Wednesday, September 26, 2007

و عجلت إليك ربي لترضى

عارفة اني ملخبطة أوي... بس ساعات بتيجي على الواحد أيام كدة... و بيكون مش عارف يعمل أي حاجة و لا عارف يفكر في أي حاجة. و يحس ان الدنيا خلاص لازم تنتهي لو ناوية تستمر بالشكل دة!!! دة اللي أنا كنت حاساه ... أو ممكن أقول كمان اني " مازلت" حاساه شوية
بس اللي يسعد جدا جدا و لا اعتقد ان ممكن يكون فيه حاجة تسعد أكتر منه ... هو لما تحس إن بجد ربنا سامعك
أصله هو اللي خلقك :)
و هو اللي عارفك كويس أوي ..
يمكن عارفك أكتر من نفسك كمان
و هو الوحيد اللي عارف اللي جواك و اللي انت حاسه بجد
و مهما حاولت تقول للناس.. أو تحسسهم باللي انت حاسه... مش هيقدروا يفهموك للدرجة دي..
حتى لو كانوا أقرب الناس في الدنيا دي كلها ليك
أنا لسة فعلا ملخبطة شوية... بس حسيت حاجة غريبة أوي النهاردة فحسيت اني عايزة أكتبها...
دايما كان أ\ عمرو خالد بيقول (و عجلت إليك ربي لترضى) ... خدها شعارك في رمضان "أو حتى في حياتك عموما"
كنت بحب الجملة دي أوي و فاكرة إني حاسة بيها و مستشعراها... بس الحقيقة إني اكتشفت اني مكنتش حساها أوي كدة
امبارح كنت في قمة الانهيار، و كنت طول اليوم في صمت أشبه للموت ... كنت حاسة فعلا إن الأكسجين مش قابل يقرب مني ... كنت حاسة بخنقة فظيعة....... الحمد لله على كل حال
بس فجأة لقيتني بفتكر الجملة البسيطة دي... اللي رغم بساطتها غالية جدا جدا في المعنى
(و عجلت إليك ربي لترضى) :)
لقيتني حساها أوي ، و مش قادرة أفكر في حاجة غيرها
فكرت إن فعلا ربنا هو اللي هيساعدني، و هو فاتحلنا بابه طووووووول الوقت ، بس إحنا اللي مش بنخبّط
أو يمكن بنخبّط ساعات..لكن بس بنحسس على الباب بس، مش بنخبّط بجد بقوة يعني
المهم إني قررت ألجأ لربي بقلب جامد أكتر من الأول... و يارب يتقبل مني و يعيننا كلنا
بس الجميل أوي... و الغريب جدا بالنسبة لي....... هو إني استمريت بالاحساس دة (و عجلت إليك ربي لترضى ) و كان قلبي بيعيدها طول اليوم من غير ما أحس.... بس كل شوية أفتكر الرسالة دي و أجدد نيتي تاني... لغاية ما رحت صلاة التراويح النهاردة، و كانت مفاجئتي :)
هي يمكن تكون بسيطة لكل الناس، بس أنا الموضوع وصلني بطريقة تانية خالص
خلال الصلاة "بعد ما أخدت شعاري الجديد بيوم " :) لقيت الامام -جزاه الله عنا خير الجزاء- بيقرأ الآية دي " و عجلت إليك ربي لترضى".
. . . . . . . . .
و لقيتني في حالة لخبطة و ذهول !!! مش عارفة المفروض أحس بإيه بالضبط خالص!!! يعني هي الآية دي في
السورة دي معادها الليلة دي تقرأ في التراويح؟؟؟
مشاعر كتيرة أوي حسيتها بجد في لحظة قراءة الآية دي... كنت طايرة من الفرحة لدرجة إني ابتسمت في الصلاة :) و انا حتى مش عارفة ينفع كدة و لا لأ. بس أنا في الحقيقة كنت حاسة اني عايزة "أنط و أطير" من الفرحة :) مش أبتسم بس
كمان حسيت بزعل جامد أوي... و بجد مكنتش عارفة المفروض أضحك لأن ربنا بعتلي الرسالة دي عشان يقوللي انه بجد قريب مني، و انه عارف اللي بفكر فيه، و عارف إني حسيت بالآية دي أوي و هاخدها طريقي؟؟! و لا المفروض أبكي لأن ربنا موجود و حقيقي قريب مننا دايما و احنا اللي وحشين و بننساه؟؟
حسيت إني عاوزة أسجدله في لحظتها و أقولله سامحني. بجد محتاجالك أوي. و مش عارفة الطريق. الرياح جامدة أوي و مسحت آثار الطريق اللي كان مرسوم.. و مش باقي منه غير شوية علامات خفيفة. يارب خد بإيدنا و متسيبناش في الدنيا دي لوحدنا أبدا
كان فيه خواطر تانية جتلي النهاردة :) بس هحاول أكتبها كمان شوية ان شاء الله

