غــالبا محدش فاكـرني أساسا
و يمكن كمـان قليلين أوي الي يقرؤوا البوســت دة
بس أهه.... :) هعمل إيه؟؟ لسة فعلا بــحب المكان دة
و لــسة كتير أوي أوي بشتاقله
الظروف الصحية "البسيطة الحمدلله" بقت تخليني مش ينفع أقعد أدام الكمبيوتر غير للضرورة "إلى حد ما".... أو بس لوقت مش طويل، بس كمــان فيه سبب تاني لغيابي و هو إني اشتغلت :))).... و على أد ما الشغل فيه الحمدلله استمتاع شخصي بحسه و بفرح بيه إلى حد مــا..... على أد ما هو متعب جدااااااااااااااااااا جدا..... و كمان فيه مجهود بدني كتير غير العصبي.. و دي مشكلة عشان ضهري اللي مش راضي يخف كويس دة، و بفضل أضحك لما ألاقي صحابي في الشغل بيقولوا إن ضهرهم وجعهم أو رجليهم من الشغـل.... هو فعلا يهد
أنا خايفة أوي و قلقانة لا ضهري يفـضل كدة طول عمره
مش ممكـن ؟؟ أتمنى لأ طبعا.. بس فعلا خايفة شوية لا يكون مع أي مجهود زيادة أو حاجة تقيلة يوجعني تاني
كدة يبقـى مش هينفع أروح دريم بارك تاني
:D
مش هينـــــــــــــــفع
وحشتني حدوتة و حكاياتها
ووحشتني طيبة قلب سمية و سلمى وجمالهم من جوا
وحشني أكتر رقتك يا مــــــــــــــــــــنى
انت عارفة بحبك أد إيه :) ...ووحشتني روفي اللي مش بقيت بشوفها.. لا في الحقيقة... و لا حتى في أي صفحة على النت أقابلها صدفة
طب يا ستي تعاليلي في حلم طيب !! يللا الحمدلله
المهم إني مش عارفة بكتب إيه
بس حسيت إني بقالي كتير اوي اوي اوي مش كتبت.. و عايزة أكتب .. و عايزة أسلم على بلوجي.... و قبل بلوجي العزيز....... ناس بتهتم و سألت علي رغم إني مش بقيت بزور المدونات التانية اليومين دول خالص
ربنـا يخليـكوا لي
طبعا أنا مش كــتبت غير قليلين جدا و اللي حشوني كتيييير أوي فعلا، بس مش عارفة :) أ،ا بس كتبت اللي جوايا دلوقتي حالا وبس و هنشره رغم إنه مش حاجة مهمة لأي حد.... بس هو اللي جوايا
يارب أكتب تاني قريب
:))
و أحكيلكوا على شغلي يمكن
19 comments:
:)))))
يعنى ما وحشكيش تتفرسي؟؟؟
ازيك يا قمرة
سلامة ضهرك الف سلامة
طيب انا ضهري بيوجعنى علشان عجزت باين
لكن انتى ضهرك بيوجعك ليه؟؟
شوفي دكتور
و فيه حزام فى الاجزخانة للضهر
و شوفي اذا كان ينفع تعملى رياضة علشان تقوى عضلات الضهر علشان مش يوجعك
مبروك الشغل ربنا يثبت اقدامك يارب
انتى كمان وحشتينا يا بنوتة
تحياتي ليكي
:)
ربنا يتم شفاكي على خير يا فراشة
ويارب يقويكي في الشغل الجديد ويكون انجاز جديد ليكي ويوفقك فيه دايماً
ومبروك على الاخبار الحلوة
وألف سلامة مرة تانية
ربنا يعزك ويكتبلك كل خير يا فراشة
:)
بلوجك نوّر بيكي اكيد
مبروك على الشغل وان شاء الله يكون بداية لمستقبل مهني مشرق ومش بعيد بعد شوية صغيرين نقرا اسمك في الجرايد
الف سلامة عليكي ويارب تكوني احسن ان شاء الله
وانا من موقعي هذا ومن واقع خبراتي في آلام الجسد عامة والضهر خاصة احب اطمنك انه حاجة "عارضه" حتى مش وصلت انها تكون قائم
يعني اينعم بين التلات خشبات بس مش جون
وطبعا "ولو" يعرف اكتر
مش تتأخري على بلوجك تاني
مش تعملي زي ناس كتير وتقعي من على الشجرة علشان انتي من الناس القليلين اللي لسه بسببهم باجي جنينه بلوجر
يارب دايما بخير
الامضاء
انه أنـــــــــــــا
ان شاء الله ربنا يتم شفاكى على خير قريب اوى
انتى واظبى على انك تعملى لظهرك كمادات سخنه اللى هى بالمخده الحراريه او لو مش عند نامى وحطى ورى ظهرك قربه سخنه وادهنيه
وكمان اشربى ماء بعسل بنية الشفاء ده العسل مذكور فى القرآن ان فيه شفاء
انتى كمان وحشتينى يا بوبه
ويوم ما بفتح مدونتى او اى حاجه على النت بفتح مدونتك
بجد قلقت عليكى وقعدت اقول طيب انا اعمل ايه مش عندى وسيلة اتصال واحده بيها غير المدونه اللى واضح انها مش بتدخلها ...
