تقبــــل الله منــــا و منــــــــــــكم
:)
يـــارب كل الناس اللي بحبها يكـونوا دايما مبسوطين أوي و راضيين و ربنــا راضي عنهم
. . . . . . . . . . . . . . .
بمناسبة العيــــــــد و إني مش عندي حاجة أكتبها يمكن :$ :$، و زي ما بيقــولوا العيد فرخــة :) ... حبيت نفرح مع بعض و نضحك، فياريــت أي حد يدخل هنـا حتى لو مش بيحب البلوج دة بس يكتب نكتة عشــان نكون سبب في إسعاد بعض و لو للحظات. إيه رأيكوا؟؟
:)
بس رجـــــاء خـاص بلاش الصعيد عشان بجد بزعل جدا. يعني لا واحد صعيدي و لا حتى بورصعيدي :). هو "واحد"و خلاص
عســــاكم من عوادة
:D
25 comments:
هلا فراشه
انا جاية ألحق أول تهنئة
كل سنة وانتي طيبة وعيد سعيد عليكي يارب
وبما اني معنديش نكتة حالا حالا حالا
فانا هاضحك مقدماً
وهاروح أجيب نكتة واجي جرييييييي
:)))
Lyssa
مره واحد محمل فراخ
وهوه معدي دخل علي كمين
سالوه الظابط : محمل ايه يا اسطى ؟؟
قالو : فراخ يابيه
قالو : بتاكلهم ايه
رد عليه : باكلهم علف ودره
قام الظابط قالو : لااااا
الفراخ مايكلوش علف و دره
دول بيكلو لانشون وبسطرمه
وراح عملو مخالفه
السواق بعد مامشي دخل
عالكمين التاني فالظابط بيسالو :
محمل ايه يا اسطى ؟
قالو: فراخ يا باشا
قالو : بتاكلهم ايه؟
قالو لانشون و بسطرمه
قالو : ازااااي ... الفراخ بتاكل دره وعلف مش لانشون وبسطرمه
وراح عملو مخالفه
السواق بعد مامشي دخل عالكمين التالت فالظابط بيسالو :
محمل ايه يا اسطي ؟
قالو فراخ يا باشا
قالو : بتاكلهم ايه؟؟
سكت شوية و راح قايلو : بص يا باشا انا بدي كل فرخه نص جنيه
وهيه تاكل اللي علي مزاجها
______
انا جايبها من ع النت ..عالله تضحكى بقى
كل سنة و إنتى طيبة يا هبهوبى
و و انتى كمان أرق بترفلاية شفتها
كل سنة وانتِ طيبة
ربنا يسعد أيامك دايما
كل سنه وانتى طيبه
انا معرفش نكت
بس ضحكت على نكته فاتيما بجد
عيد سعيد
:)))
وانتو طيبيــن يا أحلى ناس
فاتيما أيوة النكنة بحبها بجد :). شكرا أوي على اهتمامك :)). و يا ستي أي وقت تفتكري نكتة تعالي قليها مش هقول لك لأ
كل سنة وانت طيبة يا حبيبتي
ليسا مستنية إنك تيجي تــــاني
و انت طيب يا محمد غالية
رحيل... بفتقد وجدك هنا أوي
بجد أسعدني وجودك حتى لو مش عندك نكتة :). كفاية إنك تضحكي
كل سنه وانت بالف خير وصحه وسعاده
كل ستة وانتى طيبة وعيد سعيد عليكى أن شاء الله والسنة الجاية تكوني محققة أحلامك فى الحياة
بخصوص النكتة
مرة واحد بس مش متاكد كان صعيدى ولا لا
:P:P:P:P
ازيك يا جميلة عاملة ايه
كل سنة وانتى طيبة بكل خير
العيد فرخة هههههه
ياستى ربنا يجعل كل ايامنا اعياد وفرحة وسعادة
:)
من دواعى سرورى وفرحتى انك بتفتكرينى فى العيد :)
بالنسبة لكلمة كل واحد يكتب نكتة فخدى عندك ياستى
.
.
.
.
.
.
.
.
.
.
.
.
.
.
.
.
.
