Anonymous said...

رغم انى مقرر ما اكتبش تانى بس بوستك عجنى قوي لدرجة الاستفزاز بغض النظر عن كونه قصة شخصية او حالة عامة انتى بتعبري عنها ولانى الاستفزاز تولد عن قصيدة بسيطه فهى مكانها هنا ولكى مطلق الحرية فى حذفها او الاحتفاظ بيها
----------------------
انتظار
وحدي اجلس على الطاولة القصية
احمل في اليمين زهرة العشاق
حمراء ندية
احضن في اليسار لفافتي الصغيرة
توارى هدية
وتجوب عيناي الطريق في شوق
كشوق الغريق ليد العون من
ظلمات أمواج عاتية
اذكر الإيمان والعهود منه
أن يعود إلي
انفق الساعات اخمد نار شوقي
بزفرات كالريح العاتية
اقتل الانتظار
بأملي في ان نعود سويا
ومع غروب الشمس
اعلم انه لا جدوى من الانتظار
فمن يرحل تحت جنح الليل
حتما
لن يعود في وضح النهار



محمود

Wish I were a Butterfly ... said...

mohamed ghalia,

شكرا جزيلا على رأيك و على متابعتك لمدونتي

دمت بكل الود
:)

Wish I were a Butterfly ... said...

blue-wave,

من "قد لا يأتي". صح جدا
تفسير رائع ليها بجد

معظم تعليقاتك قصيرة بس بتكون إضافة فعلا
:)
شكرا يا دكتور على الجملة الصعبة دي

Wish I were a Butterfly ... said...

أقصوصة

شكرا لك
:)
أسعدني إنها عجبتك الحمدلله

تمنياتي لك أيضا بالتوفيق والسعادة

نورتي المدونة

Wish I were a Butterfly ... said...

قلب ينبض الله

:)
شكرا على المجاملات يا قلب بحبه

تباع الشمس روحه قصيرة أوي
ضعيف أوي
لو اتقطف مش بيعيش كتير
حتى ورقه بيدبل و ينام كله، مش زي شوية ورد ممكن تحتفظي بيه جوا كتاب وتجففيه ويحتفظ بشوية من شكله

تباع الشمس مش استنى كتير خالص. مش قدر يصبر من غير ضوء الشمس و فضّل إنه يموت لأنه اتحرم من الضوء اللي بيروح وراه كل حتة دة
مش كان ينفع يكون رمز لحبهم الدائم
لأن عمره أقصر من اللي هي متوقعاه

ها؟ ينفع يكون ليها علاقة و لا أنا بدأت أخرف جامد؟؟ :). يارب دايما سعيدة و مرتاحة
و سلامتك من أي وجع. أكيد مش قصدت أوجعك أبدا يا حبيبة قلبي

و آه :) عايزة أقوللك حاجة
انت جميلةأوي. بجد بحبـك

Wish I were a Butterfly ... said...

Anonymous,

لأني عمري ما فكرت في كدة
و لأني مش شايفاني أمتلك الموهبة اللي تخليني فعلا أفكر آخد الموضوع جد و أكتب قصص
فيه كتير أحسن مني بمــــراحل..دة لو افترضنا إني فعلا كويسة في الكتابة

شكرا جدا لرأيك دة. رأي أعتز بيه جداجدا. بس فعلا مش فكرت في الموضوع عمري ومش أعتقد هفكر لأني مش بعرف أكتب

Wish I were a Butterfly ... said...

aPPY

:)
طب علميني

يسعدني جدا بجد إنها تعجبك..خصوصا إني عارفة إن النوع دة من الكتابات مش المفضل عندك أوي

عجبتك عشان انت رقيقة :). بس مش رومانسية عشان مش تزعلي
:P
شكرا يا بيبو لوجودك

Wish I were a Butterfly ... said...

ANONYMOUS,

أكيد هحتفظ بيها
عجبتني أوي و لايقة أوي على اللي كتبته فعلا. بس أكتر حتة عجبتني هي


اعلم انه لا جدوى من الانتظار
فمن يرحل تحت جنح الليل
حتما
لن يعود في وضح النهار

و كفاية إنها وليدة اللحظة :).حتى لو قصيدة صغيرة فهي جميلةومعناها لاق على اللي كتبته أوي

شكرا لتعليقك المتميز

sakayar said...

