Whispers

2011.. U were special dear :). Bye Bye

2011-12-15T23:51:00.001+02:00

مـش باقي من السنة غير نص شـــهر.. نــص شــهر بس

السنـــة دي كـــانت سنة زحمــة أوي. حـــصل فيها فعلا أحداث كتيــرة للبلد كلها.. لي كمــان شخصيا.. :) كـــانت ســنة لذيذة الحمــدلله

يـــــــــوم 1-1-2001

كـــان يوم عادي؟؟ :). اممم..... بالنسبــة لي مش كــان عادي خالص

مــع شروق أول شمس لأول يوم في السنــة دي.... :)) كــنت على أعلى قمة في مـــــصر

و أنا بشوف الشمس لسة بادة تطلع أشعة خفيفة من ورا السحاب الساحر الكتيـــــــــــــــــــــــــــر اللي كان حوالينا دة ...ابتسمت.. و غمضت عينيا و فردت دراعاتي جامد

ابتسمت و اتمنيــت جوايــا السنــة دي تبقى غير أي سنة عدت عليّ، و أي سنة على بلدي و الناس التعبانة فيها، و دعيت ربنــا إن السنة دي نشـوف فلسطين و أهلها من أسعد البلاد اللي في الدنيــا كلها

غمضت عيني و حسيت بالطيران بكل معنـى الكلمة.... الدنيا مش برد، دي تلج....... تحت رجليا كله أبيض و الهـوا فعلا جامد أوي لدرجة إنه ساعات ممكن يزقنا و إحنا ماشيين

كـــانت أول مرة لي أطلع جـــبل سانت كاترين

مش أول مرة أطلع جبل الحمدلله، بــس أول مرة في حياتي أطلع سانت كاترين..... جبل كـنت متحمسة جداجداجدا أطلعه، بس و أنا في آخره.. قررت إني مش أكررها تاني أبدااااا و أطلع أي جبل تاني غيره لأني كنت تعبت تعب عمري ما حسيته في أي حتة تانية

طبــعا كل الكلام دة اتلغى تماما بعد ما طلعت القمــة و شفت المنظر من فوق :)))، و شفت التلج اللي بجد و لعبت بيه مع كل الناس اللي حواليا....و بعد مــا شفت السحاب حواليا في كل حتة...و إحنا فوقه و مش فوقينا غير السما
كل السحاب تحتنا و بس.. بحــر من السحــاب عقلي عمره ما كان يتخيله

فـــوق الجبل دة..... اتمنيت إن بداية السنة الجديدة دي تبقى جميلة في كل حاجة زي المنظــر الخيالي اللي أدامي دة

حتى لو محـدش قرأ الكلام دة :))... بكتبه عشان أفكر نفسي بيه بعد سنين إن شاء الله لو فيّ عمــر

To Be Continueeeeeed ...

Rain Again ^_^

2011-11-27T19:14:00.001+02:00

Dear Rain.....

Thank you :)

You've made me finally Smile .

2011-11-08T09:56:00.003+02:00

Why isn't the sky so charming?? :(

It makes me really disappointed !

NovemBer

2011-10-30T17:57:00.002+02:00

I'm eagerly waiting for the sweet November :). I just adore this month.

I've always liked October as it has beautiful unique weather&"most of the times" ... tender breeze and refreshing winds. And... :) coz of my birthday of course :D

But November is still so special, so unique, and so distinguished....... If you look at the sky anytime in November,..... you'll just fall in love with the scene. You'll have a different feeling and a smile will be drawn on your face then.

I LOVE the unforgettable sky in November, its colors, purity, cottony clouds some other times. . . I just miss it

And I'm waiting now

Of course& unfortunately.. that's not a photo taken by me.

BaCk ..

2011-10-01T20:49:00.000+02:00

The last couple of days have been very nice, interesting, full of joy and fun for me.

I've met a lot of people, the day had some surprises "by chance", and I changed the mood more than once.

Days were so full of laughter, laughter that turns to joyful tears sometimes.

I met my best friend 2 days in a row..... something that didn't really happen for a looooooong time since she got married!!

I bought some of the very special things for me, things I like,.... for people I love.

I got a helium balloon for one of the dear people at work as she's getting promoted, bought a bunch of pink& light purple flowers for an old friend whom I haven't seen for years!! I just felt at the end that I'm buying things "I" like :))) even more than thinking about the other party getting these simple things!

I myself... got another bunch of flowers a day before the sequence of Nice Days started :D.Got it from my group after they've finished their exams. And..... a veeeeeery nice sweet cutie gift with the flowers.

A few days that were full of emotions. However, I don't know why..... I'm feeling that I'm missing something :(.

I was feeling so happy, really enjoyed it...................... A LOT .

But still..... Something is not there! Something is preventing me from feeling the real nice taste of happiness, even for these couple of days. I don't know how, I don't know why........ Sometimes I just feel that.. :( I still need a friend!!!!! Still lonely! Ezzay?? Ma3rafsh !!

مطــــــلوب صــــــــــــديـق :)

حـــفل توقيع لكتاب... رئيس جمهورية نفسه:)

2011-09-01T17:00:00.004+02:00

رئيــس جمهــورية نفســي... واحد من المـدونين اللي بعتز بيهم جدا جدا، شــاعر موهــوب من الصعـيـد.. و هــو من زوار بلوجــي من كتيـــــــــــر...و دة يخليني أعتز بيه أكتر

بيختفي كتيـر لكن بيرجع تاني أقوى و أقوى

واحــد من الناس المحترمة.. الموهوبة جدا في كتابة الشعــر

بالتعاون مع دار دون للنشــر، "رئيــس جمهورية نفــسي" أصدر أول كتاب ليه في حياته شهر رمضان اللي فــات، اسمــه ذكريات فارس مهزوم

رغــم إني مش اشتريت الكتـاب لسةومش قرأته، ورغـم اعتراضي على الغلاف لأنه مش عاجبني بصراحة غير ألوانه :))، بس عارفة كـويس إن اللي جـوا الكتــاب هيكون فن بجد و شعر يستحق القراءة

حــفل توقــيع كتاب زميلنا المدون من الصعــيد هيــكون يوم الثلاثـاء الجاي الساعة 7 مساءا في "مكتبة الـبلد" في وسط البلد أمام الجامعة الأمريكية...... يــــاريت تشاركوه فرحــته بحلمه الصغــير اللي بأة حقيقة

مــبروك يا سيادة الرئــيس :)

شـــعورغـريب

2011-07-30T17:02:00.000+02:00

جلســت أمام المرآة تستــعد لذلك الحـــفل.. هنـاك شعـور غريب بداخــلها الآن، لكنها لا تدرك بالفعـل ماهيته

منذ الصبــاح.. كلمــا نظـرت إلى المرآة أحست بهـذا الشعــور الغريب

بدأت بتمشيط شعرها الأسود المنسدل وراءها.. لا تعــلم كيــف لم تفكــر اليوم في التسريحة المناسبة له. فكلمــا رتبته على شكل، شعــرت أن هناك بلا شك شكــل أنسب منه لهذا الحــفل ... دومــا تعــرف ما تريد. لم يستغــرق منهــا التفكـير مثل هـذا الوقت من قـــبل

انتهت من تمشيط شعرها و بدأت في وضع بعض اللمســات البسيطة من الألوان على وجــهها.. هي ليست ذلك النــوع من النســاء اللائي يحببن كثيرا مساحيق التجمــيل، و يقومون بـطلاء أنفسهن بهــا كلما تطلب الأمر

تحــب البســاطة في كل شيء في حيــاتها، حتى مع مساحيق التجميل.. تؤمن أن جمالهــا الداخلي هو ما سيــظهر، و أن ما بداخل الإنسان لا شك سيشع كضوء رقيق ليلمــس كل من حولــــه، فمـا الحاجة إذاً لوضع مساحيق تجميل بكثافة

لطــالما أحببت الألوان الرقيقة، لا تحب الألوان الداكنة.. حتى في اختيارها لطلاء أظافرها تلك الليلة، اختارت أن يكــون اللـون هو الزهري البسيــط.. رقــيق متلألئ،و ربمــا للبعــض هو لا يظهــر البتـــة... لكــنها رأته هو المنـاسب لليلة

نظــرت إلى ساعة الحائط المثبتة أمامهــا و قامت لتتأكــد من أنها قد انتهت من كــل شيء

أخـــذت تنظر في المـرآة إلى فستانهـا الفيروزي البسيــط الذي يجعلها كــالنجمة الرقيــقة تتلألأ بين الجميــع، و إلى تسريحـة شعرهــا التي انتهت إليها بعـد تفكيــر طويــل غير معهــود

ارتــدت قلادة فضية عليها قلب يزينه بعض الفصــوص البسيطة، و زينت أذنيها بقرطها المفضــل.و هكـــذا.... اتخذت قرارا أنها مستعدة

ارتدت كل ما ينقصها و أخذت حقيبتها و خــرجـــت من بـــاب الغرفـــــة

. . . . . . . . . . . . . . . . . . . . .

لكنــــها سرعـــان ما عــادت إلى الغــرفة.. نظــرت حولهـــا كثيرا، لكنـــها لم تعــرف ما هو الشيء المفقـــــود..

خـرجت مــرة أخرى من الغرفة لكن خطــواتها هذه المــرة كـــانت بطيئة مترددة

لكنـــها عادت مـــرة أخرى .. فتشت سريعا في حقيبتها، عــادت مــرة أخرى أمــام المرآة، نظرت إلى كـــل شيء حولهــا غيـــر مدركة لما يـجعلهـا تعــود مـــرة أخرى إلى داخل غرفتها

استغـــرقت في التفكــير كثيــرا و هي تفتــش بعينيها في كــل محتويـــات الغرفـة

حتى جلـــست على كرسيها الصغيــر أمام المرآة مــرة أخـرى، فقــد أدركت أنــها.. غيـــر مستعـــدة

In a day like today, 4 years ago

2011-07-30T14:57:00.003+02:00

زي النهــاردة من أربع سنين.. كــنت بادئة أكتب في البلوج دة بالانجليزي و بس.. كــان من المتابعين لي"لفترة قصيرة يعني :)" واحدة معرفش جنسيتها... و في يوم سألتني عن بلدي. فكتبت الكلمات دي

لمــا قرأتها دلوقتي..... لقيتني حاسة نفس الإحساس بالضبط، بس الفرق.. إنه بأة أكــتر شوية يمكن

..............................................................................................

Someone has asked me about my country... well, that's my reply,

I'm an Egyptian Muslim girl. So my country is "Egypt" for sure :) .

A country which I adore. I love its Nile River, its breeze, its beauty all around, even its sand which I'm ready to kiss.. if I know this would make a difference to my country, and also I love it as it's known for its simple kind people.

I love it though I wasn't living in it for many years.

I love it despite every bad thing in it.

I love it though my father isn't with me in it.

But I really adore everything in it. A country that has a special charm, you can not understand what I mean by saying "charm" except when u c it urself.

A country that's seeking Freedom, real freedom of all kinds.

I know u may be saying now "What's up. Egypt has nothing to do with occupation or something!" Yes, That's true, but what I meant by "freedom" here was the freedom of expression, of saying ur opinion freely, the freedom from corruption spreading all around the country... I don't think I 'd like to talk more about it, as I'm not a politician at aaaaaaall : )

And certainly I'm not a patriot as well... I'm just someone who loves her country, .. and wish her the best always.

Hope u got what I wanted to say.

لا تعليـــــق

2011-07-22T23:26:00.005+02:00

ســاعات كتيــر... بيبقى نفسي أقول للسائقيـن المحترميــن شوية حاجات..... أولها.. إن للأسف التكنولوجيا لســة مش وصلت لأن العربية اللي بنسوقها يتركب لها جناحات فنقدر نطيــر في أي وقت لو كنـا مستعجلين"أو عاملين" إننا بجد ناس مشغولة جامد ومستعجلــة

نفســي كمــان أقول للكل في الشــارع إننا مش في سباق...و إن المنافسة بتبقى في حاجات كتيرممكنة... بس أكيــد مش في الشـارع. مـــش لأني بسوق بطيء مثلا بقــول كدة :). لأ خــــــالص للأسف.... الحقيقــة المــرة.. إني نفسي أرجـع أسوق بهدوء تاني لأني من يوم ما تمـردت مش رجعت لطبيعتي في السواقة تاني!! يمكن دة اللي بيستفز البعض؟؟ فعلا مش عارفة... بس اللي أعرفه.... إن فرحة الفوز و الانتصار و ضحكة الاهبلال اللي بتبقى على وش بعض الناس لما يسوقوا بسرعة و يكسروا على حد.....بجد مــش ليها أييييي لزمـة

نفســـي فعــلا يصدقــوا إن الشارع مش حلبة سبــاق.. و إنهم ممكن يفضلوا عادي يمشوا ورا عربية واحدة لشوية وقت لو كانت سرعتها طبيعية و مناسبة.. بجد مش هيحصل لهم حاجة خالص غريبـة

نفســي كمـان يفتــكروا إن فيه ناس تانية في الشارع..غير اللي في العربيــات.. ليهــم حق برده في إنهـم يستعملوا الشارع و واجبنا نسمحلهم بالعبـور لو إحنا في عربيات طالمـا سرعتنا مش فظيعة و مش ورانا حد كابس علينـا... دة حتى الدنيا شمـس أوي و الناس بتكون مخها سايح من كتر الشمس....... حـرام نزودها عليهم بإننا مش نعديهم كمـان

......................................................................................

موقـف صغــير.. بسيط.... حدث منذ أكثر من شهـر.. لكنــي لازلت أتذكره ...و لذكراه أبتسم!!