نكتـــــة
هههههههه اى خدمة
يارب تكون النكتة عجبتكم
:P
فين العيدية بقى
:P
تحيـــــاتى
نكتـــــة
كل سنة و انتي طيبة
بس عساكم من عوادة دي خليجي يا فندم
انتي كنتي زميلة و في الخليج برضة ولا اية :)
بصي , بصراحة موضوع النكتة دة ممكن تعفيني منة , لسة مخلص شغل و مش شايف حاجة :(((((((((((
طب أقولك . بيقولك واحد رخم عاش في الدور , جة واحد أرخم منة عاش في الدور اللي فوقة
:)
لو معجبتكيش , احرميني من العيدية
كل سنة و انتي طيبة
و عساكم من عوادة
عزيزتي الفراشه
كل سنه وانتي طيبه
انا عندي نكته هتفوز بالمركز الاول
مره واحد فتح الثلاجه لقى الجيلي بيرتعش قاله متخفش انا جاي اشرب بس
:))
مرة واحد بخيل نام فحلم انه بيوزع فلوس علي الناس فصحي مفزوع وقال ابقي حمار لو نمت تاني
ودي عشان الناس الصعايده
:)
مرة 6 صعايدا كانوا عايزين يعلقوا لمبة واحد مسك اللمبة و 5 لفوا السقف
:)
انا مبسوطة اني اكتشفتك النهاردة :)
مدونتك جميلة و طبيعية
:)
كل سنة و انتي طيبة
عيدك مبارك
انا مش فاكرة اي نكت دلوقتي
طوبة فضة وطوبة دهب
وانت طيبة :). شكرا على التهنئة الجميلة
كل سنة وانت أسعد
رئيس جمهورية نفسي
امممم... :). طب أنا مستنية بقية النكتة عشان دي مش هحسبها
كل سنة و رئيس جمهورية نفسه أسعد إن شاء الله
نورت
Hadouta حدوتة
حدووووتة
أهلا أهلا
:)
و انت طيبة يا توتة
مش عارفة ليه حسيتك هتقولي "ياستي ربنا يجعل كل أيامك فراخ!!". ماشي يا ستي عجبتني النكتة بتاعتك
:)
ضحكت بجد
و بفتكرك كتير على فكرة يا صاحبة الحواديت
ربنا يسعدك صديقتي البعيدة
...amr,
و انت طيب
زميلة ولحد من كام سنة كنت بحب الكويت أكتر من مصر ألف مرة :) بس الحمدلله ربنا هداني
شكرا على النكتـــــة :). أخيرا حد رفع معنوياتي تاني وقال نكتة بعد فاتيما
وواحد غلس تاني راسه خبطت في عمود قال أحسن
وواحد قصير أوي عطس راسه خبطت في الرصيف
وكفاية كدة عشان نكتي مفيش أسخف منها :).قلت بس أشارك
شكرا على زيارتك بجد
انسان مقيــد
جميلة أوي نكتك :). ربنا يكرمك
بجدكلهم حلوين وبتاعة البخيل تحفة أول مرة أسمعها
نكتة الجيلي دايما فايزة بابتسامة الناس اللي بتحبها ودة كفاية:). طبعا كسبانة المركز الأول
بس الستة مش كانوا صعادية :). معلش
ملحوظةصغيرة:من غير ماتاخد بالك كتبت باللينك بتاعك ولا بتهيألي؟ :). كل سنة وانت طيب
قهوة بالفانيليا-شيماء علي
يعني أنا اكتشاف العيـد؟؟ :) أحمدك يارب
شكرا على رأيك اللي أعتز بيه يا شيمو. و نورتي المدونة ياريت تتكرر تاني
:) عيدك سعيد
كنتي في الكويت
مش بقولك زميلة :) ... أوعي تكوني كنتي ساكنة في الفروانية
لول
أقولك على سر , انا كنت زيك برضة , لغاية قريب قوي كنت بحب الكويت أكتر
بس , اكتشفت انة هنا في مزايا و عيوب , و هناك كذلك برضة
كل سنة و انتي طيبة
السلام عليكم
كل سنة وانت طيبة يا فراشة ، وعيد سعيد عليكي وعلى كل أحبابك.ر
إنتوا يا بهوات
يا بتوع كنا بنحب الكويت اكتر من مصر إنتوا
فكرونى اقطم رقابيكو لما اشوفكوا
على الجملة دى
إيه ؟؟؟
رجعتوا ف كلامكم
و غيرتوا رأيكم
طيب كويس إنى شوفت السطر دا
عندك إنتى و عمرو
أل الكويت احسن أل
طب اتعكننت خلاص و مش قايلة نكتة تانية يا هبهوبى
يا فراشاية
يا رقيقة
بس بوسة و حضونة برضو
