يعني إيه قلبك يحب
يعني تطبطب يعني تسامح
و يكون قلبك زي الورد
دايما جاهز يسعد غيره
يغفر غلطة أي حد
.........
يعني يكون قلبك ورداية
تحب تسمع كل الناس
شايلة هموم الناس جواها
دايما تمد الناس من خيرها
تنشر عطرها و تفوح بعبيرها
و تمتع كل الناس بجمالها
و تحسسهم معنى الحب
..........
يعني إيه قلبك يحب
يعني يكون كلك إحساس
و تكون روحك زي النسمة
تكون بلسم لجراح الناس
..........
لما يكون قلبك بيحب
بترسم دنيا بألوان تانية
يرق قلبك و يحن في ثانية
لأي حد محتاج للحب
..........
هو دة الحب اللي بجد
مش وردا حمرا و بوسة ع الخد
و من بعدها مولد و انفض
45 comments:
الله الله الله
كلامك روعه
تصدئي والله ينفع يتغني ويبئي أغنية جميله
مشاعرك حلوة أوي
وكلامك حلو أوي
والبوست دا حلو اوي
مبسوطه علشان انا اوي كومنت
سلام ياقمر
هو ده القلب هى دى الانسانيه
وواضح انى طبت فى كل انواع لحب اخيرا الا معندكيش دوا الحق نفسى بدل ما اقع على وشىى
ههههههه بجد رقه قوى البوست ده
هو ده ايوه ده هو ده الحب الحقيقي
جميله قوي يا فراشتي
جميله
اثبات حضور بس على ما اخلص خناق وارجع تانى
الله الله الله
ايه الحلاوة دى
" هو دة الحب اللي بجد
مش وردا حمرا و بوسة ع الخد
و من بعدها مولد و انفض "
ايه ده دانتي شاعرة جامدة جدا
تسلم دماغك ويسلم احساسك
حلو اوي اوي الكلام والايقاع والجو العام
جديد اوي وبيوصل اوي
ياريت توصلي سلامي و تحياتي الى صديقتنا متعددة المواهب وعالية الاحساس
الي فراشة
تعرفيها ؟
لانى اول ما بنشر قصيده الكل بيعتبرها حاله خاصه بيه او مرحله انا عايشه فنى حتجنب ده
بس انتى حسيتى الموقف قوى وعشتيه بكل احساسك تعبير حاله المحب بالورده جديد قوى ووصفك لحاله الورده وما يجب ان تكون عليه اكثر من رائع
المستوى بيتقافر للامام ومن امام شاشتى هذا اعلنها مدويه للامام يا روميل
أنا مش هاعلق
لأنها أرقي من أي تعليق
الحب
كلمه تجمع مخارج الحروف
تجمع بين الانسان والروح
الحب
هو ما نعيش لوجوده
ونكره أنفسنا
ونهرب من واقعنا
وربما قتلنا أنفسنا
اذا ما أنتزع منا
أختي الكبيره
حلوه الحاله دي
جميله قوي
لما يكون قلبك بيحب
بترسم دنيا بألوان تانية
يرق قلبك و يحن في ثانية
لأي حد محتاج للحب
روعة بجد تحياتى ليكى
عزيزتي الفراشه
أغيب شويه عن النت أرجع الأقي كلام جميل
أي نعم انا سمعته أمبارح من صديقي العزيز
بس لما قريته حبيته أكتر
يغفر غلطة أي حد
هو دة الحب اللي بجد
مش وردا حمرا و بوسة ع الخد
و من بعدها مولد و انفض
بجد تحفه
انا عارف أن الجمله دي هتشد كل اللي يقرا
بس أسمحيلي أنا ليه وضعي الخاص
عشان بجد أنا بحب جدا الوردوفعلا كان مفهوم الحب عندي ممكن يعبر عنه ورده حمرا وبوسه على الخد بس أوعدك أعيد التفكير تاني في الأمر
بجد وصف رقيق ورائع للحب فكرتيني بالذي مضي
يعني قلبك يحب
يعني يكون قلب شبه قلبك
لانك عندك قلب بيعرف قوي يحب
بحبك
قلب ينبض الله
ربنا يكرمك يارب :). أغنية مرة واحدة؟؟ حرااام عليكي
