قالت :"الجو حلو النهاردة و فيه شمس... لازم تخرجي معانا
أنا (بغلاسة): لازم؟ طب إيه اللي هيحصل لو مش خرجت معاكم يعني؟؟
هي: لو مش خرجتي معايا..... الجو هيبقى برد أوي أويييي
الكلام دة كان حوار صغير بيني و بين بنت أختي الصغيرة
:)
يا ترى حد فيكم يعرف طفل معبر و مرهف الأحاسيس كدة زي "ميمو"؟؟؟
:)
بجد الأطفال هم أحلى حاجة في الدنيا
9 comments:
عزيزتي
فعلا واضح ان القدره على التعبير وراثه
أنا بعشق الاطفال الصغيرين وخصوصا الفتيات وان كان نصيب اخواتي جميعا من البنين بس قريب اوي هتشرف بنوته صغيره وياريت تاخد قدره ميمو على التعبير
على الهامش
أسم ميمو بيفكرني بقصه أنف وثلاثه عيون أيه رأيك في شخصيه ميمو؟
وأسمحيلي أرد هنا على ردودك على تعليقات سابقه أنا رجعت أعلق تاني والفضل لحد كويس مش هقول أسمه أو أسمها
حاجه أخيره في التاج الاخير أنا لما بقول فراشه أقصد الروح لأني عمري ما بتخيل اشكال للناس حتى اللي أعرفهم مش بتذكرهم بوشوشهم ولكن بأروحهم عارفه أنا مره قلت على الفيلم ده بتاع
shallow hal
هو ده اللي اقصده وده مش معناه أني بأكد أو بعترض على وصفك لنفسك بس اللي اقصده أن أنتي روحك روح فراشه مش اكتر
ويلا سلام يا فراشه عشان ألحق أكون أول تعليق
تحياتي
انا كده عرفت واحدة
اسمها ميمو
ربنا يخليهالكوا
بس الواد بودي ابن اختى برضه مشكله
لما بأقعد معاه بأقعد اضحك جااااامد
وفيه كمان جامايكا ابن اخت محمد
الولد ده خراااااااااااااافه
انتي قلتيها حكمة
الاطفال دول احلى حاجه ف الدنيا
بس لحد وقت معين بصراحه فيه اولاد بيوصلوا لسن كده بيبقى دمهم رخم جدا وزنانين وحاجه وحشة
انا شكلي بقى وحش
احاول احسنه
بس انا برضه بأحب الاطفال جدا دول ملايكة وبيدوا الدنيا طعم جميل
هههههههههههه
ده من قلبي بجد
ربنا يخليلكوا ميمو
دي صورتها
مش دي البنت اللي كانت مع احمد حلمي ف الفيلم بتاعه
ولا ده تشابه
تحياتي
تعرفى انى اسهل طريقه انى انسى تعب كل حاجه واى حاجه فى الدنيا انا وقاعد بلاعب مادوا ابن اخويا او يسر بنت اختى وبتكفينى من الدنيا كلها ضحكتهم او اى واحد فيهم
ربنا يخليه ليكم يارب
إنسان مقيد
انت فعلا أول تعليييييق
:)
ربنا يرزق إخواتك إن شاء الله بالبنوتة قريب، و يرزقك كمان أكيد إن شاء الله
:)
مش متأكدة إني فاهمة صح مين اللي أقنعك تعلق تاني في البلوج "أصل الغباء ساعات بيشتغل:)" بس عموما حمدلله على السلامة
و شكرا على ذوقك في موضوع الفراشة و الوراثة بالنسبة لميمو :). أخجلتم تواضعنا فعلا فعلا. أنا مش كدة
و يارب أكون كدة فعلا
و لو العزيز
ربنا يخليك لبودي و .."جامايكا" :) و يخليهم ليك
بس مش قلت حاجة غلط!!هم فعلا فيه سن بتكون نفسك تخلص منهم بأي طريقة :))) هم بس أطفال عائلتي الصغيرة لسة مش وصلوا للمرحلة الميئوس منها دي
مش عارفة تقصد مين مع أحمد حلمي لأن اللي في دماغي كانت زي القمر وميمو مش شبهها خالص!! بس دة لايمنع طبعا إن بنت أختي أحلى قمر في حياتي
رئيس جمهورية نفسي
آمين يارب
فعلا الملايكة دول ينسوا الدنيا كلها
:)
نورت
اكيد طبعا
الاطفال اجمل حاجه
وانا بحبهم جدااااااااا
الأطفال هم احباب الله
وبجد مافيش احلى ولا اريح من ضحكة طفل برىء ..
انا عن نفسى بحب الاطفال اوى ..
وعسل ميمو ;)
فعلاً والله مفيش أحلى من براءة الأطفال .. أنك تتعامل مع حد كده يكون جميل أوى من جواه .. الجمال اللى جواه ده أكيد بينتقلك وكمان الأحاسيس
ربنا يخليلكو ميمو
وعلى فكره أنا ليا أصحابى بيدلعونى ويقولولى ميمو
:D
Post a Comment