مـــش محتاجــة أفتكـــر إننا في شعبــان عشان أعــرف إن رمضـــــــان قرب..
وكمـــان مش الفوانيـــس اللي بدأت تنتشـــر في الأسواق المصرية بنــورها الجميـــــــل و هي كلها بتتلألأ مع بعضها و تشدك تتأملها كدة.. هي اللي هتفكرني لوحدها..
و لا حتــــى محتاجة واحدة تقول لي إنها بدأت في ريجيم قاسي عشــان في رمضــان بنتخن "مع إن دايما معايا الموضوع بالعكــس :("..
و لا المســــاجد اللي بفرح أوي لما أشوفها منورة ومتزينة حتى لو الأضواء لونها غريب، بس لمجــرد إحساس إن المساجد بتحتفل بعيـدها..
و لا بأغاني رمضــان اللي سمعتها في شــرم الشيخ الأسبوع اللي فات عند مطعم و استغـربته جدا و اتسجل في تاريخي :)... إنه أول من يذكر الناس برمــضان هناك..
مــش محتاجة أمشــي في الشوارع و أحس إن النـاس نفوسها بدأت تهدى استعدادا لرمـــضان...
لأن ببســــاطة.... :) بابايــا بيفكرني كــل يوم من الخميـــس اللي فات بأغاني رمضان القديــمة المشهورة... و اللي حتى عمرك ما سمعت عنهــــا عمـــــــــــــــرك :))).. إذاعـــة شغالة طـــــــــــــول الوقــــت ... بصــــوت.. بـــابــــا
:)
اللهــــــــــــم بلغنــــــا رمضــــــــان
14 comments:
اللهم بارك لنا في شعبان وبلغنا رمضان
ربنا سبحانه وتعالي يتقبل منا ومنكم صالح الاعمال ان شاء الله
تحياتي
اعتقد اني اول تعليق
مش كده؟
يااه الايام بتجرى بسرعة
لسه فاكره رمضان اللى فات كأنه امبارح:)
اللهم بلغنا رمضان
ربنا يارب يبلغنا رمضان وهو راض عنا ويتقبله منا
ربنا يعنا على ذكره وشكره وحسن عبادته
* اللهم انك عفو تحب العفو فاعفو عنا
اللهم آمين
كل سنة وأنتم بخير
جعله الله في ميزان حسناتك
احساس رمضان مختلف فى كل حاجه:)
من أول الفوانيس للشوارع للجوامع لشكل الناس لارواحنا لطبق السلطة :)
كل سنة وانتى اطيب واطيب
وسنينك الجايه كلها تقضيها فى احسن حال
:)
هبة
كلامك جالى ف وقت محتاجة اسمعه فيه
ومعنديش رد
غير انى عيطت قوى
لأن ممكن حد يحس بيا كدا
مع ان بقالنا فعليا تقريبا 3 سنين
مشوفناش بعض
وشوفنا بعض مرة واحدة بس
مش غريبة دى ؟
ولا إيه ؟!
معرفش
غير انى فاكراكى قوى
وانتى بتتكلمى بطريقة مميزة
ولطيفة
وبتمنى لو هنتقابل تانى
ان شاء الله ف المستقبل
بس حاليا ودلوقتى حالا
عاوزة اقولك
انى ممتنة ليكى جدا
لأن كل اللى كتبتيه
هوه تقريبا كل اللى تاعبنى
وسؤالك عنى
بيقولى انى مش لوحدى
وان فيه ناس شايلة همى
من غير حتى ما اطلب منهم
ربنا ما يحرمنى من سؤالك
واهتمامك
ومحبتك الصافية دى ابدا
وبوسات وحضونات
يا من غير ما توشى
بترفلاية رقيقة صغننة
:)
سندباد
كدة :)
آمين يارب. ربنـا يتقبل منا و منكم إن شاء الله
نورت يا فندم بتعليقك "الأول"و دعاءك :). شكرا لتعليقك
موناليزا
بتجري فعلا يا مونا. ربنا يبلغنا جميعا رمضان إن شاء الله
البلوج افتقدك :)
آخر العنقــود
آمين يارب. ربنا يتقبل منا ومنك يا جميلة
:)
اللهم بلغنا رمضان
كل سنه وانتى طيبه :))
كريمة سندي
آمين يارب
كل سنة و انت طيبة يا جميلة :). شكرا لمتابعتك
نـــور
شكرا يا بيبا على دعواتك الجميلة أوي دي :). بس إيه حكاية طبق السلطـة دة؟؟
كل سنة و انت طيبة و يارب دايما تكوني مبسوطة و مرتاحة يا جميل. نورتي
فاتيما الجميلة
:))
أنا اللي عيطت من كلامك الفظيع دة والله لما قريته :). ربنا يسعدك يا حبيبي إن شاء الله و يفرج كل همك
بس انت بجد لسة فاكراني فعلا؟؟؟ :)و طريقة كلامي كمان؟. بصراحة استغربت أوي أول ما قرأت الجملتين دول بس مش هنكر إني بجد اتبسطت جداواتكسفت جداجدا :). طريقتي مميزة إزاي مش عارفة
بس فرحانة إنك فعلا لسة فاكراني الحمـدلله
إن شاء الله نتقابل تاني يا تمتومة يا طيوبة. هيسعدني أوي إن أشوفك تاني بجد... و زي ما قلتلك كتير.. انت قلبك جميل و أبيض أوي، عشان كدة هتلاقي كتير طول الوقت فاكرينك و بيدعولك
مفيش شكر ولا امتنان بين الاخوات. بحبك وعشان كدة بفكر فيكي وشايلة همك يا ستي :). متعرفيش أد إيه فرحني كلامك وزعلني كمان شوية ...ربنا يسعدك يا فاتيما و يخليكي لي.بجد فرحت أوي أوي بتعليقك هنا اللي مش توقعته
Bent men elzaman da!!
آميــن. يارب بلغنا رمضان و تقبله منا
و انت طيبة يا بنوتة ;)
Post a Comment