حصــريا
و على مدونتــــي أنا و بـــس
:p
هقول للكل إني عملت كشــــري !! آه بــجد
عملت كشري
:D
أصلها كانت أول مرة أعمله لوحدي مش أكتر :$. و رغم سهولته إلا إني كنت حاسة الموضوع كـــبير عشان اسمه يمكن أو حاجة... أو يمكن لأنه الأكلة الشعبية الجامدة بتاعة البلد دي ؟!! الــمهم إنه اتعمل الحمدلله
أصلها كانت أول مرة أعمله لوحدي مش أكتر :$. و رغم سهولته إلا إني كنت حاسة الموضوع كـــبير عشان اسمه يمكن أو حاجة... أو يمكن لأنه الأكلة الشعبية الجامدة بتاعة البلد دي ؟!! الــمهم إنه اتعمل الحمدلله
و كان من المـــرات النادرة اللي بتكون أعصابي فيها شوية متنشنة مش مستمتعة بالطبخ زي معظم الوقت اللي بعمل فيه
و فـــي غمرة انشغالي في إعداد التقلية:$ خطر على بالي إني اسأل ماما سؤال سخيف ورحت بسرعة.... هم ليه بيسمــوا البصل بتاع الكشري "ورد"؟؟
و كان ردهـــا.... عشان البصــل بيتسـوّى لحد ما يبقى لونه وردي
! ! !
و ســـادت بعدهـا لحظات من الصمت وأنا "عاقدة الحـاجبين" !! هو حد أصلا بيقـول على لونه "وردي" عشان يبقـى دة الســبب يعني؟
مـامـا صديقتي اللي بتستحمـلني كتير في لحظات غبائي
:) بس المــرة دي.... حسيتهـا بتستغل اللحظات دي الظاهر
المشكلــة دلوقتي إنهم حتى الآن مش ظهر أي أعراض عليهم بعد أكل الكشــري. بس لو ظهر هعمــل إيه؟؟
أخويا كتير مش بياكل معانا وبياكل من برة فمـش مشكلة
و ماما ممكن أقول عليها تعبانة شوية
بس بابا.... هعمل فيه إيــــه لو حصل له حاجة من الكشري بتاعـــــــي؟
:D
22 comments:
كل كشري وانتِ طيبه يا بوبه (:
انا مش بحب اعمل الكشري رغم اني بحبه لاني بعتبره غلبه من كتر الحاجات اللي بتتعملّه,
وعلشان كده بحرمهم وحرم نفسي منه كتير رغم اني باعمل حاجات كتير بتاخد وقت عنه مش عارفه ليه ؟!!؟
هبهووووبة
كل سنة و انتى كيبة وبخير ياقمرة
برافو عليكي عملتى الكشري براف
ندور على عريس بقا كده خلاص اخدتى التصريح
هههههههههه
انا عمري ما سمعت ان البصل بتاع الكشري اسمه ورد و حياتك
و لا مرة حسيت ان لون وردى
و ده يمكن علشان دايما بحرقة
هههههههههه فلونة بيبقى بنى محروق و مافيش ورد اللون ده
استجدعي و ابعتى لأختك طبق بقا و زودى الورد فى البوكية
كل سنه وانتي طيبه
ان شاء الله هتيجي سليمه
بس ايه ده
البوست كده حاف
من غير اي حبة كشري
هههههههه بوست دمه خفيف اوى
ان شاء الله خير .. انا متأكدة ان الموضوع هيعدى على خير
وبعدين عمو مننا وعلينا مش هيقول حاجة
انا كمان ممكن اقبض تمن سكوتى طبق كشرى
:D
ههههههه
بالهنا والشفا ياستى
--------
كل سنة وانتى طيبة مع انها متأخرة شويه
على فكرة انتى كنتى فى بالى فى الوقفة وطول النهار فى العيد
بما اننا بنفتكر بعض فى العيد يعنى
:)
بس كنت مشغولة اوى ومعرفتش ادخل على المدونة عشان اهنيكى بالعيد
تحياتى يا جميل وعقبال ما تعملى محشي المرة الجاية
ههههههه
ههههههههههه
ربنا يستر بقى ومحدش يحصله حاجة من الكشرى ده
كل سنة وانتى طيبة
بالهنا والشفا
ما شاء الله على الشطاره ما شاء الله ان شاء الله محدش يحصل له حاجه
انا لسه مش عملت الكشرى ده خالص
يمكن سلمى مش بتشجعنى على كده
تعرفى كان من كتييييييير مش اكلنا الكشرى والنهارده اكلناه كنت بقى ناويه اكل كتير ما هو وحشنى ومترقبه وبعدين ...
