The Terminal
فيلم طول عمري معجبة بيه و كل مرة ييجي بحب أتفرج عليه تاني !! يمكن حاباه لأن فكرته جديدة و حلوة أوي، يمكن لأنه ببساطة..فيلم ممتع و يشد المشاهد ليه، يمكن لإتقان الممثل "توم هانكس" لدوره و أداؤه المتميز جدا و اللكنة الروسية اللي بيتكلم بيها طول الفيلم....... يمكن لفكرة إنه كل اللي كان بيعمله في الفيلم و إصراره الشديد على إنه يوصل نيويورك "بس" عشان خاطر باباه، و عشان يوفي بوعد هو كان وعده ليه في يوم من الأيام
إصراره الشديد طول الفيلم على الوصول لهدفه، و محاولاته المستميتة بشتى الطرق و كل مرة الأبواب تتقفّـل أدامه لكن يصمم برده إنه هيعمل اللي هو عايزه...إصراره على تحقيق هدفه البسيط رغم إن الدنيا كلها بتقول له بأعلى صوتها "لأ!!!!!" جامد
بس من يومين لما شفت الفيلم جالي إحساس تاني لأول مرة أحسه مع الفيلم
حسيت إني متعاطفة مع البطل أكتر من أي وقت فات.... يمكن لأني لحظات حسيت إني مكانه..بس بطريقة تانية
المكان الأساسي للفيلم كله هو قاعة المطار
يعني هو مش في وطنه و مش مستريح في بيته بين أهله و ناسه، بس كمان مش في المكان اللي هو عايز يروحه. متعلق بين منطقتين مهمين جدا عنده بس مش عارف... لا يروح و لا يرجع
نفسه يطلع من المطار عشان يوصل لشخصية معينة في نيويورك و يخلص المهمة اللي هو جاي عشانها، رغم إن الوضع واضح إنه مستحيل يلمس أرض نيويورك.. لكن هو كمان مش عايز "و لبعض الوقت مش عارف" يرجع تاني لبلده
و لا قادر يمشي خطوة للأمام و لا يرجع خطوة ورا
Stuck in a terminal
بس في النهاية عجبني جدا لأنها أكيد كانت أكبر تجربة في حياته و هيفضل فاكرها طول عمره... عمل خلالها حاجات كتير أوي و اتعرف على ناس كتيرة جديدة و اكتسب خبرات كمان
..............................
تحديث: دة اللينك فيه قصة الفيلم و الفيلم نفسه لو حد مش يعرفه. "واحدة مفروسة" الجميلة جابت اللينك فحبيت أشارككوا بيه
http://movie-megaupload.com/2008/10/11/the-terminal-2004.html
18 comments:
هيييييييه
انا اول تعليييييييق
ههههه
سلامو علييييكم
اول ما شوفت ترمينال وتوم هانكس قلت يا خبررررر
الفيلم ده يهبلللللل
بصي بقى فراشة
انا مش بتفرج على تي في ولا افلام ونسيت اصلا كل حاجة عن الميديا
لكن بقرأ افلام عارفة يعني ايه؟؟
اه اللي هو لما تدخلي مكتبة تلاقي قسم كده اسمه
fiction
بلاقي فيه الافلام بس قصة مش مشاهدة
الفيلم انتي وصلتي للحاجة اللي بتعجبني فيه وبحسها حياتي انا اوووي بجد
إصراره الشديد طول الفيلم على الوصول لهدفه، و محاولاته المستميتة بشتى الطرق و كل مرة الأبواب تتقفّـل أدامه لكن يصمم برده إنه هيعمل اللي هو عايزه...إصراره على تحقيق هدفه البسيط رغم إن الدنيا كلها بتقول له بأعلى صوتها "لأ!!!!!" جامد
اهو انا بشوف الحياة من منطلق انها فيلم ونهايته اكيد النهاية السعيدة زي كل الافلام او نهاية مفتوحة بس مبشرة بخير
بجد شكرا على تذكيري بالفيلم الجميل ده مع الممثل الموهوب توم هانكس
ومرة تانية
انا اول تعلييييييييييق
هييييييييه
ههههههههه
سلااامو عليكم
يظل الانسان فى حيره طوال العمر مع متغيرات الزمن والشئ الوحيد الذي يساعده على قتل الحيره هو الهدف فينبغى علينا ان يكون لنا هدف حتى نستطيع مواصله الحياه
