مازالت كلماتي تتردد بين الطرقات في رحلة بحثها
مازالت كلماتي تبحث عن لحن حزين يغنيها
فلن أستطيع البوح بها إلا إن وجدت اللحن المناسب لها
.........................
لكنها لم تجد حتى الآن إلا لحنا واحدا ليعبر عنها
لحنا بلا صوت!! في تلك السيمفونية الغامضة
حتى أصبحت أسيرة لسيمفونية الصمت
.........................
مازالت حبيسة بين جدران قصر كبير تسكنه
مازالت تبحث عن مفتاح لبوابة القصر الحديدية
إلى متى يــا كلماتي ستظلين مسجونة القصر
حبيسة بيـــن الجدران
مدفونة بداخلي و لا أستطيع النطق بك
30 comments:
إلى متى يــا كلماتي ستظلين مسجونة القصر
حبيسة بيـــن الجدران
مدفونة بداخلي و لا أستطيع النطق بك
لاتحبسيها أكتر من ذلك
دعيها ترى النور
تحياتى
دمتى بود
اخرجى بره القصر
سبيه
روحى للمكان اللى تكونى مرتاحه فيه
ربما حتى يأتى من يفتح الأبواب
و يملك أذناً موسيقية تسمعها
و يعى الكلمات الجميلة و يقدرها
و ساعتها الكلمات هتجد طريقها للنور ببساطة و يسر
وحشتينى يا إيمان
يا رب تكونى بخير يا حبيبتى
و بشكرك من قلبى على إهتمامك بيا و كل الحب اللى بلمسه فى كلماتك الجميلة
اللى بتدور ع النور
تحياتى من قلب قلبى يا أرق بترفلاية عرفتها
إلى متى يــا كلماتي ستظلين مسجونة القصر
حبيسة بيـــن الجدران
مدفونة بداخلي و لا أستطيع النطق بك
-----
أنت أجبتِ في أول البوست
عندما تجدين اللحن المناسب
وليكن يارب لحن سعيد ومبهج
===========
تحياتي
Lyss
انطقيها بدون لحن
اهم حاجة انك تنطقيها
استغعلي اول فرصة لسقوط الامطار وخلو الشوارع من المارة وعلى ااقل التقدير افتحى البلكونة بتعتك واصرخى بكل كلامك ولو منفعش الحل ده اصرخى بيها على الورق وبعدين قطعيه
بس اهم حاجة الاول تكسرى حاجز خوفك من الكلام
mohamed ghalia,
بحاول و الله
يارب أقدر
شكرا جدا لتعليقك اللي عرفني على مدونة ثمينة زي بتاعتك
:)
دمت بود
Appy,
مش عارفة أعملها
:(
بجد مش عارفة خـــــالص
الحمدلله
فاتيما
مش عارفة أقوللك فرحت ازاي لما شفت اسمك عندي :). بس عارفة؟؟
عندي بس حاجة نونو أقولها معلش... اليوم الوحيد الشريد اللي اتقابلنا فيه إنت برده اتلخبطتي في اسمي ساعتها:). يمكن مش لايق عليّ؟؟ :) عندك حق و الله. أنا أساسا مش بطيق اسمي دة
بس المهم ... إني بجد آسفة جدا جداااا يا توما..أنا اسمي هبة مش إيمان
:(
ولو إني بصراحة كنت بتمنى لحظتها أكون إيمان عشان أكون وحشتك :$. بس بجد بجد انت وحشتيني جدااا
كلماتك مريحة أوي :). و جبتي المعنى بطريقةجميلة أوي بجد
شكرا ليكي و فرحتيني اويييييي بتعليقك
ادعيلي
Lyssandra,
بس كلماتي مش حاسة ليها غير لحن حزين
تفتكري ممكن يتغير و يبقى سعيد؟؟ :(
أتمنى بجد
شكرا لتعليقك يا قمر
:)
ازيك ياهبه
كلامك زعلنى اوى
انا مش عارفه مالك ومالنا كلنا
