..سـاعـات كتيــــــــــــر
بسـرح و بفكــر
يا ترى ف يوم
هـلاقي حد يقـــــدّر؟
.. حد يقــــــدر
يخبينــي جوا قلبــــه
... و في عيــونه أكـــون أجمل
مــش بـس أجمــل، لكـــن حــتى أجمــل بنت في الوجــود
:) يحـسني جميلة حــتى و أنا في أسوأ حالاتـي
بكلمــاته... يرسملي عالم من الورود
حد يشــوفني من جــوايا.. يشـــوفني بروحــه قبل عـــينيه
يفهـــم عينيا.. و يحس باللي جوايـــا من غير ما اقول له عليه
يا ترى بــجد هلاقي حد يفهمني صح؟ حد يقدر مين هي البنت دي و بتفرق في إيه عن البنات التانية...حتى لو بس في عينيه؟؟
:) يـــــمكـــن
One Day..
23 comments:
طول مااحنا عايشين يبقى ممكن
ربنا مقرر كل حاجة بمعاد علشان معادها بيكون اشد الخير لينا حتى لو ماشفناش ده
وجودنا واحنا كويسين..واحنا طيبين.. واحنا نضاف ..واحنا حنينين ..واحنا فينا مافينا من صفات الدنيا اللى بنفتكرها مابقتش موجوده معناه ان لسه فيه ناس زينا بس لسه ربنا مش اراد اننا نقابلهم
مين عارف يمكن بكره تلاقى نصك التانى
ربنا مخبيهولك علشان يظهره فى اكتر وقت هتكونى محتاجه ليه فيه:)
انتظرى
واصبرى
واعرفى ان قدرك هتشوفيه
ادعى ربنا بالخير ياجميلة ربنا يعجلك بيه
يارب المرة الجاية تقولى انك قابلتى اللى بتدورى عليه يابوبه:)
اسفه لو طولت عليكى عارفه انى غلسه:(
عزيزتي الفراشه
مكنتش عاوز اكومنت لأني كنت شايف أن حرام اطلع السوداويه اللي جوه قلبي هنا وانت بس بتحلمي وفعلا سبت الكومنت جوايا لغايه من شويه كنت بتفرج على جرايز انتومي والبطله كانت بتقول
There’s a reason I said I’d be happy alone. It wasn’t cause I thought I’d be happy alone. It was because I thought if I loved someone and then it fell apart, I might not make it. It’s easier to be alone. Because what if you learn you need love and then you don’t have it? What if you like it and lean on it? What if you shape your life around it, and then it falls apart? Can we even survive that kind of pain? Losing love is like organ damage. It’s like dying. The only difference is death ends. This? It could go on forever.
الكلام ده اتقال من حد بتفرج عليه عشان انسى اد ايه الدنيا وحشه
واد ايه الناس وحشه
واد ايه الواحد مبقاش قادر يستحملها اكتر من كده
انا اتمنى طبعا ان حلمك يتحقق وان كنت اشك ان في ناس لسه بتشوف اللي جوانا
ان في ناس لسه بتعرف تحب بجد
ان في ناس مش بتجرح وتأذي بدم بارد
يارب تتحق احلامك بس افتركني انها لو متحققتش في الدنيا فلو ربنا راضي عنا وكنا في الجنه فأكيد هتحقق ساعتها
الفراشه الرقيقه ان شاء الله هتلاقي و أكتر من كده كمان لكن عشان تبقي فاهمه مفيش حب بيفضل على نفس الشكل و لو هو شافك كده بعنيه بعد شوية عنيه هتاخد عليكي بس هيفضل بردو بيحبك بشكل تاني.
بتمنى لك تلاقي حب عمرك و تبقي دائماً في سعاده.
تحياتي و كل الود لكي
wish enek tla2ieh oraieb awi 3shan enti tstahli tla2ieh awi
اتمني أنك تلاقية قريبا جدا
لتجدنه و لو بعد حين
و لكن لا تنظري الي مكان واحد و ابحث في كل مكان فهو ايضا يبحث عنك :)
موجود على فكرة :)
بس انتي دوري عليه
او مش دوري عليه لانه فعلا موجود
:)
لكن حاولي توصلي له
:)
اذا كان حبه صادق سيفعل وستكون محبوبته اجمل امرأه وفى العالم
تحياتى
نــــور
عجبتني أوي جملتك
ربنا مخبيهولك علشان يظهره فى اكتر وقت هتكونى محتاجه ليه فيه
و نعم بالله :).جميلة بجد الجمـلة دي أوي
سعيدة بوجودك هنا و تعليقك يا نور :)..مع إني مش متعودة على وجودك جامد يعني p:
شكرا على الكلمات الحلوة الحنينة اللي بتطبطب. عندك حق أوي في نظرية إن طالما لسة فيه ناس طيبةونضيفة، يبقى أكيد لسة فيه زيهم في الدنيا مش شفناهم"مع إنهم نادرين أوي أعتقد"..وأنا مش شايفاني دايما منهم للأسف :)
شكرا لتعليقك بجد يا نور ياحبيبة،ومش تقلقي:).. مش مستعجلة عليه خـــالص. أنا بس كتبت إحساسي في إني مش عارفة أصلا هلاقيه عمري ولا لأ....وبس :)
الغالية : هبه
كلماتك بداخلها شجن عجيب
موجود بداخل كل منا
يتنتظر فقط الفرصه للتعبير
تعبيرك جميل عما بداخلك
وقليل منا لديه هذه الأريحية في التعبير عما يجول بخاطره :)
لكي تحياتي وخالص مودتي
محمود
إنسان مقيـد
مبدئيا مش تقلق أنا مش بحلم ولا حاجة. أنا بس بتعجـب.. بسأل نفسي، بس صدقني مش بحلم أوي كدة خلاص :). فرحانة إنك شفت جريز أناتومي عشان أشوف تعليقك هنا مرة تانية بعدطـــول غياب. انت حضرتك من أوااائل الناس اللي كانت معايا وأنا بعمل البلوج دة.. هفرح أوي لو عرفت رأيك حتى لو هو مش نفس رأيي
مش هكدب عليك... الكلمـات بتوجع،و أوي. بس لأنها صادقة جداجدا،ومش هكدب عليك كمـان.. عجبتني جدا جدا وقعدت أقرأها مرات كتيرة ولحد النهاردة مش كنت عارفة أرد أقول إيه، بس في الآخر قلت هكتب من غير تفكير وبس
What if you shape your life around it, and then it falls apart?