بنوتة
انا كمان شوفت الفيلم
و تصدقى ديه اول مرة اشوفه....غريبة مش كده؟ بس الصراحة عجبنى اوي جدااا خالص
عارفه انا خرجت من الفيلم بإيه
انه مهما الانسان تواجد فى بيئة غير بيئته و اهل غير اهله و بلد غير بلدة
حيفضل هوه ....هوه يعنى الاصرار و العزيمة و الابداع و المعاملة الحسنة و السماحة فى التعامل و تشغيل المخ
همه اللى بقيوا
حتى بعد ماحاولوا يقفلوهاله من كل النواحي
الصبر مفتاح الفرج
وهوه صبر
وشغل مخه
حتى مع عدم فهمه للغة...حاول يتعلمها
و فى الخر استعانو بيه علشان يترجم
انا شايفه ان الفيلم ده المفروض يتدرس لشبابنا..او لينا كلنا
انا طول الفيلم اقول برافوا عليك
مش صعب عليا ولا مرة
حتى لما مدير المطار اوحاله بفكرة الهروب
هوه الفطرة خلته لا يخالف القانون
ربنا خالقنا علشان نتكيف فى كل مكان و زمان
ونشغل مخنا و نصبر
وهوه عمل كده بالظبط
ولا اتنرفز
ولا اتخانق
ولا سرق
حتى لما حب ياكل بعد ما ضاعت منه الكبونات
فكر أزاي يكسب الربع دولار
ياسلام لو اتعملت عندنا حكاية الربع جنيه ديه
الناس حترجع عربيات السوبر ماركت
الفيلم جميل جدا
ونفسي اتفرج عليه تانى
وياريت تدوري على مكانه اللى يدخل يلاقى لينك يتفرج عليه
الفيلم بيدى امل لناس كتيرة فاقدة الامل
بيقول مافيش مستحيل
انا حدورلك عليه و اجيبلك اللينك بتاعه تحطية
ههههههههههههه
انا كتبت بوست اكبر من بتاعك بالتعليق
ههههههههههههه
سلام
انا جيت تاني
اللى عاوز يقرأ قصة الفيلم او يحمله من هنا يا نتوتة
http://movie-megaupload.com/2008/10/11/the-terminal-2004.html
فعلا الفيلم جميل أوي .. أنا كنت أول مرة أشوفه لما جه من يومين و عجبني جدا
قريت من تدويناتك القديمة، و عجبتني بتاعت الكلية لأني حاسة زيك نفس الإحساس و مفتقدة جدا أيام الكلية و عجبتني بتاعت المطرة، و على فكرة لو دخلتي على مدونتي هتلاقي موضوع كنت كاتباه على المطر.. يارب يعجبك
Dear,, This film . is a real story .. 4 a Iranean man.. who left Iran .scaping from The khumi regime.. and he Reached Orly Airport In Paris. yet he had no Visa....so The authorities could not let him enter 2 Paris ..neither could Send him 2 iran ..where He would B politically Jailed .. so .. He stuck at The airpot.. But The Nationality and The Puropses was changed in The Film,,than in The fact.
The main Element beside the very human Idea.. Is the performance of al Actors.. specially .. Tom hanx.. that great ..Actor..( did U C .. Saving private Rayan... cast Away.. U 've got a mail.. forst. Gump,,and many.. ) ..he is and ..Robert De Niro.. Dustin Hofman .. R Acting Masteres..
Sakayar,
وعليكم السلام ورحمة الله
هييييه
سكايار أول تعليق
:))
أنا كمان بحاول أقلل أوي من التلفزيون، بس فيه حاجات لسة مش عرفت أسيبها أبدا... ام بي سي أولهم :)
أنا كنت لي فترة بعمل كدة و بقرأ قصص الأفلام، بس الحقيقة إن مشروع التخرج بتاع الكلية هو اللي كان عرفني على الحاجات دي على النت و استمريت بعدها شوية بأة مع نفسي
...................