Tuesday, September 25, 2007

Can I talk?!


Can I say what's inside me?


What's really beneath.. what people don't see!


What's hiding beside my smile


My face is an open book... I dare say


But now, wearing a false mask is the best


Dealing with people as if it's a play


As smiling to others outside myself is a MUST


Satisfaction& peace.. refuse to stay


However hard I tried, only turns to be gust




Don't know what to do! And whom shall I seek


My tries vanish as a wisp of dust


"Sono stanco morto" of everything


Of the double-faced people..



Of that decieving life..

Sunday, September 23, 2007

يوم ميلادي هييجي في العشرة الأواخر من رمضان
بحب يوم ميلادي أوي أوي :)

بس الحقيقة مش عشان هو يوم اتولدت فيه و جيت الدنيا دي كدة و خلاص
بس عشان ..... عشان كل الناس في مصر بتكون مبسوطة بيه، أو على الأقل "المفروض" تكون مبسوطة بيه
و كمان.. عشان الريس نفسه شخصيا يعني
بيحتفل بعيد ميلادي
:D
كمان قبل اليوم دة بيحصل غسيل مخ لكل المصريين عن طريق عرض مستمر لفيلم "الرصاصة لا تزال في جيبي"، و "الطريق إلى إيلات" . و العرض دة... لحسن الحظ طبعا "عشان محدش يكون عنده حجة إن الفيلم فاته و مشفهوش. العرض بيكون مستمر ست أو سبع أيام قبل يوم ميلادي... و يومين كدة بعده
و الغريبة إن كل سنة الناس بتكون حافظة الفيلمين بس بيكون فيه سعادة غامرة برده إن الفيلمين دول هيتعرضوا "خصوصا ايلات طبعا" و الناس برده تقعد تتفرج عليهم !!! حاجة تانية كمان يوم ميلادي... بدال ما أسمع
Happy Birthday
و اتبسط بأة، بنسمع أغاني وطنية بجد بجد و الله غاية في الجمال. و الناس كلها تتساءل "هو ليه الأغاني دي مش بنسمعها طول السنة؟ بس اليومين دول!!!" بس عمره ما بيكون فيه رد طبعا. و طبيعي جدا... عمر ما أمنية الناس اتحققت في انها تشوف الأغاني دي كتير على التلفزيون عادي
طبعا طبعا :)
محدش عرف يوم ميلادي لأن أكييييييد أنا موضحتش أي حاجة عنه و لا لمّحت حتى بمعاده
:)
و يارب كل المسلمين يحققوا كل اللي هم عايزينه في حياتهم. مش يتفرجوا على عمرهم و هو بيعدي.... و هم لسة في مكانهم متحركوش

Wednesday, September 12, 2007

وصلني ايميل فيه كلام كتييييير أوي... بس استوقفتني جملة فيه... وجعتني أوي، و عايزة أشارككم بيها..
"عجبا للذين ينجحون في امتحانات البشر.. و يسقطون في امتحان الله"
نتمنى ألا نكون منهم أبدا أبدا ... و بس ، مش عارفة أقول حاجة تانية

DiSTuRbeD !!