أنا كمان مبسوطة أوي أوي إنك أول تعليق:) مش متعودة على كدة بصراحة و بجد فرحت أوي بتعليقك
بس معلش..لما أ،ا يكون كلامي حلو يبقى كلامك يتقال عليه إييييه؟؟؟
:)
نورتي يا أحلى قلب
Appy,
آبي نورتني تاني في البلوج :) هيييييه
بس يعني لازم تصدميني بالواقع و الحقيقة المرة كدة؟ :)) غالبا ملوش دوا و غالبا كمان لااازم نقع في يوم من الأيام
:)
شكرا على تعليقك يا توتة
Mohannad,
محمد فؤاد هنا مرة واحدة؟؟
:)
ربنا يكرمك أخي العزيز
نوّرت
رئيس جمهورية نفسي
تشرف في أييي وقت يا ريس
يارب تخلص الخناق للأبد
:)
la3lahakheir,
ربنا يكرمك يارب
نورتي البلوج يا جميلة
و لــو
:))
غالبا معرفهاش
تعرفها انت؟؟
:)
ربنا يكرمك يارب. شكرا على ذوقك... و الحمدلله إن البوست عجبك
يارب دايما تنور البلوج
:)
رئيس جمهورية نفسي
مبدئيا... شكرا جدا على تجنبك لتطبيق الكلام على حالة بعيشها، بغض النظر عن الحقيقة و إذا كانت حالة فعلا بعيشها أو لأ..أسلوب حضرتك دة بجد بيعبر عن شخصية محترمة جدا أنافخورة إنها بتكتبلي في البلوج المتواضع بتاعي
عموما الحب مش ممكن يتقال بس على نوع واحد من العلاقات.. أنا اللي كتبته كتبته عن معنى الحب بوجه عام يعني بين الأصحاب و الناس كلها اللي حتى مش نعرفهم... كل حاجة
سيدي الرئيس:) يشرفني إنك شايف مستوايا بيتحسن :$. رأي و تعليق أعتز بيه جدا جدا
الشارد
الله عليك
:)
كلمة تجمع مخارج الحروف. صح جدا
تعليقك أسعدني جدا، و جملة "أرقى من أي تعليق" دي لو على الموضوع نفسه يبقى ليك كل الحق، لكن لو على اللي أنا كتبته... يبقى شكرا على المجاملة
:)
ربنا يعزك يا محمود
whispers just for a night,
حتى الآن للأسف مدخلتش على الرابط. بس اقرب وقت هدخله إن شاء الله
أتمنى مكونش اتأخرت جدا
جزاكم الله خيرا
هيثم الدهشان
أسعدني تعليقك
:)
الحمدلله إن البوست عجبك
نورت البلوج
إنسان مقيد
يا فندم البلوج كله تحت أمرك :) معلش بأة كتبت البوست بس و الله مكنتش أعرف وقتها إن النت فاصل عندك
أنا معاك جدا، و أنا كمان مغرمة بالورد بس بصراحة الأحمر مش أكتر لون بحبه في الورد:). بس عارف؟ دي حاجات جميلة أوي بس في النهاية هي مجرد "رمز" بيعبر عن الحب، و حاجة بتتقدر جدا و بتحسس اللي حواليك بالحب، لكن حتة وردة و خلاص؟؟ مش هو دة الحب. و لا رأيك إيه؟
:)
نورت كتييير
اميرة الصعيد
آاااه :) الذي مضى؟
ربنا يسعدك دايما يا رب
أتمنى تحسي الأحاسيس دي دايما طول عمرك
شرفتيني بزيارتك للبلوج تاني :) يارب دايما
جميلة اوى
ياريت قلوب الناس كلها كده
لكِ تحياتي :)
الخيط الرفيع حبيبتي
:)
فكرت كتير أوي قبل ما أرد على تعليقك لأني مش عارفة أقول إيه خااااالص
بس ممكن نتكلم بوضوح شويتين و نقول... إحم إحم
:)
يمكن قلبي بيعرف يحب أوي زي مابتقولي. بس مش شايفة إنه برده قلب وحش و بيعرف يخسر كويس أوي؟
يا روفي..أنا حاسة إني مش عايزة أقرب من أي حد لأني خايفة أخسره بتصرفاتي! عارفة كدة؟؟ أيوة طبعا عارفة :). ماانت من الناس اللي مرعوبة أخسرهم و هم زي الملايكة كدة