نزلت أنا و أمي للمكتبة القريبة من المنـزل،و هنــاك... رحـب صاحب المكتبة و قال لي " إزيك يا أمورة؟؟" ( و يمكن نرجع لموضوع أمورة دة مرة تانية في بوست تاني)

أجبته بطريقة عادية "إزيك يا فندم أخبارك ......"، ثم تساءل وهو ينظــر إليّ أنا و أمي

أنا شايفك بقالك كام يــوم كدة مش في المــود.. متغيرة كدة. مش كدة يا مدام؟"، فــردت "المدام" ماما قبل أن أتحدث و قالت " عمهــا اتوفى إمبارح الصبح، إمبارح كــان صلاة الجنازة و إحنا دلوقتي رايحين العزا"

فمــا كان رده إلا أن قــال ياااه. لا حول و لا قوة إلا بالله! ثم نظر إلى أمي و سأل.... هي يعني كانت بتحب عمهـا دة؟

!!!!!

و لا تعليــــــق

..............

تمــاما كمـا حدث مع أخي منذ يومــان حين ذهب إلى انترفيو...... سأله الرجل " انت كاتب إنك من مواليد الكويت. ياترى عشـت هناك ؟" فــرد أخي بأنه قد عاش هناك لتسع أو عشر سنوات فقط. فكــان سؤاله التالي بلا تفكير.." يعني خدت الجــامعةمن هناك بأة؟" !!!! لا أعرف لماذا خطــر على بالي فجأةحديــث حسني مبــارك الشهير عند زيـارته لأحد القرى عندما سأل سيدة..و انت بأة متجوزة؟؟

ردت "لأ"، فكــان سؤاله التالي"و عندك كام عيل؟". حـــــافظ مش فاهــم

لا أعـــــرف لمـــــاذا لا يفكــر الكثيـــرون في حديثهم قبل أن ينطقــوه

.........................................................................................................

سألتنــي..

What hurts you the most?

كــان من الممكن ألا أرد على هذا الســؤال، لكني لم أراه سؤالا بهذه الصعوبة، و لم أر سببا مقنعـا لإخفاء إجابتي. أجبت بسرعة و دون تفكيـــر... أن ما يؤلمني بشدة هو أن أحب شخصا حبا شديدا و أقدره..... ثم لا أجده يبادلني هذا الحــب بنفس المقــدار

صمتت للحظــات ثم أخبرتها بأن هذا هو أكثر ما يؤلمني..و أكثــر ما يحزنني .. هو أن أرى شخصا أحبه و أقدره في مشكلـة أو يعاني بعض الحـــزن،و أراني مكتــوفة الأيدي لا أستطــيع المســـاعدة

لم أعـرف في ذلك اليوم... أني سأشهــد الموقفــين في نفس اليوم لــيلا

فلا أستطــيع المســاعدة...

و أعلـم " صـدفــة" أن واحــدة من أقرب الشخصيات إلى قلبي.. ممـن أقدرهم كثيــرا و أحترمهـم كثيـــــــــــرا جدا قد تزوجت منذ ايــــام..... و لم أعرف أنا إلا عن طريـق الصدفة

لــست غضبانة منهــا أوألومها على أي شــيء، لكــني بالفعـــــل.... صدمت كثيرا رغم علمــي التام بأن احتمـال حضوري لزفافها كــان ضئيلا جدا. لكنـي كــنت بالفعـــــل .... أتمنى أن أشاركهـا فرحتها و قلقها و أمنياتهـا، حتى لــو لم أكـــن بجانبها

كــنت أتمنـى أن أكــون أول من يعرف بزفافها و يسمع لهفتها على الهـاتف.. كنت أتمنى أن أشعــر مــرة أخرى بمــا شعرته عندمــا علمـت بخطوبتها

لم يؤلمني.. فأنا أعرف بظروفـها و أعرف ما حدث، لكنـي فقط.... صدمت..و تــمنيت

يــارب بلغنـــا رمضــــــان

2011-07-10T01:00:00.003+02:00

مـــش محتاجــة أفتكـــر إننا في شعبــان عشان أعــرف إن رمضـــــــان قرب..

وكمـــان مش الفوانيـــس اللي بدأت تنتشـــر في الأسواق المصرية بنــورها الجميـــــــل و هي كلها بتتلألأ مع بعضها و تشدك تتأملها كدة.. هي اللي هتفكرني لوحدها..

و لا حتــــى محتاجة واحدة تقول لي إنها بدأت في ريجيم قاسي عشــان في رمضــان بنتخن "مع إن دايما معايا الموضوع بالعكــس :("..

و لا المســــاجد اللي بفرح أوي لما أشوفها منورة ومتزينة حتى لو الأضواء لونها غريب، بس لمجــرد إحساس إن المساجد بتحتفل بعيـدها..

و لا بأغاني رمضــان اللي سمعتها في شــرم الشيخ الأسبوع اللي فات عند مطعم و استغـربته جدا و اتسجل في تاريخي :)... إنه أول من يذكر الناس برمــضان هناك..

مــش محتاجة أمشــي في الشوارع و أحس إن النـاس نفوسها بدأت تهدى استعدادا لرمـــضان...

لأن ببســــاطة.... :) بابايــا بيفكرني كــل يوم من الخميـــس اللي فات بأغاني رمضان القديــمة المشهورة... و اللي حتى عمرك ما سمعت عنهــــا عمـــــــــــــــرك :))).. إذاعـــة شغالة طـــــــــــــول الوقــــت ... بصــــوت.. بـــابــــا

اللهــــــــــــم بلغنــــــا رمضــــــــان

...كـالبحـــــــر

2011-07-04T15:43:00.007+02:00

كــــالبحـــر

تجدني هادئة أحيانا

ثائرة أحيانا أخرى

أمواج بحري تتحرك بسلاسة..

لكـنها أحيانا عنيفة تدفع بك من أعلى لتغوص معها في الأعمــاق

نعم .. تلك أنا

أحيانا أراني كذلك

و أحيانا أراني لا أشبه البحر أبدا

أجده ساحر يسحر كل من حوله

لكني لست كذلك

و لن أكون

مثله في أني لا أثبت على حال ؟

ربما

...................

كـــالبحــر

تعتقــد أحيـانا أنك تعرفنـــي جـيدا

تظــن أنك قريب منــي للغايــــة

لكنـي لا أظــن :)

فتش في أعماقي إن شـــئت

فمهمــا اقتربـت... لن تصل إلى القـــاع

لن تصــل إلى القــاع إلا إذا سمحــت لك أمــواجي

ربــما تكتــشف بداخلي الكثير، لكن صدقني

بداخــلي عوالم أخرى عديــدة.. لن تستطيـع يوما أن تكشف أسرارها

ستجدني حزينة أحيانا كما تسمع الحزن بين أمواج البحر

مرحة كالموج يلعب مع من يقترب منه ويكون لطيفا

تجد صوته يسعدك في بعض الأحيان ربما

عنيــف في رد فعله مرات أخرى

ثائر لا يهدأ... يعلن غضبه بكل ما أوتي من قوة

لكن اليوم.. ستجده ساكن

لا يسمع له صــوت

شديـــــد الهدوء

قد آثــر الصمــت

ليس لأنه يفضل الهدوء فقط

و لا لأنه حزين

بل سكـونه اليوم هو أقرب للمـوت

كلمات كتبت في مايو 2009،وبعض التعديلات البسيطة من يومين أدام البحر

لــون السمـــا

2011-06-24T02:00:00.008+02:00

بــلون الخــوخ فاكهـة الصيـف اللطيـفـة

كزهــرة غـايـة في الــرقــة

تعجــز الكلمــــات عن وصــف لونهـا الملائكـي الرقـيق

كأحلامنــا الورديـة المتواضعــــة... كـــان لـون سمــــــاء فجــــر هذا اليــوم

.....

كلمات حسيتها يوم 15-6

2011-06-13T01:42:00.000+02:00

Whispers to the night

2011-05-29T00:56:00.005+02:00

..سـاعـات كتيــــــــــــر

بسـرح و بفكــر

يا ترى ف يوم

هـلاقي حد يقـــــدّر؟

.. حد يقــــــدر

يخبينــي جوا قلبــــه

... و في عيــونه أكـــون أجمل

مــش بـس أجمــل، لكـــن حــتى أجمــل بنت في الوجــود

:) يحـسني جميلة حــتى و أنا في أسوأ حالاتـي

بكلمــاته... يرسملي عالم من الورود

حد يشــوفني من جــوايا.. يشـــوفني بروحــه قبل عـــينيه

يفهـــم عينيا.. و يحس باللي جوايـــا من غير ما اقول له عليه

يا ترى بــجد هلاقي حد يفهمني صح؟ حد يقدر مين هي البنت دي و بتفرق في إيه عن البنات التانية...حتى لو بس في عينيه؟؟

:) يـــــمكـــن

One Day..

IroNY . .

2011-05-27T00:24:00.004+02:00

I invited her to the color festival to change her "distracted mood"these days.

In that time.. I didn't know that one day before the festival, this whole day would be covered with inly one color !!

Black ...

As her father passed away.

ربنا يرحمــه و يغفرله .. و يصبر أهله و هوبـي حـــبيبي

!! أرجــــــــوكم... ارجعوا بيوتكوا

2011-05-15T01:57:00.003+02:00

Pic. taken from: mahaalaswad.wordpress.com

عــودة .. إلــى أعداد كــبيرة من الجرحى

إلى أصوات "رصاص" :( بقلب مـــصر

إلى بلطجية و أشخاص مجهولة بقنابل مولوتوف

إلى خـــوف و ترقب صامت في قلوب الجميـــع

إلى صـــور باهتة على شاشات التلفــاز لا يظهر منهــا شيء سوى ظلام الليل و بعض الدخان المجهــول

دخــان حــين رأيته اليوم تذكرت أحداث جمعة مريرة منذ شهــور قليلة كانت

عــودة إلى الجلوس أمام التلفاز لوقت متأخر بإحساس متعب بأني لا أستطيــع فعل شيء لإيقاف ما يحدث هنـــاك

! عـــودة... إلى دبابات تحاول إحاطة المطالبين بحقوقهم لحمايتـــهم........ من مجهولين

. . . . . . . . . . . . . . . . . . . . . . .

اللي بيحـــصل عند ماسبيرو حاجة تدايق أوي

و تقـــــــلق كمـــان أوي أوي

مع الناس إنها تطالب بحقوقها. دة حق ومفيهوش هــزار

بس هــو دلوقتي وقت المطالبة؟؟ مش نبني شوية بعدين نطـــالب؟

الاعتصــام كــان سلمي في بدايته مع ترقب و خــــوف كبيــــــــــــــــــر من كل المراقبين للموقف

دلوقتي هومش سلمي.. يمكن المعتصمين زي مــا هم . بس هم في مكانهم وهم عارفــين إن الفترة دي حرجة علينا كلنا و إن النظام السابق ليه ناسه اللي لسة موجودة وما هتصدق تلاقي مشكلة عشــان تكبرها أكتر و تأثر علينا جدا جدا

لــيه نديهم فرصة إنهم يشوهوا صورتنا و صورة اللي أنجزناه في الــفترةاللي فاتت؟

لـــيه مش نعبر عن رأينا بس بطريقة منظمة أكتر و نفكر و نخطط قبلها؟؟

بـــجد مــع الناس في إنهم يطالبوا بحقهم بكــل الطرق السلمية، بس يفكــروا الأول في الوقت المناسب لكدة

ياريت يفكروا في مصلحة البلــد و كــل المصريين حواليهم ومش يخلوا الصورة ضيقة أدامهم

. . . . . . . . . . . . . . . . . . . . . . . . . . . . . . . . .

الـــجيش المصري الرائـــع، المجلس العسكــري.... لسة فيه ثقة بيــننا

يــاريت يبقى فيه أحكــام رادعة أكتر من كدة

سمعنــا عن أحكــام فعلا رادعة لبلطجية كتير بيرهبوا المصريين و دي حاجة جميلة جدا... بس ليــه القــوة، الحسم، الصرامة و القسوة حتى اللي عارفين الجيــش بيها...... مش ظهروا بقوة و بسرعة في الأحداث دي؟

دي وســط البلد، و أكيد الموضوع كــان متوقع جدا

محتاجين على الأقل إعادة فرض لحظر التجول من العاشرة مساءا مثلا..عشان مش يؤثر على إنتاج البلد

محتاجين قانون صارم و أحكام رادعة ضروري و إلا المهزلة دي عمـــرها ما هتخلص

دي رســالة من بنت مصــرية.. لا هي خبير عسكري و لا مفكر سياسي

. . . . . . . . . . . . . . . . . .

يا شــباب مصر الرائعين... ياريت كــلنا نبقى بجد إيد واحدة فعلا مش كلام، دلوقتي كــل الناس بتتكلم عن الفتنة الطائفية و الحوادث و اللي بيحصل..... و نسيوا كتير عن المحاكمــات و مطالبنا الأساسية...و هــو دة اللي أعداء الثورة و أعداء التغيير عايزينه

يــاريت بجد نساعد بعض وننسى المطالب الفئوية دلوقتي خـــــــــــــــالص

يـــارب احفــــظ بلدي و خليها ترجـــع عظيمة أوي

لحظــات.. بس سخيفة شويتين

2011-05-11T02:18:00.005+02:00

دهشت كثيـرا عندمـا سمعت منها أن "كتب كتابها"سيكــون يوم السبت

كــنت بالطبــع متوقعة أن يكون هذا اليوم قريبا و كــنت في انتظاره...فهي من أعز صديقاتي و كـنت دوما أشعر أن ما نستعد له هو يــوم عرسي أنا و ليس هي

صاحبتي اللي بحبها أوي أوي..... كنت في شدة فرحتي لما كــانت بتقول لي إنها عايزاني أنزل أشوف حاجات معاها استعدادا لخطوبتها...وبعدها لكتب كتابها :).بحب ضحكتها جدا و بحب طفولتها.. بشوفها من أجمل البنات اللي شفتها في حياتي من جوا وبرا..و يارب بجد تكون المرحلة الجديدة في حياتها دي من أحلى أيام حياتها

لفترة كبيرة.. كــنا إحنا الاتنين بالصدفة بنواجه نفس الظروف و بيحصل معانا نفس المواقف و كل مرة نستغرب و نضحك...... بتمنالك التوفيق في فقرتك الجديدة في الحياة:)) .معاكي برده بس بقلبي بس المرة دي

...............................................

