مش عارفة!! بجد مش عارفة!! جوايا كلام كتير أوي، و أحاسيس كتير جدااااا. و ناوية اعمل بوست للتاج. بس مش قادرة!
مش عارفة أنا مالي أصلا. بس اللي أعرفه اني مش عارفة أكتب. يعني على الأقل دي حاجة عارفاها. لكن مش عارفة ليه! و لا عارفة الحالة الغريبة دي هتستمر لحد امتى!! و لا عارفة آخد قرار مصيري في حياتي بقالي شهور... و لا عارفة أصلا أفكر في حاجة غيره
مش عارفة أوقف تفكيري... بس كمان مش عارفة أوصل بتفكيري لحاجة ملموسة. امبارح قعدت أكتر من ساعتين أدام البحر شاردة، لوحدي خااالص، مش بشوف غير البحر، و كل فترة أنقل نظري للصيادين اللي صاحيين من بدري عشان يصطادوا السمك، و البحر بيلاعبهم و يرش عليهم كل شوية شوية مية :)
كنت لوحدي... حزينة... بس في قمة السعادة، بجد
فكرت في كل حاجة ممكن كنت أتخيل إني أفكر فيها... بس في نفس الوقت لأول مرة في حياتي حسيت إني مش تعبانة أبدا أبدا من التفكير..... بالعكس، حسيت ان روحي صافية جداااا، و عقلي و قلبي مرتاحين جدا جدا جدا أدام السحر دة. كنت لوحدي طبعا لأني كنت صاحية 7 الصبح و محدش من عيلتي اكييييد فكر يصحى في الوقت دة خصوصا اننا كنا سهرانين اليوم اللي قبله. كنت لوحدي تماما... بس محستش أبدا بأي غربة، بالعكس.. حسيت ان البحر صاحبي و أنا بجد بكلمه و أحكيله... أو بس بستمتع بشكله و موجه الهايج اللي زي أفكارنا و أحلامنا. بس على الأقل هو صاحبي لأنه قبل اني اتفرج عليه و أسرح فيه لوحدي
بجد كتبت كلام كتير أوي أدام البحر، و حسيت أحاسيس أكتر بكتير. بس ... مش عارفة، مش عارفة أكتب فعلا! و لأني مش عارفة أكتب.. فكرت اني أكتب حاجة من فترة كتيرة و انا بفكر فيها. و في دماغي دايما فمش محتاجة مني تفكير... فيه أغنية مش عارفة لمين و لا مين اللي كاتب كلماتها، بس اللي أقدر أقوله انه بجد راجل جميل يعني. . . أنا بحبها أوي أوي أوي. و من أول مرة سمعتها و أنا اتأثرت بيها جدا جدا، و فضلت "شبه مدمناها" لفترة. و هي حاليا رنة موبايلي الأكثر رنينا في اليوم
أغنية "احلم معايا"!! مش عارفة عنها أي حاجة غير انها سحرتني لما سمعتها. أكيد فيه طبعا أغاني كتييييير جدا. بس دول ممكن يكون لهم بوست تاني، لكن دي بالنسبة لي مش محتاجة أي تفكير.
بس من فترة صغيرة... بقت جملة كل ما أسمعها فيها بتضايق أوي أوي.. هو بيقول: "مهما نقع ، نقدر نقوم. نشق نتحدى الغيوم. نلاقي ليلنا بألف يوم، بس احنا نحلم" جميلة أوي و مأثرة أوي، و أكيد صح أوي أوي. بس أنا ليه مش حاسة اني عارفة اقوم!!! مش عارفة! و مش عاجبني نبرة الحزن دي أبدا . أنا مش كداااااااا. بس... أعمل ايه؟! مش عارفة!