Again... I feel LoSt..
Searching for myself, but can not find it
Searching for my GOOD soul... but don't know, it seems to have been lost.

Don't know what happened to me!! Or what is still happening till now!!!
.......................................................

I had a Dream...... Can't even remember it!!
Don't know what's really happening to me!
Don't like this feelings, but that's what I feel right now.

I need to draw myself a new image of a dream, and of a goal..
A dream.. which I would cross the oceans to reach
A dream which I would do all the crazy things to reach
I would die for it... but where is it?!!
Where and when.. did I lose my dream?

Losing my dream means losing Everything... coz ..
A man without a Dream is a man with no soul.

I'm writing totally disturbed nonesence right now. Don't know what I'm writing, but......
Unfortunately.. that's what I feel.

I feel lost
Disturbed
Running fast towards nowhere
But in the same time, I'm standing still
Searching for a candle in the darkest alley
Happy for some minor resons
But Crying right now
Have many friends and kind people around,
But feeling soooooooooo lonely
mmm.... Enjoy writing a lot,
Yet writing nonesense right now
& feeling I'm not able to write a word anyway..
though my whole job depends on writing

N.B : Anyone who reads this,

Don't worry. I know all this writing sounds terrible. I will most probably erase all this so soon.

Friday, September 7, 2007

أحلى عمل خير بحبه :)