ولاد اخويا الصغيرين ربنا يسامحهم نكدوا علينا مبطلوش عياط ووجع دماغ وزن وخناق طول وقت الاكل لما الواحد بقى عاوز يقوم بس عشان يرتاح من الصدااااااع
...................................
دلوقتى بقى نتكلم كلام صحاب
ازيك يا جميل؟
كل سنه وانتى طيبه متأخر حبتين كده
طمنينى عليكى ومتغبيش
اوك
ههههههههههههههههه
عقبال يارب كل مرة
بس ياخسارة كان نفسى اكل طبق من ايديكى الحلوة
اما فى حكاية انهم سمو البصل اللى فى الكشرى ورد فدة مش عشان لونةالورق وردى لانة مش لونة وردى اصلا هوة لونة ذهبى او بنى لما يتحرق منك هههههه
اعتقد عشان بيكون شكله زى ورق الورد لما بنقطع اعتقد دة
ماعلينا ابقى طمنينا عن باباكى
كشري مرة واحدة ؟
الموضوع كده خرج من ايدينا
لازم تعزمينا عندك يوم وتجيبلنا كشري دليفري :)
اه عشان نبقى كلنا كشري وما يجلناش تسمم :)
باباكي بقى ربنا معاه
ارقيه :)
ده ليكي يا هبهوب
لأجمل فراشة
مدونتك جميله يا فراشه والميوزك روعه بس انا حاسه انى سمعتها قبل كده بس مش عارفه هى ايه صحيح انا اول مره اعرف ان بصل الكشرى بيقولوا عليه بصل وردى امضاء المجهوله
والله الخوف عليكي أنت
لأن من ساعة ما نزلتي البوست ده
وأنت لا حس ولا خبر
ولا بتردي على التعليقات ولا حاجة
إن شاء تكون ازمة وتعدي
ومتتهوريش وتعمليها تاني
وبعدين انا اللي عندي سؤال
يا ترى لما روحتي تسألي على موضوع الورد وأنت بتعملي التقلية
لما رجعتي كان أخبارها اييييه ؟
إلا صحيح
طبق الكشري اليومين دووول بكام؟
:)))
Salma Mohammed,
:D
اممم... يعني عملتي حظر تجول للكشري في بيتكوا رغم إن الكل بيحبوه؟؟ :) بتحرميهم يا سلمى؟ ليه كدة بس
:)
لعلمك بأة.. فيه شكوى رسمية و إثبات من أختك شخصيا:) إنك فعلا مش بتعملي كشري وهو واحشهم كلهم
يللا اعملي في يوم بأة وخليها تعمله معاكي :). ربنا يسعدكوا
واحدة مفروسة
لو أقدر أكيد هابعتلك يا جميلة :). مش عارفة.. بس أنا بسمع الكلمة دي في المناطق اللي زي وسط البلد وكدة
كمان... فيه فيلم بتاع حنان ترك وهند صبري في أول مشوارها ومنة شلبي..مش فاكرة اسمه:)، بس هم كمان لما راحوا محل الكشري هند صبري قالت للبياع يكتر الورد
:)
أحلى بوكيه ورد في الدنيا ليكي يا ستي:). بس مش ورد بصل
نورتي البلوج بجد
Sweet angel,
آه تصدقي؟؟ :)و لا حتى صورة للطبق
معلش بأة. بالهنا و الشفا أي وقت تاكلي كشري
:)
نورتي البلوج يا ملاك
Hadotaحدوتة
إيه دة؟؟ رشوة؟ وفي البلوج بتاعي؟
:)
لأااااااا
ربنا يخليكي يا حدوتة يا جميـلة
وقت ماقرأت التعليق دة فرحت جداااا إنك قلتي إنك افتكرتيني فعلا :). ربنا يديم المعروف و يارب تفضلي فاكراني علطول حتى بعد رحيلي لو حصل