عندها حق :(. ساعتها بتبقى كل حاجة صعبة،و بتفتكر إنك لوحدك كنت أحسن كتير. كان ليه من الأول :)
Losing love is like organ damage. It’s like dying.
مش لاقية تعليق للجملتين اللي وصفوها صح أوي كدة.. خالص
بس كل اللي حسيته "ياااااه"..وبس. هي صح أوي.
losing that organ lasts forever. It can't be replaced, and even if you did replace it, even if it wasn't an essential organ, it can never be the same as the original one which you lost
قوية أوي بجد
لسة فيه ناس كويسة.و لسة فيه ناس جواها حلو وفيها شوية براءة ومش بتقصد تجرح. مش شرط كل اللي جرحوا يكون قصدهم يجرحوا.. ساعات كتير بتبقى من غير قصدهم بس يمكن إحنا اللي مش بنديهم الفرصة تاني إنهم يقربوا مننا أو حتى يثبتولنا إن مش كان قصدهم كدة أبدا
بجد لسة فيه ناس كويسة. أنا متأكدة :). ماحضرتك أهه،و نور كمان:)... أكيد فيه ناس تانيةكويسة حتى لو قليلة أوي
شكرا على الجملتين اللي في الآخر :).حلوين أوي أوي. يارب إنسان مقيد كمـان يقدر يحقق كل اللي بيحلم بيه ويلاقي كل حاجة تفرحه. و يارب ربنا يوعدنا بالجنة بس. انا خايفة اوي
نورت بجد ياصديق البلوج القديم العزيز
شيرين سامي
شكرا أوي لرأيك يا شيرين يا جميلة. ومش تقلقي علي :) عارفة إن الحب مش بيفضل مشعلل وجنوني طول الوقت و إنه بيتغير شكله... شكـرا بجد على كلامك الرقيـق و دعائك الجميل زيك
فرحت بتعليقك أوي
انه حلم كل الفتيات
وكل الاحلام قابلة للتحقيق
وبالتأكيد ستجدينه لو ىمنتي بوجوده
تحياتي لكي
ان شاء الله يا قمر تلاقيه
ربنا اكيد بيخبى لكل واحد فينا حاجه كويسه اووى
بس بنعرفها فى وقت معين مكتوبلنا :)
Anonymous,
How would you know? :))
Anyway thank you very much for your decent simple words :).
رئيس جمهورية نفسي
الريـــــس :)).نورت البلوج تـــاني
شكرا لدعوتك سيدي الرئيس..ويارب تلاقي ملكة جميلة لقصرك قريب أوي إن شاء الله انت كمان
المصوراتي
صح :).أكيد برده فيه حد في مكان ما في العالم بيدور على واحدة شبهي :). بس الله أعلم هنتقابل ولا لأ
بس يدور علي ماشي. أنا بأة هدور عليه على أي أساس؟؟ ولو لقيته هعمل إيه أساسا :)).صعبة شوية دي؟
شكرا لتعليقك المتفائل يا فنان
Anonymous,
الله أعلم:). بس عموما حتى لو ....مش أنا اللي هدوّر عليه.مينفعش أدور عليه
أنا بس بافكر مش اكتر
شكرا لتعليقك .. تفاؤل و أمل برده :)
فشكـووول
شكرا على تعليقك يا فندم:)، وشكرا على الكلمات الرقيقة دي
ربنا يكتر من اللي حبهم صادق بأة عشان حساهم عملة نادرة جدااا
شرفت البلوج
alshared,
يــاااه. أخويا الصغير اللي على البلوجر ظهر تاني بعد اختفاؤه في ظروف غامضة في الجيش. ياترى لسة فيه ولا خلاص؟
شكرا لكلماتك الرقيقة الجميلة
بس بفكـر في الموضوع كتير فقـررت أحاول أكتبه :)
إلا قوللي هي إيه "الأريحية" دي؟ :))
دايما متمكن من اللغة يا شارد يا شاعر
أسعدني تعليقك
مصطفى سيـف
بالفعل هو حلم معظم الفتيات
كل الأحلام قابلة للتحقيق؟ أتمنى يكون كدة فعلا :)
شرفت مدونتي بتعليقك. شكرا لك
Bent menelzaman da
و إن شاء الله انت كمـان تلاقيه لو كنت لسة ملاقيتيهوش :))
كلماتك جميلة أوي.شكرا ليكي يا بنوتة
نورتي
Post a Comment