دايما... في عز ما انت مخنوق... بتلاقي ربنا برده بيفكرك... إنه سامعك :) ... و بجد حاسس بيك
جوايا لخبطة وحشة جدا جداااا الأيام دي.. و بصراحة لسة مستمرة... بس طول ما انت بتدعي ربنا، و بتحمده مش ناقم على نعمه الكتيييير أوي اللي حواليك واللي حتى مش هتقدر عمرك تعدها لو حاولت... هتلاقي ربنا معاك في كل خطوة
يمكن ساعات نحسها... و يمكن كتير أوي مش بنحسها...... يمكن يكون بيبتليك عشان بيحبك... و يمكن يكون بيبتليك عشان تبص حواليك تاني و تحس بنعمه أكتر
المهم إنه في الآخر بيسعدك.... لو انت راضي .. و بتدعي مش ناسي
حصل حاجة صغيورة أوي يمكن عادية.. بس فرحتني أوي :) ، و حسستني إني المفروض أحمد ربنا على النعم اللي ربنا بيرزقنا بيها طول الوقت
حاجة يمكن تحسوا إنها عبيطة :) بس أنا حبيتها أوي. وصلني رسالة من صاحبتي، عادي يعني و فيها إيه؟!! . بس أنا كان بقالي كتير أوي مش جالي رسالة حلوة كدة على الموبايل "بصراحة" ، بس الأحلى كان رد الفعل اللي بعدها. الرسالة تقريبا 3 رسايل متجمعين مش واحدة بس، و المهم إن آخرها بيقول إنك المفروض تبعتها لأصحابك اللي بتحبهم و تشوف هيبعتوهالك تاني "يعني بيحبوك" و لا لأ!! أساسا الرسالة من قبل ما أبعتها هي جميلة أوي أوي، بس كمان بعد ما بعتها بقت أجمل و أجمل.. لأني بصراحة متوقعتش إن حد هيعبرني :) أو يعني هيقولوا إيه دة؟ رسالة حلوة أوي.. و خلاص على كدة :) . بس اللي حصل إن كتيييير لقيتهم ردوا عليّ تاني.. و أكيد فرحوني أوي
لو بصينا حوالينا كويس، هنلاقي حاجات كتير جدا تسعد.. و تنسي كل الهموم...... بس احنا نتعب نفسنا و ندور، و نبص بعيوننا بمنظار جديد... يمكن... :) مين عارف
الحمد لله على نعمة الاسلام
و الحمد لله ألف ألف مرة على الصحبة الصالحة.. و على الناس الكتير اللي بيحبونا
بجد نعمة جميلة أوي أوي أوي. نفسي إن ربنا يديمها علطول
و الحمد لله اللي مش بينسانا أبدا
الرسالة ممكن ناس كتير تكون عارفاها :) بس أنا برده حبيتها أوي أوي.. و عشان كدة قررت أكتبها
Do you know the relation between your 2 eyes?!
They blink together,
they move together,
they cry together,
they see things together,
and they sleep together.
Even though they never see each other...
Friendship should be just like that!!!
Life is like HELL without FRIENDS.
Who is your best friend?
Send this to all your good friends, even me if I am one of them. See how many you get back. If you get more than 3, then you are really a lovable person :)
That's it ;)
18 comments:
اولا ربنا يفرج عنك واشوفك مبسوطة ومش متلغطبة يارب
وعلى فكرة إنتي بتتكلمي في معاني جميلة أوي في البوست ده
اولهما الحمد .. ربنا قال في كتابة ولإن شكرتم لأزيدنكم.. يعني كل ما عليك إنك تقول الحمد الله وتلاقي الدنيا أحسن
ثانيا إنك تحس إنك مش لوحدك في الدنيا دي .. إن في ناس حواليك بتهتم بيك وبتحبك ومهما حصل حتلاقيهم جنبك
شكرا جدا على البوست وعاجبني العنوان بتاعه
تحياتي وبشده
:)
Do u know something ...i really believe that everything happen to us is for a reason ..even if it was bad ...and i am sure that Allah is testing us ...
...
whoever pass this test is relieved..and who doesn't pass it will never feel relieved..
...
about the part of being loved among ur friends ...i really believe that this is one of Allah's blesses..to be loved and even to be felt as a nice person in the eyes of stranger is great ..
..
i hope to see u next time in a positive position ..be optimistic ..life is great ..when u feel that nothing deserve sadness ...
when GOD leads you to the edge of the cliff,trust HIM fully
only one of the two things will happen; either He will catch you when you fall
Or
He will teach you how to fly
you are really a lovable person :)
i'm sure you are
راما
ياااارب. و شكرا جدا على كلامك الحلو
أكيد أكيد الحمد لله دايما. و هو عمر ما الحال هيفضل كدة... بس الموضوع ان البلوج دة يمكن من الأماكن القليلة اللي بطلع كل اللي جوايا فيها. بس أكيد الحمد لله. ربنا رازقنا كلنا بنعم كتيرة جدا جدا و كفاية عليّ إني اتعرفت على ناس جميلة أوي كدة زيكم :)
Ocean eyes,
U r totally correct in everything u said. That's how life goes on!