بوست رومانسي
وخلفية لكاظم الساهر
وف الآخر مجاش
لأ لأ كانت تتصل بيه تاني تطمن
هههههه
لا بجد الكلمات جميلة
وسايبة احساس كده غريب
بحب النهايات المفتوحة جدا
هل هتيجي ماشية تلاقيه قاعد بيستناها على الكرسي اللي وراها وادامه 5 فناجين قهوة و 12 كوباية شاي؟؟
هل هتيجي قايمة هتلاقيه باعتلها رسالة بتقول لها عرفت ان المكان هينفجر وفيه اعمال ارهابية هتحصل فيه فقلت بلاش اجي؟؟
أسئلة كتيرة بتدور في خيالي
بس الأكيد
البوست جميل بجد

الخيط الرفيع said...

ما أجمل أن نعذر من لا يأتي
لانا نثق بما نحتله لدية من مشاعر
بل ويزيدنا عدم حضورة قلق علية وإهتمام به لعله مسجون في شئ ما وبيدنا خلاصة
وما أجمل أن ننعش أزهارنا وننتظر قدومة إن كان إختيارنا له إختيار صحيح
بجد وحشتيني ومنتظرة يوم الخميس بفارغ الصبر
ولعلك تاتي ومعك تباع الشمس وتجديني في انتظارك

يااااااااااااه
فكرتيني بالمدرسه بتاعتي هي كانت اسلامية خاصة واكدا
فكانت المدرسة تقولنا علي عباد الشمس تباع علشان حرام يكون في حد عبد لغير ربنا
فنروح احنا مسابقات مع المدارس التانية
وتحصل مفارقات منها اننا ننقص درجات
واننا ندخل في مشاحنات طفولية خالية من قبول الرأي الأخر وتنتهي بحاجات تموت من الضحك
بالمناسبة يارب تطمنيني علي حوار المدرسة قريب

Herr Esharif said...

سيدتى
الغايب عدره معاه
ولو اننى اظن انه لن يأتى هذه المره !!

عزائها ان زهة عباد الشمس تظل تدور فى افقها ومن هنا اطلقو عليها لقبها لانها لا تتغير

مع تمنياتى بان يتواجد من اجلها مرة اخرى


سلام

Wish I were a Butterfly ... said...

Sakayar,

:)
أعمال إرهابية؟؟ و سايبها كدة تستناه مش هييجي ينقذها؟؟

إيه كمية الخيال دي؟؟ :). ربنا يسعد قلبك دايما يا سكايار و دايما يرسم البسمة على وجوه كل اللي بتحبهم و يجمعك مع بطوط قريب أوي إن شاء الله

شـــكرا لتعليقك بجد :). لما قرأته فكرت إنها ممكن تكون جت يوم بدري عن اتفاقهم :). فطبيعي مش لاقته. أطلقت لخيالي العنان أنا كمان
:)
شكرا لحضرتك بجد

Anonymous said...

so sweet so romantic i liked it so much :) but it is so hard to wait for someone who will never come...
bas bardo i like the end....
and who knows may be one day he returns!!! or maybe another day another one will come who is better :D:D msh haneghlaab y3ni:)))
but what's mostly important not to lose hope or become fedup with waiting...i find waiting it self sth special and romantic ,,,,tell her to wait and never lose hope :)

ana mhyyesa 3ala akher el leil m3lesh :D:D el emt7anat 3mla 3mayelhaaa....:D

hadeel;)

Wish I were a Butterfly ... said...

الخيط الرفيع

جميل أسلوب كتابتك و ترتيب أفكارك
بستغرب إزاي لحد النهاردة مش بقيتي صحفية ناجحة و لا كاتبة معروفة
بجد
.................
آه. فاكرة حكاياتك عن المدرسة دي وعارفة مدى حبك ليها


بل ويزيدنا عدم حضورة قلق علية وإهتمام به لعله مسجون في شئ ما وبيدنا خلاصة

مش دايما دةاللي بيحصل يا خيط يا رفيع

Wish I were a Butterfly ... said...

Abdullah SH,

هي قصة بتحصل كتير في الواقع...و فعلا ساعتها مش بييجي تاني للشخص اللي منتظره

شكرا لزيارتك و تعليقك يا فندم

Wish I were a Butterfly ... said...

Anonymous"Hadella",

It's so hard to wait for someone who will never come... yes darling, uR right.
But indeed, it happens everywhere all the time.

I'll tell her if I knew her :)

Thanx a lot Hadella:). It was so sweetto find a comment from u. seriously... I was so glad to find it. Rabbena m3aki in ur exams ya gamila. Ed3ili please

mohamed talaat said...

ممتاز بجد ماشاء الله..كل تدويناتك مبدعة

Wish I were a Butterfly ... said...

Mohamed Talaat,

:)مبدعة؟؟

دي كلمة كبيرة أوي أوي عليّ

شكرا ربنا يكرمك على ذوق حضرتك
أسعدني أكيد إنها عجبتك

شكرا لتعليقك :)