بعيدا عن أعيــن البشر
أتمنـى أن أكون
وحــدي.. تحت ضوء القمر
مع الصمـــت والسكـــون
لا أسمع سوى أصداء الرياح مع الشجـــر
بكـــوخ صغير بجزيرة بعيـــدة
يصــل إلى مسمعي همسات موج البحر
تحاوطني رائــحة الزنابق و مسـك الليل
فيحلو السهـــر
هناك وحدي... أنـا و ضوء القمـــر
......................
أقضي هنــاك ليلتي
لأعود من بعدها إلى دنيتي
بــروح آمــلة جديدة
بلون الزهر
16 comments:
ما أروع ضي القمر
والأمل الأسير ما بين أفئدة البشر
..............
ما أروع كلماتك عزيزتي
.........
بالمناسبه انتي بتكتبي شعر جميل كان فين الكلام ده من زمان
:)
دمتي بكل الود
أخوكي الصغير
:)
خديني معاكي
ساعات الواحد فعلا بيحتاج انه يبعد
و مايسمعش لصوت بنى آدمين
و يكون فى سكون تام
تحوطة الطبيعة من كل جانب
تحياتي يا بنوتة و خديني معاكي
و اوعدك انى مش حطلع صوت
:)
يا ترى هو ويزبر هى هى سووول ويزبر .. ولا ايه
تحياتى يا ويزبر ويا بختك بتحبى تكونى لوحدك وفى جزيره ما فيهاش حد غيرك .. اول زياره لهذه المدونه .. تحياتى
و من سمعك ياما نفسي أنا كمان في الكوخ البعيد دا
و يكون فيه دفاية و أبسط أساليب التكنولوجيا و مفيش تليفزيون بس كاسيت علشان الموسيقى و كتب كتييييييييييييييييييييير
و يكون على المحيط مش على بحر
تحيتي على الكلمات الرائعة.
اعشق الليل فى الليالى البدر الكامل واتامل ضيه الجميل
هذه ليست تخاريف قلم ولكن مشاعر رقيقه لانسانه جميله
تعرفى نفسى طول عمرى اطلع رحله سفارى زى مابتحكى كده اكون فيها مع الطبيعه وحدىىىىى
كلمات جميله .....ساعات بنحس ان احنا محتاجين نكون مع الطبيعه بعيدا عن البشر وبعيدا حتى عن الناس اللى بنحبهم
كل سنه وانتى دائما طيبه
تحياتى
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب
-----------------
alshared,
شكرا على المجاملة يا شارد
بكتب كتابة بسيطة على أدي،ومش بفكر في كونها شعر أو لأ... بس بيكون حاجات جوايا وعايزة أكتبها مش أكتر
أنا جنب كتابات ناس كتير قي المدونات
ولاااااا حاجة
شكرا على ذوقك و على مجاملتك:)
واحدة مفروسة
:)))
أوعدك
لو لقيت المكان دة هابقى أقول لك
أنا فعلا محتاجة أبعد للمكان دة يا مفروسة
fashkool,
الحقيقة إني لأ مش "سول ويسبر". بس عادي يعني.. الويسبرات و المفروسات كتيـــر في ساحة التدوين :)
يا بختي؟؟ :) طب ياريت بس ألاقي مكان زي دة مش يكون مجرد حلم
شكرا لزيارتك يا فندم
Om HaGaR,
:) صح
المحيط أحلى بكتير
بس ساعات بحس بخوف منه أكتر من البحر
غــــامض أوي
:)
شكرا لوجودك
نبضات
و انت طيبة يا جميلة
فرحت أوي أوي لما لقيت تعليقك :). صعب أوي إنك تقولي عليّ إنسانة رقيقة!! طب لما أوصفك هقول إيه؟؟؟
شكرا لكلماتك الرقيقةو ذوقك
أتمنى أكون عند ربنا أحسن من ظنكم فيّ
م. الحسيني لزومي
ربنا يتقبل منك
و أنا كمان ماليش دعوة :))
الإنسان بيحتاج اللحظات دي قوي ، اللحظة اللى يكون فيها بعيد عن كل شئ علشان يعرف يقيم حياته كلها بعيد عن الضغوط
عارفة يا فراشتى زمان في الكلية ساعات كنت بعمل الموضوع ده مش مع ضي القمر و لا الجزيرة يعني لكن انى اقعد مع نفسي و اتخيل نفسي لوحدي و أقيم المرحلة الى انا فيها و بجد كنت برجع أحسن كتير دلوقتى للأسف الحياة مش بتدي الواحد فرصة يعمل كده
لو رحتى المكان ده ابقة قوليلى علشان آجي أغلس عليكي :))
الأنسان دائما يحتاج الي لحظات
لحظات من دوي الصمت في حضن البحر
البحر وامواجه المتلاطمة تفتت فينا
فتظهر مشاعرنا أصغر فأصغر لنستطيع قراءتها
فتغمرنا بحالة من التفاؤل أو اليأس-وتخرج الموجة تلو الاخري محملة بما لدينا
فنراها بأعييننا وتقف الي جوار البحر لنري ماذا يفعل به الموج- ونستنشق رائحته وعن ماذا نتجت و نحاول أن نعرف ما يخبوا تحت سطحه
ونعود من جديد الي الحياة الصاخبة
بكل ما فيها
وكل أخذنا جرعة من الهدوء لنقسم هذا الضجيج
ومعنا أشعة القمر
تحياتي لك
الحلم العربي
هابقى أقوللك "لو" لقيته يا أحلى حلم
:)
أنا كنت بعرف زمان، بس دلوقتي مش بقيت أعرف أعمل كدة..حتى لو مش مشغولة. مش بقيت بعرف مش عارفة ليه
محتاجة دعائك
ياريت بجد تفتكريني في دعائك
شكرا لتعليقك اللي دايما بيسعدني أوي أوي إني أشوفه
hasona,
تحليل بطريقة أول مرة أفكر فيها
بس عجبني موضوع إن الموج يفتت كل شيء جوانا فبيبقى أصغر و أبسط.. ممكن نتأمله عن قرب أكتر
شكرا لتعليقك لأول مرة :)
تحياتي لك أيضا
Post a Comment