بذلك اليوم بالتحديد
و في تلك الساعة
منذ عام..... بدأت التدوين
أراني كتبت أكثر مما توقعت... كتبت....... عن أشياء لم أكن يوما أتخيل أن أكتب عنها
عام مضى
تعلمت فيه الكثير و الكثير
ربما أكتب عما تعلمته يوما
إلا أني أردت اليوم فقط... أن أخبر الجميع أني أحبهم كثيرا
و أني لن أنسى يوما أيا ممن ساعدوني و شاركوني همومي و أحزاني... و رسموا كثيرا البسمة على وجهي عندما كنت أحتاجها بالفعل... و كانوا لي خير أخوة و أصدقاء
أحبـــكم كثيرا
و أشكركم كثيرا
يمكن مش كلكم تعرفوني أوي.. بس من خلال معرفتكم البسيطة لي طول السنة اللي فاتت ..هطلب منكم طلب صغير
عايزة كل حد يدخل مدونتي يكتبلي نصيحة، و يكتب أحسن و أوحش حاجة حسها في مدونتي
فعلا أحب أعرف رأي كل حد فيكم
ملحوظة: البوست كان مفروض أكتبه من ساعتين ونص بس مش كنت في البيت :$. أول بوست لي كان الساعة 10 بالليل الحقيقة
ملحوظة تانية مهمة: رأيكم دة......... من غير مجاملة خاااالص، و من غير ألفاظ سيئة
و جزاكم الله كل الخير
:)
بحبكم
21 comments:
مش مصدقه انى اول حد يعلق عندك النهارده فى عيد ميلاد البلوج كل سنه وانتى طيبه يا ارق مدونه على النت
انا فعلا لا اعرفك شخصيآ ولى عاده ان ازور مدونات الاشخاص الذين تعجبنى
تعليقتهم على المدونات التى ازورها وهكذا كانت البدايه زرت مدونتك وقرات اول بوست فاعجبنى واستمريت فى القراءة وكتابة التعليقات
اسلوبك رقيق ينم عن نفس حساسة جدآتتألم لالام الاخرين وانا اعرف ذلك الشعور جيدآ
نصيحتى ان تستمرى بثقة اكبر بنفسك فمن المريح ان نجد نفوس رقيقة وطاهرة وسط زحام القسوة والفساد
اتمنى لكى النجاح والسعاده والحب واشكرك على تعليقك على مدونتى لقد رسمتى البسمه على وجهى ولم ابتسم منذ الصباح حتى قرات تعليقك اشكرك
أف مبروك العام الأول في التدوين وعقبال 100 سنة وانت بصحةوعافية وخير وتقدم
انا مابقاليش كتير فى التدوين
لكن متابعك
وشايف ان احلى حاجه فيكى ان كلامك محدد ودايما له معنى
تحياتى وكل سنه وانتى طيبه
كل سنه وانتى وهى طيبه
بصى بقى يا ستى راى فيكى وببساطه لانى مش اعرفك من كتير بحسك بنوته زى كل البنات دمها خيفي جواها حزن رقيقه خالص وشقيه كمان بس خلاص
الف مبروك العام الاول للبلوج ولو انها متاخره لاسباب خارجه عن الاراده والشديد القوى
بس بالنسبه لكتابتك ورائينا فيك كونى نفسك بس حسب ما انتى مقتنعه واكتبى باسلوبك الى انتى مقتنعه فيه
]اااااااه اول زيارة ليا في عيد ميلاد المدونة الاول أخص عليا اني داخلة بأيدي فاضية
بس معاكي حق التدوين فعلاً بيكتشف في الواحد حاجات كتيرة هو نفسه مش عارفها
HAPPY BIRTH DAY TO UR BLOG :0))
أولا ألف ألف (يعني مليون) مبروك على البلوجراتية أولا ثم لحضرتك
مبورك تمام اول سنة ولو انها متأخرة كام يوم
بس لو حضرتك قلتي ان فيها التورتة دي كنت جيت على طوووول
هوه انا للأسف مش متابع جيد جدا ... لكن ممكن حضرتك تقولي مقبول او جيد مرتفع يعني بس والله للحياة الخزعبلية والانشغالات وكده