أمــام شاشة التلفاز كـنا نشاهد آخر الأخبار.. بجانبي ابنة أختي الصغيرة البريئة نجمة حياتي

بعــض الصور و المشاهد عن "سوريا"، جرحى و قتلى و دماء و سيدات يبـكون ذويهم

حـــزن تعبــر عنه الصور و لا تلزمه أي كلمات إضافية

لست مع أن تشاهد حبيبتي تلك الأخبار،لكن ذلك هو ما حدث حينها

سألتني ابنة أختي: هبة..هم ليــه زعلانين؟؟

معلش يا يوما..هم زعلانين شوية عشان فيه ناس بتضربهم و تدايقهم في بلدهم

ردت مبتسمة: آااه :) .زي ديما اللي في الأغنية اللي زعلانة عشان بلدها فلسطين؟هناك كمـان فيه ناس وحشة بيطردوهم من بيتهم و يدايقوهم

.........

الحقيــقة...لا تعليـــــــــــــــــق

..................................................

من بين كــل أبواب المسجد، دخلنا من هــذا الباب....وقفت للحظات أتذكرهذا المكــان...... منذ ربما أقل من شهرين.. كـنت في هذا المكان،دخلت هذه القاعةو جلست فيها لبعض الوقـــت

لم يكن لفــرح مثل هذا اليوم، بل كــان لتهدئة قلوب حزينة أتت لتودع ابنها لآخر مــرة

قلـــب أم كانت تتمسك بحبال أمل لآخر لحظة... حين اكتشفت فجأة.. أن هذه الحبال كانت في الحقيقة مقطوعة من الناحية الأخرى،وأن ابنها كان قد توفي منذ وقت طــــويل في جمعةالغضب، و كانت مكالمات هاتفية من مجهولين تؤكد أن ابنها على قيد الحياة... هي مجرد محاولات للتضليل ليس أكثر

لمــاذا دخلنا من هذا الباب على وجه الخصــوص؟و لماذا مررت على تلك القاعة؟؟

. . . .

سبحــان الله... الحياة لا تبقى على حال أبدا !! يوم للفرح يسبقه يوم للحزن...و ربما يليه يوم للفرح مرة أخرى

....................................................

يوم سبت... كـان كتب كتاب السوبر فايزر بتاعتي

السبت اللي بعده.... كـتب كتاب واحدة كانت في يوم من أعز صحابي. هي لسة صاحبتي و أختي يعني

السبت اللي بعده علطول :)... كتب كتاب صاحبتي الجميـلة

ناس كتيــر أول ما أقول لهم على الصدفة الفظيــــعة دي اللي خلتني كل سبت في مكان لنفس المناسبة بيبصولي نظرة قلق و حاسين إني المفــروض مع فرحتي لأصحابي دول..أكون زعلانة شوية و لا متاثرة

!!!

بس انا مش عارف

أنــا ليه مش متدايقة خالص؟؟

يـــاترى لأني بحبهم أوي؟؟

!و لا فعلا مبقتـش فارقة؟؟

…………………………………………………..

رحــت حنة صاحبتي قبل كتب كتابها بيــوم... أختها كــانت قالتلي إنها ليلة صغنتوتة ومش محضرين لها كويس لأن الفكــرة كلها جت فجأة
و لأنها كــانت في يوم من أعزصحابي... قــررت أجهز لها الدنيا و أخلي اليـوم حلو أد ما أقدر

فرحت أوي لما رحت لأن صحابي دول بقالي كتير مش شفتهم. بس البنت دي.. مش عارفة ليه كل ما أشوفها بفتكر إني مش بحبها أوي
المــرة دي قررت إني لازم أعرف إيه اللي حصل خلاني مش بحبها

عصرت مخي و جبت أيامي من أولها لآخرها بس لقيت مفيش مشكلة عمرها حصلت بيننا

I rarely talk to her
! أصلا

بس برده... مش عارفة إيه الســر

و لمــا لقيتني مش لاقية أي سبب، قلت خلاص ياعم.. يمكن يكون مجرد إحساس غريب مش ليه لزمة وخلاص

أنا هكلمها عـــــــــــادي خالص

مش فات وقت كتير.. و لقيتها بتناديني...اممم..كويــس

قالتلي بعد ما رحتلها... إيه يا بنتي الحركــات دي؟؟ أنا مكنتش متوقعة الحنة كدة!! يا شيخة دةانا لو كنت أعرف إنك جامدة كدة كنت عزمتك على حنتي..دي كانت مملة أوي

!!!!

الحقيقة... مش قلت أي حاجة. اتصدمت بالسبب اللي ممكن يخليها تفكر تعزمني وانا مش صاحبتها....و ابتسمت.... و مشيـــت

...............................................

أوقـــــات كتير.. لمــا بحس إني غرقانة و مش فاهمة حاجة و تعبانة أوي

بحـــب أهرب

فيه أنواع كتيرة للهروب:)... بس الهروب اليومين دول ....بيبقى لعــالم جميــــــــــــــــــــــل أوي

عالم ميـــــمو

عالم فيه بحر و سمك و ألوان تجنن و ورد و فراشات و شمس جميلة و حتى قوس قــزح الخيالي و ..... عالــم ولاد أختي حبايبي
معاهم.... بتنقل عالم تاني خالص في أوقات كتير..و بعيش شوية في عالم البراءة بعيد عن كل حاجة تانية

The other hidden face

2011-04-23T20:08:00.003+02:00

...ساعــات

بتشـوف نـاس

تحســهم زي الـماس

و لــو فتشت جـواهم

لــو دورت في الأســاس

هتلاقي إنهــم...... مجـــرد إزاز

Make it wider

2011-04-19T01:26:00.005+02:00

...خـواطر بلا تفكير في ليلـة مقمرة

رأيته بلا ملامح

لــم أره يـومــا بهذا الوجه الضــاحك الذي يتـحدثون عنه

لكنــي دومـا أراه رقيقا يمثـل الجمـال الهادئ

دائرة مضيئة.. في عمـق ســواد كــاحل

أراه رمـزا للأمل.... دعوة للابتسام في أوقــات كثيرة

أمــا هذه الليلة.. فلم يجذبني إلى هذا الحد

لـست أتحدث عن شخص في حياتي... لكنـي أعتبره كـثيرا صديقي

هـو صديق الساهرين دومـــا

. . . . . . . . . . . . .

لـم يكن القمــر تلك الليلة كاملا.. ربما لهذا لم يجذبني إلى هـذا الحد

ربمــا... لأني تغيرت كثيرا فلم أعد أشعر به؟

بالفعــل لا أعرف السبب الحقيقي.. لكــن ما أعرفه هــو أني لم أنظر إلى ذاك القمــر لوقت طويـــل.....بل اتجهت أنظاري إلى ضوئه

ضوئه المطــل برقة على العالم بأكمله، و أمامي... على سلسلة من جبــال البحر الأحمر

ربمــا لم تجذبني تلك المــرة أو تترك بداخلي ذاك الإحساس السحري الذي أستمده منك دوما، ربمــا تغيرت و لم أعد آبه لأي شيء في أوقات عديدة للأسف..... لكنــي لن أستمر في ذاك الإحساس

ببساطة.. سأبحث حولك عما يجعلني أبتسم

سأبحث حـولك عن شيء يضيء ليلتي.. يتـرك ذاك الأثر الرائع بداخلي

إن كــنت قد فشلت في تذكر ما تحمله من معان بداخلي، فسيكفينـي تلك الأحاسيس التي يحملها ضوءك ليرسم صــورة من أحلى الصور التي رأيتها في حيــاتي.... ضوء القمــر المنعكـس على جـبال عالية قممها تشق السمـاء

لوحة جميلة تضم شموخ و عظمة تلك الجـبال الشاهقة...و رقة ضوءك الفضـي

Dear Rain... U've made my Day :)

2011-04-07T02:44:00.008+02:00

يومــها مكنتش مفكــرة إن اليوم هيكـون فيه أي حاجة تغير مودي كدة

بقالي فترة مضغـوطة جدا من الشغـل "على غير العادة" لدرجة إني كـنت بدأت فعلا أفكـر جد جدا في إني أسيب الشغل

مش كـان عندي شغـل يوم الأحد أساسا و مكنـش المفروض أنزل من بيتي بس واحدة تعبت أوي فكـنت مكانها

لمــا اتفقت اليوم اللي قبلها مكنتش أعرف إن الدنيــا هتمطر :)). و بصراحــة ... مكنتش حتى عمـــري أتخيلــها

من أحلى ما في اليــوم إني استلمت رسالة جميلة أوي أوي بمناسبة المطــر..حبيتها أوي و فرحتني كتير... هي كمـــان من الحاجات اللي فرقت معايا بجد في اليــوم دة

المطــر كــان خفيف و أنا في العربية في طريقي لشغلي ودة من حسن حظي... لأني مش متأكدة إني هكـون كويسة فعلا في السواقة تحت المطر الجامد. .بحب السواقة جــــــدا بس مش فاكرة إنها حصلت كتير إني أسوق مع المطر الجامد

و أنا بنـزل من العربية حسيت بالمطر بدأ يزيد جامد أوي فقعدت أضحك أوي

دخلت بابتسامة عريـــضة مكان الشغل و حسيت بنظـرات الاهبلال على وشوش بتوع الأمن و أنا بضحك أوي وواقفة في الشارع مش عايزة أطلع

كــان نفسي أفرد إيديا و أقعد ألف حوالين نفسي أصلا و لّا حتى أتنطط.. بس ســاعتها بتهيألي كــان ممكن يضربوني إذا هم مستغربين ضحكتـي و حماسي دة

:))

طلعــت بسرعة و ناديت على كل النــاس اللي جوا... انتو قاعدين ممليــن كدة في مكاتبكوا و في التكييف و الدنيـا تــــــــــــحفة برة؟؟

!!الدنيــا مطــر جامد أوي يللا اطلعوا بسرعة

الغريــبة إنهم "أساسا" مش كــانوا واخدين بالهم إن الدنيـا بتمطر! فرحــت أوي إني شفت رد فعلهم و الكـــل بيجري على البلكونة ومش مصدقيــن

مطـــر... رعد برق...... إيــــــه دة؟؟

كان بجد تحفة ، و جري الناس اللي عمري ما شفتها بتجري و الطفولة الغريبة اللي كانت فيهم دي بجد تحفــة أكتر

دخلت الفصـل و مــودي حاجة تانية خالص غير اللي كــان الصبح... كــنت حاسة إني بتنطط جوا الفصـل و بتلكك عشان أضحك كمـان

خلــص الشغــل و الدنيــا لسة مطر جااااااااااامد.. و هنـــــا كانت من أســعد لحظاتي

مشـــيت تحت المطر ومش كــنت عايزة أركب العربية

شفــت النـــاس و هي بتجري بتحاول تستخبى من المطــر الجامد

حسيت إني بجد مش عايزة أركــــب العربية عشان أفضل مستمتعة بريـحة الجـو الفظيـــــــعة دي

ركبت العربية و أول ما شغلتها، لقيت أغنية بحبها أوي و حسيتها إيـــه دة؟؟ دي لايقة اوي اوي اوي على إحساسي دة

Somewhere over the rainbow, blue birds fly ...... :)

حسيتني في عز فرحتي بجدو حسيــت براحة جميــــــلة أوي

طب خلاص كدة؟؟ هارجع بيتي و الموضوع خلص؟؟

كــنت حاسة إني بس بــجد طايرة..مش عايزة أرجع البيــت كدة علطول

طيب...... إيـــه اللي ممكن يخليني حتى مبسوطة أكتر ما انا؟؟ اممم..... مــرت لحظات قليلة و قررت حاجة بسيطة وعبيطة أوي :)) بس عارفة إنها هتفرق معايا

غيرت خط سيري و رحت أجــيب شوكولاتتي المفضلة :))))). هي دي الحاجة اللي هتفرحنــــي

في طريقي اكتشفت إن الأغنية اللي بحبها دي مش كــانت الوحيدة اللي أسعدتني.. لأن ببساطة... موضوع الأغاني كلها كان عن المطر :)). فأحلى أغاني فيكي يا قناة... كانت وقتها

بمــا فيهم أغنية النشاط و الحيوية الجامدة أوي

It's gonna be a bright, bright.. sunshiny day

ولمــاوصلت السوبر ماركت.. رحت جبت شوكولاتات كتيـــــــــــــــر و كمان بار كبير لوحده لماما

طلعت من الماركت..و أكلت شوكولاتتي تــحت المطر

يمكـــن يكون يوم عادي لكتـيــر من النــاس. بس فعلا المطــــر.. بالأغاني الجميلة أوي و اللي معظمها كلاسيكي..... بأحلى ما فيهم الشوكولا :)....... خلوه يوم جميل أوي لـي في الشهر دة

Proud to be ..

2011-03-24T01:02:00.006+02:00

I'm working as an instructor for a famous language institution.

Well ... It may be just a normal job, but I'm really proud to be working there... specially these days.

Proud to be working, assisting people, trying to develop them in a way or another, trying to add.

Proud to be positive.. at least performing well, doing my role, a very small part that should be done for that country.

Proud not to be protesting.

I may not be in the best position, I may not have a great salary,.... I may not even like my supervisors. But I BELIEVE it's not the good time for protests.