أنا النهاردة مبسووووووووطة... لأ... دة أنا النهاردة طايرة من الفرح :D
النهاردة أنا رحت معرض الملابس الخيري. كان بقالي شهوووووور مش عارفة أروحه :( ممكن أكون كملت سنة مرحتوش و أنا مش حاسة. كل مرة كان بيحصل حاجة تمنعني من اني اروحه "تماما"، و كنت ببقى زعلانة جدا جدا جدا.
:) بس الحمد لله
أنا لسة راجعة من شوية صغيرين.
طيب و ايه يعني مالها مبسوطة كدة ليه؟!؟ حد ممكن يفكر كدة.
أنا مبسوطة جدا جدا لأن المعرض دة بجد بحس انه من أحلى الحاجات اللي ممكن أعملها في حياتي... يعني ممكن يكون
فيه أعمال خير كتيييييير أوي.. و متعدش، بس معرض الملابس... بجد بجد حاجة تانية.
انك تقابل الناس الفقراء اللي فعلا مش معاهم فلوس خالص وجها لوجه، و انك كمان تحس انك مش لوحدك في الدنيا دي... و انك أساسا تحس ان المشاكل البسيطة اللي بتواجهك دي و انت عامل منها فيلم كبير مغير حياتك كلها.. دي بالنسبة لمشاكلهم.. مجرد حاجة بسيطة جدا
انك تشوف الناس و هي بتفاصل معاك عشان تشتري البنطلون الجينز بأربعة جنيه بدال خمسة جنيه، و تفتكر نفسك و انت بتشتري الجينز و بتدفع فيه كام
و انك تشوف الأم اللي جايبة عيالها عشان تشتريلهم هدوم، و فلوسها متكفيش فتفكر هتستغنى عن لبس مين من عيالها... و ساعتها تفكر في الهدوم اللي في الدولاب عندك اللي ممكن تكفي المنطقة بحالها :)
أو تشوف الولد الصغير اللي يلاقي الجزمة غالية "يعني.. قول بتلاتة جنيه".. فيقرر يمشي بالجزمة اللي معاه و خلاص و بلاش يشتري أصلا... مممممم... يا ترى لما بنيجي نشتري جزمة "نايك" و لا حتة (شبشب بصباع) :)" بس ماركة طبعا" بندفع كام؟! طب فكر تحط نفسك مكان الولد دة...... حاسس بإيه دلوقتي؟
بحب المعرض أوي و بتكون من أحلى لحظات اليوم في المعرض لما تشوف الفرحة اللي بجد من القلب.. في عيون ولد صغير عشان اشترى لبس و شنطة المدرسة بسعر رمزي.... أو لما تشوف بنت بتشتري لبس.. كنت انت في يوم من الايام اللي اتبرعت بيه، و تشوفها و هي بتقيسه و مبسوطة بيه... أو لما تشوف بنت صغيرة تشتري فستان و تختفي... و كمان شوية تلاقيها جاية لابسة الفستان اللي اشترته... فخورة اوي ، و فرحانة اوي، و قاعدة تضحك لكل اللي حواليها عشان هي لابسة فستان جديد، و حاسة ان كل اللي حواليها اكيييييد واخدين بالهم من جمالها بالفستان الجديد دة :)...
بحب المعرض عشان بحس ان قلبي بينضف شوية هناك... مفيش مجال للكبر، و لا المنظرة، و لا النفاق... بجد عايز ثواب،؟؟ يللا اشتغل بأة و من غير ما تحسس اللي حواليك انك احسن منهم في اي حاجة. واحدة من اللي كانوا معايا في المعرض قالت ان نيتها في المعرض دة (ان مناخيرها تتكسر شوية) :) بالكلمة كدة، انها تحس انها بياعة و الناس دي هتطلب منها تساعدهم في انهم يشوفوا الهدوم من غير اي تحترام زايد بينهم. هيعاملوها زي ما بيعاملوا اي حد معاها. بجد محتاجين نحس بالتواضع اللي بجد دة. و انا شخصيا.. المعرض دة من اكتر النشاطات اللي بتخليني اجدد قلبي و احاول اطلع منه الحاجات الوحشة دي. يارب أقدر، و يارب ارزقني الاخلاص ياااااارب
ممكن نقول ان المعرض دة كمان تدريب عملي... يعني تاخد فيه ثواب بالهبل... بس لو اشتغلت صح. يعني تتدرب على التبسم مثلا في أصعب المواقف.
افتكر ان تبسمك في وجه أخيك صدقة، دة و الناس كلها هاجمة عليك عشان تحاسب على الهدوم و الدنيا حر نار و كمان اللي ادامك بيفاصل معاك و مش عايز يخلص. هتضحك؟؟ طب بس هتبتسم حتى؟ و لا....؟؟
طيب... بقالك أكتر من 3 ساعات واقف في الزحمة بتساعد الناس و في النفس الوقت بتراقبها " عشان ساعات فيه ناس... طيبة :) بتلبس الهدوم بتاعة المعرض كأنها بتقيسها و تقرر تخرج بيها من المعرض من غير ما تدفع تمنها"، و الناس كلها تعبانة من الحر و الستات نفسهم يلاقوا لبس لعيالهم، و الرجالة بيشوفوا هدوم ليهم ... و كللللهم مكشرين... هتبتسم و انت بتكلمهم؟؟ :) أكيد لازم تحاول
دي مجرد خواطر بسيطة كانت في دماغي و كنت عايزة اكتبها عن معرض الملابس الخيري "اللي بمووووت فيه و بموت في البناتيت اللي شغالة فيه كلهم"
بكرة آخر يوم فيه، و يارب أروح ان شاء الله، و يارب تقبل منا جميعا

Thursday, September 6, 2007

Where to Find Hope

Sometimes you feel you wanna cry
But you can't

You feel you wanna shout up high
But you don't

You feel you wanna jump up from the highest mountain
But you'll never dare

You feel you wanna speak
But you don't know how


Ok... Just talk to yourself

But it won't make you any good


Many feelings come to us when we're sad...

We remember all the Bad things that we have.. and HAD.. in our lives,

But we never try to remember the GOOD things

We forget all the Beauty that we can see around us...

Just look around,

Do you see the beauty of the moon?
The deep silence of the night,
And the Shining Stars in the dark sky... Just reminding you that there's always hope,
Stars that you feel they are watching you everyday, hoping you the best.


Ok... look around again,

Have you ever watched the sun while rising at the begining of the deep silent dawn?
Just rising after passing by the darkest colour of the night sky
Spreading its rays gently within the clouds
Whispering to the world that morning had come
The sun had come, it's a new day :)
Where new people will be born, and others will continue their hopes
Hope Floats... That's what I can say
About the feelings you'll have... when you see the beautiful sun.



