كــل شوية أقول هكتب.. و أفضل شوية تانية و أقرر أكتب
بس في الآخر مش بكتب :). أيـوة كنت مشغولة... و أوي كمان
و لسة مشغولة .. بس حسيت إن مدونتي نسيتني
و يمكن كمــان أكون جيت أكتب دلوقتي عشان أهرب شوية
!ممكن تكون منسيتنيش بس للأسف مش قادرة تتعرف علي
أصلـي حســاني اتغيرت أوي. مش اتغيرت في شوية صفات عادي و بتحصل وكدة... لكـن إحساس إنه فعلا... مش عارفة :). بس فيه حاجة كبيرة أوي أوي مفقودة، و فيه حاجة كــبيرة اتكسرت
دة انا حتى حاسة إن ملامحي اتغيرت
لأ. مش حاسة.... هي فعلا اتغيرت
أنا مش في غاية الحزن ولا ف حالة اكتئاب مزمن و يا حرام مش قادرة تطلع منه... لــكن فعلا حاساني اتغيرت و الدنيا لخبطت حواليا بطريقة ....... صعب معاها أعرف أفكر خالص
يمكن كلامي مش مترتب و يمكن كمان غتت أوي ومش ليه لزمة. بس يمكن دي تكون محاولة. مجـرد محاولة... إني ألـّم اللي لسة باقي مني. يمكن أقدر أحتفظ بشوية مني فعلا
يــارب ساعدني
9 comments:
عزيزتي الفراشه
عارف الاحساس ده اوي بس عارفه احنا لسه هنا واقصد باحنا الناس اللي مشفتكيش ويمكن متحسش بتغير ملامحك اللي انتي حاسه والناس اللي يمكن مش عايشه معاكي نفس الظروف والمواقف اليوميه بس في كلمتين بتقراهم منك بنحسهم اوي ولانهم خارجين منك انتي نفس الشخص اللي بيقروله من سنين "على اساس انك كبرتي واحنا كمان
اقولك
مش شرط هتكتبي ايه بس ياريت مش تبطلي تكتبي
صدقني هتلاقي الدنيا احسن
على الهامش
مش عاوز اقول حاجه في الهامش بس يمكن عشان مش بكومنت من زمان وحشتني جمله على الهامش
وعشان قلنا على الهامش فنقول حاجه مهما اتغيرنا بنفضل احنا في حاجات معينه دوري على حاجه من الحاجات دي وانا واثق انك هتلاقيكي تاني
تحياتي
كويس انك حسيتي الاحساس ده دلوقتي..في ناس بتحسه بعد ما تفقد القدرةعلى الرجوع لنفسها...أكيد انت بعدتي لأنك بدأت حياة جديدة بكل تفاصيلها...بتبأه مرحلة صعبة بس لازم هتعيشها..هتتعبك غربتك عن نفسك..فلازم يباه في مساحة لحياتك القديمة . ... لكل حاجة بتخليكي تشوفي نفسك لما تدوري عليها في ملامحك وفي زحمة الدنيا وماتلائيهاش..أكتر حاجه بترجعنا لنفسنا في الوقت ده الكتابة وأصحابنااللي بنحس أنهم باختصار (احنا)..