معاك جدا جدا في كلامك و هي فعلا الحياة كلها فيلم و حواديت و طالع و نازل كل يوم. ربنا يعدينا منها على خير إن شاء الله
عجبني جدا "الممثل الموهوب" دي :). هو فعلا
معظم أفلامه أفكارها جميلة جدا و أداؤه أكتر من رائع
Cast away
U've got mail
و الفيلم اللي رجع فيه طفل صغير وعاش كدة كام يوم بعدين رجع كبر تاني :)..و حاجات كتير أوي حقيقي بحب أداؤه جدا
شكرا على تعليقك.. تعليقك اللي دايما بيديني أمل و جرعة تفاؤل :) ساعات كبيرة ساعات صغيرة بس ماشاء الله دايما بجد بتكون مبشر
يارب الملايكة يبشروك بالفردوس الأعلى ويسعد قلبك يا فندم
:)يا صاحب أول تعليق
أنا بحب تمثيل توم هانكس جدا ، لأنه بيعتمد على فنه و بس و على المعايشة الصادقة للشخصية مش على وسامة و أو جاذبية أو غيرها
و لأنه مجتهد بجد
كلنا زي الراجل ده في الفيلم نمر بلحظات عايزين نروح فيها مكان لكن مش عارفين نوصل أو مش عارفين بالظبط الطريق
دمت متأملة
تحياتي
Osama,
معاك في كل كلمة قلتها
شكرا جدا لزيارتك و تعليقك
نورت البلوج
ازيك يا هبة
وحشاني جدا
ومفتقدة زيارتك للمدونة ومفتقدة صوتك
وعشان تعرفي اد ايه يعني الدنيا حلوة
كنت لسه هكتب بوست عن الفيلم ده لانه عجبني اوي
بس لاقيتك كتبتيه
جميل البوست تسلم ايدك
أنا كمان بحب جداً الممثل توم هانكس و بحب أدائه لانه ممثل مثقف و أفلامه دائماً بتقول حاجة حتى الكوميديو اللايت منها.
في نقط بقى من ورا الفيلم دا أنا بفهمها مش عارفة بتوصل لك و لا لأ. هو رغم انه كان ممنوع من دخول نيويورك و هو كان عايز يدخلها جداً علشان يوفي بوعده لأبوه الميت الا انه لما جت له الفرصة من مدير المطار انه يدخل بطريقة غير قانونية في وقت التغيير بين ورديتين الحراسة رفض.
رفض يعمل شئ غير قانوني على الرغم انه بسماحية من رجل في السلطة و انه محتاج لدا.
كمان اصراره على انه يعمل علشان يكسب قوته و محاولته الكثيرة على العمل لحد ما بقى من أشهر العاملين في المقاولات في المطار و دا بيعلمنا قيمة العمل عندهم قد ايه
حبه لوطنه و انتمائه ليه في المشهد اللي خلاني هعيط فيه و هو بيجري بين شاشات التليفزيون علشان يعرف ايه اللي بيحصل في بلاده و بكاؤه لما عرف
رفضه لتشويه صورة بلاده تحت أي ضغط أو لأي أسباب مهما كانت أهميتها بالنسبة له يعني لما عرض عليه مدير المطار انه يقول انه بيخاف من بلاده علشان حاجات بتحصل فيها رفض تماما و فضل يقول انه بيخاف من حاجات تانية الا انه يتكلم وحش عن بلاده
و أخيراً لما اتحط في مقارنة يا يسافر لبلده بدون ما يدخل نيويورك رغم انه دخوله لها بقى قانوني يا اما أصحابه اللي عرفهم في المطار يتأذوا قرر انه يتخلى عن وعده لوالده المتوفي علشان الحي أبقى من الميت و أصحابه دول عايشين و ماحبش ياذيهم و دا ولاء لأصدقائه دول رغم ان المدة اللي مضاها معاهم تكاد لا تذكر
الفيلم بيقول حاجات كتيرة قوي مهمة و أخلاقيات كتيييييييييييييرة قوي يا ريتها تكون عندنا
ليكي حق تحبي الفيلم و توم هانكس ممثل يستحق انك تشوفي لي كل أفلامه و صدقيني كل مرة بتشوفي نفس الفيلم لتوم هانكس و دا لأي فيلم من أفلامه هتلاقيكي بتستوعبي فكرة جديدة و بتوصل لك منه رسالة جديدة
مفروسة
كتبتي تعليق أكبر من البوست بتاعي، و أحلى مليون مرة كمان :)). أنا أصلا كنت بفكر أحط تحديث لكلامك دة
