Friday, July 17, 2009

مجرد أيام.. لكنها مميزة لي

خمـــسة أيام فقط
استمتعت بهم كثيرا
انتقلت فيهم إلى عالم غير عالمي
ربمـــا هو ليس عالم الأطياف الطيبة و الفراشات والألوان الزاهية الذي أحلم به كما قد يظن البعض
هو عالم شديد الواقعية بعيد عن كل الخيال... لكني بالفعل كنت أفتقده

خمــــسة أيام في تجربة عمــل
:D

نعم.. هي خمسة أيام!! فأنا لم أستمر به ولله الحمد
لــكني استمتعت بها كثيرا، و تعلمت منها أيضا
حتى وإن لم أستمر.. يكفيني أني كـنت أستمتع بألوان السماء وقت الغروب وأنا مازلت في طريقي إلى المنزل
يكفيني استمتاعي بالحياة الصاخبة المليئة بالوجوه والحكايات حول شوارع ميدان التحرير
كــنت أعود إلى منزلي بعدالتاسعة..لكني لم أكن أشعر بالتعب إلا حينما أستلقي على سريري في الليل... فقد كنت في احتياج لصخب الحياة وإيقاعها السريع حتى وإن كانت متعبة
ربمــا لم أستمر في مكان العمل كثيرا.. لكنه يسعدني أني تحدثت إلى العديـد من الأشخاص، و يسعدني أكثر.. أني استعدت بعضا مني كان قد فقد منذ زمن
وجدت شخصي من جديد ذاك الأسبوع
التقيت العديدين و أنا سعيدة لتأكدي أنهم سيفتقدوني عندمـا لا يجدوني
و البعض سيسأل عني... حتى و إن كان سؤالهم لن يستمر أكثر من بضعة أيام... فيكفيني فخرا أنهم سيتذكرونني بالخير، و سأكون جزءا بسيطا من ذاكرتهم، و ربما التقيت إحدهم مرة أخرى في حياتي

لحظات بسيطة بيننا... لكنــي أعلم أن البعض سيتذكرني بها


أحببت أناسا منهم كثيرا، لكنهم يوما لن يعلموا :) ... لأني لم أكلمهم يوما في الحقيقة
هم أشخاص كنت أراهم معي في الطريق حيث نركب جميعا "باص" العمل ويتوجه بنا إلى المكان. أحببتهم لابتساماتهم الطيبة، و لأسلوب البعض في التحدث باحترام مع أصدقائه. أعلم أنه لو كان ربي قد قدّر لي الاستمرار في العمل في هذا المكان، ما كنت يوما سأتردد في طلب المساعدة من بعض تلك الشخصيات رغم أني لم أتحدث معهم يوما
لكني بالفعل.. أشعر أنهم إخوتي
يوم شاق... يبدأ بنزولي منذ الصباح الباكر قبل أن تشتد حرارة الشمس، و إلى أن تدق الساعة التاسعة مساء أو بعدها بقليل.. لكنـي كنت في أشد استمتاعي
تعرفــت على الكثيرين ممن التقيت في المواصلات العامة:)))، و ربما هي معرفة وقتية فقط، لكنها تسرني كثيرا و تضيف إليّ. تعددت حواراتنا بين الخوف من أنفلونزا الخنازير "و الطيور أيضا" و التوك التوك الطاير اللي بمروحتين! و الجنيه المعدني قليل القيمة...و مواضيع أخرى غير ذات صلة. :) أظن أن أكثر ما كنت أفتقده هو التعرف على أشخاص جديدة..في أماكن جديدة
أتعرف إلى أشخاص جديدة في حياتي بالطبع من خلال الأنشطة المختلفة... لكن الخروج عن الإطار كان ذا إحساس آخر افتقدته كثيرا
. . . . . . . . . . . . . .
تجربتـــي الصغيرة.. أفتقدك كثيرا
و أفتقد أكثر... أشخاص قليلة كانت بجانبي محاولة مساعدتي حتى لا أشعر بالغربــة
هم بالفعل يستحقون كل الشكر و التقدير
أيــام أعادت جزءا مني، و تركت بداخلي إحساس مريح...حتى هذا اليوم،و شعرت بعدها بأن بعضا من الثقة التي كانت قد تسللت بعيدة عني.. قد عادت إليّ
:)
الحمـــدلله على كل حال
و بالتأكيــد أراد الله لي الخير من تلك التجربة الصغيرة... حتى و إن كنت لم أفهم الحكمة منها بعد
. . . . . . . . . . . . . .
يومــي الأخير
وصلنا إلى محطة السادات حيث سأترك مترو الأنفاق لاستكمال طريقي إلى المنزل
ودعتني بابتسامة أحسست بأن خلفها نوع من الحزن لم أعتده منــها
كــانت تلك هي أول مرة تظهر أيامما بداخلها "وخصوصا مشاعرها" أمامي..وربما آخر مرة
خريجة كلــية الطب ذات الشخصية شديــــدة العملية في كل خطواتها بشكل كان يثير دهشتي
رأيت منــها جانبا لم أره طوال الأسبوع
ضحكت وأنا أسلّـم عليها قائلة "اشوف وشك بخير" كمـا لو كنت سأسافر
. . . . . .
توقف المترو نهائيا استعدادا لفتح الأبواب، نادتني وقالت "لا إله إلا الله" بنفس الابتسامة.. أدركت حينهــا أني ربما ... بالفعل مسافرة من حياة البــعض