It's not the proper time for such stupidity, sorry for the word, but I really believe it's not the suitable time.

Yes... there're a lot of bad guys still in their same positions, yes a lot of corruption is still there. . . But yes as well.. we know our strength now. Why can't we be a little bit more patient till things get better in Egypt ??

We don't really need these small many protests now!! It's not time for mini-protests though they certainly have rights to get!!

It's time to re-build Egypt.

It really deserves.

We don't want our achievements to fade away !

At last.... I'm really proud to be Egyptian :)

2011-03-16T23:23:00.004+02:00

Sometimes I feel that Democracy is the Utopia of politics.

Is there a real democracy anywhere in this world??

I'm really scared of the coming days,

anxious of the future in Egypt.

من أجـل هؤلاء... علينا أن نبني معـا

2011-03-11T22:46:00.007+02:00

كنــا نتحـدث عن الوظائف حين سألتــه.. نفســك تشتغل إيه بأة لمــا تكبـــر ؟

بصرامـة.. رفـــع يده إلى أعلى بسرعة و قال بصوت أضحكــني ضـــــــــابط

ابتسمت من رده السريــع و قراره الواضح لهذه المهنـة منذ وقت سابق و سألته: ضابط يا محمـود؟؟

كــان رده بالإيجـاب الشديد لأنه يريــد الدفاع عن الجميــع و الحفاظ على بلده

لــم أشأ في تــلك اللحـظات أن أحبط أحلامه بأن الطريــق ليس سهــلا .. خاصة و أن أبـاه لا يمـلك وظيفة مرموقة

مضــت السنين... و مازلت أتذكر تلك الكلمــات كلمـا رأيته و قد أصبـح "صبي صيدلية" كمـا تقول والدته..و هنـاك من يقولون أنه أصبـح يتعاطى المخدرات البسيطة و أنا بالفعـل أتمنى.. ألا تكـون حقيقة

مـازلت أتذكره عندما كـان يأتي ليطرق باب منزلنا و عندما أسأل عن الطـارق يجيبني " أنــا التلمــوذ" اقتناعا منه بأن هذه هي ترجــمة كلمة "تلميذ" باللغة الانجليزية مهمـا حاولت إقناعه بالعكــس

لكــم تمنيت أن يحــقق حلمه

.....................................................................

اسمهــا ندى ... أتذكـر أول مــرة رأيتها فيها.. حينهــا توقـعت أن يكون أبوها عامل بناء. فقــد كـــانت -دون مبالغة- ترتدي "تيشيرت" عليه الكثيــر من بقع الطلاء القديمـة و بنطالا كــان يومــا يسمى "جيـنز"، إلا أنه ملئ بعدد من الثقــوب الصغيرة لا يمكن حصره. كــانت صورتـها غريبة لا تستطيع تصديقهـا . يأتيـك إحساس بأنها آتية من إحدى أفلام خـالد يوسـف عن العشـوائيات..و حـتى حينهـــا.. ستفكـــر أن شكلها مبتذل للغــاية

رأيتــها في معرض الملابس الخيري حيث أعلى سعـر يمكن أن يجده زوار هذا المعــرض لا يزيد عن العشــرة جنيهات. أخـــذت تدور في كل أرجـاء المعرض كالـفراشة الصغيرة مستـعرضة الملابس "المستعملة" عليـها و هي لا تدري ماذا تخـتار. بدأ الكثيرون يتعـاطفون معهــا محاولين البحث عن الزي المطلوب معها. اختارت فسـتانا لهــا و اختفــــت . . . . . . . . . . . و بعــد دقائق.. عـادت "ندى" مرتدية ذاك الفستـان الأحمر تتلفت حولـها في فرح

من عيــونها أحسست أنهـا تتمنـى لو أن كل من حولـها يعلم أنهــا ترتدي فستانا جديدا اليــوم، تـدور به في كــل مكـان مراقبة نظـرات الناس إليها

.......................................................................

فـي يــوم من الأيام سألتهـــا... بتحلمــي بإيه؟؟

نظـــرت إلى السمــاء لوقت طويــــل و كـأنها تفتـش في صنـدوق أحلامها المغلق ثم قــالت كلمـة واحدة

معـــرض

بتقولي "معرض"؟ يعــني إيه؟

معــرض !! معــرض فنــي

حينــها تذكــرت أنها بالفعل فنانة. أحب رسمهـا كثيرا و في مـرة أخبرتني أنها تحب الرسـم على الزجاج أيضا. لكن من أيــن لها بنقود أو فرصـة حتى تنفذ معــرض أحلامها هذا؟؟ في النهاية هي "بنــت البــــواب"، لـيس أكثر

..................................................................................

هــؤلاء.... و مثلهم كثيـــرون.. أحــلامهم بسيـطة صغـيرة، من السـهل تحقيقها في الظروف العـادية

أعلــــم أن تــلك الأحلام البسيــطة لـن تتحقق خلال بضعــة أيــام قليلة، لكــن علينا - علـى الأقــل- أن نتكـاتف سويا من أجـل تحقيقها

مــش وقــت إن النــاس تتقــسم أكتـر ما هي

مـــا صدقنـا اتجمعنـا و العالم و الدنيــا كلها كشفت الحــلو اللي جوانــا.. صعــب نضيعه ببســاطة تاني كدة

كلنــا هدفــنا واحد المفـــروض، و حلمنــا واحد. يبقــى لازم نفكــر مـع بعض و نحلــم مع بعض عشـان نبني و نعمــل حاجــة كويسة في البلــد دي

النــاس اللي بتتصــرف من غيـر ما تفكر... أرجووووووكم فكروا شوية بعقل بجد

عايــزين حيـاة أحلى لينا و دة بإيدينـــا

احــلم معـايا

2011-02-17T23:50:00.004+02:00

...احــلـم مـعـايا

ببكره جاى

....و لو ماجـاش

احنا نجيبه بنفسنا

نبدأ نحاول فى الطريق

كتر الخطاوى تدلنا على حلمنا

. . . . .

مهما نقع نقدر نقوم

نشق نتحدى الغيوم

نلاقى ليلنا ألف يوم بس احنا نحلم

. . . . .

احلم معـايا يا صديق

تطوى الخطى أرض الطريق

يهمنى حلمى البرئ

مهما يكون

يفضل بروحه جنبنا مهمـا يطول بيننا الطريق

لو حتى توهنا يا صديق يرجع لقانا يضمنا

...على حلمنا

بس احنا نحلم

:) .بحــب الأغنية دي أوي... دلـوقتي وقتهـــا

يا تـرى شباب مصــر بيحـــلم بإيه ؟؟

مفــارقة قــوية أوي

2011-02-14T00:19:00.006+02:00

11-2-2011

رحــــيل اثنـان من أبطــال حرب أكتوبر

و الحــق أنهم كــانوا من عظمائها

مــع اختلاف كلمة "رحــــــيل"، كـــان أيضا اخـــــتلاف رد الفعــــل

فالأول.. كـــان رحيله في جنازة مهــيبة حضرها الكثيـرون. رحيـــل صحبه حـــزن شديد و دمــوع حـــزن صادقة على فقدان رجل من العظمــــاء

........... أمـــا الرحيـــل الآخر.. فكــــــان رحيلا يصحـبه

سبــحان الله

الصورة لجنازة الفريق سعدالدين الشـاذلي

!!الكـــرسي و لا شمـوس بلـــدك؟؟ لأ فعلا المـعادلة صعبة

2011-02-10T02:53:00.000+02:00

FaceBook Whispers

2011-01-22T00:22:00.004+02:00

People are always checking.. knowing your news, knowing your mood.... through your status..written somewhere abstract.

Well.... What if a looooooong time passed& you wrote nothing?!! Will anyone wonder why?

I've been thinking for a long time& I feel I don't have the appetite to write any status in fact!!

What should I write? That I miss reality??

I miss real people in flesh& blood

I miss you people!!

I actually miss your voices.

I'm done with "Heeeeeey" and "I miss youuuuuu" that everyone writes on your wall, it's not even a real wall :) . Bored of "feeeeenek ya gameela" that people write when seeing your comment or your picture. And in fact many times they don't have the real intention to meet soon.

Where are they seriously?! I wonder how life has changed that fast..& everyone is vanishing away behind simple devices..... something that's increasing day by day.

I meet people at work, we talk a lot, and we laugh more.....yet.. I need my small nice world back again.

"End of Status :))"

A post back from 2007..Just remembered it!

2010-12-17T00:42:00.004+02:00

Whenever you feel very sad...

an' Whenevr you feel really mad...

Feel quite sorry for yourself...

knowing that it's just a phase in ur life,

that would come to an end for sure...

But when??!

You feel as if you're sinking...

And pain &agony... you're daily drinking...

Feel sorry for your sorrow...

Waiting for the bright tommorrow..

Feeling you're all alone,

and hearts of people are of stone...

Certainly, as they don't feel you...

You look around searching for someone to save you,

Just give you a hand and then even leave you,

Searching for someone to listen...

Searching for someone to hug you when you need it...

Searching for a shoulder to cry on...

When you feel it's really too dark,

And you're all alone,

None can feel what you feel...

Just REMEMBER...

That there's actually someone who really cares.

HE is always there beside you...

Knowing what you feel...

knowing what you wish,

& knowing what you fear...

More than any friend..

That you thought was so dear...

Believe me, HE's always there.....

Watching you,

Hearing every whisper you say,

And every pray you have,

Seeing tears that you shed ...

In the middle of the night,

Knowing everything about you,

Just remember HE's there,

And HE would certainly help you.

It's Allah... HE's always there beside you.

..............................

A post written in August 2007.. just came to my mind all of a sudden.

Dear God... you've always raised me up, and you're the only one who knows how I feel. Please be beside me.

2010-12-10T01:57:00.003+02:00

لكــم كـنت أتمنى أن تظل حلمـا في خيالي

حتى و إن كنت مجرد طيف يأتي كل حين علـى بالي

لكــم تمنيت دومـا أن ألقاك

و لكـم أتمنى الآن أني يوما لم أراك

...................

..لكـم تمنيت أن تظل مجرد طيف أعشقه

حتى و إن كـنت لن أراه يوما في حياتي

تلك الصورة التي رسمتها في خيالي عنك

أردتـها أن تظل رائعة كمـا هي.. لا أن تتغيـر يوما

لم أكـن أعرف أن يوما سيأتي على تلك اللوحة فتلطخها بصمات و تذهب ألوانها الزاهية

كــان لك سحــر خاص يا لوحتي الرقيقة! لا أعلم ماذا أصابك

سأشتاق إليك كثيرا.... فقد اختـفيتِ إلى الأبــد

......................................

لم أكـن أعلم أن عالم الأحلام مستحيل له أن يقابل عالم الواقـع

مـازلت طفلة :( .. ظننت أني ما عدت صغيرة.. منذ سنيـن

لكنــي أدركت أني لم أكن أعرف شيئا عن هذا العالـم حتى ذلك الحيـن

فجـأة أصبحت لا أملك القدرة على التعبير!! لا أستطيع وصف ما بداخلي الآن

لا أحـب تلك الكلمات الحزينـة... لكنـي أحاول التفتيش بداخلي

فـلا أجد إلا تلك الكلمات.. تلك الأحاسيس

لــم أتخيل يومـا أن أجد بداخلي كـل تلك المرارة

أن أجد قلبي يعتصر! أبـدا

..كيــف لي أن أملك جناحين يجعلاني أطير إلى الأفق

فأدرك فجأة.. أني بين السمــاء و البحــر،و لا أجد حولي مكانا أقف عليه ولـو للحظات؟

. . . . . . . . . . . . . . . . . . .
بالفعـل أتمنى أني لم ألقك يومــا

لكــن تلك الأمنية قد تأخرت كثيرا

لكــم تمنيت أن تظل...... حـبيبي

FrEE WritinG

2010-12-01T01:31:00.005+02:00

كــان عجبني أوي اسم المدونة دي من أول ما شفته... أنا حتى قلتلها أكتر من مـــرة
فاكــرة إني في مرة زمــان كــنت بقول لواحدة من أصحابي العزيزين عليّ إني ساعــات كتيــر بحس إن المدونة دي قريبة مني أوي، و كتير بحس أوي أوي باللي صاحبتها حاسة بيه... في مــرة قلت لصاحبتي إني أوقــات كتير بحس إن اسم المدونة دي ينفع معايا كمان
:)

حدوتـــــــة

معظم النـاس حياتهم فيها حواديت و مغامرات، بس حياتي...و يمكن أنا بس اللي حاسة كدة.. كــنت دايما بحس إن فيها قصص و مغامرات حقيقية، و خروجات جديدة و أنشطة و محاولات لتغيير الجو العــام دايما
.......................

طبعـا عمري ما هكون زي حدوتــة لأن طريقتها في الكتابة و إحساسها ملووووووش حل ما شاء الله..خالص خالص بجد،و أنا من المغرمين بيها هي و بلوجها
... لكــن برده

كــنت بحس أوي إني ينفع أسمي البلوج دة حدوتة زيها فعلا :).. ضحكت صاحبتي لما كــنت بقول لها كدة..... و بعدما حكيتلها شوية من المغامرات و اللي بيحصل لي في الدنيا استغربتني أوي و قالت لي إنها مستمتعة أوي بالحودايت دي!! و كأني بحكيلها فيلم في الأحداث اللي بتحصل وحصلت "لحد وقتها يعني"..... كــانت بتحب تسمـع شوية من حواديتي "و حتى ساعات حكاياتي الصغنتوتة عن مواقف بتحصل لي في مشروعات الشغل اللي أنا فيه حاليا" كل ما نتـكلم. أكـــيد في النهــاية هي كلها حكايات طبيعية ومش فيها حاجة، بس ساعات.. بتحصل مفاجآت و أحداث في الحياة تخليك تقول إيه دة؟؟ هو ازاي كدة؟ سبحان الله بجد....... على الأقل بالنسبـة لي
كــنت كتيـر بحكيلها.. بس بقالي كتير أوي مش حكيتلها فعلا من قلبي

........................