وبصراحة انا كتير بقرأ لكن مش كتير بعلق علشان احلق اقرأ لأكبر قدر ممكن
كنت الاسبوع اللي فات وانا في ابوظبي هنا اتقابلت مع احد المدونين وكان اول مدون اقرأله واشوفه فيس تو فيس كده
كنا بنتكلم على ان البلوجرز والمدونين دول تحسهم عيلة واحدة
رغم انك تختلف وتفق وتزعل وتتنرفز وتضحك وتعيط في كتابات ومدونات كتير
لكن تحس انهم عيلة
تفتح النت تدخل ع المدونات تتطمن على فلان عمل ايه ف مشكلته .. فلانه يومها عدى ازاي؟؟ ايه آخر موقف حصل لفلان ... فلانه فتحت مدونتها ولا لسه قافلاها؟؟ وهكذا
وللأسف انا مش اهل للنصيحة اني انصح حضرتك فآسف مش هقدر ألبي طلبك ف النقطة دي
ممكن اول معرفتي بيكي كانت ف تعليق منك عندي على احد بوستاتي وقلت لحضرتك خدي بالك من النار علشان فراشات كتير بيحبوا النور ييجوا رايحينله يلاقوها نار مش نووور ومش عارف زعلتي يومها ولا ايه
بس كان الاسم شاددني فعلا
وكتابات حضرتك بجد بتدل على الشخصية وزيادة عليها معرفة حضرتك بالأم الرؤوم فانتي كده جبتي من الآآآآآخر
هههههههههه
مش عارف ايه الكومنت الطويل ده
آسف ع التطويل
الف مبروك وكل سنة والمدونة سعيدة وشيقة ورقيقة
ولو حسيتي ان الكومنت بتاعي هيقع على الكومنت اللي بعدي حاولي تشنديه بخشبة او الغيه عااااااا
تحياتي مرة تانية
عصفورة من الشرق
يااااااااه!!! إيه يابنتي دة؟؟
ربنا يعزك يارب
الكلام صعب أوي على فكرة. أتمنى أكون عند ربنا أحسن من ظنكم في. بجد تعليقك جنني لما قرأته:) إنت كمان رسمتي البسمة على وجهي. شكرا شكرا كتير
لعلمك بأة..إنت مش بس كنت أول تعليق:) لأ دة كمان إنت التعليق الوحيد يومها أساسا
ههههههه
أصلي كنت برش مية فمحدش قرر يقرب من هنا تقريبا
بس حسيتك فهمتيني صح..لما نصحتيني أستمر"بثقة أكبر في نفسي". شكرا أوي على نصيحتك و تمنياتك الرقيقة و تعليقك وكل حاجة :$. ربنا يعزك يا عصفورة
سعيدة إن البلوج شدك في أول زياراتك:). نورتي البلوج وأتمنى تتكرر
mostafa rayan,
مية سنة بحالهم؟؟
:)
شكرا أوي للتهنئة و لمرورك الكريم
Blue-wave,
وحضرتك طيب
رأي يحترم جدا.فرحني أوي إنك بتقول إنك تابعت المدونة قبل كدة. شكرا يا دكتور
:)
نورت مدونتي المتواضعة، و أكيد شرفت بلوجر كله بمدونتك الجديدة
Appy,
و انت طيبة يا قمر
:)
عجبني وصفك دة أوي :)). أنا فعلا الوصف دة ممكن يليق علي كويس. بس بصي بأة... لو لقيت حاجة مش لايقة علي هقولهم آبي هي اللي قالت كدة و أحملك الذنب بأة و هم يستحملوني
:)
ربنا يكرمك يا آااابي. شكرا على الرأي الرقيق دة :). بس كنت حابة رأيك في البلوج كمان
على فكرة..إنت كمان رقيقةأوي حتى لو بان غير كدة... بحس كدة
:) نورتي
رئيس جمهورية نفسي
حاضر يا فخامة الرئيس
هكون نفسي إن شاء الله
بس على الله يتغير الناس اللي حواليا ساعتها
شكرا أوي على تعليقك.. المهم إنك نورت و اتطمننا عليك
نورة الخشن
:)
كفاية إنك تنوري البلوج يافندم
شكرا أوي
:)
و أنا اللي مفروض أعزمك على تورتة وآيس كريم مش إنت
أتمنى تتكرر زيارتك
أول زيارة ..وكل سنة وانتي طيبة ..عقبال 100 سنة كده تدوين
..
