خمس صحف دينماركية معروفة تنشر اليوم مجددا صورة كاريكاتور لرسولي الحبيب صلى الله عليه و سلم
و ذلك ردا على إدعاءات بوجود تهديدات لأحد رسامي الكاريكاتور و الذي كانت رسوماته هي الأكثر إثارة للجدل منذ عامين عند نشر الدنمارك للصور المسيئة للرسول صلى الله عليه وسلم
واضح إن الدانمارك حست إن الدنيا هادية ومفيش مشاكل خالص!! و يمكن كمان حسوا بشوية ملل...فقرروا يبدؤوا معركة تانية بسيطة يغيروا بيها رتم الحياة الممل
أنا واضح إني بقول أي كلام بس فعلا متضايقة جدا جدا
حسبنا الله ونعم الوكيل
و زهقت من الصمت الرهيب دة
7 comments:
الكلام بتاع نشر الرسوم المسئيه حيتكرر ويتعاد ومش حيبطل وفى فيلم قريب حينزل لمخرج هولندى وكمان عضو فى البرلمان الهولندى بيسئ للاسلام وهلم جر
موضوع الدنمارك عادى انه يحصل لسبب بسيط جدا انى احنا ضعفنا ورحنا لحد هناك والبركه فى عمرو خالد وقال ايه حوار ومش عارف ايه للاسف الناس دى علشان تحاور بتحاور من هو فى مستواها ومش ممكن حيتحاورو مع العرب والمسلمين علشان شايفينا ااقل منهم
--------------------------------
فى التعليق بتاعم على البوست الاخير والخاص بالقصيده الى اتنشرت ليه فى الدستور
انا يوم ما قريت القصيده فى الدستور كنت فرحان جدا جدا بس اقسم بالله العظيم يوم ما لقيت الكومنت بتاعك وبتوصفى فرحتك الى كنتى فيها انا فرحت جدا لاسباب كتير منها انى كلامك كنت حاسس انه طالع من قلبك وكمان انى انسان مفيش اى علاقه بينكم ويفرح ليك الفرح ده شى اسعدنى جدا
كمان عبارات التشجيع بتعتك كانت بوسام على صدرى والله العظيم وحسيت انى للكلام بتاعى معنى
وتاكدى انى نصيحتك بتتاخذ ماخذ الجد حاليا وربنا يعينى على انى اكون عند حسن ظنك وحسن ظن كل الى قال فى حقى كلمه كويسه او شجعنى
شكرا ليكى ودعواتك
السلام عليكم
صبرا ال ياسر
صدقيني اتركيهم بنارهم وسيتلون بها
تحياتي
ثانيا
وثالثا
والي الابد
الي أن نصحوا
ويعلموا ماذا نستطيع أن نفعل
سنظل نهان
فالأهانه لنا وليست للرسول
فمن يعصمه الله (والله يعصمك من الناس)فلن يستطيع اي شئ في هذه الدنيا أن يسئ اليه
الأهانه لضعفنا وموتنا
ألأهانه التي تعودنا عليها في بلدنا فلما لا يجربوا هذا الشعور
لما لا
ونحن
فرقاء
كرذاذ الموج
أصلنا واحد
ونوعنا واحد
وكنا كيان واحد
فاصبحنا فرقاء
يتبخر مائنا
ولا يبقي سوى أسواء الاملاح
أنا مش عارف أكتب اللي جوايا
رئيس جمهورية نفسي
للأسف عندك حق، و موضوع الفيلم الهولندي دة حاجة تانية وحشة أوي لأنه كان مقرر يتعرض يناير اللي فات واتأجل عشان يتعرض خلال أيام من دلوقتي، و الدنيا هنا ولا كأنها عارفة حاجة ولا سمعت حاجة، لحد وقت مايتعرض ممكن يزعلوا شويتين وخلاص...حتى الجالية المسلمة في هولندا كان ردفعلهم الوحيد هو إنهم هينظموا وقفة احتجاجية جامدة أول يوم العرض عشان يعبروا عن موقفهم و يرفعوا قضية.بس دة كله..."لما" الفيلم يبدأ عرضه فعلا
بجد حاجة تكسف أوي، وتضايق أوي أوي
و الحقيقة إني مع ثقافة الحوار جدا، بس دي بتكون خطوة ضمن حاجات كتير تانية مش مجرد حوار مش يفرق معاهم والسلام
وبالنسبة للجزء التاني من الكلام
:)
أنا اللي أسعدني جدا تقديرك اللي مش متوقع دة وشكرا على المجاملة كتير، وأنا فعلا كنت بجد فرحانة أوي أوي،بس الموضوع ببساطة إني لمابكون متضايقة بلاقي ناس تحاول تخفف عني وبرده أنا معرفهمش، تفتكر لما تفرح مش هيكون منطقي كلنا نفرحلك؟؟
ربنا يوفقك ويسعدك دايما
وأنا بصراحة اتفاجئت أوي من ردالفعل دة :).وأنا اللي حاسة إن الكلام كبير أوي عليّ دلوقتي
شكرا لوجودك وتعليقك.أتمنى تشرفني تاني
Mohannad,
وعليكم السلام ورحمة الله وبركاته
متى؟؟؟
طب هو ممكن يحصل حاجة و المسلمين نفسهم معملوش حاجة؟؟
"إن الله لايغير مابقوم حتى يغيروا مابأنفسهم"
عارفة إني بقول كلام على الفاضي لأني مش أقدر أعمل حاجة فعلا،بس سامحني...اتضايقت أوي لماقرأت الخبر اللي ملوش لزمة دة امبارح الصبح
الشارد
كتبت اللي جواك ووصل والله، والحقيقة إنه فعلا الموقف إننا مش عارفين نقول إيه. أنا كمان كدة
وعندك حق...الإهانة لينا إحنا مش لحبيبي صلى الله عليه وسلم
مش عارفة ..بس
الصبر حلو
حلو اوى يعنى ..ويوم العرض عليه ان شاء الله هاينتقم منهم اللى اعظم من الكل وفوق الكل
حسبى الله
Post a Comment