Thursday, April 23, 2009

Masquerade


حفل تنــكري


خلف الأقنعة تقبع وجوها


تخـفي ملامحها


وراء شخصيـات زائفة


هناك من يخفي لؤمه خلف وجه وديع


و آخر يخفي حقده خلف ابتسامة قنــاع


نظرات خادعة و ابتسامات باهتة


تختبئ شياطين في زي الملائكة، و تختفي الخسّـة خلف زي بديع


أمام أبواب القصر قبل الدخول يرتدي الجميع الأقنعة..و تختفي حقيقتهم معهم


تلقى الزيـف في كل خطوة تخطوها


و تحاول البحث عن الصدق بداخل المكان





في الحفــل التنكـري


كــــل الحقائق تذوب


خلف الملامح الزائفة


يختبئ الجميــع





أشخاص كالذئاب في أرواحهم


بابتسامة خبيثة.. يخفون مخالبهم خلف عباءة التنكــر


هنـاك من يمشي بثقة بزي أسد مغوار


وهو في الواقع يخاف كل شيء حتى أنه لم يكن يوما كالأسود





في الحفــل التنكـري


تجد من يخفي جرحه العميق خلف ابتسامة مهرج


رسمها على وجهه قبل الدخول


و تلك بتنكرها أميــــرة الثلوج


تحت عينيها دمعة


تدّعي أنها ثلج يذوب





و آخر بتنكره تظنه كيوبيـد


بسهم الحب يلف القاعة مبتسما


ترى هل يخفي جرحه الغائر.. أم أنه لا يأبه بالألم الذي سببه للآخرين بحياته؟؟


و تلك من الخارج تسحر الألباب


تراها ترتدي زيا ملائكيا


و بداخلها خبث و شر يجعلها أقرب للشياطين





و فتاة في ريعان شبابها بضفيرتين


في غاية الرقة تسير بفستان طفولي


تتمنى لو أن تعود إلى تلك البراءة من جديد





و فتاة تسير مبتسمة


بفستان أبيض ملائكي و عصا سحرية


بداخلها المئات من الأمنيات


تود لو أن هزة بسيطة من تلك العصا تؤتي بسحرها


و تحـقق لها الأمنيات و تبعد الزيف عن الحياة

18 comments:

salma mohamed said...

كلام معبر جداااا لابعد حد عن واقعنا الاليم
كل الناس لابسه اقنعه,
وانتِ وصفتي انواعهم واوصافهم.

عوده حميده لبلوجر ولينا (:
افتقداناكِ جدا مدة غيابك,ماتكررهاش تاني

الحلم العربي said...

جميييييييييلة قوي يا هبة
بجد أسلوبك رائع
فعلا الكل بيلبس أقنعة و كلنا مش الآخرين فقط
كلنا بنحاول نبين اننا كويسين مع اننا جوانا جراح
الظاهر ان الاقنعة بقت أسهل من اننا نبين وجهنا الحقيقي لدرجة اننا نسينا أصلا احنا كان شكلنا ايه
بصي لمجتمعنا و انتى تعرفي اننا حتى على المستوى العام بنلبس الأقنعة
اشكرك على البوست الجميل يا أجمل هوبة
تحياتي

alshared said...

و تلك بتنكرها أميــــرة الثلوج


تحت عينيها دمعة


تدّعي أنها ثلج يذوب

..........
أيه كمية الشجن دي كلها

وحـــــــــــى القلم said...

بعد يوم طوييييييييل شاق مقرف
مسكت العشا وفتحت الكمبيوتر وقلت يااااااارب يكون فى مفاجأه حلوه
يظهر أن ربنا حقق لى دعائى فى الحال
أخيييييييييييييرا كتبتى
شوقتينا بس صبرنا ونلنا
بجد بجد مبدعه
ده الحال دلوقتى
فى كل مكان تلاقى ناس بتتستر بقناع جميل ولو عرفتى الحقيقه تصعقى بيها
ولا يا سلام على منافقى الكليه من الطلبه سواء مع الدكاتره او زملائهم
بس عارفه أنا ساعات بحس أن الأنسان مفروض يلبس قناع بس مش عشان يخفى بيه حقيقه معينا إنما عشان يحوله لحقيقه زى الأنسان المكتئب لو تنكر بس مش للناس وبس للناس ولنفسه بقناع السعاده والرضا ممكن ينجح فى تحقيق أمله
بس أظن أن ده فى مجالات ومجالات
معلش طولت أوى بس بعوض فترة غيابك بقى أشتقت للكلام معاكى

Lyssandra said...