22 comments:

Lyssandra said...

وحشتيني كتير يا فراشه

بجد بجد أنا اللي مفتقداكي أوي

خلي بالك من نفسك
وابقي اسألي

Lyssa

Rosa said...

حلوة قوي التدوينة دي و طبعاً مش منطقس اني أسأل سبتي الضغل دا ليه لأنه كفاية المواعيد الصعبة دي

عموماً كل التجارب اللي في حياتنا مهمة مهما كانت صغيرة أو قصيرة

و ربنا يبعد عنك الفراق و يرزقك بشغل جديد :)

همسة قلم said...

"مسافرة من حياة البــعض"

اعجبتني التدوينة جدا واعجبتني الجملة دي بالذات يابندقة لأنها فعلا معبرة أوي أوي فوق ما تتصوري ..

ربنا يبارك لك ياحبيبتي ويبارك فيكِ
لأنك فعلا من الشخصيات اللى مش ممكن تتنسى بسهولة أبدا

عن تجربة يعني :)

Lyssandra said...

فراشه إنتي فين ؟؟
إنتي مقاطعاني ولا إيه يا بنتي ؟؟

لو سمحتي اظهري بقي

Wish I were a Butterfly ... said...

Lyssandra,

انت كمان بجد وحشتيني
ووحشتني مدونتك كمان

أنا بس مش بقدر ألاقي وقت كتير عشان أتابع المدونات اللي بحبها أو أكلم اللي بحبهم

معلش :)

وانت كمان خلي بالك من نفسك

Wish I were a Butterfly ... said...

Om Hagar,

اممم... الحقيقة..... :). أنا كنت ناوية أكتب بس المشكلة إني بكتب علطول في المدونة من غير درافت معظم الوقت :)) فنسيت أكتب

اكتشفت إني فاشلة :))، أو يمكن خلاص مش بقيت أنفع في الشغلانة دي بس مش أكتر :( الحمدلله
بس اكتشفت إني مش فاشلة في كل حاجة لأن الحمدلله كان فيه حاجات كتير تانية كويسة وعلاقاتي كانت حلوة مع الناس فمش زعلانة

السبب مش كان مواعيد الشغل خالص:)، لأن حتى دي كان احتمال كبير تتغير بعد فترة

حقيقي...كل التجارب مهمة جدا لو تأملناها صح

يااااه :). الدعوة دي جميــــلة أوي
أصل الفراق دة صديقي الذي لايفترق عني طوال الطريق :)، وياريته يفترق يتوه كمان
شكرا على الدعوة الجميلة أوي يا أم جوجو
ودايما منوراني بجد

Wish I were a Butterfly ... said...