...فلاش بــــــــاك لشهــور كتيـــرة فاتت

بس التاريخ دة عادي أوي!! مش كدة؟
أيــوة. بصراحة مش حلو أوي "و ضحك ضحكة صغنتوتة".. بس طيب إمتى التاريخ هيبقى لذيذ يعني
اممم.... عندك حق. رغــم إني مش بحب رقم 9. بس طب مش لو كـان يوم
9-9-2009 دة
كـان يبقى ألذ؟
أكيــد. بس دة فات خلاص ومش كان ينفع وقتها أكيد
صح. طب.. "و ضحكت ضحكة خبيثة" تيـجي نستنى ليوم 10-10-2010؟؟ دة يبقى يوم لذيذ أوي. إيه رأيك يا عم؟
هو فعلا هيبقى يوم حلو أوي و مش صعب يتنسي..بس ساعتها هتغرم كتير!! يعني يوم ميلادك و بعدها بأيام مناسبة تانية؟؟! عموما يا ستي و لا يهمك.. اليوم شكله لذيذ و مش هخليه يعدي كدة و تزعلي. إن شــــاء الله.. يوم 10-10 دة هيكون يوم كــتب كتابنا :)، ومش هضيعه عليكي

ضحكنــا أوي و بصينا لأحلامنا البعيدة في السما بأمل و شوق كبير.... و رغـم معرفتنا إحنا الاتنين بإن دة بعيــــد أوي إنه يحصل وشبه مستحيل لأن المشوار أدامنا لسة طويل.. إلا إننا إحنا الاتنين صدقنا.. و حلمنا باليوم و التاريخ دة فعلا
لمــا اليوم قرب السنة دي و اتأكدنا إنه مش هيحصل حاجة لسة... فكرت كتير و اتخيلت كتيــــر
اتخيلت أعمل له مفاجأة عمره ما فكــر فيها..... اتخيلت أجيب لي عشر هدايا صغيرين بيحبهم....... اتخيلت هديـة خاصة جدا و يمكن حتى كــنت بدأت أخططلها... اتخــيلت كتير............. بس اللي عمــري ما اتخيلته

.........

:) إنه عمره ما هيــــاخدها

إن نفس اليوم دة... يكون هو نهايــة كل حاجة بيننا و آخر يــوم نتكلـــــم فيه
!!
مش يــــــوم قبله و لا يوم بعــده
بجـــــد حاجة عمري ما اتخيلتها

واجـعاني أوي.. و واجعني أوي التاريخ

الحمــــــدلله

Happy Eid

2010-11-15T00:28:00.002+02:00

HaPpY

FeaSt

Everyone.....

Hope you all have a nice HAPPY Eid.

Which is better ?

2010-11-06T23:16:00.008+02:00

Which is better ??

A truth that really hurts..

Or a lie that you sleep on its rosey clouds for days..

and then melts??

A lie that draws a smile..

Or a truth that draws a tear??

The answer is very clear :))

Yet... it's very hard !

I wonder !!

انـعـــــــدام

2010-09-24T15:47:00.004+03:00

لســت أكيـدة أني أستطيع وصف ما أشعر الآن

بداخلي إحساس بالسلب في أشياء كثيرة، بل في بعض الأحيان أشعر أنه في كل شيء

ربمـا كان انعدام توازن، ربمــا كان انعدام ثقــة

إحسـاس بعدم الاستقرار.. كأني على متن سفينة في وسط العواصف. رغم أني عاشقة للبحر ولا أخافه، لكني الآن مصابة بدوار عنيف يعصف برأسي وجسدي

أشعــر هذا الدوار في كل وقت، حتى وإن كنت ساكنة لا أتحرك.... في أحيان كثيرة لا يشعره من حولي، و لا يعلمون ما بداخلي..و تمضي الأيام بطـيئة روتينية و هم لا يعلمون أن هنـاك ما يؤلمني

انعدام ثقــــــة؟؟ للأسف لم أخطئ في التعبير. فهـو بالفعل انعدام ثقة

حــين يصدمك شخص من أكــثر الأشخاص الذين وثقت بهم في حياتك... تهتز ثقتك بالجميع. عندمــا تشعـر أنك "لا شيء" و أن كل ما كنت تشعر ربما لا يكون مثلما تخيلت أبدا

فلـم أعد أعرف من هو أهل للثقة الآن

إحساس بانعدام الثقة التام في أي شيء أسمعه و أي شخص،لــيس هناك ثقة إلا في خالقي

ثقة تامة و يقيـن لا يمكن لأي كائن كـان أن يؤثر فيهـا

احاول أن أستعيد تلك الثقة في الآخرين لكني لست أكيدة أني أستطيع... أعلم أن تلك ليست الحقيقة و أن هنـــاك الكثيـــر و الكثيـر ممن هم جديرون بتلك الثقة. أعلم ذلك جيدا و متأكدة منه، لكن بداخلي صوت يصر على الحقيقة الأخرى : ( ، و يصر على تكرار ما يشعره على مسامعي...و هو ألا أثق في أحد، فلا أحد يستحق

فبعض من كانوا هم شمس حياتي و يغيرون طعم الحياة لأجلي، بعض من كانوا دوما معي و لم أتردد يوما في مقدار حبهم لي..... أثبتوا غبائي :) ، فلم أفهم أن إحساس الثقة و الأمان هذا لن يستمر إلى الأبد

و بالفعــل... لم يستمر

أحتاج إلى وقت طويل حتى أعيد بعضا من الثقـة إلى نفسي ومن حولي. فقد أصابني السهم بشدة... أشعر أنني مهزومة مجروحة، و لا أستطيع الوقوف باتزان

ربــما هناك شيء من انعدام الإحساس أيضا

لــيس إحساسا موجود دائما، لكـنه هناك ... أشعر به أحيانا كثيرة

لم أعد واثقة من تلك الأحداث السريـعة التي قد تحدث حولي في الحياة. هل بالفعــل تستحق السعادة؟ هل أفرح لها و أثـق أنها شيء رائع؟؟ .... "أعيش اللحظة؟" كمــا كنا نقول كثيرا؟ أم أنها لن تستمر طويلا؟بداخلي ما هو أكثر من ذلك بكثير، لكني بالفعل أشعر أنني هذه المرة لا أستطيع التعبير أبدا عما بداخلي...... فسأكتفي بتلك الكلمات الآن ... لعلها تساعدني في تخفيف ما أشعر به

2010-09-02T22:40:00.002+02:00

أكــــتر من شهــــر فات و إحنا لســة مش عندنا نت !! الموضوع مزعج جدا لأني كل ما أفكــر ألاقي أصلا مفيش نت عشان أكتب أي حاجة

...............................

وحشني ناش كتير في العالم دة و وحشني أوي المكــان دة

كل سنة و الكل طيبين عشان رمضان .. و العيـد كمان

تقبل اللــــه

2010-07-22T23:48:00.003+03:00

كــل شوية أقول هكتب.. و أفضل شوية تانية و أقرر أكتب

بس في الآخر مش بكتب :). أيـوة كنت مشغولة... و أوي كمان

و لسة مشغولة .. بس حسيت إن مدونتي نسيتني

و يمكن كمــان أكون جيت أكتب دلوقتي عشان أهرب شوية

!ممكن تكون منسيتنيش بس للأسف مش قادرة تتعرف علي

أصلـي حســاني اتغيرت أوي. مش اتغيرت في شوية صفات عادي و بتحصل وكدة... لكـن إحساس إنه فعلا... مش عارفة :). بس فيه حاجة كبيرة أوي أوي مفقودة، و فيه حاجة كــبيرة اتكسرت

دة انا حتى حاسة إن ملامحي اتغيرت

لأ. مش حاسة.... هي فعلا اتغيرت

أنا مش في غاية الحزن ولا ف حالة اكتئاب مزمن و يا حرام مش قادرة تطلع منه... لــكن فعلا حاساني اتغيرت و الدنيا لخبطت حواليا بطريقة ....... صعب معاها أعرف أفكر خالص

يمكن كلامي مش مترتب و يمكن كمان غتت أوي ومش ليه لزمة. بس يمكن دي تكون محاولة. مجـرد محاولة... إني ألـّم اللي لسة باقي مني. يمكن أقدر أحتفظ بشوية مني فعلا

يــارب ساعدني

عودة.. من بعيــد

2010-06-26T00:29:00.007+03:00

مــع كل نهايــة مشروع بفتكر كــلام الـمدرب اللي دربنا قبل بداية الشغل في آخر يوم ليه معانا.. و كأنه بيوصينا

Never get attached to others. Never get attached by any means to your students

ساعتها ابتسمت أوي لأني عارفة نفسي كويس. بس هو قعد يكــرر النصيحة دي مرات كتيرة و هو بيقول لنا إن إحنا اللي هنخسر لو ارتبطنا بيهم. يمكن ابتسامتي دي كــانت لسان حالي اللي بيقول "يــــاريـــت". .. المدرب قال لنـا إن شغله حاليا هو تدريب الناس اللي هتشتغل في الشركة و دة معناه إنه بيشوفهم أقل من شهر أساسا، و مع الوقت اتعود إنه مش يرتبط بيهم ولا يحس إنهم هيوحشوه لأنه طول الوقت بيقابل ناس و بعدها بأيام يضطر يودعهم ويقابل مجموعات جديدة تماما عليه

رغم إن شغلي غير طبيعة شغله و المجموعات اللي بشوفها في الغالب بتستمر معايا شهر و نص أو اتنين..... لكن فعلا مـع كل نهاية مشروع بيبقى نفسي يكون عندي القدرة إني أحسهم مش هيوحشوني و آخد حبة النسيان اللي مش تفكرني بالفترة اللي فاتت

الحمــدلله مستمتعة بشغلي لأن كل شوية أشوف ناس جديدة وأكيد بحاول أتعلم أتعامل مع كل الناس باختلاف طبايعهم...بتعلم كتير من التجارب اليومية دي الحمـدلله، و عندي حصيلة حلوة من الذكريات السعيدة لحد دلوقتي. بس بحسني تعبانة أوي مع كل نهاية مشروع لأني عارفة إن ناس منهم كتير هيوحشوني، و عارفة إني حتى لو إديتهم رقم موبايلي و لا إيميلي..... فدة بيكون مجرد علاقات بعيدة وبس...... و مش بترجع زي أيام شغلي معاهم تاني

حساني لما أكمل سنتين ولا حاجة ممكن أبتدي أتعود على نظام الفراق السريع دة. سبحان الله !! مع إني أكتر حاجة مش بحبها ف كل حياتي هي الفراق :). يمكـــن ربنا بيعلمهالي عشــان أكون قوية في مواقف أصعب بعد كدة

امبارح كان آخر يوم لي مع مجموعة عددها قليل أوي... و بعد ما الكل مشي ومش اتبقى غير ست واحدة "بحبها أوي"... لقيتها بعد ما سلمت و لفـّـت رجعتلي تاني و قالت لي ممكن بوسة؟!! اتكسفت بس بصراحة فعلا بحبها أوي فلقيت نفسي حضنتها.. ومش قدرت أخبي دموعي كتير

أعشق رقــة أوراقك

2010-04-11T23:30:00.003+02:00

زهــرة صغيـرة

جمالـــها أخـــاذ

تســـحرني رقـــــة أوراقهـا

أعشـــق مداعبــة أوراقهــا الصغيرة

أذهــب بإحسـاسي بداخل عالـم من الأزهـار عند لمسهــا

.....أقـــف مسحــورة... حائــرة أمامهــا

أتسـاءل

كيـــف لزهــرة رائـــعة مثل تلك.. أن تصمـد أمــام الريـــاح ؟؟

مـــاذا سيكـــون مصيرهــا

لا أعرف

2010-03-08T00:47:00.005+02:00

غــالبا محدش فاكـرني أساسا

و يمكن كمـان قليلين أوي الي يقرؤوا البوســت دة

بس أهه.... :) هعمل إيه؟؟ لسة فعلا بــحب المكان دة

و لــسة كتير أوي أوي بشتاقله

الظروف الصحية "البسيطة الحمدلله" بقت تخليني مش ينفع أقعد أدام الكمبيوتر غير للضرورة "إلى حد ما".... أو بس لوقت مش طويل، بس كمــان فيه سبب تاني لغيابي و هو إني اشتغلت :))).... و على أد ما الشغل فيه الحمدلله استمتاع شخصي بحسه و بفرح بيه إلى حد مــا..... على أد ما هو متعب جدااااااااااااااااااا جدا..... و كمان فيه مجهود بدني كتير غير العصبي.. و دي مشكلة عشان ضهري اللي مش راضي يخف كويس دة، و بفضل أضحك لما ألاقي صحابي في الشغل بيقولوا إن ضهرهم وجعهم أو رجليهم من الشغـل.... هو فعلا يهد

أنا خايفة أوي و قلقانة لا ضهري يفـضل كدة طول عمره

مش ممكـن ؟؟ أتمنى لأ طبعا.. بس فعلا خايفة شوية لا يكون مع أي مجهود زيادة أو حاجة تقيلة يوجعني تاني

كدة يبقـى مش هينفع أروح دريم بارك تاني

مش هينـــــــــــــــفع

وحشتني حدوتة و حكاياتها

ووحشتني طيبة قلب سمية و سلمى وجمالهم من جوا

وحشني أكتر رقتك يا مــــــــــــــــــــنى

انت عارفة بحبك أد إيه :) ...ووحشتني روفي اللي مش بقيت بشوفها.. لا في الحقيقة... و لا حتى في أي صفحة على النت أقابلها صدفة

