رحلت
و رحل معاك كل جمال في الوجود
رحلت
و رحلت معك كل أسباب السعادة
و اختفت معك كل معاني الحياة
تركتني خلفك ..جسدا بلا روح
كالطفل سرقت منه الابتسامة
أعيش بلا قلب الآن
فقلبي مازلت تملكه أنت
مازلت هنا... بهذه الدنيا أعيش
أموت في يومي ألف مرة
إلا أني مازلت في عداد الأحياء
ربما كان حبك إكسير حياتي
ماذا أفعل سواك؟؟
خبرني
فأنا الآن.. إنسان بلا قلب
تركتني لأصبح... بقايا إنسان
19 comments:
بقايا انسان
بل بقايا جسد بلا روح ياهبة
ربنا يحفظك حبيبة قلبي ويرجع لك الغايبين بحفظه وسلامته
هبة ..بجد بجد انا بحبك جدا
ولما بدخل هنا بحس انى قاعدة معاكِ وبكلمك زي زمان :)
صدقيني وحشتيني اوي ووحشتني الايام دى :)
ربنا يحفظك ويبارك فيكِ ويعزك ويشرح صدرك ويرزقك السعادة دايما يارب
عزيزتي
سلام اله عليكي
الأول أحب أقولك أن لو ده واقع بتعيشيه فتأكدي أنك لستي بلا قلب ولكن عشان عندك قلب بتتألمي
أما لو عمل أدبي-أو هذا ما أتمنى- فأحب أقولك أنك وجعتيني أوي
ربما كان حبك أكسير حياتي
بالتأكيد هو كده
تحياتي
على الهامش
هل ممكن أحتفظ بالكلام عندي؟
اضرب التعليقان فى الاول الصوره معبره قوى وبتحصل كتير بالنسبه للبوست الى فات وعجبتنى جدا
---------------------
الابيات طبعا مش حعلق عليها لانى حستها وده الى قولته ليكى فى كلام بيترص وكلام طالع من القلب واعتقد انى ده طالع من القلب مش حقولك انى كنت مستنى بوست زى كده بس كنت عارف انك فى مشكله من تعليقات الخيط الرفيع فى البوست الى قبل الى فات
بس الى عايزه اقوله ليكى مش حتقف الدنيا وانتى مش انسانه علشان حد انتى انسانه ممكن تكنى اخترتى صح والظروف مساعدتش وممكن تكونى اخترتى غلط بس ده مش مبرر انك تفقدى احساسيك ومشاعرك عيشى بمشاعرك لنفسك لحد ما فى يوم حتلاقى الانسان الى بجد يستاهل مشاعرك
اتعلمى من الى حصل بس اوعى تقفى عنده
-----------------------------
ليه رجعه تانى علشان الابيات
بندقتي
كلام جميل .. كلام معقول مقدرش أقول حاجة عنه بس هو في ملحوظتين : اولهم إنها لو كانت في سرد قصصي كانت حتبقى أحسن بكتير
وثانيهم بقى إن ناس قليلة أوي في حياتنا إللي ممكن نكون من غيرهم بقايا غير كده بقه تهيؤات وفي ناس جميلة ممكن تدخل حياتنا وترمم البقايا دي وتحسسنا بكاملنا وبروحنا الحلوة
تحياتي يا بندقتي
راما
همسة قلم
آمين آمين آمين
شكرا جدا على كل الدعاء الجميل دة. ربنا يتقبل منك يا سمسم
:)
و شكرا كمان على رقتك و على المجاملة
:)
إنت كمان وحشتيني أوي بجد
و شفت روفي النهاردة و كنت نفسي تكوني إنت كمان موجودة
شكرا أوي لمرورك على البلوج يا سمسمة
إنسان مقيد
و عليكم السلام و رحمة الله و بركاته
عشان عندي قلب بتألم؟؟ بلاش الموقف المتحيز دة.. فكر برده إنك مش عارفني، و يمكن أكون شريرة جدا ومش عندي قلب. صح؟؟
:)
السؤال اللي في الآخر دة... تريأة؟؟
:)
:$
أصل صعبة شوية؟
يشرفني جدا جدا إنك تحتفظ بأي حاجة تحبها عندك، بس هو دة كلام جد؟؟ سبحان الله
!!!
عموما يشرفني جدا، و بيفرحني تعليقك أوي بجد. تحياتي لحضرتك و لصاحب حضرتك
رئيس جمهورية نفسي
أولا نورت جدا البلوج
افتكرت إن خلاص مش هسمع عن حضرتك تاني... و يمكن أكون أنا اللي لسة صح و فعلا مش هسمع عنك تاني بس ظهرت المرة دي عشان حسيتني ممكن أكون في مشكلة أو حاجة... و هتختفي تاني بعدها
:)
أتمنى عموما يكون تفكيري دة غلط و إنك دايما تشرفني بوجودك و تعليقك اللي ليه وزنه جدا جدا
شكرا على ذوق حضرتك و على نصايحك... إن شاء الله هاخدهم في الاعتبار وأحاول أنفذهم وقت ما أحتاجهم
...............