هو حقيقي أهم حاجة في الفيلم زي ماانت قلتي إنه صبر و إن "هو" نفسه و اللي جواه من أخلاق و معاملات نضيفة و سذاجة ساعات اتحولت بعدكدة لحاجةأحسن و تفكير إبداعي وحاجات كتير.... هو دة اللي مش ممكن يتغير حتى لو الدنيا اتغيرت
دي فعلا أحلى حاجة في الفيلم
بس عارفة كمان إيه عجبني أوي أكتر من كل حاجة في الفيلم؟ :) إن في تعليق
dreamer with feet on the floor
هو قال إن القصة مأخوذة عن قصة حقيقية أصلا. يعني لو كدة يبقى بجد الفيلم هيبقى معناه أكبر بكتير من اللي إحنا متخيلينه
بجد شكرا أوي أوي على تعليقك اللي ضاف لي كتييييير بجد
كل شوية أرجع أقرأ الكلام بتاعك تاني عشان أحاول أقنع نفسي بيه كويس
و عندك حق... المفروض القصص الكويسة دي تتدرس بعدكدة أو على الأقل تتحكي.. وخصوصا لو كانت فعلا حدث بالفعل حاجة تشبهها
نورتي يا قمر :)
واحدة مفروسة
شكرا جدا على اللينك :). انت بجد جميلة أوي أوي
معلش على تأخري الجااامد في الرد
ياسمين نعمان
أنا فعلا عجبني حاجات كتير في مدونتك بجد
:)
نورتي البلوج و أتمنى تتكرر... معلش على التأخير في الرد
نورتي يا ياسمينا :)
a DREAMER WITH FEET ON THE FLOOR,
I never knew it was a true story!! actually that makes me like the film much more.
On my first time of seeing this film I really thought about it if it happened in the real world!! But it's really a very difficult experience.
De Niro isn't one of my favourites at all, but I agree with u that he's a real master... but actually I'd like to add "Anthony Hopkins"to that list if u allow me :). Cast away&U've got mail are certainly of my very favourite films..both r so real.
Thanks for ur useful comment.
الحلم العربي
عجبتني دمت متأملة دي
:)))
ربنا يخليكي يارب
هو صح أوي..مش بيعتمد على وسامته المفرطة و لا شكله. بيعتمد على أداؤه الرائع و اختياره الصح لأفلامه و أدواره "حتى الآن يعني":)، و بتحسي فعلا بالصدق أوي في كل اللي بيعمله
دمت تحلمين بأحلى الأحلام
فلسطينية الهوى
ياااااه!! إزيييييك؟
:)))
و يااااه!!! بجد كنت هتكتبي عنه؟؟ سبحان الله يا يوية
صوتي؟؟ طب استري علي استري عليييّ
:)
إن شاء الله تبقى الدنيا أحلى لي و ليكي قريب أوي إن شاء الله
هحاول أزور مدونتك قريب..بس لما أزور مدونتي الأول :$
Om Hagar,
مبدئيا عايزة أقوللك إني بعد تعليقاتكوا دي حسيتني عايزة أنشر الكلام اللي انتو قلتوه أصلا و يبقى بوست مفيد لكل الناس لوحده:))) . بجد فرحت أوي بالبوست دة لأن كل واحد اداني وجهة نظره فيه و خبرته في الحياة لماربطها بالفيلم دة. كلامك بجد جميل أوي فعلا
عدم مخالفته للقانون رغم إنه مش أدامي خيار تاني و رغم إنهم سمحوا له..دي فعلا نقطة حبيتها أوي في الفيلم واحترمتها جدا.. نفسي أقول نطبقها في بلدنا بس بجد ساعات بتكوني مش قادرة تقولي كدة فعلا!! الحمدلله يعني
حبه لبلده لما كان عايز يتطمن و يسمع اللي بيحصل وكدة... دي فعلا أنا عيوني دمعت فيها جامد. لو اتخيلتي نفسك مكانه ولو للحظة مش هتستحمليها
النقط اللي ناقشتيها كلها بجد أكتر من رااائعة :). و خصوصا موضوع إنه مش يشوه سمعة بلده... أنا ساعتها اتأثرت أوي بموقفه دة،بس مش استوقفني موضوع سمعة بلده دة كتير بصراحة.. و منكم نستفيد :). و بيني و بينك بأة... كله كوم.. و الراجل الهندي أبو ممسحة صاحبه كوم تاني
:)))
شكرا ليكي و لتعليقك الجميل
Post a Comment