ماتتأخريش تاني علينا يا أجمل فراشة
اتكلمي
اتكلمي مع حد حتى لو كان بعيد عنك بس تكوني واثقة انه ممكن يساعدك
ولو حتى بانه يسمع لك مش اكتر ،، بس اهم حاجة يكون عنده استعداد يسمع ويفهم ويقدر ويحس
عارفه الاحساس ده للاسف يافراشتى :(
المشكله انك بتكتبى عن حاجات كتير اوى حسيت بيها ومريت بيها قبلك بشوية عشان كده ببقى حاساكى اوى اوى
جربى تدورى على هبه من جواكى تانى
وعلى فكره مش هتلاقيها فى ملامحك اللى اتغيرت ولا فى قلمك اللى تاه منك
عارفه هتلاقيها فين؟
جوه اوى ..جواكى خالص فى أعماقك
هتلاقيها فى تصرفات صغيرة بتمثل ردود أفعال على حاجات قد تكون صغيرةلا تذكر ساعتها هتلاقى نفسك بتبتسمى لأنك شفتى نفسك فى موقف زى ده قبل كده
عملتى كده قبل كده
ضحكتى الضحكة دى وقلتى الكلمة دى قبل كده
هتعرفى ان انتى لسه موجوده جواكى بس مدفونه فى وسط شوية اللخبطة والشغلة اللى انتى فيها
اقولك على حل عملته لما لقيت وشى كبر منى 10سنين-بدون مبالغة- فى اقل من سنتين؟!
قريت بلوجى مرتين تلاته قريت بوستاتى القديمة
فتحت دولابى وجبت الهدايا والجوابات والصور بتاعت اصحابى
ابتسمت كتييير
حبيتنى من تانى:)
لعبت مع شوية عيال صغيره فى العيلة
لقيتنى رجعت لنفسى من تانى :)
طولت عليكى؟
عادى يعنى :)
يارب تكونى بخير دايما
يارب يساعدك و يسعدك يارب
مهما اتغيرنا المهم إن قلبنا و مشاعرنا متتغيرش
لسه كنت بكلم صحبتى بقولها 3 سنين عدوا من حياتى حاسه انى و اسرتى بقينا ناس تانيه
بس اهم حاجه ان مشاعرنا متغيرتش
اكتبى طول ما انتى لاقيه حاجه تكتبيها عشان تحسى انك موجوده وحاولى ترجعى لنفسك يا اما تكونى شخص تانى افضل
بعدين احكى و احكى و فضفضى بس مع حد مش محبط حد ايجابى
انتى و حشتينى اوى
عاوزه اتكلم معاكى اوى يا بوبه
يا من غير ما توشى
فراشة
رقيقة
صغننة
هوه التغيير دا يا حبيبتى
مش سنة الحياة ؟
و لا الواحد بيفضل كدا
طول عمره
ما تمرين بيه نوع من النضج
مش اكتر يعنى
كبرنا شوية
و ظروفنا اتغيرت شوية
دى اعراض حالة النضج
يا عزيزتى
اللى البنى آدم بيمر بيها
كل شوية و التانية
طالما ف الحياة بقية
و فى الروح نفس
ربنا يسعدك
و يديكى طولة العمر
حكاية الشجن المصاحب
للتغيرات دى
أمر منطقى و طبيعى
متاخديش ف بالك قوى
وضع طبيعى
محدش بياخد حاجة ببلاش
سنة الله التغيير
بس المهم يكون تغيير للأحسن
مش لورا
دا اللى لازم
تنتبهى له كويس
و متخليش حاجة تغلوشك
و تتصورى ان فيه حاجة
مش تمام و بس
خلى بالك من نفسك
الفراشة مهما كبرت
و جناحتها وسعت و اتلونت اكتر
لسه رقيقة
و سهل تنخدش
فبراحة على نفسك
بلاش قسوة كدا فى جلد ذاتك
و اوقات كتييييير
بيبقى عدم الأستغراق ف المشكلة
حل ليها نوعا ما
وحشتنينا جدا
زى ما مدونتك وحشتك و اكتر
بحبك قوى
بوسات و حضونات
يا من غير ما توشى ...
انتى عارفة بقى
مش لسه هقولك
♥
كل سنة وانت طيبة يا فراشة
رمضان كريم:)
انتى عارفة انتى واحشاني قد ايه؟ أكيد مش عارفة
رمضان كريم يا حبيبة قلبي
كل عام و انتِ إلى الله أقرب
miss you kteeeeeeeer ya boba w btmna enk b5er w btmna td5ole el mail bta3k
tmnene 3leke plzzzzzzzzz
Post a Comment