:)
مش عندي تعليق على بقية الكلام
بس بجد فرحني أوي ظهور حضرتك تاني -ولو مرة- ربنا يوفقك في حياتك كلها
:)
و تنورني في أي وقت..عشان "الأبيات" زي مابتقولوا عليها، أو حتى أي وقت تاني
Rama,
عندك حق في موضوع السرد القصصي
و ممكن أقوللك إن بقالي فترة كتير بفكر آخد خطوة جريئة و أكتب سرد كدة، بس مش قادرة
:)
لأن مش ينفع حد يعمل كل حاجة ويفتكر نفسه شاطر و ياسلام إيه الفن دة :)، بس في نفس الوقت... البلوج دة مساحتي و أشخبط فيها زي ماأنا عايز
مرة تانية ممكن آخد الخطوة يا راما إن شاء الله. شكرا أوي على النصيحة الحلوة دي
كلامك جميل و صح الصح
:)
شكرا أوي
و شكرا إنك بتناديني بالاسم اللي بحبه
:*
قولي لرئيس جمهورية نفسي اني مش بعرف ادخل البلوج بتاعة
ممكن بعد كام يوم البوست نعمله شيفت ديليت وكله من ايد سيادتكم
اسكت يا بقي
والله بسكته علشان خاطرك
لا يا ستى مش تقلقى حفضل لابد فى الذره قصدى البلوج على طول بس انتى متزهقيش انا وعدت بالعوده علشان الابيات وانا رجعت
زى ما قلت ليكى كلام من القلب يتحس
وكلام بيترص رص
عجبنى قوى فى الابيات سهوله كلماتها وبساطتها او بالبلدى عدم الفذلكه تعبير سرقه الابتسامه من الطفل يوجع ووجعنى قوى لسببين ضعف الطفل وعدم قدرته على الدفاع عن حقه فى الابتسام وانى بكره دمعه الطفل و الطفل المكشر بس كتعبير وتشبيه جديد وشديد
تحياتى
روفي
اللينك اللي عندك في البلوج من زمان أوي أوي اتغير
شوفي اللينك اللي عندي على البلوج و غيري اللي عندك
لي رد بعدين على كلامك
سلام
ازيك يا هبه؟
هو انتي اللي كاتبه الكلام الجميل دا
؟
اه اكيد انتي مين غيرك يعني هايكتبه
بس تعرفي انه كلام جامد
لائيت انسان مقيد كاتبه عنده في البلوج
ماشاء الله عليكي
اه عاوزة اقولك انك مش بقايا انسان
زي مارفيده قالت بالظبط"انتي انسانه اوي اوي
الخيط الرفيع
لو في يوم من الأيام قرأتي ردي دة ياروفي... كنت عايزة أقوللك
إني بجد زعلانة منك
بجد
عشان إنت صاحبتي و حد قريب مني حبيت أعرف إنت ليه قلتي عليّ كدة في تعليقك.. مش لأني زعلانة!! بس لأني يهمني أفهم ليه ممكن تفكري كدة
اللي يزعلني بجد هو إنك تمسحي كلام كان رأيك فيّ -حتى لو كان نقد ياروفي- مش بزعل منه أكيد!! بس همني أعرف ليه فكرتي كدة لأنك تعرفيني
و بجد زعلني إنك تمسحي كلامك
و بس
و بالنسبة للبوست... مش أعتقد إني عمري همسحه
:)
مش تزعلي مني لو سمحتي
رئيس جمهورية نفسي
تنور البلوج في أي وقت
:)
شكرا أوي على تعليقك مرة تانية على الأبيات، و طبيعي لا أعتقد فيه أي حد يحب يشوف طفل حزين
بتشرفني أوي بتعليقاتك و نصايحك الصغيرة. شكرا
:)
قلب ينبض الله
:)
إنت اللي إنسانة أوي
و لعلمك رفيدة بتبالغ أوي في كلامها كدة لأن هي طيبة و بتحب كل اللي حواليها و لأن قلبها أبيض أوي
يابنتي أنا شريرة ووحشة :). إنتو بس مش تعرفوني
عموما يا ستي الكلام الجميل دة بعض بعض بعض ما عندكم، بس أنا بكتب اللي يزعل و إنت تيجي تنوري الدنيا تاني بعدي
:$
على فكرة أنا مش كنت شفت اللي إنسان مقيد كاتبه لحد ماقلتيلي!! مفاجأة صعبة أوي
:) نورتي يا جميلة...ووحشني تعليقك أوي
:)
:$
ايه الجمال ده !!
اقسملك ومن غير مجاملة والله ..الكلام بجد رائع ..وجذبنى اوى يعنى
قد ايه بيسطة ورقيقة الكلمات ..واهم من كل ده ان الإحساس صادق ..وده اللى انا حسيت بيه ..
بس مالك يا قمر ؟
انتى كويسة ؟
يارب تكونى كويسة وبخير ..ويبعد عنك كل مكروه يارب
وحشتينى اوى على فكرة ..ومش عايزاكى تزعلى منى ..انا عارفة انى ندلة اوى ومش باجى هنا كتير ..بس والله ظروف الكلية
انتى فاهمانى :)
خدى بالك من نفسياتك كويس :D
Oceaneyes,
شكرا جدا على كلامك الرقيق
أنا كويسة الحمدلله
إهئ إهئ
:p
لا والله الحمدلله كويسة و بجد شكرا أوي على سؤالك يا لولو
على فكرة إنت مش ندلة و لا حاجة خالص، و أنا عارفة إنك مشغولة... و ياستي حتى لو مش مشغولة..إيه المشكلة يعني؟؟ و لا حاجة خالص
بس بتوحشيني يا لوووولو
:)
بس عادي براحتك خالص، تنوري في أي وقت
Post a Comment