طب يا ستي تعاليلي في حلم طيب !! يللا الحمدلله

المهم إني مش عارفة بكتب إيه

بس حسيت إني بقالي كتير اوي اوي اوي مش كتبت.. و عايزة أكتب .. و عايزة أسلم على بلوجي.... و قبل بلوجي العزيز....... ناس بتهتم و سألت علي رغم إني مش بقيت بزور المدونات التانية اليومين دول خالص

ربنـا يخليـكوا لي

طبعا أنا مش كــتبت غير قليلين جدا و اللي حشوني كتيييير أوي فعلا، بس مش عارفة :) أ،ا بس كتبت اللي جوايا دلوقتي حالا وبس و هنشره رغم إنه مش حاجة مهمة لأي حد.... بس هو اللي جوايا

يارب أكتب تاني قريب

:))

و أحكيلكوا على شغلي يمكن

الحمـــدلله

2010-02-11T23:15:00.004+02:00

مابين العشرة و العشـرين يوم اللي فاتوا حصل لي موقف صغيـر بس خلاني أقول.. كتيــــر الحمـدلله

كـنت مع مامتي في مشوار .. و و إحنا مروحين نازلين على السلـم أنا اتزحلقت ووقعت..... لحظتها بصـراحة حسيـت

إن ظهري اتكســر!! لأني وقعت عليه من نصه في مجموعة سلالم صغيــرة

كــان الألم شديد أوي لدرجة إني فضلت نايمة زي ما أنـا لدقايق و مش قادرة أقوم أو أتحرك

شفــت قلق مامتي الشديـد في عينيها و هي واقفة مش عارفة تعمـل إيه عشان تساعدني و قاعدة تلوم نفسها إنها مش

لحقتني و أنا بقع. كــان صعب أوي

أد إيه بجد ماما و بابا دول بيحبـونا أوي أوي و احنا مش عارفين مقدار الحـب دة
حمــدت ربنـا إني كنت في مشوار معاها مش في خروجة من غير رضاها الحمدلله

من الحاجـات اللي استغربتها أوي كان إن العمارة اللي أنا وقعت عند سلالمها "الجميلة" فيها عيادة في الدور الثاني، و

أنا وقعـت "عادي" في الدور الأول :) .. خيــر اللهـم اجعله خير أنا وقعت من هنــا.. و لقيت سكرتيرات العيـادة

نازلين نازلين جري و بيســألوا إيه اللي حصل !!! إحم إحم إحم ! هو الصـوت كان عالي أوي كدة؟

لأ!! مش صوتي! أنا مش صرخت أصلا ولا حصل مني أي رد فعل أكتر من كلمة "ماما" بصوت واطي و أنا بقع
الصــوت دة المفروض إنه "ارتطام" جسمــي مثلا؟؟ دة على أساس إني لـوح إزاز

بجد لـحد اللحظة دي مش عارفة هم سمعوا إيه جم على أثره مخضوضين و بالسرعة دي

.......................

كـــانت محاولات الوقـوف صعبة أوي في أول لحظـات، و خصوصا إني مش عارفـ’ إيه اللي واجعني أصلا

و أول ما وقفت مش كــنت مصدقة إني عادي الحمــدلله واقفة على رجليا عادي و كمــان قادرة أمشي و أتحرك. حسيـــت ساعتها إني عايزة أسجــد سجدة شكر أجلتهـا معايا لحد ما أرجــع بيـتي

هنــاك.. اتفاجئت بإحساس إن الإصـابة "البسيطة الحمدلله" اللي في ظهري منعتنـي من إني أقـدر أسجد أول يوم و

شوية من التاني... و كـانت أول مرة أحس الإحساس دة

إحســاس إنك محروم من السجــود لربنـا لوقت طويـل و القـرب منه و تفريغ كل اللي جواك بالســجدة دي

يـااااه!! دة بـجد الناس الكبار و المـعاقين أكيـد بيفتقدوا لذة السجـود دي أوي

.............................

افتكــرت الحديث الجمــيل للرسول –صلى الله عليه وسلم-" اغتنم خمــسا قبل خمس، ....." و منهم (صحتـك قبل

مرضـك).لمـا وصلني إن فيه ملفات وورد محتاجة تتكتب بشكـل عاجل عشان المكفوفين اللي في الجـامعة و

امتحاناتهم :( و لقيتني عادي جدا.. ببتسم و أمسح الرسـالة لأني مش هينفع أقعد على الكمبيـوتر لوقت خالص

بحمــد ربنا أوي.. على كل الأحاسيس اللي حسيتها و بحمـد ربنا أوي أوي إني وقفـت تاني و مشـيت ساعتهــا مفيش حاجة
لحظــة وقوعي كــنت شبه متأكدة إنه حصل كسر بس الحمــدلله عدت على خيرومش حصل زي ما تعبيــر "الوقوع على

السلم" بيوحي، و لا زي ما بنشوف في الدرامـا أو الأدب الانجليزي القديــم

يـاريت مش نضيع أي سجدة.. قبل ما ييـجي اليوم اللي مش هنقدر نسجد فيه

و نستعمــل كل اللي عندنا و نستمتع بكل اللي عندنا.. قبل أي وقت تاني :)... يعني

يــارب لك الحمد كما ينبغي لجلال وجهك و عظيم سلطانك

ورقة شجـــر

2010-01-20T00:51:00.005+02:00

ساعــات تحـس إنك مش عايز تصحى

عايز تفضـل بس.. مغمض عينيـك و نايم

أحسن ما تبقى طول الوقت سرحـان و هـايم

مش عارف تفكر و لا تقـرر و على سطح الدنيـا عايم

عايم لوحدك زي ورقــة شجــر

محتارة في طريقهـا و خايفـة تتكســـر

من أي نقطة ميـة أو حتى نقطـة مطـــر

ساعـات تحس إنك مش قـادر ع الدنيا و ما فيهـا

كل يوم بتخطـي خطوة بس مش قادر تنهيــها

!! مش عايز من الدنيـا حـاجة! بس برده مستنيهـا

بيوحشنــي و هيوحشنـــي

2010-01-01T18:43:00.006+02:00

مع إشــراقة صباح أول يوم في هــذا العـام.. كـــان وجهه الملائكي هو أول ما ألقــاه

استيقظــت على صوته الذي أسمعه يقترب و هو ينادي بصـوت عالي
إصحى!! إصحــى

و عندمــا وصل إلى غرفتي ، ابتسم ابتسامــة في غاية العذوبة "و الشقــاوة :) " أشرقت وجهه كلــه فابتسمت لابتسامته و رفعت رأسي عن الوسادة

كـــان هو أول من رأت عيناي اليوم و كان أول من لمسنــي

بخــطواته المضحكة ركض إليّ و احتضن وجهــي بين يديه مثلما يفعل كلمــا رآني

يقــول الجميـــع أنه لا يتقن فن التعبيــر عن نفسه بأية طريقة، و أنا أوافقهم الرأي. لكـــن.. من أين أتى بكل هذا الحــنان الذي يمدني به كلمــا رآني؟!! بكفـــيه الصغيرين يــضم وجهي و يبتســم ابتسامة في غاية البراءة، حقـــا ... تنيــر لحظاتي تلك
مزيج من أحاسيس الفرحــة المفرطة و الخجـل يراودوني عندما يضع كفيه الصغــيرين عليّ

و يشتــد خجلي عندما يطيل احتضان وجهي و هوينظــر إليّ بابتسامته الطفــولية، فأحاول رفع يديــه وألاعبه فيلصق كفيه أكثر على وجهــي

لا يجيــد العناق لأنه لا يحب الاقتراب الشديد من أحد، و لا يفضــل القبلات أيضا :). أجـــده مميزا في ذلك فلا يسمح إلا لمن يحب كثيرا بالاقتراب منه "بعض الشيء"، رغــم أنه يتحدث مع كل من يلقاه في الشوارع و يبتسم لأي مخلوق ينظــر إليه

!!!

ابــــن أخي ..الصغير الذي سأفتقده كثيرا خلال أيــام هي أقل من أيام الأسبوع

ابن أخي الذي سأظل محتفظة بذكريات أجازته القصيرة معي حتى العـــام القادم

كـــان هو أول من أراه مع شمس عامي الجديـــد... الذي أرجو أن يكــون مختلفا عن بعض الأعوام التي مضت

يـــارب العام الجديـــد يكون عليكوا كلكوا سعيــد

2010
رقم ظريف :)، و مختلف شوية. أتمنى الكل يقدروا يحققوا فيه أكتر و أكتر من أحلامهم..... و يــارب السنة دي مش تنتهي إلا و أهل فلسطين عايشين في أمان و المسـجد الأقصى ليهم و لينا

مش عارفة إيه الكلام دة!! على بالي فكتبته

2009-12-26T00:59:00.005+02:00

الأيــام

تعصف بنـا أحيانا

تقـذفنا بقسوة إلى بعيد

لكنــها تعود فتبتسم لنـا مرة أخرى

و بنسمات رقيقـة تقابلنا

فهـي لا تستقر أبدا على حال

في الأيــام

نتطاير كأوراق الخريف الباهتة في كل مكان

نكــاد نتفتت أحيانا

نحاول التمسك ببعضنا البعــض حتى لا تأخذنا الرياح إلى مكان نضل الطريق فيه

و قد امتصت رياح الخريـف رحيقنا و ألواننا

نضــل الطريق أحيانا كثيرة

و البعض يظــن أنها النهاية

... لكن الحقيقــة

أنـــــهم ينســون أن بعد الخريف يأتي الربيــع

و تعود الألوان و الحيــاة مرة أخرى

ربمــا تبتسم من جديـد

و يوما ما بعد الربيـــع........ يأتي الخريف مرة أخرى

:) فلا شيء يدوم على حال

طــعم الأيام

تظــل مرارته دومــا في حلقي

مهمــا مضى من الزمان

الكثيـــر يُـنسى، و تظـــل بعض المرارات لا تنسى أبدا

أستمتع بأيامي بساعاتي بلحظاتي

أضحــك من كل قلبي

و أنسى قسوة يوما كانت في بعض أيامي

لكنها بداخلي لا ترحل

لا تلبث أن تــذكرني بين حــين و آخر

...و أتذكر

...لكني أتذكــر أيضا

أن تـلك هي الأيام

و هي يوما لن تستقــر

فأحاول الاستمتاع بمــا لدي

2009-12-12T22:53:00.001+02:00

إحســـــــاس غـــريب

كشــري

2009-12-01T16:14:00.001+02:00

حصــريا

و على مدونتــــي أنا و بـــس
:p
هقول للكل إني عملت كشــــري !! آه بــجد

عملت كشري

:D
أصلها كانت أول مرة أعمله لوحدي مش أكتر :$. و رغم سهولته إلا إني كنت حاسة الموضوع كـــبير عشان اسمه يمكن أو حاجة... أو يمكن لأنه الأكلة الشعبية الجامدة بتاعة البلد دي ؟!! الــمهم إنه اتعمل الحمدلله

و كان من المـــرات النادرة اللي بتكون أعصابي فيها شوية متنشنة مش مستمتعة بالطبخ زي معظم الوقت اللي بعمل فيه
و فـــي غمرة انشغالي في إعداد التقلية:$ خطر على بالي إني اسأل ماما سؤال سخيف ورحت بسرعة.... هم ليه بيسمــوا البصل بتاع الكشري "ورد"؟؟

و كان ردهـــا.... عشان البصــل بيتسـوّى لحد ما يبقى لونه وردي

! ! !

و ســـادت بعدهـا لحظات من الصمت وأنا "عاقدة الحـاجبين" !! هو حد أصلا بيقـول على لونه "وردي" عشان يبقـى دة الســبب يعني؟

مـامـا صديقتي اللي بتستحمـلني كتير في لحظات غبائي

:) بس المــرة دي.... حسيتهـا بتستغل اللحظات دي الظاهر

المشكلــة دلوقتي إنهم حتى الآن مش ظهر أي أعراض عليهم بعد أكل الكشــري. بس لو ظهر هعمــل إيه؟؟

أخويا كتير مش بياكل معانا وبياكل من برة فمـش مشكلة

و ماما ممكن أقول عليها تعبانة شوية

بس بابا.... هعمل فيه إيــــه لو حصل له حاجة من الكشري بتاعـــــــي؟
:D

Dear Friend

2009-11-15T00:21:00.005+02:00

Don't turn your face, & always be my friend

Never stop in the middle of the way telling me it's the end

You're so dear.. I shall always declare

But then.. hoping you'll always be there

In the middle of nowhere

In a time when darkness covered everything around

You were there for me

Helped me& made me smile

Made me hillariously laugh at the craziest times

How can I ever forget??!

You're nothing more than a friend, but indeed.. a true dear friend

يـــوم من أيام أكتوبر..معرض الملابس

2009-11-04T21:12:00.004+02:00

معــرض الملابس الخيري هو من أكتر الحاجات اللي بحبها في حياتي..ووأنا مروحة بيتي بعده بحس إن قلبي بأة كويس و اتشال منه كل الوحش اللي فيه :). يــارب يكون بيحصل ربع كدة فعلا يعني..بس دة فعلا اللي بيكون إحساسي ...فرحـــة كبيـــــرة و سعادة ماتتوصفش

كــنت جوايا متدايقة أوي.. اليوم اللي قبلها كنت بتفرج على البرنامج "الرائــع" واحـد من النــاس. ســاعتها حسيت إني جاية ع الحاجة البسيطة و بحاول أساعد الناس المحتاجة دي!! دي نـاس مش لاقية مية للشرب، و لــما حد بيساعد و يبعت لهم ميـة بيكون فيه خنـاقات عشـان الناس تلحق تاخدوكأننا في مجاعة :(.. الهـــدوم كمان حاجة أساسية، بس لما أشوف الناس اللي أقل كتيـــــــر دي و احتياجاتها أكتر كتيــــر من كدة...بيبقى التفكيــر صعب أوي. الحمـــدلله على كــل حـال

كـــان جوايــا مشاعر ملخبطة ما بين سعادة و حزن و تحمس و قلق و نيــة إني هحاول أسعد كل اللي حواليــــا و....... وصلنا المكــــان:)، و طلعنا بقية الهدوم و علقناها استعدادا للناس

.................................................................................................

