قـطة ترتعش من البرد
و عجوز فقير في الطريق تعب من كثرة السرد
جسده ضئيل يرتجف مع كل هبة ريح خفيفة
و ورود ذابلة فقدت ألوانها
كـــانت يوما تسحر القلوب
هي اليوم تتمنى أن تعودكما كانت
تتمنى للثلج أن يذوب
شجر باهت اللون بلا أوراق
كـان يوما وافر الظلال و هو اليوم يشتاق
إلى يوم يعود فيه أخضر اللون كما كان
ذبول و فقدان حياة
و كثيــرون أزهقتهم قسوة الشتاء
ألوان باهتة بلا أزهار تجمّـلها
في انتظار
و عجوز فقير في الطريق تعب من كثرة السرد
جسده ضئيل يرتجف مع كل هبة ريح خفيفة
و ورود ذابلة فقدت ألوانها
كـــانت يوما تسحر القلوب
هي اليوم تتمنى أن تعودكما كانت
تتمنى للثلج أن يذوب
شجر باهت اللون بلا أوراق
كـان يوما وافر الظلال و هو اليوم يشتاق
إلى يوم يعود فيه أخضر اللون كما كان
ذبول و فقدان حياة
و كثيــرون أزهقتهم قسوة الشتاء
ألوان باهتة بلا أزهار تجمّـلها
في انتظار
يتمنون للربيع أن يعــود
و معه تعود الحياة ولو قليلا و تزهر الورود
حتما سينتهي الشتاء قريبا
و من بعده يأتي الربيع
آنذاك
لن يرهقني البحث عن ورود حية لم تذبل وسط زرع تملؤه الأمطار مثلما يحدث في الشتاء
حتما... سيأتي الربيع
لن يرهقني البحث عن ورود حية لم تذبل وسط زرع تملؤه الأمطار مثلما يحدث في الشتاء
حتما... سيأتي الربيع
19 comments:
أنا كنت هاكتب حاجه من عندي بس عمي صلاح جاهين كتب اللي أنا مش هاقدر أكتبه
الدنيا من غير الربيع مــــــــيته
ورقة شجر ضعفـــــــانه و مـــفـــــتــته
- لا يا جدع غلطان تأمل وشوف
زهر الشتا طالع فــــــــي عز الشـــــتا
عجبي !!!
وبس
:)
دمتي بكل الود
أخوك
على الرغم انى كنت انا وبقرى البوست قررت اكتب كومنت زى بتاع الشارد بس للاسف سبقنى فحضم صوتى لصوتة
انا عن نفسى ربيعى جه:))
عقبالك
لن يرهقني البحث عن ورود حية لم تذبل وسط زرع تملؤه الأمطار مثلما يحدث في الشتاء
حتما... سيأتي الربيع
كم هيا رائعة كلماتك
دمتى بكل الود
أن شاء الله يجى ربيعى وربيعك قريب يا عزيزتى
كلمات رائعه اثرت فيا بجد
بس برضه لحد ما يجى لازم نبحث عن الورود الحيه زى ما قلتى
فعلا هو امر مرهق بس لا للإستسلام
وحشتينى ووحشتنى كتاباتك
يارب تكونى بخير
السلام عليكم
انا عن نفسي بكره الشتاء جدا
لان الشتاء=يعني البرودة
وانا بكره البرودة في كل حاجة,في الجو في المشاعر,
يارب ييجي ربيعنا كلنا,
سواء الربيع كفصل اللي انا مولودة فيه,او كلمة الربيع بما تحمل من معاني الحياة وعودة الروح.