أنا بحبك أكتر
حمامة
ياريت يا حمامة
:)
نقول يارب تبقى الناس كدة
البلوج كله نوّر بالزيارة دي
صحيح جدا قوي
هو دة الحب
لما قلبك يرق
لما تحس بغيرك
لما قلبك يبقى مساكن شعبية تساع كل ناس
بوست جميل بجد بجد مسني قوي
الله الله الله
وجون وجون وجون
ايه الكلام الجامد ده يابنت
ربنا يبارك فيكي وتحبي كل الطيبين وكل الطيبين يحبوكي
:)
ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي
Salma Amer,
ربنا يكرمك يا سلمى
:)
واضح أوي حبك لكلمات منير :) مساكن شعبية و من أول لمسة
نورتي بزيارتك الرقيقة دي. أتمنى تتكرر
راما حبيبتي
آمين يارب
تسلميلي يا راما
ربنا يخليكي لي يا صاحبتي الجميلة :). يارب ربنا يرزقنا حبه و حب كل اللي بيحبه
عايزة أشوفك قريب :(
كلامك جميل اوي ورقيق اوي طالع من القلب بس ياترى لسه موجود الحب اللي بجد ده
ياااه معاني حلوة قوي،و عملة يقت نادرة قوي، انت عارفة الورد شح في السوق و بقى غالي حبتين بس يستاهل ندفع فيه لو لقيناه
يعني إيه قلبك يحب
يعني يكون كلك إحساس
و تكون روحك زي النسمة
تكون بلسم لجراح الناس
..........
لما يكون قلبك بيحب
بترسم دنيا بألوان تانية
يرق قلبك و يحن في ثانية
لأي حد محتاج للحب
........................
كلمات جميله جداجداجدا
بس الله يكون في عون
اللي بيحش بغيره حتى لو محسش غيره
اللي دموع قلبه مش بتوصل لعينه
وبقية الانيه بقى
لايهاب توفيق
الله يكون في عونك
تحياتي
:)
هبه
ليكي تاج عندي ولازم تقبليه
أشوفك قريب
أه فاتك تدوينتين كويسين
:)
تحياتي
السلام عليكم
حلوةاوى التعبيرات دى ...وبضم صوتى لصوت الشارد
Daydreaming,
اكيد هيكون موجود طول العمر..يمكن نادر بس أكيد موجود الحب اللي بجد
نورتي البلوج يا جميلة
:)
صاحبتي العزيزة
أوى
One Mile
زي ما انت عايزة
:)))
كل حاجة غليت في البلد دي يا بنتي.. دة حتى الورد البلدي قليل أوي..دوري على ورد صيني :) يمكن تلاقي
على فكرة..مش صدقت نفسي لما شفت اسمك على البلوج :)) شكرا أوي يا سكر
أمير الهدوء
:)
كلامك صح جدا جدا جدا
بس إيه بأة "الله يكون في عوني" دي؟ :) أنا كويسة الحمدلله و دة كان مجرد إحساس حسيته مش أكتر
بس بجد حلوة أوي الكلمتين اللي قلتهم دول، صح أوي
من غير إيهاب توفيق :)
الشارد
إهئ إهئ
:)
أصلك مش عارف
شوف يا فندم... ادخل المخزن البلوجري بتاع، بص على الرف اللي على إيدك اليمين
أيييوة.. هو دة
عليه 3 تاجات و متربين كمان من كتر ما قعدوا
:)
سامحني
احتمال اتأخر شوية بس فيه رغم إنه عاجبني أوي :)، كمان سببتاني هو إنك لو دخلت اي بلوج حالا..مش هتااقي غير التاج دة :) فمنعا للملل يعني
بس أوعدك قريب اوي هجاوب ان شاءالله إن عشت
معلش مش بدخل البلوج عندك كتير...اسألك الدعاء
Elshazley,
وعليكم السلام و رحمة الله
أشكرك يا فندم
تحفة بجد جميلة اوىىىىىىىىىىى
Princess Bery,
:)
شكرا أويييي
اتفضليها
Post a Comment