عشان مش هتهونى عليا امشى من غير ما اديهمولك
amr..,
اكيد :). مزايا وعيوب في كل مكان
بس الغربة وحشة أوي أوي أوي،ومش بيحس بجد بطعم مصر غير اللي جربها
مش كنت في الفروانية مش تقلق :). بس أنا مولودة هناك وكنت عارفة كل شبر فيها "ساعتها". أهلا وسهلا بيك تاني
هيثم مكـارم
وعليكم السلام ورحمة الله وبركاته
شكرا ليك :)
تقبل الله منا و منكم يا فندم
فاتيما
:))))
أولا.. شكرا بجد على البوسة والحضونة اللي ساعات كتير فعلا بحسهم مش عارفة ازاي :). بس بتبسط بجد أوي منهم
ربنا يسعدك يا تمتومة
ثانيا... لو لسة بتفكري يبقى فكريني أنا بأة إني أحاول مش أشوفك عشان عايزة أحافظ على رقبتي وربنا يستر
:P
لأ بجد نفسي أشوفك فعلا
الحمدلله ياستي إننا رجعنا ف كلامنا :). بس دة مش يمنع إنها فعلا فيها حاجات كتير جميلة أوي مش موجودة في مصر
أولهم النضافة والقوانين :(
ربنا يصلح الحال هنا يارب
ثالثا..... :( عايزة نكتة بأة
و"وش بيبي زعلان" أهه
:)فرحانة بجدإن ليكي تعليقين عندي في بوست واحد
و ادى التعليق التالت يا ستى
عيد بقى
و الدنيا مهيصة
خدى عندك
------------------
اخترعوا في امريكا جهاز
بيمسك الحرامية
جربوه في امريكا
و ف خلال 30دقيقه مسك 20 حرامي
في انجلترا خلال 30 دقيقه مسك 30 حرامي
في اسبانيا خلال 30 دقيقه مسك 45 حرامي
في غانا خلال 30 دقيقه مسك 200 حرامي
في مصر خلال 15 دقيقه
الجهاز اتسرق
=========================
مرة اتنين متاخرين على المدرسة
الاستاذ بيسال الاول :ايه اللى اخرك؟ قاله: كانت فيه 5 جنية ضايعة منى
و بدور عليها
فمسك التانى و قاله: وانت ايه اللى اخرك؟؟
قاله : اصل انا اللى كنت دايس عليها
======================
توام بيقول لاخوه التوام و هو متنرفز : انت كنت فين ياعم ...امك حمتنى مرتين
======================
مرة تلميذ بيسال الاستاذ:هو ممكن ربنا يعاقب الانسان على حاجة معملهاش ؟ قاله له : لا طبعا
ففرح التلميذ اوى و قاله: الحمدلله اصل انا معملتش الواجب
======================
بخيل وهو بيموت قعد يسال علي عياله الأب : فين محمد؟؟
قال محمد : نعم يابا
سأل البخيل : وفين محمود؟
رد محمود : انا هنا يابا
الاب : ايه ده؟
انتم الاتنين هنا
وسايبين نور الصالة والع؟
=================
عريس مسطول على الآخر في يوم فرحه بعد المعازيم مامشيوا
دخل البيت لقى العروسة قاعدة
هرش ف دماغه و راح قايل
والله انا كنت عارف إن في الهيصة دي هاينسوا حد
====================
بس كفاية نكت هناخد السنة كلها ضحك و لا إيه ؟
يا هبهوبى
معاكى طبعا إننا ف البلد دى نفتقر لأبسط الحقوق الإنسانية
بس ارجع و اقول طب ما الناس
هما السبب
إنما الأرض و السما و الشوراع
و النيل و البحر و الهوا اللى بنتنفسه فى مصر ذنبه إيه؟؟
و بوسة و حضونة
تانية غير اللى فاتوا
مش بس ابتسمت :) .. ضحكت كمان :)
:))
انا بتبسط جدا من كومنتك من غير اى حاجة
:))
اسكت بقى اعتقد انى عارفاها .. انما متفكرنيش .. مخدش بالى منها .. انما ننزلها ونشوف
;)
الحكاية كلها مود مش حلو
:)
بس مش اكتر
انما انا تمام اهو وجاية اعلق واسلم على الناس اهو
اقول نكتة تانى ؟؟:D
.
.
.
.
.
.
.
.
مرة واحد طلع ع المعاش معرفش ينزل
:D
تحيااااااتى
:)
Post a Comment