همســة قلم

:)))

رأي أعتز بيه جدااا جدا

أنا فعلا حسيت كدة يا همسة:). إن الناس دي يمكن مش أشوفها تاني. ساعتها يبقى فعلا سفر

هههههه
يا مجاملااااتك :). ربنا يكرمك يا أسماء، ويارب أشوفك دايما سعيدة وراضية

البلوج اتشرف بزيارتك

Wish I were a Butterfly ... said...

Lyssandra,

ليساندرا العزيزة

متزعليش مني

مش مفاطعاكي ومش قصدي خالص

هاظهر قريب أوي إن شاء الله

خدي بالك من نفسك يا بنوتة

سبهللة said...

جيت اقولك وحشتيييييييينى اوى
لاقيتك كاتبة بوست بإسلوب أكثر من رائع
فكرنى بإحسان عبد القدوس

ان شاء الله ربنا يرزقك بعمل افضل وصحبة افضل بإذن الله

Hadota ... حدوتة said...

حسة اوى بالبوست دا

بس انا مبحبش الوداع اوى كده

بمعنى ساعات بحب اودع الحاجات واقول خلاص مش هاجى هناتانى

وساعات تلاقينى عاملة عبيطة وقال يعنى هاجى هنا بكرة

بس تخيلى بقى لو تجربة الشغل دى سنة ونص .. كانت هتبقى الفراق اصعب

لنا الله
:)

تحياتى

بجد البوست فيه احساس حلو اوى

:)

فاتيما said...

إيه الجملة العبقرية اللى فى آخر البوست دى ؟!!!
كعادتك رقيقة حتى ف نظرتك للآخرين
بوسة و حضونة كبيرة مخصوصة عشان السطر الاخير بالذات

Lyssandra said...

فراااااشه
عااااجل
تعالي ع الهامش استلمي التاج


:))

Lyssa

نبضات said...

جميله ورقيقه تأملاتك يافيلسوفتى الرقيقه جداااااااااااااااا
وحشاتنى جداااااااااااا
استمتعت جدا بقراة كلماتك وتاملاتك والاحساس بمشاعرك الرقيقه النابضه فى كلماتك فى البوست

ربمـــا هو ليس عالم الأطياف الطيبة و الفراشات والألوان الزاهية الذي أحلم به كما قد يظن البعض
هو عالم شديد الواقعية بعيد عن كل الخيال...

عجبنى جداااا التعبير دا
هذا العالم الذى عبرتى عنه عالم الاطياف الطيبه والفرشات والالوان الزاهيه
هو العالم الذى اشعر به عندما ادخل مدونتك اشعر انى فى عالم اخر ابداء بالموسيقى وهامش المدونه المميز ثم ...كلماتك وتعبيراتك الصادقه والنابضه واحساسك المرهف والرقيق وانسانيتك الجميله والعميقه ...فى جميع مواضيعك فى المدونه

دائما متميزه فراشتى الرقيقه فى الحياه وفى التدوين

تحياتى

هيثم مكارم said...

السلام عليكم

كيف حالك يا فراشة؟؟ .. لازلت تحلقين بجناحي الأمل والرضا ، هكذا أراكِ.ه

وأنا أقرأ تدوينتك استحضرني قول الشاعر : كن جميلاً ترى الوجود جميلاً.ه

كم هو رائعٌ إحساس الرضا الخفي الظاهر في كلماتك ، تجربة تعلمتِ منها وعلمتنا منها كيف يكون اليقين في أفضلية حكم الله وقضاءه ، كيف نحسن الظن فيما يأتي وكيف نقنع بحظنا مما مضى.ه

تحياتي وأطيب أمنياتي يا فراشة.ه

Wish I were a Butterfly ... said...