And having friends around u is certainly a great bless from Allah. hope we would always enjoy this bless till the last moment of our lives."coz it's not always there actually".
Walawo,
mmm... u quite right.
But u know what?? I guess ur words can be posted alone, not as a comment, :) but as a separated great post. I'm talking seriously "men 3'eir mogamla"
And....well..thank you so much for ur thoughtfulness. U r a very kind person as well, and I feel u r a very nice&faithful friend to ur friends "without mogamla bardo wallahy :)".
Thanks a lot for ur supporting words.I really appreciate it a lot.
Friendship should be just like that!!!
Life is like HELL without FRIENDS.
مستحيل
اسلوب متميز
تحياتي
لو كان ينفع كنت طبعه البوست وبعته لكل واحد مفكرش يسال عنى فى ازمتى يلا بوست رئاع بجد
الشارد
شكرا جدا على التعليق. بس هي فعلا الدنيا مش هينفع تمشي من غيرهم. صح كدة؟ :)
رئيس جمهورية نفسي
دخلت البلوج بتاعك، و عجبني أوي .. بجد ياخد الواحد في عالم تاني خالص.
ايه دة؟!! ثانية واحدة! أنا بكتب الكلام دة و أنا بسمع الكليب اللي حضرتك حاطه. أنا عارفة الموسيقى دي! أنا عارفة الأغنية دي!! ياااه. أنا كدة بجد في عالم تاني. دي اكتر اغنية بحبها لفيروز في حياتي كلها، و موسيقتها و كله!! بقالي كتير نفسي أجيب الأغنية دي على الكمبيوتر عندي لأني مش عارفة اسمعها فين! شكرا جزيلا جدا اوي
بالنسبة لأصحابك... ايوة عندك حق.. بجد. مش عارفة ايه اللي حصل للناس و لا ايه اللي لسة بيحصل! فجأة بأة كل الناس بتقول مشغوليات الحياة!! مع اننا طول عمرنا عايشين في نفس الحياة دي. بس عموما اكيد لازم دايما نسامح. و تكون حياتنا كلها عشان "نعطي" و مش مستنيين من حد اي حاجة
special
عشان لما نلاقي حد جنبنا في كل خطوة تكون سعادتنا مالهاش حد، و في نفس الوقت لما مش نلاقي حد خالص منكونش زعلانين... لأننا ببساطة مش منتظرين منه حاجة اصلا. فاهمني؟! مش عارفة كلامي صح و لا لأ. بس بصراحة دة اللي بحسه صح
اولا انا شدنى بجد اسمك جميل قوى قوى كله رقه بجد
ثانيا بوستك الى علقت عليه روعه
ثالثا: شكرا بجد على مرورك على البلوج ورائيك فيه رابعا يا ستى لو عندك FACEBOO عليه اغانى روعه لفيروز
http://www.facebook.com/group.php?gid=3402633717
اعمل كوبى وباست
وده موقع اغانى فيروز على طرب توب فيه 124 اغنيه لفيروز
http://www.6rbtop.com/song.php?album_id=134&artist_id=114
نفس الطريقه الى فاتت
تحياتى
ملحوظه دخلت على الموقع واتاكدت من وجود الاغنيه
رئيس جمهورية نفسي
:)
شكرا جدا جدا بجد
ثانيا: انا مش اد الكلام دة خالص :) مفيش حاجة روعة ولا حاجة. شكرا على المجاملة الرقيقة دي يا فندم
اى خدمه :D
الحمدلله على كل شىء ... بوست رائع .. رائع .. ويحمل معانى كتيرة
بنوتة
أكيد الحمدلله. و انت اللي رائعة يا بنوتة :)
جميل اوى انك تكتبى عن اللى انتى حساه وحتى لو بسيط
وجميل ان رساله بسيطه كده فرحتك وحسستك ان فى حد جانبك واصدقاء بيحبوك
والاجمل الكلمات البسيطه اللى انتى كاتبتيها فى النهايه
جميل الموضوع
واعذرينى لو كنت اتكلمت مباشره دى اول زياره ليا هنا بس اهنيكى موضوعات جميله
شكراا
Samo,
اتكلم مباشرة جدا. مفيش حاجة طبعا أهلا و سهلا بيك في اي وقت و نورتني.... يارب أكون مفيدة ان شاء الله
Post a Comment