الله عليكي يا فراشه

عجبني أوي وصفك هنا
مش شرط اننا نملك أقنعه انها دايماً تكون أقنعة زيف
ممكن فعلا اللي بيخفي همه خلف قناع ابتسامه
واللي بتخفي دمعها خلف قناع مرح
واللي بيخفي ألمه خلف قناع ساحر

وبرده اللي بيخفي لؤمه وخبثه خلف قناع ملاك
واللي بتخفي حقدها وسمها خلف قناع زهرة

كلنا نملك أقنعه عزيزتي
ربما الأقنعه تحمينا الفضول
ربما تهبنا بعض قوة لا نملكها

ربما تملكنا ظل نتواري فيه

____

عجبني أوي البوست ده فعلا
:)

-----------
ع الهامش
حضرتك فين يا أستاذه ؟؟
كل ده تطنيش ؟
ممكن تطمنيني عليكي ؟

إنسان مقيد said...

عزيزتي الفراشه
تعرفي اني بحب الحفلات التنكريه اوي بحب اوي اتفرج على الناس وفي الحفلات التنكريه بيبقى فرجه وضحك :)

بس كل ما أقرا البوست اقول ياترى انا لابس اي قناع

هو ممكن يكون الواحد لابسهم فوق بعض
مش طفاسه ولا طمع مني والهي بس عشان كلهم بيعبروا عن حاجات

بس انتي عارفه ليه ساعات بحسها اصول اللعبه كده
يعني من زمان اتعلمت ان اصول اللعبه هي الابتسامه على الوش مش ابتسامه مهرج أوي واللهي بس ابتسامه تبين قمة السعاده بغض النظر عن اللي جوه الانسان

اتعلمت كمان ان لازم الوش يكون زي التلج مش في بياضه لكن في بروده لا معبر ولا منفر

فعلا هي دي اصول اللعبه

لعبه الحياه

على الهامش المدونه بقالي يومين بفتحها ومش عارف اكومنت لأن البوست تحفه بس تعرفي اكتر حاجه بفتكرها كل مره ايه فيلم اضواء المدينه لشاديه لما راحت الحفله متنكره في زي جولييت
وكمان بفتكر رائعه سعاد حسني بانوا بانوا على اصكوا بانوا
ياترى انتي افتكرتي مين وانتي بتكتبي عن حفلتك التنكريه

Wish I were a Butterfly ... said...

Salma,

:)
شكرا يا سلمى
فيه حد افتقدني بجد؟؟ تفتكري؟

شكرا ليكي كتير يا لومي. أنا كمان وحشني مدوناتكوا و تعليقاتكوا أوي أوي. .يمكن أكون فاهمة سبب إغلاقك للتعليق بس أتمنى الموضوع مش يطول كدة
للأسف ناس كتير أوي لابسة أقنعة فعلا
نورتي كتير :)

Wish I were a Butterfly ... said...

الحلم العربي

شكرا لمجاملتك الرقيقة جدا يا آية
:)
بس عارفة؟؟
ساعات كتير بتمنى إني أقدر ألبس قناع بس بلاقيني مش بعرف

صحيح فيه كتير بينسوا شكلهم الحقيقي من كتر الأقنعة

تعليقك أضاف لي :)شكرا ليكي كتير


على الهامش.. لو رحتي حفلة تنكرية هتحبي تلبسي إيه؟؟

salma mohamed said...

يا هوبه
ليه مش مصدقه ان الناس مفتقداكِ
بجد مش تغيبي كده تاني وتقلقينا,
انا رجعت اهه وفتحت التعليقات خلاص

وحـــــــــــى القلم said...