مجرد انك يكون عندك كلام وانت حابساه ده ف حد ذاته خنقه زيادة
خرجى الكلمات
لان وجودها خنقه وحبسهاخنقه اكبر واكبر
اقولك
مش انتى قلتى ف التاج بحب اقعد ف البلكونه او تروحى للى بتحبيه؟
طب ماتعملى كده
ربنا يهديلك الحال يارب
حتى تجد من يحسها قبل ان يسمعها
تحياتى
سلام عليكم حبيبة قلبي
وحشتيني بشكل مش مستحملاه
بعد تليفونا الاخير يوم السبت موبيلي اتسرق حاولي تكلميني علي الرقم اللي كلمتك منه ليله عيد ميلادك
ولو ما عرفتيش هكلمك انا يوم الخميس القادم ان شاء الله
بس لحد كدا بلاش تقلقي عليا
انا الحمد لله قادرة علي اللي بيحصلي
خلي بالك منك وعلي فكرة اللحن مش بعيد
وفي عصفوور صغير عرفاه علي شجره ياسمين هندي بردوا عرفاها
عمال بيلحن بس انت مش واخده بالك
والعصفور دا بيحب الشجرة والشجرة جزء منه بس يا خساره
عصفورتي بردوا لسه مش عارفه تشوف النور
جووووووووووووو في الحياه بأي شكل وهتلاقي اللحن أتعزف لوحدة
لا يعرف مكتن مفتاح القصر غيرك انت
ابحثى عنه ، فربما تجديه في مكان ما لم تكونى تتوقعى وجوده فيه أبدا
كلماتك تفيض بطوفان من الاحاسيس...
اثارت فى نفسى الكثير...
(مازالت كلماتي تبحث عن لحن حزين يغنيها)
حزيـــــــــــــن دايما الاقى فى مواضيعك حاجه فيّه
بلاش الصمت لأنى مقدرش استغنى عن كلماتك
أكتبيها حتى ولو بذاك اللحن الحزين
إوجدى إنتى اللحن
ولما تكتبى اللحن الحزين اكيد هيجى بعده السعيـــــد
سميه
ايتها الرقيقة جدا .. الحزينه بعمق
مرتت هنا وتاملت كلماتك جدا .. فرايت تلك الروح المنسدله كستار قديم خلف الابواب الحديديه يحملها دفء وشوق لحقيقة غائبة دائما ما تتمناها .. ايتها الحزينه المبعثرة بين حروفك وروحك الهائمه لطالما نظرتِ من شرفتك املا فى الطيران .. اعلم ذلك جيدا ..
كل ما عليكِ هو ان تبتسمى لقضبانك .. ستتحطم .. ابتسمى من القلب .. ابتسمى لانك امرأه وما اقوى ابتسامه حواء ..
سامشى الان ...
لكِ منى وردة و :)
من بعيد .. بكتبلك
من اصعب اللحظات
انك يبقى جواكي كلمات و مخنوقة مش عرفة تطلعيها
يااااااااااااااااااه
بتتعب اوي جدا خالص
بنوتة دوري على حد ثقة تقوليلة اللى جواكي
ابعتيلي الميل بتاعك لو مش يضايقك
كنت عاملة زيك كده لفترة
بس خلاص .. طلعت من القصر دا وبقيت اكتب اللى انا عاوزاه اومال احنا عاملين مدونات ليه
مش عشان نقول اللى جوانا
صعب انك تحسي انك محبوسة فى بيتك
تحياتى
ايه يا جميل فينك؟
ما زلت حبيسة القصر؟؟؟
ايه يا بنتى قلقتينى عليكى
خير فيه ايه بس؟
استعينى بالله وادينا فى بعض ننظر للحياه بصوره متفائله اكتر مهما كانت الهموم
بحب اوى مثل بيقول"اذا كانت الحياه بحر من الهموم فاركبها بزورق صغير من الصبر"
ادعى ربنا ليا وليكى
استعينى بالصبر والصلاه والقرآن وادعية الكرب
anonymous,
إن شاء الله أعرف في يوم من الأيام