11 comments:
البحر اللي حضرتك مبسوطه بقعدتك معاه دا هو اللي بهدلني امبارح في الحر
وقعدنا نشتغل من غير تكيف وفاتحين الشباك خيفه عليا ليجيلي برد
اولا شكرا للطف احساسك
ثانيا الف سلامه عليكي من البحر ومن الفكر ومن البرد
متلخبطه قوي زي ما هو باين من كلامك
بس ما علينا يا بنتي ليكي حق معاكي انك تكوني متضايقه من الوضع
مهم قوي الواحد يشوف الانتاج بتاعه بخاصه في شغلنا
صبرك شويه
اشوفك علي خير
حقيقي وحشتيني
خلي بالك منك ومن سوما
انا جيت عشان اخرج من الحاله اللي ملازماني بقالي يومين
لقيت حالتك اصعب مني
هاروح ادور على حل للحاله دي ولو جابت معايا نتيجه
هابقى امررهالك ف البوست الجاي
مش هاقدر اقولك غير ربنا يفرج همك
الاغنيه دي عندي على الموبايل بس لاقيتها حزينه قوي لدرجه اني ممكن اتاثر ومردش على مكالماتي بسببها
ان شاء الله المره الجايه اللي اعدي فيها هنا تكوني حد تاني وانا كمان
يعني نبقى اتنين مش يعرفوا بعض
تحياتي
:) بجد فرحني تعليقك أبو دم خفيف دة. شكرا. أدخلتي السرور على قلبي يا جميلة
بس .... :( أنا قعدت أتحايل عليكي نفتح التكييف و انت بعد كدة اللي قلتي لأ. مليش دعوة بأة. عموما هعوضهالك ان شاء الله و أحاول أجيبلك تلاجة في الشغل .هههه
و لو
آسفة أوي
و الله ما كنت أقصد أبدا... و أكيد عمري ما هحب أزعل أي حد، و خصوصا لو كان حد بيسعدني جدا جدا تعليقه و بحس انه بجد بيحاول يساعد الناس
ربنا يفرج هم حضرتك ان شاء الله
و لو
عموما دة بلوج بحبه أوي و بحس انه فيه نوع من السحر كدة ساعات. بس هو محتاج مزاج أوي . فبصراحة بشوفه كل فترة كدة و خلاص. كمان بحس ان اللي بتكتبه تفكيرها مستوى تاني خالص. ممكن تجرب تشوفه لو تحب.
nihalnour.blogspot.com
والله دة نفس حالى تقريباً من شهووووور طويلة حتى لما بجى أكتب قصة أو حتى خواطر اللى مفروض أننابنطلع كل اللى جوانا فيها ونرتاح مش بكملها
..
بس أشاء الله تطلعى من الحالة دية قريب وألاقيكى البوست الجاى كتبة أنا مبسوطة أوى أوى
يارب دايماً أيامك تكون سعيدة
:D
مش عارفة اقولك ايه بجد
...
وانا بقرأ البوست بتاعك ده ...حسيت بمجموعة احاسيس مختلفة ملهاش علاقة ببعض ...
حسيت انى فرحانة اوى وحسيت انى زعلانة اوى ...حسيت انى خلاص عرفت انا هاعمل ...وبرده حسيت انى ضايعة ومش عارفة هاعمل ايه ...
..
بس عارفة ..احلى حاجة فى الموضوع ده
هى الحيرة دى اللى احنا فيها ...
وانك تكونى مش عارفة انتى عايزة ايه ..
على الاقل بتسرحى بخيالك فى حاجات حلوة اوى اوى اوى ..
..
يا بختك بجد انك شفتى البحر وحكتيله...بقالى فترة طويلة اوى ما شفتوش وماحكتلوش ...
..
ربنا يريح قلبك يا رب وتحسى وتعرفى اللى انتى عايزاه ..ايه كان
...
:)
it's weird i'm almost having ur same feelings =)maybe it's a virus in the air lool
anyways..i think it might be coz u feel alittle weak..u r tired from being strong...u feel u wanna fall down...ur tired from fighting alone...still it's ok to rest for a while...but u have to get up again...deppression and sadness will take u to the nowhere...
i'm sry tht might words rn't helping maybe u can help me instead..or maybe we can help eachothers to get throught this..
i wish u get ovet tht very soon and become urself one more..i'm sure everyone around will support tht.. good luck =)
Thank u all for ur support. It really pleases me a lot.
The "blog world" is my other world which I seek when I feel sad.. sorry I'm so moody these days, but... really don't know!!
anyway, thanx everyone. I'm so proud to have you as my friend "whom I've never seen" and most probably will never see :) but love you all so much. THANX A LOT seriously for trying to help.
Sunshine,
It may be a virus as u say :) as many seriously feel it these days... but don't think i should surrender to that thingi.. even if it has been there for months now.
tht's the SPIRIT never give up =)and as u knoe life is ups and downs and sometimes the downs hit u strightly to the ups =)
Sunshine,
sa7 ya fandem :)
Post a Comment