"أنا هون هلأ عشان الأطفال بمستشفيات فلسطين..بدّي قولٌّن إني معهن و بدّي يكفوا الحصار عن غزة" قالها طفل في وقفة احتجاجية أمس في ساعة تجاوزت منتصف الليل حسب توقيت القاهرة
...............................................
"حضارة تتحدث عن دخول امرأة النار بسبب تعذيبها و تجويعها لهرة، و حضارة أخرى تقتل الأطفال و الأبرياء كل يوم. ألا ندرك الفرق بينهما؟" قالها مواطن "سوداني" أمس بوقفة منددة بالحصار على غزة
................................................
طفل آخر في الثانية عشرة من عمره شارك في الوقفة الاحتجاجية بالأردن بوقت متأخر أمس... بعضهم حاملين الشموع لكي يضيئوا ليل القطاع الحزين.... نسألكم الدعاء للفلسطينيين، ممكن كلنا النهاردة قبل المغرب بنص ساعة ندعيلهم؟ على الأقل يكون عندنا ولو رصيد بسيط من حاجة عملناها للفلسطينيين
حسبنا الله و نعم الوكـــــــــيل
ملحوظة: أعتذر عن عدم ردي على بعض التعليقات في البوست السابق، بس الموضوع دة كان ضروري بالنسبة لي... و هرجع تاني للبوست اللي فات أكيد لأن فيه ناس بحبها أوي
9 comments:
لكم الله أهلنا في غزة
:(
اللهم انصر اخواننا في فلسطين
وفك حصار غزة
وأعز المسلمين
ربنا معاهم بجد ... شكرا أوي على التذكرة يا فراشة
بجد دايما لساني بيقف قدام المواقف اللي من النوع ده
تحياتي
عزيزتي
شفت البوست امبارح وحاولت انشر موضوع الدعاء على أد ما قدر
اللهم تقبل دعاءنا
انا مردتش اكتب رد امبارح لاني مكنتش لسه عندي خلفية بالأمر
لاني من اللي بيقروا الطبعه الاولى من الجرايد واللي مكنش فيها اي خبر امبارح بس لما روحت أمبارح أنصدمت من اللي شفته
بجد ربنا يفك كربهم
تحياتي
على الهامش شفت ردك على البوست السابق وبجد مفيش تدخل ولا حاجه بس قفلي للمدونه نتيجة ظروف بمر بيها بس انا دايما لاجيء هنا
السلام عليكم
مش عارف اقول ايه
الموضوع ده يحتاج اكت من الكلام والدعاء
طبعا كلنا معاهم
انا مش عارف اتكلم
لان ده مش موضع كلام
ده موضع فعل
بس ايه الفعل اللي المفروض يتعمل
أنا مش عارف
ربنا معاهم ومعانا
ربنا معاهم وحسبى الله ونعمه فى الوكيل فى حكومات عربيه اتعودت على التنطع والاستسلام
سلام عليكم جميعا
أكيد مش بإيدي غير إني أقول آمين على كل دعاءكم، و ربنا يستجيب يااارب
إنسان مقيد "جدا"!! أهلا وسهلا بيك في أي وقت و بجد بتنورني وبفرح بتعليقك أوي ياباشمهندس
الشارد و أستاذ مهند... و لا أنا أعرف و الله خالص إيه اللي المفروض نعمله، و مرعوبة من وقفتنا أدام ربنا لما يسألنا عملنالهم إيه
كل اللي أعرفه إن المفروض مش ننساهم من دعاءنا أبدا حتى لو الحصار اتفك، لأن موضوع الظلام والطاقة دة مجرد رمز.. نتيجة لشهور وسنين كتيييير من العذاب في فلسطين، فأكيد مش مفروض ننساهم طول عمرنا
كمان "إن الله لايغير ما بقوم حتى يغيروا مابأنفسهم"..يمكن المفروض إننا نحاول نتحسن و نقرب لربنا أكتر وفي نيتنا كمان إننا بنعمل كدة عشان نصرتهم، وربنا ساعتها أكيد هيساعدنا ويساعدهم
مش عارفة بصراحة!!دة كل اللي فكرت فيه
شكرا لتعليقكم كلكم بجد...إذا كان على البوست دة فانتوا عارفين أكيد أهميته لكل حد فينا، و شكرا عموما لأن وجودكم دة بيفرق معايا أوي أوي، ومش قادرة أتخيل من غيركم كنت ممكن أعمل إيه
اولا وقبل ما اتكلم وارد على البوست ده
انتى وحشتينى اوى اوى يا جميل ...بهبل يعنى
:D
اخبارك ايه ؟ وعاملة ايه ؟
.....
اما عن موضوع غزة والاحداث اللى حصلت واللى لسة هاتحصل
ما اقدرش اقول غير حسبى الله ونعم الوكيل فيهم كلهم
ليهم رب هايحاسبهم ان شاء الله
!!!!
....
ما تنسيش تطمنينى عليكى
وانا هاعمل لفة كدة على البوستات اللى فاتت وارد عليها فى اقرب وقت ان شاء الله
تحياتى
:)
Post a Comment