هبه بجد انا زعلانه منك
ازاى تسألى سؤال وحش زى اللى سألتيه لسلمى؟
انا حتى لما بكتئب وأنسى المدونات كلها بدخل مدونتك على طول وبفتقد غيابك فى حد ذاته ده غير انى بفتقد مواضيعك

الحلم العربي said...

لو رحت حفلة تنكرية هلبس زي الفتاة اللى
بتتمنى لو أن تعود إلى تلك البراءة من جديد
:)) لكن ده لو عرفت ، فعلا ساعات بنحاول نلبس القناع لكن مش بنعرف مشاعرنا بتفضحنا
و انتى لو رحتى حفلة تنكرية هتلبسي ايه؟؟

Wish I were a Butterfly ... said...

alshared,

كل واحد فينا جواه كمية شجن يا شارد

مش قصدت أوضحها هي شخصيا لكن حسيت شخصيات كتير غيرها

بس أميرة الثلوج دي من أكتر الشخصيات اللي حسيتها فعلا :). مرحبا بك بعد طــــول غياب
شكرا لمرورك على المدونة دي وتعليقك

Wish I were a Butterfly ... said...

وحي القلم

:)
شكرا على كل كلماتك الجميلة وسعادتك البريئة اللي بجد أدخلت على قلبي السرور فعلا
يارب دايما يكون كل دعائك مستجاب

شكرا لرقتك وإطرائك الجميل انت كمان :). بس كلمة "مبدعة"دي كبيــــرة جدا علي

أكيد متفقة معاكي في معظم كلامك إلا حاجة واحدة بصراحة.ودة رأيي الشخصي مش أكتر
أكيد فيه أوقات فعلا بيكون وجود الأقنعة مهم، وممكن في السعادة، لكن الرضا مش شايفة ينفع معاه قناع أبدا
يعني..الرضا بحسه لازم يكون من جوايا أوي،وأحس بيه بكل جوارحي مش مجرد قناع هيقنعني أو يقنع غيري بأي حاجة
الرضا يمكن هو الحاجة اللي معظمنا طول الوقت بيدور عليها وبيحاول يحققها عشان يقدر يستمد بعدها السعادة من أي حاجة حواليه
...............
الكلية؟؟ معاكي تماما بلا جدال:). بس الحقيقة إن اللي بحسه إن الإحساس دة من الكلية هو لمجرد إنها أول حاجة بنواجهها في الدنيا الكبيرة فعلا
يعني مبدأ مصلحتي مصلحتي اللي بعده بنشوفه أكتر في الحياة العملية هو بدايته في الكلية واحتمال كبير يستمر بعدها في الدنيا
بس إن شاء الله تكوني قوية أوي وصلبة وتقدري تعدّي كل الخطوات اللي بتفكريها صعبة أدامك لآخر حياتك
عارفة؟
انت وأختك وجودكوا كبير أوي عندي،وهو من الحاجات اللي خلتني أحاول أكتب تاني هنا فعلا:) رغم إني مش لاقياني عارفة أكتب
شكرا ليكي. ربنا يرزقك دايما بالناس اللي بتحبك بجدوبتخاف عليكي أختي الصغيرة

ملحوظة:معلش لو الكلام مش منظم شوية:).بس ردي كتبته واتمسح فحاولت أكتبه تاني وطلع كدة..وانت تنوري في أي وقت أكيد وعلقي براحتك ان شالله صفحة:)

Wish I were a Butterfly ... said...

Lyssa,

و عجبني أكتر تعليقك
:)

اللي بتخفي سمها خلف قناع زهرة. عجبني الوصف دة جداجدا

أقنعة.. ربما تهبنا بعض قوة لا نملكها. عندك حق:).دة اللي حسيته أوي في بعض الشخصيات وأنا بتخيلها في الحفلة فعلا

صورة البروفايل رغم إني ممكن مش أستريح لها أوي"شخصيا"، بس الحقيقة إنها عجبتني لأنها جذابة وفيها شوية غموض يمكن
:)
تنفع في البوست دة؟
:p
نورتي أكيد ليسا

Wish I were a Butterfly ... said...