سبهللة

ياااااه!! ميـــن؟

:))

فرحت أوي إنك لسة فاكراني بجد:). أنا كمان انت وحشتيني وفاتيما و آبي ومفروسةودوبا و...كتير:)

يــارب :).ويرزقك كمان بكل اللي بتتمنيه إن شاء الله يا جميل

بس قوليلي!! إحسان عبد القدوس مرة واحدة؟؟
:)))
ربنا يعزك يا سبهللة
دي كبيرة أوييي علي بجد. شكرا كتير:).ووحشني تجمعنا دة بجد

Wish I were a Butterfly ... said...

حدوتة..Hadota,

ولا أنا بحبه
:)
بس هو صديقي اللي مش بيرضى يبعد عني أبدا

ماانا كنت بهزر مع البنت وعاملالها زي الأفلام القديمة وبصوت تخين أشوف وشك بخير لقيتها هي اللي حسستني إحساس تاني
:(
عندك حق. إن شاء الله أيامك الجاية تبقى أحلى يا توتة

سعيدة إن البوست عجبك:). بس أكيد الإحساس مش زي اللي بلاقيه عندك في "ملامح"
;)

نورتي ياصديقتي

وحـــــــــــى القلم said...

بوبه
فينك يا جميله
معلش مشغوله عنك بالظروف اللى انا فيها وحالتى النفسيه وكده يعنى
ايه اخبارك
طمنينى عليكى كتير
ومتنسيناش من دعواتك
اوعى تكونى نستينى
Remember I will still be here as long as you hold me in your memory ...
خليكى فكرانى وانا مش هنساكى
على فكره البوست رائع انا قرأته اول ما حطتيه بس مخى مش بيجمع كلام بس والله فى كلام كتير كتير جوه بس للأسف مش مترتب

Wish I were a Butterfly ... said...

فاتيما

يا بخت السطر الأخير بالبوسة والحضونة من واحدة بحبها أوي من قلبي ونفسي أقبلها مرة تانية
:)

عبقرية؟؟ :). ربنا يخليكي يا تمتومة

Wish I were a Butterfly ... said...

Lyssandra,


وااااااء

:)))



حاضر يا ليسا... بس فيه تاج كتكوت قبله إن شاء الله من أم هاجر بعدين هشوف "التدبيسة" بتاعتك
:p

Wish I were a Butterfly ... said...

نبضات

فرحت أوي أوي لما لقيت تعليقك

و فرحت أكتر بكلماتك الرقيقة

دايما رافعة من معنوياتي صديقتي الجميلة :). سعيدة جدا إنك استمتعتي باللي أنا حسيته في البوست دة

:). دة عالم جميل أوي اللي بتحسيه هنا
يارب تفضلي عايشة جوا العالم دة طول عمرك وسعيدة يا نبوضة بجد

و دي حاجة تسعدني جدا جدا...... إني أكون متميزة عند أي حد :) خصوصا لوكان حد بعزه أوي زيك

ادعيلي :)

Wish I were a Butterfly ... said...

هيثم مكارم

و عليكم السلام ورحمة الله وبركاته

الحمدلله :). شكرا لك

لازلت تحلقين بجناحي الأمل والرضا... جميلة الجملة دي أوي. ربنا يكرمك

ردي.... اللهم اجعلني خير مما يظنون
:)

هي فعلا أيام كانت جميلة.ادعيلي أقدر أفضل كدة

شكرا جزيلا لحضرتك و بجد شاكرة لتشجيعك دة. نورت المدونة :)

Wish I were a Butterfly ... said...

وحـــي القلم

مش تقلقي يا سمية :). ربنا يطمننا عليكي دايما يا جميلة

شكرا على رأيك في البوست
و انا كفاية أوي علي سؤالكو كلمتك إن البوست "رائع" :))). مش أعتقدمحتاجة كلام اكتر من كدة، ولا بكون مستنية مقال عن روعة الكتابة :). دة مجرد تواصل بيننا بحبه
و بجد شكرا اوي على سؤالك


انت كمان ادعيلي