I'm just trying to get out of that mood... :( Mood of deeeep sadness...

And I don't think anything would help me except if I looked closely to the beauty of nature... and remembered some of Allah's "endless endless" bounties that he gave to us. Thank Him for all of it, and just try to move on with such feeling.

... Well.............. again... Hope I can.

Wednesday, September 5, 2007

كفاية






بابايا مسافر النهاردة بالليل... :(




مش عارفة. أنا بقيت أكره الفراق دة أوي أوي، و مش حاسة إني مستعدة أواجهه كل شوية




أكيد الحمدلله إنه موجود و عايش و كل حاجة.. الحمد لله ألف مرة..... بس مش كفاية كدة؟


مش كفاية سفر و كفاح في بلاد يحس فيها بالغربة.. و إحنا كمان حاسين هنا بالغربة من غيره








دقات قلبي حاسة إنها كل شوية تسرع كل ما وقت سفره يقرّب...




و جاية من الشغل تعبانة و متضايقة عشان مشتغلتش كويس النهاردة... رغم إني واللللله حاولت...




و متضايقة أكتر بكتير عشان رئيسي في الشغل مش حاسس إني بجد فعلا خايفة على الشغل و بعمل اللي أقدر عليه...




بس في نفس الوقت هو ساعات بيكون ليه حق يفكر في كدة... لأنه ببساطة مش قاعد معانا و شايف كل واحدة بتعمل ايه!!


بس برده أكيد متضايقة جدا جدا رغم إنه ليه حق...


لأني مبحبش أبدا أبدا أمشي و حد زعلان مني، أو كان متوقع مني أكتر و أنا مقدمتوش...




بس بجد كنت هعمل ايه؟!!!



و متضايقة أكتر و أكتر إن الكلام دة حاصل يوم ما بابايا مسافر :(



كنت بقول لرئيسي في رسالة على الكمبيوتر إني مش ممكن أتأخر أكتر من كدة في الشغل لأن بابايا مسافر النهاردة... و هو فاجئني بأني مش ممكن أسيب الشغل... فاجئني بأني بصيت على الرسالة في الكمبيوتر و بدأت دموعي تنزل... فاجئني بأني اكتشفت اني خلاص على آخري و مش قادرة أمنع دموعي... و مش قادرة أمنع نفسي من التفكير في الفراق بتاع كل شوية دة.



. . . . . . . . . . . . . . .



أنا تعبانة من الصحيان بدري و من الشغل، و متعودة إني لازم أنام لماأرجع من الشغل كل يوم... لكن النهاردة....... مش قادرة.

مش قادرة من التفكير.. و مش قادرة لأني خايفة بابايا يصحى و بكدة أكون ضيعت شوية وقت أقضيه معاه في آخر يوم له قبل ما يسافر تاني...

مش قادرة لأني بفكر في أخويا حبيبي اللي لسة مسافر من كام يوم.. و دي أول مرة يسافر بعيد عننا ويكون هيسيبنا لفترة طويلة.





بجد الفراق هو أصعب حاجة في الدنيا دي... ربنا يكون في عون كل اللي باباهم أو مامتهم متوفيين، و ربنا
يكون في عون كل اللي ليه حد قريب منه أوي .. بس بعيد في المسافة، و ربنا يكون في عون أي حد أهله اتاخدوا منه من غير وجه حق...


. . . . . . . . . . . . .


دي أول مرة أكتب فيها بالعربي... و غالبا ممكن أوي تكون آخر مرة. أنا مش عارفة كتبت عربي ليه المرة دي... بس حسيت إني عايزة أقول الكلام دة بالعربي كدة... أو بمعنى أقرب... أقول الكلام اللي في قلبي بالضبط... من غير تفكير مسبق في أي حاجة من اللي مكتوب.

يعني ممكن أقتبس الكلمة دي من مدون تاني... و أقول إن دة كله "خربشة قلم" مش أكتر، و مش عشان أي حاجة غير إني أعبر عن اللي جوايا . . . و بس