و فجأة بتاخد بالك تاني إن الدنيا ولا تسوى... وتبدأ تركز تاني إن همومك واللي مدايقك
دة كله صغيـــــر أوي بالنسبة لناس تانية كتير..
وتعرف إنه حتى لو كنت تعبان أوي.. حتى لو فضلت تاخد أدوية ومضادات حيوية لحوالي شهر لدرجة إنك بدأت تتعود على إحساس الإجهاد بتاعها وشبه حاسس إن مبقاش ليها تأثير تاني..... حتى لو دكتور قال لك معلش محتاجين شوية صبر عشان الموضوع هياخد وقت شوية، حتى لو عرفت إن هيبقى فيه شوية عمليات صغيرة.. حتى لو حسيت إن فيه حاجات كتيرة في حياتك بتتدمر، بتتلغي، أو على الأقل بتتأجل، احمد ربنا أوي أوي أوي أوي ...... انت في الآخر كويس أوي الحمدلله... وحتى لو اضطريت تقعد في بيتك أسبوعين تلاتة من غير ماتشوف ناس كتير بتحبها... احمد ربنا أوي أوي
برده :) انت لســـــــة عايش الحمدلله، ومش عندك السرطان ولا الإيدز لا قدر الله........ يبقى فعلا احمــــــد ربنا كتيـــــــــــــر أوي..... انت لسة عايش ولسة ممكن تضيف للدنيــــــــــا.. وياريت تضيف لوشوش النـــــــاس ابتسامة.. هم بجد محتاجينها أوي أوي
3 comments:
أيه ده كومنتي أتمسح؟؟؟
No. This is my first time to visit the blog since I last wrote.
And sure I haven't erased anything.
Thank you for still remembering that blog!
كلامك فكرني بخاطرة كنت كاتباها من زمان...ان الانسان لسه بيتنفس وعايش دا في حد ذاته سبب يخليه يعمل حاجات كتير حتى لو ابتسامة ....اصل السعادة دي مصدرها داخلي بتتصنع جوانا مش بناخدها من حد
....بس الللي عايز يفرح بس هوا اللى بيحس بيها....
تحياتي لكي واتمنى اقرأ لك احلى كلام
(افرح.اصل الفرحة دي رزق.بس رزق من
نوع مختلف شوية.يعني لمابتيجي لازم تلاقيك في استقبالها.ولما تستقبلها لازم تمسك فيها كويس وتقعدها معاك اطول وقت ممكن لحد ماتشبع منها.اصلك مش عارف هي هتزورك تاني امتى.
وطول ما انت عايش افرح انك لسه عايش.افرح=احمد الله من قلبك(
Post a Comment