إنسان مقيد

بتسأل عن رأيي أنا يعني؟؟ بس دة رأيي واحتمال كبير يكون غلط طبعا. بس أنا شايفة إنه أيوة طبعا، مش بس ممكن إن الواحد يكون لابس أكتر من قناع، لكن ساعات كتير بيبقى دة الطبيعي
أنا نفسي لما اتسألت أنا شايفة نفسي مين فيهم لقيتني مش متأكدة!!يمكن أقرب لواحدة كتير،لكن شايفاني في أكتر من تنكر
..................
من زمان اتعلمت ان اصول اللعبه هي الابتسامه على الوش مش ابتسامه مهرج أوي واللهي بس ابتسامه تبين قمة السعاده بغض النظر...دة من تعليقك

أكيد صح. بس لو أخدنا كلامك عن لعبة الحياة وربطناها بالدين هتبقى أحلى كتير بتهيألي..لأنك هتقول إنك بتاخد ثواب على تبسمك دايما، وإن كمان بتعملها لأنها سنّة عن الرسول –ص-اللي كان دايما مبتسم وحنون مع الكل

اممم...مش افتكرت الفيلم بصراحة غير لما انت كتبت عنه:)، بس فعلا الفيلم دة فيه مشاهد كتير لذيذةأوي وجولييت كانت لايقة عليها. "رائعة" سعادحسني..بصراحة أنا كنت أول مرة في حياتي أقرأ كلماتها كان في مدونتك وبعدها سمعتها:). بس بستصعبها أوي بصراحة
افتكرت ميـــن؟؟
:)
السؤال صعب أوي أوي. بس ممكن أقول إن معظمهم "فعلا" كانوا مجرد تخيل للشخصيات اللي ممكن ألاقيها في حفلة وليهم قناع تاني وراهم... أكيد افتكرت أشخاص في الحقيقة مع بعض الشخصيات بس المعظم فعلا مجرد تخيل.....وكفايةكدة
:)
شكرا كتير لتعليقك المتعمق اللي أسعدني كتير. بس مش شايف إن "تحفة"دي كتبرة أوي أوي؟
:)

Wish I were a Butterfly ... said...

Salma,

شكرا يا سلمى على كلماتك الجميلة
:)
يمكن عشان مش شايفاني أستاهل أوي إن حد يفتقدني أصلا..يمكن كمان عشان معظم الوقت كائبة الناس أكتر مما عارفة أسعدهم
بس شكرا أوي بجد على كلماتك :)،و أنا إن شاء الله هحاول أكتب مش أغيب تاني "هحاول"ويمكن أقدر..وسامحيني على تقصيري في التعليق. بس بجد ناوية إن شاء الله قريب أرجع أعلق في المدونات اللي بحبها و ناسها يهموني جدا
شكرا بجد لاهتمامك
متعرفيش كلامك انت و وحي قلم فرق معايا أد إيه

Wish I were a Butterfly ... said...

وحي القلم

مش عارفة كلامك عمل فيّ إيه بجد
:$
فرحت وزعلت وحاجات كتير ملخبطة في بعضها كدة :).بجد شكرا أوي أوي.و وإنك تدخلي على مدونتي حتى لما تكوني مش بتشوفي المدونات التانية دي كبيـــــرة أوي عندي،وبجد دخلتي السرور على قلبي :$ كتير. شكرا يا سمية. وياريت مش تزعلي بجد عشان خاطري. ربنا يخليكوا لي

Wish I were a Butterfly ... said...

الحلم العربي

ههههه
هو السؤال رجع لي تاني ليـــه؟
:)
ليه كدة يا بنتي؟؟؟:). عموما... غالبا دايما كنت بحلم ألبس فراشة برده!!بجناحاتها و لونها الروز..شوية جليتر و حاجات كدة كمان:)
من قبل ما أعرف حاجة اسمها مدونة أساسا حتى، واستغربت أوي لما افتكرت الموضوع قريب ولقيتني كتبت اسمي كدة في المدونة و أنا مش فاكرة أصلا
ويمكن الشخصية اللي اختارتيها انت
:)
فيه حاجات تانية أكيد هحب أعملها...بس يمكن أقولهالك بعدين
;)

بحبك أوي يا حلم.... اسألك الدعاء