:)
بحبك بجد
mohamed ghalia,
الحمدلله عدت على خير
كمان كان طعمه جميل الحمدلله
:)
ربنا يستر المرة الجاية
وحي القلم
تعرفي إني بفرح أوي لما ألاقي منك تعليق أو ألاقيكي كاتبة في مدونتك؟؟
تعرفي إني كمان بزعل أوي؟
:(
عشان مش بقدر أكون موجودة ومش أغيب زي ما بقالك فترة بتوصيني... مش عارفة أقول لك إيه فعلا:(. بس بجد بحاول
و هحاول
:)
أنا بخير الحمدلله
و امبارح كان بداية تدريب لي احتمال بعده لو اتقبلت يبقى هاشتغل :). ربنا ييسر إن شاء الله
سميـــة..أنا مشفتكيش ومش أعرفك يمكن بالقدر الكافي بس من إحساسي يعني...
انت حد نقي أوي أوي...ياريت تحاولي تفضلي كدة ومش تخلي الدنيا تلوثك أبدا مهما بانت وحشة وسودا
بس في نفس الوقت لو قدرتي تبقي قوية:)وتبقى طيبتك مش لحد السذاجة يبقى ياريت..عشان تعرفي تعيشي في الدنيا دي يبقى لازم :). ربنا يكرمك يابنوتة
Wella,
الحمدلله عدت بسلام :)، وبابا في البيت كويس أهه ماشاء الله
:)
ياستي مايغلاش عليكي:). ولو تحبي تحـلي بعده بطبق أم علي معنديش مشاكل
امممم...يمكن؟؟ مش عارفة :). عموما أنا بحب أوي ورق الورد بعيدا عن الورد نفسه حتى، وبحب الكشري... :)خلاص معنديش مشاكل في سبب التسمية دة
ومنكم نستفيد ويللا
يـوم جديد
بعد الإهداء الفظيــــع دة.... :) بجد مش عارفة أرد عليكي
ربنا يكرمك يا صديقتي بجد
هي قصة عن فراشة:)...وانت أصلا عايشة في عالم الفراشات، شكرا بجد على الإهداء الجميل دة بس البوست بتاعك
وبتاعك اوي اوي كمان :).دة صادق أوي ومن جوااا أوي. حسيته كدة
طبعا اتفضلي في أي وقت:). بس ابقي بلغيني قبلها عشان أنا بطيئة في الأكل:$
هو انت اسمك إيه صحيح؟!؟
Anonymous,
المجهولة اللي بشوفها في مدونة تانية جت عندي؟؟ :) نورتي يا فندم
أنا بحب الموسيقى دي جداااا، وأول مرة سمعتها برده حسيت إني عارفاها مش عارفة ليه :).الموسيقى اسمها
marriage d'amour
بتاعة مؤلف موسيقي اسمه ريتشارد حاجة:).بتهيألي مؤخرا بقت في برنامج بس مش متأكدة أنهي....يمكن "كنت وزيرا"أو"صباح دريم".مش متأكدة
شكرا لتعليقك و يسعدني بجد إن المدونة عجبتك :)
عارفة..مش عارف ليه
هههههه
لأ الحمدلله سألت ماما لما كانت بتعدي من جنب المطبخ :).البصل مش كان لونه اسود الحمدلله
أنا فعلا مش عملتها تاني:). هكتفي بالبيتزا والحاجات اللي مش فيها فن دي لبعض الوقت وربنا يسهل
شكرا على سؤال حضرتك...أ،نا نفسي أرجع أكتب تانب.....بس للأسف مش عارفة
أتمنى حضرتك تكون بخير
جنة
يوم جديد
اسمك
حلو
أوي
:)
ماشاء الله
Post a Comment