مبااااااااااااااااارك على الشغل
بس انا كده زعلانه من الشغل عشان بيخدك مننا
بس المهم انتى تكونى مبسوطه فيه ان شاء الله
ربنا يسعدك دايما يا عسوله
و مش عارف اقولك ايه على كلامك الرقيق اللى انتى كتبتيه عننا
الف سلامة عليكي ياهبة
لاء ان شاء الله هاتخفي وتبئي زي العسل وتروحي دريم بارك علي طول:)
الف مبروووووووووك الشغل هي دي الأخبار ولا بلاش
ربنا يوفقك دايما يارب انتي تستاهلي كل خير
مبسوطة علشان انتي مبسوطة
يارب دايما ياأحلي فراشة في الدنيا :)
لآ انا فاكراكى يافراشه الف سلامه عليكى متخافيش م حكايه ضهرك دى كتير بيعانى منها ويمكن المشكله الكيبره فيها القعده الغلط وادام الكمبيوتر كتير بس ان شاء الله تبقى احسن .. والف مبروك ع الشغل وربنا يوفقك فيه ان شاء الله ..يارب تفضلى تكتبى على طول ومش تبطلى كتابه بحجه الشغل والتعب بقى .. الكتابه دى احلى حاجه تخرجى بيها الى جواكى انا يمكن بقالى فتره بتابع مدونتك وبحب ازورها باستمرار يعنى هتلاقى ناس كتير مستنياكى امضاء المجهوله
الف سلامة عليكى تقومى بالسلامة انشاء الله .. وبجد أعذرينى انى مش بجى كتيير عندك بس انا والله كمان مش بخش على المدونة بتاعتى خالص مش عارفة لية بقيت كدة .. سؤال هو منى اللى وحشتك دى أنا ؟؟ .. لو أنا فبجد متتخيليش أنا أنبسطت أد أية لما لاقيت أسمى وان لسة فى حد فكرنى وبيحبنى .. ولو مش منى دى أنا فا يكفى أنها على أسمى هههه وبردة مبسوطة .. وعلى فكرة أنتى أول واحدة بزورها أول لما بجى المدونة عندى
.. ومبروووك صحيح على الشغل وبالمناسبة الشغل أنا كنت عملت جروب عبى الفيس بوك علشان يساعد الناس اللى مش لاقية شغل لو تحبى تبعتى اللينك لاصحابك علشان أنا جايبة كم كبييير جدا من الأيميلات ومقسمها على حسب التخصص ودة اللينك
http://www.facebook.com/?ref=home#!/group.php?gid=352996444013&ref=nf
ومبروك مرة تانية على الشغل
تحباتى يا جميلة
طيب كويس أساسا أنك عندك قدره علي الكتابه
تخيلي بقي لو أنت عاوزه تكتبي ومش قادره تحطي القلم علي ورقه بيضه
لأ أساسا مش قادره تشوفي ورق من الأساس
منوووووووووووووووووره دايما
الف سلامة عليكي وربنا يقويكي ويسلم ظهرك من اللألم يارب..مافيش سلام ليا طيب؟
هههههههه
طب سلام وخودي بالك من نفسك
مين قالك انها مش حاجه مهمه لاي حد ده اولا يعني؟؟؟؟؟؟؟؟
ثانيا الف سلامه عليكي ياجميل الف بعد الشر عليك
والف الف مبروك علي الشغل وربنا يوفقك يارب ان شاء الله
وخالي بالك علي نفسك كتير اوي واهتمي بصحتك دي نعمه كبيره اوي
مش مهم تقعدي كتير ياستي المهم تبقي كويسه وتطمنينا عليكي من فتره للتانيه
انا فكراكي وفاكره كلامك الحلو والله من ساعه تعليقك وانتي معلمه في دماغي
ربنا يبارك فيكي ويديكي الصحه وطوله العمر
انا كمان ضهري والله بعاني منه اظاهر كل المدونين من القاعده ولا ايه موش عارفه
تحياتي ياجميل
مفروسة يا مفرووووسة
:)
لأ طبعا وحشتيني يا جميل
ووحشتيني أوي كمان
انت حد طيب أوي. مش بتهيألي ممكن أنساكي يعني :). أنا الحمدلله بعمل تمرينات معينة الدكتور قالهالي... هو بس تأثير الإصابة "أو هكذا أتمنى :)" و يارب يروح لحاله قريب ان شاء الله