:)
أنا كمان هاستني معاكي الربيع يا فراشه
حاسه إني بدأت ارتاح والجو بيتغير
لما الشتا بيجمع أوراقه وييجي يمشي بحس براحه
زمان كنت بحبه بجد
دلوقتي بقيت أخاف منه ومن برده ولا مبالاته
يارب الربيع ييجي بسرعه
:)
alshared,
شكرا ليك ولعم جاهين اللي بشوفه فعلا عبّـر عن معظم المواضيع والأحاسيس اللي ممكن نمر بيها في حياتنا
اممم... بيني و بينك أنا بموت في الشتا كفصل:). مش بتمنى الربيع بجد أوي يعني
وصلني المعنى اللي تقصده..و شكرا ليك جدا. أتمنى فعلا الدنيا تبقى أحسن
نورت المدونة :)
رئيس جمهورية نفسي
سلام كبير وتحية و تقدير من هنا لحــاد أرض الصعيد :). نورت مدونتي سيادة الرئيس.. شكرا على اللي كنت ناوي تكتبه
انتو اخواتي اللي مستغناش عنهم
blue-wave,
طبعا هنيالك يا دكتور
:)
بس الربيع مش شايفاه في الجزء دة وبس
في كل حاجة حتى مش جوايا وبس لكن حواليا
يارب دايما سعيد ماشاء الله
mohamed ghalia,
شكرا ليك :). أسعدني ان الكلمات عجبتك
بتمنى تكون مش مجاملة لأني مش بحبها
دمت بكل ود أخي العزيز
وحي القلم
انت كمان وحشتيني أوي أوي أوي
وعلى فكرة البوست اللي كتبته دة حاولت أنشره بسرعةأد ماأقدر عشان مش أكون مدايقاكي معايا. بجد
:)
وحشني تعليقات ناس بحبها أوي وبفتقدها أوي
ووحشني مدونات كتير أوي كمان
كنت هكتب بوست تاني خالص عن إن بقالي كتير مش كتبت في مدونتي ولا بزور الناس اللي بحبها بانتظام و اللي حاساه ..بس مسحته و قررت أكتب حاجة تانية.بس كنت هقول إن بجد
انت من الناس اللي وحشتني كتير:)
أنا الحمدلله بخير
شكرا لاهتمامك تاني :)
Salma Mohammed,
وعليكم السلام ورحمة الله
الحقيقة إني عكسك في الموضوع دة:$. أنا من عشاق الشتاءبكل ما فيه. يمكن مش بيدايقني فيه غيرإن أصحابي بيكسلوا فيه ومش بنخرج كتير
لكن فعلا بعشقه بكل مافيه..وهو حتى فترة نشاطي في السنة
في اللي كتبته كان تعبير عن حالة..أو مشاعر زي ماانت قلتي.. لكن الجو لو عليّ، أخلي الشتا ست شهور لو أقدر :)
انت يوم ميلادك إمتى؟؟ :). نورتي يا سلومة
Lyssandra,
يارب يا ليســا
:)
تفتكري هييجي يوم مش أحب الشتا فيه فعلا؟؟
معلش يا هوبة,اننا بقى طلعنا مختلفين في نقطة حب الشتا وكرهه ,انا باعتبر الشتا اوحش الفصول,
بس الظاهر ان الشتا مش بيكسل اصحابك بس,بيكسلك انتي كمان بدليل اختفاءك المتكرر من عالم التدوين
ويوم ميلادي,هو يوم
10/4
لكن هو بالنسبالي يوم عادي جدا,لاني مش باحتفل بيه,لكن الحاجة الوحيدة اللي بفتكرها في اليوم ده هو ان سنة كاملة راحت من عمري ):
Salma Mohamed,
عزيزتي سلمى
غيابي المتكرر صدقيني مدايقني جدا جدا، بس هومش بسبب الشتا و الكسل المرتبط بيه أبدا
كل الموضوع إنه ببساطة ساعات حاجات كتير بسيطة بتتجمع مع بعضها فتلاقيكي مش عارفة تجمعي كلماتك أو تكتبي أي حاجة بغض النظر عن كونها حلوة أو وحشة
الفترة دي فيها أحداث غريبة كتيرومش بعرف أجمع نفسي خالص... فمعلش:). بس فعلا ليكي حق. غيابي بأة متكرر أوي
و مش بقيت مدونات كنت بحبها أوي،وبقيت كمان طبعا بفتقد تعليقات كتيرة أوي كانت بتريحني في يوم من الأيام
شكرا ليكي على اهتمامك:)،وعلى فكرة مامتي يوم ميلادها بعدك بأيام قليلة
لولا الشتاء ما عرفنا جمال الربيع
فشكرا للشتاء
و شكرا للربيع
و شكرا لك على كلماتك الرقيقة
بالطبع جميعنا ننتظر الربيع
فلا تخافي لست وحدك من ينتظر
:))))
تحياتي حبيبتي
البرنامج الإذاعي
أول مرة أسمع عن البرنامج!! شكرا على الدعوة و احتمال أبقى أسمعه في يوم من الأيام عشان أفهم أكتر
الحلم العربي
و لولا الحزن ما عرفنا طعم السعادة
و لولا وجود أصحاب بحبهم أوي أوي و بحس باهتمامهم من غير ما أعرفهم في الحقيقة كدة زيك..مش عارفة كان هيحصل لي إيه :)) بس أكيد مكنتش هكون كدة
شكرا ليكي أوي يا حلم
ديري بالك على حالك
Post a Comment