كـــــان فيه بنت معانا أول مرة تيجي المعرض. و كــانت أكتر من مرة قالت بصيغ مختلفة كلام بيخليني أبتسم و أنا نفسي أثبتلها إن الحكــم على الناس عمـــره ما كــان بالشكل و المظهــر بس

كـــل شوية كانت تقول أنا أوحش حد فيكوا،و انتوبجد أحســن مني بكتيـر و كلام زي كدة... لــحد ما حصل مشهد صغير خلاني أضحك و أسألها.. تفتكــري مين الأحسن دلوقتي؟؟ ربنــا يتقبل منا كلنا

ضمـــن الملابس اللي النــاس متبرعة بيها كــان فيه حد متبرع بستاير.. لو كان بمقدوري إني أوصفها ستاير قديمة و بس!! مش هبالغ لو قلت إنها ممكن تكون من عصر أمينة و سي السيدو عمرها مااتغسلت العمر دة كله!!! ستـايــــر بـــاليـــــة بطريقة ماتتوصفش... كــان أي حد يلمسها بيخرج منها كمية تراب و غبــار مستحيـــلة

:) مش عارفــة ليه بصراحة اللي اتبرعوا بيها مش غسلوها قبلها بس مش مشكلة

قطع الستاير الأربعة.. قررت واحــدة تشتريهم لأن سعرهم مناسب ليها و هي محتاجاهم..و قربت هي من البنات اللي واقفة عند الكاشــير و لقيت كل البنات جالهم هستيرية ضحك وواحدة جريت و سابت مكانها خالص!! الكـــل بيحاول يبعد عن إنه يحاسب اللي هتشتري الستاير الغريبــة

لقيــت البنت اللي شايفة إنها "وحشة" بسرعة جت مبتسمة للست وأخدتها على جنب بعيـــدعننا عشان تحاسبها... و مش هبالغ لما أقول إن تراب الستاير كان بيوصلني وأنا على بعد مترين أو أكتر منها و أكــح منه كمان!! :) . بعدهــا فكّــرت البنت إنـها الوحيــدة اللي راحت بسرعة تساعد الست الفقيرة دي و تشيل منها الستاير

.......................................................................

بـــنت تانية أعرفها...بتقرف أوي.. كانت كل شوية تروح تغسل إيديها بلازمة أو من غير..... جات لها ست كــبيرة من اللي بيشتروا في المعرض و طلبت منها تقيس قميص من المستعمل اللي بنبيعه !! قالت لها إن بنتها في نفس جسمها تقريبا..البنت اترددت للحظة بس بسرعة افتكرت ثوابها و قاست القميص فوق اللي هي لابساه

و بعدهــا لبس تاني و تالت

مش هوصف لكوا الست بجد كانت فرحانة أد إيه إنها لاقية اللي حواليها بيحاولوا يساعدوها أد ما يقدروا

مش هعرف أوصف أد إيه الناس بتكون مبسوطة و مستريحة لما تلاقي حد يساعدها..و خصوصا لو كانت ناس فعلا محتاجة

مش هعرف كمـان أوصف السعادة اللي الواحد بيحسهــا بعد ما يساعد أييييي حد في الدنيا مساعدة مادية أو معنوية مهما كانت بسيــــطة

أكيد الكل عارف إحساس السعادة دي

بس اللي مش عارفينه أو ساعات بننساه إن فيه كتير أوي بجد في البلد دي محتاجين مساعدة....... فياريت نحاول نفتكرهم

ملحوظة: سامحــوني إني مش بقيت بكتب حاجة كويسة خالص:))، بس فعلا فقدت كل القدرة على الكتابة أو التعبير عن اللي جوايا. سامحـــوني بجد

بحبــــــكوا أوي

غريبـــة

2009-10-25T21:03:00.004+02:00

لا أجــد مكــانا لكلمــاتي

..لا أدري

ربمـــا ضاعت بين كلمات الآخـــرين

ربما لم يُسمــع همسي وسط صيحات البشر حولي

و ربمــا لن يُسمــع يومـا

غريبة هي الأقدار

لا نعرف ماذا تخــبئ لنا

و كـــــيف تسيــــر كالأمواج فتأخذ بعضا مما بنينا على رمال الشاطئ

و تترك لنا أحجارا.... فنكتشف يومــا أنها كنز قــــيم لم نكن نعلمه

غريبة هي في أخذها لأشياء نحبها

لكنــها أقدار كتبها ربي و هو من يعلم لــنا الخير

لا أعرف ما أكتب الآن لأني لم أخطط له

أفكاري مبعثرة أعترف بذلك

لكني أكتب الآن ما يدور بعقلي بغير انتظام أو شكل جمالي

فــهي..مجـــرد خواطر

:) بقالي كتيـــــــر منشرتش تــــاج

2009-10-15T17:54:00.004+02:00

قلتــلها إن الحاجـــات دي بحبها أوي.. عاملة زي التاج بتاع المدونــات كدة. ضحكت أوي و هي بتقول لي.. دة بأمـارة التاجز الكتيــــــر اللي في مدونتك؟؟ دة أصلا حتى البوستات العادية في المدونة مش بقت موجودة!! هفكــر في التاج؟
رديت إني فعـلا بحب التاج أوي :$. بس بصراحـة اتكسفت شوية و قلت عندهــا حق... و عشانها أنا جاوبت التاج النونو وقلت أفرح البلوج شوية

* 8 things I’m looking forward to:

1. Finding a more suitable job.. something I can “really” use some of my skills in.
2. Memorizing more chapters of Qur’an.
3. Buying new books :)
4. Trying to make a nice home-made cheesecake soon (within the whole coming month actually :$) .
5. Course in Italian, but that’s when I have money!! And English as well :) if I became wealthy all of a sudden.
6- Make all people around me happy& stop hurting them… I really wish.
7. إنـي أحضر معرض الملابس الخيـــري اللي بشتاقله جدااااااا
8. مستنيـــة رحلة زي اللي عمري ماهنساها طول حياتي.... طلوع جبل، تسلــق، سفاري... أي حاجة من النوع دة

* 8 things I did yesterday:

Yesterday is Tuesday as it’s the day I wrote it.

1. Visited my uncle.
2. Made easy lunch (Potato salads, Tuna, and stuff like that).
3. Played in Pet society :) & bought a new heart mirror there.
4. Talked to my lovely niece to make sure her second day of school was successful.
5. Watched Al-3ashera masa’an.
6. Ate chocolate :D
7. Read some articles in newspapers.
8. Nothing else I guess except thinking&thinking&thinking.

* 8 things I wish I could do (ranked by the degree of being impossible):

1. Flying of course :D.
2. My home would be infront of a sea or river.
3. Living in Italy away from everything else for a month
4. To work as a news-correspondent outside Egypt.
5. To be an influential figure in society who can change defects in Egypt.
6. I wish I could dance ballet :$..feel like a real butterfly.
7. That my brother would be more peaceful in temper and gentle again.
8. To find everyone I love very happy and satisfied.

* 8 shows I watch:

1. Al-3ashera masa’an.
2. America’s got Talent :).
3. Martha Stewart (whenever I find it).

Others not watched regularly:
4. Shababeek.
5. Al-Tab3a Al-Oula.
6. Oprah Winfrey.
7. Wizards of Waverly Place (children's series).
8. Friends.

* 8 things I love:

1. Mimooo “my niece”.
2. Children :).
3. The sea of course.
4. November sky.
5. My parents.
6. Bubbles.
7. Fine chocolate.
8. My close friends “including 6 of the bloggers I really appreciate much”.
9. صلاة العيـــد
10. ليــــل رمضــــان

* Whom I’ll tag along:

Anyone who sees it& likes it.
It’s quite simple and easy.

مشهد صغـير عجبني

2009-10-07T00:01:00.003+02:00

جذبني عندما سمعت صوته يضحك

من الأطفال التي يســعدك سمــــاع ضحكاتهم

نظــرت إليه فوجدت ابتســامة شديــدة الرقة على وجهه

مازال صغير الحجم يحاول التعلم ممن حوله

يضع قدمه فوق "السكــوتر" محاولا السير به

:)

و لم يكن في الحقيقة يجيد اللعــب به بعـد

الأجمل في المشهـد أنه لم يكن وحده

كـــان بجانبه أباه خطوة بخطــوة

أسمع منه كلمات التشجيع لصغيره

لا يظهر على وجهه أي من تعـبيرات الملل أو السخط التي أراها على وجوه "الكثيرين" من الآباء و هم مع أبنائهم

أجدني أفكــر أن اللعب مع أطفالهم مفروض عليهم و ليس فيه أي نوع من الجمـال

أمـــا هذا الأب... فقد كان في شدة الاستمتاع

لا ينظــر إلى أي شيء سوى طفله الصغير الذي يراه خطوة بخطوة و هو يتعلم منه مهارات الحياة

أعجبنــي المشهد بشدة

خاصــة مثال الأب المتعاون الذي له نصيب في رعاية أولاده و اللعب معهم

و هو ليس في ضيق من ذلك، بل في شدة استمتاعه

و الذي زاد من إعجابي بهذا الأب خاصة.. و جعلني أدعو له دون تفكير و أنا أنظر إليه ...... هو أنه كان خطوة بخطوة بجانب ابنه

لكنه لم يكن يسير على قدميه

بل على كرسي متحرك

حاجات كتير

2009-09-30T00:09:00.002+02:00

حيـــرة

ترقّـب

اغتـراب

خـوف من الاقتراب

تردد و تفكيـر

سعادة قريبـة أنشدها

خـــوف

انقباض

إحساس بالـبرودة

ثلج يتســاقط حولي ولا يراه أحد

حنيـــن

إلى أوقات كثيــرة مضت

إلى أشخاص في عالمي موجودون..أشتاق إلى الحديث معهم

إلى أشخاص لم يعودوا كمـا كــانوا

كم أشتاق إليهم و هم لا يدركون

حـزن دفيـن بداخلي لا أحاول إخفاءه

بل أحـاول إبعـاده

أمل في يوم غد سعــيد

و لازالت الحيـــــرة

بعض مما بداخـلي :)

HaPpy Eid everyone :)

2009-09-19T19:18:00.002+02:00

تقبــــل الله منــــا و منــــــــــــكم

يـــارب كل الناس اللي بحبها يكـونوا دايما مبسوطين أوي و راضيين و ربنــا راضي عنهم

. . . . . . . . . . . . . . .

بمناسبة العيــــــــد و إني مش عندي حاجة أكتبها يمكن :$ :$، و زي ما بيقــولوا العيد فرخــة :) ... حبيت نفرح مع بعض و نضحك، فياريــت أي حد يدخل هنـا حتى لو مش بيحب البلوج دة بس يكتب نكتة عشــان نكون سبب في إسعاد بعض و لو للحظات. إيه رأيكوا؟؟

بس رجـــــاء خـاص بلاش الصعيد عشان بجد بزعل جدا. يعني لا واحد صعيدي و لا حتى بورصعيدي :). هو "واحد"و خلاص

عســــاكم من عوادة

9

2009-09-09T11:04:00.004+02:00

مش عــارفة ليه حــاسة إن المفروض النهــاردة يكون يوم

مميـــــــز

9-9-2009

بس مش حصل فيه أيييي حاجة لحد دلوقتي :). يمكن كفاية عليه إن ليلته تكـــون بداية العشـــــــرة الأواخر من رمضـــــــان؟؟؟

Bubbles

2009-08-27T23:08:00.002+02:00

جوا كورة صابون ســــبت حلم صغير

و في ليلة هواها بارد نفـخت... و شفت كورة الصابون و هي بتنطلق حرة في الهوا

راقبتها و هي بتبعد

هـــشوف هتطير لفين كورة الصابون واخدة حلمي الصغير معاها

و لو فرقعت.... :) يبقى انتهت واختفى حلمي معاها، ودة قدر اللــــه

رمضــان خلاص :) كل سنة وانتو طيبيـــــن

2009-08-21T17:44:00.006+02:00

رمضــــان

يعني لمة عيلة مهما اختلفت مواعيد أكلهم و شغلهم على ترابيزة واحدة وقت المغــرب

يعني إحساس بالدفا بنفتقده كتيـر في حياتنا

يعني لمـة العيلة بجد و إنك تشوف ناس اسمها قرايبك لكن مش بتقابلهم أبدا في الحيـاة اليومية

يعني مواقف و قفشـات كوميدية قبل الآدان من الناس الجعانة لما العيلة الكبيرة تتجمـع

يعني واحد في ركن هادي لوحده بيدعي ربنا وهو شايف ألوان السما بدأت تتخلى عن الأحمر والبرتقاني..والألوان الغامقة بتعلن قرب آدان المغـرب

يعني أحلى وقت لقراءة القرآن في العصرية قبل الفطار...أو حتى بعد السحور

يعني وقت الناس بتقدّس فيه الآذان و بتسمعه أكتر من أي وقت تاني

يعني إحساس بالسكيــــنة و القرب من ربنا أكتر من أي وقت تاني

يعني منافسة عشان التقرب من ربنا... بس أخيرا منافسة شريفة جدا

رمضــان يعني ... فول مشطشط ع السحـور تفضل فاكره لتاني يوم
...................................................