شكرا على سؤالك
و شكرا على اهتمامك
و شكرا على كتيـر أوي ياجميل
Sakayar,
آمين يارب
شكرا يا فندم :). يارب فعلا يكون إنجاز جديد عشان نفسي أوي أوي أحس إني فارقة شية مع الناس وأعرف يكون لي تأثير
ربنا يسهل إن شاء الله
شكرا بجد على تعليقك. أسعدني بجد
ألف سلامة عليكي يا هبهوبة
أسأل الله العظيم رب العرش العظيم أن يشفيكي
أنا بعدت حوالي شهر أنا كمان
ورجعت كل لينكات المدونات اللي كنت بتابعها راحت
وكل كام يوم بلاقي واحدة
المهم شفاك الله وعافاك
وإن شاء الله آجي المرة الجاية ألاقيكي في أحسن حال
وربنا يبدلك عظما خيرا من عظمك
مبروك على الشغل
ومستنية حكايته
ولــو
و بلوجي نور أكتر بيك
:)
الله يسلمك. شكرا ولو. أنا دلوقتي أحسن الحمدلله، و الألم فعلا خف شوية كويسين الحمدلله
تعرف؟؟ :)و لا خلاص بلاش
يارب تكون فعلا بداية لمستقبل أحسن إن شاء الله. عندي أمل ربنا يسهل إن شاء الله. بس ليه اسمي؟؟ :( أتمنى مش يكون ساعتها في صفحة الحوادث طيب ! إن شاء الله مش هقع.. أد ما أقدر يعني:). هو أنا كدة شايفة إني أصلا واقعة من ع الشجرة دي من زمان بس هحاول مش أختفي أكتر من كدة
طب اللي وقعوا دول وقعوا ليــــــه؟؟ مش ممكن يرجع ناس منهم يعني؟
شكرا بجد يا ولو. أسعدني كتير تعليقك. أتمنى تكون دايما بخير وسعيد وراضي
وحي القلــم
الحقيقة إني مش كتبت حاجة خالص
لو عليكي كنت هكتب أكتر من كدة أكيد، و لو على الناس التانية فأنا كنت هقول ناس كتيرة أوي بفكر فيها علطول. بس مش دة اللي حصل لأني قررت أكتب فجأة، ولسة مش كان مفروض أقعد كتير برده
الشغل مهرية فيه الحمدلله بس بحبه :). ربنا يسهل ويعيننا كلنا
ياترى ضهرك انت بأة كويس؟؟ أتمنى يا سمسمة.. وياريت مش تزعلي من الشغل دة..... أنا للأسف من قبله أصلا مش بكتب، بس هحاول بجد أبقى أكتب أد ما أقدرغشان فعلا لسة بحب المكان دة
مش هكدب و أقول زي زمان لأن فيه كتير أوي حاجات اتغيرت هنا :(.. بس فعلا لسة بحب العالم دة أوي
ربنا يطمننا عليكي يا جميلة
قلب ينبض الله
شكرا يا رودا يا جميلة
كنت هفرح أوي أوي لو كنت سمعت صوتك الفترة اللي فاتت. بس ولا يهمك
:)
أتمنى تكوني بخير يا رضوى، و تكوني مبسوطة أكتر و أكتر كل يوم
انت كمان فعلا تستاهلي كل الحير بجد
anonymous,
شكرا على التشجيعة الجامدة
:)
و شكرا كمان على كلماتك اللي أسعدتني دي. حسستيني إن بجد احتمال يكون حد لسة فاكرني:) و يفرحني إنها تكون انت وانت مش عندك بلوج أصلا
ضهرى مش كان بسبب الحاجات دي لكن عشان الإصابة. بس الحمدلله دلوقتي أحسن شوية، وبحاول فعلا مش أقعد على الكمبيوتر كتير غير عشان أدور على حاجة للشغل
معاكي جدا.. الكتابة دي حاجة جميلة أوي أوي. صعب أستغتى عنها بتهيألي :). شكرا لاهتمامك يا جميلة
ياستى ربنا يرجعك بالسلامه
ويعفى عنك وضهرك يخف بقى
وكمان شغلك يبقى سها
والدنيا تبقى جميله تقدرى تقعدى على الكمبيوتر عشر سعات كل يوم
وتعملى بوستات كتير زى زمان
تحياتى
السلام عليكم
ازيك يا فراشة؟ ، أتمنى تكوني بخير
ألف سلامة ليكي ومبروك الشغل
أنا هنا ، لسه فاكرك
الموءود
Post a Comment