رئيس جمهورية نفسي
ابتسمت و أنا بقرأ تعليقك المتحمس أوي دة :). تصدق فعلا نفسي المطر ينزل تاني قريب؟؟
شكرا على تشجيعك و نصيحتك
ربنا ييسر إن شاء الله
شكرا لتعليقك
habiba
عزيزتي
أنا الحمدلله بخير
شكرا أوي على دعائك بجد قبل أي حاجة تانية
بتكون حاجة مريحة شوية لما تحسي إن حد حاسس زي ما انت حاسة..أو على الأقل "قريب" من اللي انت حاساه
لعلمك أنا في البلكونة معظم اليوم:). الله المستعان
يارب أنا و انت و كلنا نبقى كويسين أوي
نورتي البلوج يا بيبة
blue-wave,
:)
بالضبط كدة
لخصت كلامي كله في ميني تعليق
بس بجد هو كدة بالضبط
مش محتاج أكتر من كدة
شكرا لتعليقك
الخيط اللي واحشني
كنت هكتبلك اليوم اللي بعده تعليق عندك لأن مش كنت عارفة أوصل لك عان موبايلك مغلق علطول :$. مش كنت لسة فتحت و شفت التعليق دة
مش عندي طبعا الرقم للأسف يا قمرة
انت كاتبة الكلام دة يوم 7!! يعني فات شهر على عيد ميلادي
معلش بجد... يوم الخميس عدى ومش سمعت صوتك
شكرا على تعليقك الحلو اللي مليان تشجيييييع :). يا بنتي أنا مش نافع معايا الطريقة دي. أعمل في نفسي إيه بس؟؟:). عايزة حافز أكبر من التشجيع بس مش عارفة أتقوى كويس و أدور عليه
عارفة أحلى كلمةفي البوست إيه؟؟
شجرة الياسمين الهندي:) انت عارفة أد إيه بحب وردها وإزاي بتأثر فيّ
شكرا يا عصفورتي الجميلة اللي طايرة بعيد ورا السحاب ومش عارفة أشوفها.. وحشتيني
و ادعيلي
الحلم العربي
عندك حق
و كلامكوا كله بيديني شوية قوة هحاول أستغلها
و إن شاء الله هبدأ في تفتيش القصر و أرجع لكلماتي تاني
:)
شكرا على كل حاجة يا جميلة
وحي القلم
هم 3 كلمات بس
انت
جميلة
أوي
:)
في انتظار لحني السعيد
البحث عن أنا شيء جنوني
شكرا لتعليقك
أسلوبك في الكتابة جميل أوي.فعلا عجبني الأسلوب جدا، بس كنت أتمنى مش يكون لي "وردة" في النهاية:)... لأن أصحاب القلوب المريضة كتير وأكيد حضرتك عارف كدة
شكرا لكلماتك
و أنا فعلا أتوق للطيران لأبعد سما
واحدة مفروسة
أنا آسفة جدا جدا بجد على جرعة الكآبة اللي نازلة عليّ دي
أتمنى أكون مش بسقيكم منها معايا و تكون مجردكلمات عابرة بتقرؤها بس مش تزعلكوا إن شاء الله
عارفة؟؟
ساعات بيكون ليكي أصحاب كتير أوي و ناس بتحبك كتير أوي أوي. بس تدوري عليهم في وقت من الأوقات تلاقيهم كلهم مشغولين و كلهم مش موجودين
الحمدلله :)
آسفة كمان مرة إني اتأخرت في الرد. على فكرة أنا بعتت ليكي ميل بس واضح إنه مش وصلك يمكن
شكرا أوي بجد على طيبتك دي
حدوتة
هو أكتر من بيتي
هوجزءمني فعلا
بس دة اللي حصل :). الحمدلله
بحاول لحددلوقتي أطلع من القصر
زيارتك لبلوجي غالية أوي عندي :).شكرا
وحي قلم
شكرا بجد أوي أوي أوي على اهتمامك
:)
انت طيوبة أوي أوي
عجبتني المقولة اللي قلتيها.بجد جميلة
:)
Post a Comment