الصراحة اول زيارة فمش هاقدر أقيم المدونه كده من أول مره بس نصيحة
..حاولي وانت بتكتبي تكوني صادقة دايما ..أكتبي زي ماانتي بالبظبط ..مش عن حد تاني ..ثانياً لما تيجي تعلقي ..عند حد تاني ..أنقدي نقد بناء من غير مجامله ..
SaKaYaR,
مبدئيا تشريفك لمدونتي دة كفاية أوي
ربنا يعزك يا سكايار
جملتك عن إن المدونين كلهم عائلة واحدة دي هي حاجة بحسهاجداجدا، و مدونة "نقطة مية" كانت كاتبة نفس الكلام دة مرة ودة فعلا اللي بحسه أوي.
بحس إن كلنا اخوات وبنهتم ببعض مش لأي مصلحةأو حاجة وحشة، ولو حد اختفى بنحس إنه واجبنا نسأل عليه، ومش مفروض عليك أي حاجة.. بنتفق في الأفكاروحاجات تانية كتير..و عشان كدة بنكتب ونقرأ لبعض ونهتم وندعي لبعض..حد مش اتفقت معاه يبقى ببساطة مش ضروري أكتب عنده أو أهاجمه.
بجد فرحت جدا بتعليق حضرتك:). دايمافي الأعيادو المناسبات كدة بلاقي من حضرتك تعليق يدعو للتفاؤل دايما
ربنا يكرمك..و بجد شكرا على النصيحةاللي من زمان:) دايما بفتكرها هي وتعليق تاني على اسمي البلوجري دة. هي معناها صعب أوي. ربنا يستر وأفضل دايما بعيدة عن النار اللي مستخبية ورا ساتر جميل بيشدني ليها دي سواء طبقتها على الأشخاص أو الدنيا حواليا بوجه عام
أسعدني جدا تعليق حضرتك.نورت المدونة النونو
Hu-man,
وحضرتك طيب..شكرا لتعليقك، و لنصيحتك
بس كنت لي سؤال... حسيت في نصيحتك التانية إنك شفت لي تعليق قبل كدة وحسيتني بجامل فيه. صح كدة؟؟
أتمنى فعلا تبلغني لأني عمري ماقصدت أجامل أي حد ودي حاجة هتزعلني لودة اللي حسيته
نورت البلوج يا هيو-مان
:)
كل سنه وإنت طيبه والمدونه بخير وتقدمي كل مفيد يرضيك ويرضي الله عز وجل ..أنا أحببتك في الله من كلام سبهلله عليك
ربنا يكرمك ويسعدك
تحياتي
إيما(أم البنين)
:)
آمين يارب
بس بجد "!!!!" من كلام سبهللة علي؟ :) ربنا يعزك و يعزها ياستي.. بس هي حتى مش كلمتني كتير خااالص
أحبك الذي أحببتني فيه يا إيما
شكرا أوي أوي على كلماتك اللي بجد أسعدتني كتير أوي :)
كل سنه وانتي طيييييييييييييبه
انتي انسانه جميله
احاسيسك رقيقه
بتحبي الحياه
احلى حاجه عندك التامل
شخصيتك جميله
بعتبرك زي اختي
غير ان مدونتك من اول المدونات اللي شوفتها
واسف جدا على تقصيري لاني في مرحلة توهان
: )
اتمنى لكي السعاده دايما
تحياتي
أمير مملكة الهدوء
أحمد
Congratulations, yet ..I am Frustrated,,and stopped writing in my own blog..I still ( some times) follow some limited numberes of the bloggs,,,and Ur blogg..is one of these..
I cheer all the ones who continued and still have the Temper 2 write. wish U all the best
Dreamer,
:)
Thanx a lot.
I was so glad when I found ur name here again. I'm serious:) not exaggerating, sir.
It's a real pleasure for me that y still follow my vlog sometimes.
mmm... I guess everyone is frustrated coz of many things around... whether we're talking about personal or general reasons for that.... My blog may b a place where I get rid of many of my frustration. :) may be.
Thanx a lot for coming by. I really appreciate it.
Post a Comment