وبرة البيـــوت
رمضــان ميتحسش في مدينة نصـر زي ما بيتحس في الأحياء الشعبية

الأحياء المصرية الجميلة اللي بعشق المرواح ليها في رمضان

أنوار في كل مكان وفوانيس معدنية أصيلة،وزينة ورق عاملها ولاد الحارة أو المنطقة مع بعض وموصلينها بين كـــــــل العمارات اللي في الشارع

مش زي عندنا :) عشان تحط فانوس ع العمارة لازم تتأكد من كل الجيران "ويمكن مابوافقوش كمان!!". مش عارفة ليه

و النـاس سهرانة لحد الفجر و الكل بيبتسم ويهني بالشهر الكريــم

و الراجل بتاع الكنافة واقف والعيال اللي بتشوفه من السنة للسنة واقفين حواليه بيتفرجوا بيعملها إزاي

هنـــاك بس بحس بروح رمضان الحقيقية
.............................................

رمضــــان... يعني تجمّـع كل الناس في صلاة واحدة و إحساس بالألفة طاغي على معظم المصلين هناك

يعني صلاة التراويـح الجميلة و اللي ...للأسف بالنسبة لي بقت مشكلة لأني مش بحسها غير لما أصلي ورا واحد معين.. :) وهو دلوقتي اتنقل حتة مش أعرف غير إن اسمها "المدبح"!! وطبعا مش بقيت أروح هناك غير نادر

رمضــــان... سحر صلاة التهجد و خصوصا لو بتصليها في مسجد ليه مكان مفتوح و تحس نسمة الهوا الباردة في نص الليل تستمتع بمرورها مع ترتيل الآيات

يعني تبادل ابتسامات و عبارات بسيطة مع ناس كل علاقتك بيهم إنك بتقف جنبهم في الصف وتصلي

يعني ناس متعرفهاش لكن عارف شكلها لأنها كانت معاك في المسجد رمضان اللي قبله

رمضـــــــان
يعني تجمّــع صحابي عشان نجهـز وجبات للفقرا

و ذكريات أيام كنا بنتمرد فيها ونحاول نعمل أكتر من كدة أنا وأنتيمتي زمان "هبة"و نرجع البيت نلاقيهم قلقانين علينا عشان اتأخرنا

رمضـــان... وحشنـي أوي. ربنا يبلغني و يبلغكوا الشهــر الكريـــم يـــــــــــــــارب..و ماكونش وحشة فيه

كل سنــةوالكل طيبين :). افتكروني في دعاءكم

ملحوظة سخيــفة:لو حد ساكن في مدينة نصر ويحب يشارك أي يوم في إعداد وجبات للفقرا أو تحضير شنط رمضان
Packing
ياريت يسيب لي كومنت أو اللي يعرفوا يوصلولي عادي وأنا هقول له التفاصيل لوحب. الحاجات دي تبع جمعية خيرية مشهرة مش تبع نفسها
:)

HaPpY RaMaDaN

الوان البحــر

2009-08-17T03:02:00.004+03:00

..أخذت رواية من الأدب الانجليزي أقرأها للمرة الثانية
..وضعت الكـريم الواقي من الشمس
و ارتديت نظارة الشمس.. هكــذا أصبحت جاهزة للـقائه
. . . . .

أمـام البحر خطوت خطوات كثيرة هادئة أتأمله وهو ثائر
كم أعشق النظر إليه و تأمل ألوانه المختلفة. . و خصوصا تلك الدرجة الفيروزية الساحرة. هـل يمكن لألوان البحـر أن تكون أجمل من ذلك؟؟

..كــان الرد سريعا
!!فـمن شدة الرياح تجد الشمس تتسلل فوق صفحة الرمال البيضاء بوضوح لم أر مثله من قبل
تنير الرمال سريعا و هي في طريقها إليّ كأنها وحش سيقوم بتدميري بالأشعة فور مروره من فوقي

ابتسمت و قد علمت الإجابة لسؤالي

. . .

خلعت نظارتي الشمسية و ابتسمت بشدة و أنا أقترب من تلك الألوان الرائعة

الآن.. لا يمكن أن تكون أجمل من ذلك

. . . . . . . . . . . . .

أحيانا نحتاج إلى خلع نظاراتنا السوداء عند تأمل الدنيا حولنا

خواطــر فتاة 2

2009-08-02T22:32:00.003+03:00

هل سأستيقظ يوما فأجدك بجانبي؟؟
أم أنها مجرد أحلام؟
أحيانا.. أستيقظ في الصباح فأفكـر فيك
أنتظر أن أسمع منك "صباح الخير" التي أحبها منك فور استيقاظي
أو ترسل إلى رسالة بتحية الصباح وتعتذر عن ذهابك للعمل مبكرا
. . . . . . . . . . . .

أضيف السكر إلى كوب "النسكافيه" الساخن، و أفكر ... ترى كم ملعقة من السكر ستحب؟و هل تعشق الشوكولا الساخنة مثلي؟ أم ستكتفي بالقهوة أو النسكافيه كل صباح؟؟
هل أحلـم بليال الشتاء الباردة يغمرها الدفء و أنا أحتسي شرابي الساخن معك؟

أحيانا.. أنظر إلى مرآتي و أبتسم في خجل
أتخيل أن أجدك خلفي تلعب بين خصلات شعري
وتهمس بأذني كم أنا جميلة.. حتى إن لم أكن كذلك بالفعل
سأكـــتب لك على المرآة كم أنا أحبك.. فتلقى كلماتي فور عودتك إلى المنزل و أشاهد ابتسامتك
. . . . . . . . . . .

أحتضن دميتي الصغيرة ككل مســاء
تلك هي صديقتي المقربة في أوقات كثيرة لا أشتاق فيها إلى البوح
هل ستأتي يوما لاحتضان دميتي الصغيرة معي وتسألني عنها؟؟
سامحـني..ففي أوقات كثيرة تغلب عليّ تلك الروح الطفولية، فلا أستطيع طردها من داخلي

يوما ما... ستكون بجانبي وأوقظك فجرا حتى نصلي
أنتظرك في شرفة المنزل حتى تعود ونشاهد شروق الشمس معا
لن أخبرك كم أحب ذلك المشهد، سأدعك تعرف ذلك وحدك من نظرات عيوني
. . . . . . . . . .

أنظر من شباك منزلي و أشرد أحيانا
ترى كــيف ستكون؟ و هل ستأتي يوما؟
هل ستمنحني سحرك و تجعلني أعيش بعالم آخر غير ذاك الذي نعيش فيه؟
حينــها سأعطيك كل ما احتفظت به من مشاعر و تكون ملكا لك وحدك

هل سأجدك كما حلمت بك يوما؟؟

حقا لا أعرف

لعلّـي

ألقــاك

يــــوما

مجرد أيام.. لكنها مميزة لي

2009-07-17T22:01:00.007+03:00

خمـــسة أيام فقط
استمتعت بهم كثيرا
انتقلت فيهم إلى عالم غير عالمي
ربمـــا هو ليس عالم الأطياف الطيبة و الفراشات والألوان الزاهية الذي أحلم به كما قد يظن البعض
هو عالم شديد الواقعية بعيد عن كل الخيال... لكني بالفعل كنت أفتقده

خمــــسة أيام في تجربة عمــل
:D

نعم.. هي خمسة أيام!! فأنا لم أستمر به ولله الحمد
لــكني استمتعت بها كثيرا، و تعلمت منها أيضا
حتى وإن لم أستمر.. يكفيني أني كـنت أستمتع بألوان السماء وقت الغروب وأنا مازلت في طريقي إلى المنزل
يكفيني استمتاعي بالحياة الصاخبة المليئة بالوجوه والحكايات حول شوارع ميدان التحرير
كــنت أعود إلى منزلي بعدالتاسعة..لكني لم أكن أشعر بالتعب إلا حينما أستلقي على سريري في الليل... فقد كنت في احتياج لصخب الحياة وإيقاعها السريع حتى وإن كانت متعبة
ربمــا لم أستمر في مكان العمل كثيرا.. لكنه يسعدني أني تحدثت إلى العديـد من الأشخاص، و يسعدني أكثر.. أني استعدت بعضا مني كان قد فقد منذ زمن
وجدت شخصي من جديد ذاك الأسبوع
التقيت العديدين و أنا سعيدة لتأكدي أنهم سيفتقدوني عندمـا لا يجدوني
و البعض سيسأل عني... حتى و إن كان سؤالهم لن يستمر أكثر من بضعة أيام... فيكفيني فخرا أنهم سيتذكرونني بالخير، و سأكون جزءا بسيطا من ذاكرتهم، و ربما التقيت إحدهم مرة أخرى في حياتي

لحظات بسيطة بيننا... لكنــي أعلم أن البعض سيتذكرني بها

أحببت أناسا منهم كثيرا، لكنهم يوما لن يعلموا :) ... لأني لم أكلمهم يوما في الحقيقة
هم أشخاص كنت أراهم معي في الطريق حيث نركب جميعا "باص" العمل ويتوجه بنا إلى المكان. أحببتهم لابتساماتهم الطيبة، و لأسلوب البعض في التحدث باحترام مع أصدقائه. أعلم أنه لو كان ربي قد قدّر لي الاستمرار في العمل في هذا المكان، ما كنت يوما سأتردد في طلب المساعدة من بعض تلك الشخصيات رغم أني لم أتحدث معهم يوما
لكني بالفعل.. أشعر أنهم إخوتي
يوم شاق... يبدأ بنزولي منذ الصباح الباكر قبل أن تشتد حرارة الشمس، و إلى أن تدق الساعة التاسعة مساء أو بعدها بقليل.. لكنـي كنت في أشد استمتاعي
تعرفــت على الكثيرين ممن التقيت في المواصلات العامة:)))، و ربما هي معرفة وقتية فقط، لكنها تسرني كثيرا و تضيف إليّ. تعددت حواراتنا بين الخوف من أنفلونزا الخنازير "و الطيور أيضا" و التوك التوك الطاير اللي بمروحتين! و الجنيه المعدني قليل القيمة...و مواضيع أخرى غير ذات صلة. :) أظن أن أكثر ما كنت أفتقده هو التعرف على أشخاص جديدة..في أماكن جديدة
أتعرف إلى أشخاص جديدة في حياتي بالطبع من خلال الأنشطة المختلفة... لكن الخروج عن الإطار كان ذا إحساس آخر افتقدته كثيرا
. . . . . . . . . . . . . .
تجربتـــي الصغيرة.. أفتقدك كثيرا
و أفتقد أكثر... أشخاص قليلة كانت بجانبي محاولة مساعدتي حتى لا أشعر بالغربــة
هم بالفعل يستحقون كل الشكر و التقدير
أيــام أعادت جزءا مني، و تركت بداخلي إحساس مريح...حتى هذا اليوم،و شعرت بعدها بأن بعضا من الثقة التي كانت قد تسللت بعيدة عني.. قد عادت إليّ
:)
الحمـــدلله على كل حال
و بالتأكيــد أراد الله لي الخير من تلك التجربة الصغيرة... حتى و إن كنت لم أفهم الحكمة منها بعد
. . . . . . . . . . . . . .
يومــي الأخير
وصلنا إلى محطة السادات حيث سأترك مترو الأنفاق لاستكمال طريقي إلى المنزل
ودعتني بابتسامة أحسست بأن خلفها نوع من الحزن لم أعتده منــها
كــانت تلك هي أول مرة تظهر أيامما بداخلها "وخصوصا مشاعرها" أمامي..وربما آخر مرة
خريجة كلــية الطب ذات الشخصية شديــــدة العملية في كل خطواتها بشكل كان يثير دهشتي
رأيت منــها جانبا لم أره طوال الأسبوع
ضحكت وأنا أسلّـم عليها قائلة "اشوف وشك بخير" كمـا لو كنت سأسافر
. . . . . .
توقف المترو نهائيا استعدادا لفتح الأبواب، نادتني وقالت "لا إله إلا الله" بنفس الابتسامة.. أدركت حينهــا أني ربما ... بالفعل مسافرة من حياة البــعض

مدونتي مش أنا.. أنا مليــش دعوة خالص

2009-07-11T02:56:00.001+03:00

من كام يوم عـــدّى على مدونتي سنتيــــــــــــــــن
!!!
:)أنا اتخضيت بصراحة من الكلمة
محدش أخد باله طبعا و بكل بساطة... أنا نفسي مش افتكرت
:D
كنت فاكرة قبلها لكن لقيتني يومها نسيــــــــــــت تماما
سنتين عرفت فيهم ناس كتير جميلة أوي
و منهم كتير مشيوا لكن عمري ما بنساهم و يمكن حتى بفتكرهم أكتر من أصحابي الحقيقييين
لأني حبيتهم بجد من قلبي
و لأني حسيت بالصدق في كلماتهم
...........................
طبعا مش الكل أكيد ناس كويسة و فظيعة... بس الحقيقة إن الناس بتبان من كلامها، حتى لو من غير ما نشوف عينيهم
أو دة رأيي الشخصي يمكن
شكـــــرا لكل الناس اللي بترسم على وشي ابتسامة أو بتدخل على قلبي الفرح في لحظات حياتي
ربنـــا يكرمكم
و هكتب بوست قريب إن شاء الله..و سامحيني يا "يوم جديد". أنا موجودة بس اتشغلت أوي الأسبوع اللي فات

رحلتي الصغيرة

2009-06-30T14:51:00.003+03:00

تمنيت أن تكون هذه الرحلة مريحة ولا يصيبني الصداع أو الغثيان من طول الطريق. وصلنا إلى المحطة في وقت مناسب..وضعنا الحقيبتين بداخل "السوبر جيت" و وقفنا أمام بابه استعدادا للركوب

لم ألحظ بداخله إلا الرجل الجالس في الكرسي الأول... رجل منمق بجانبه علبة من محل للحلوى

صعدنا إلى الباص وجلسنا في مكاننا. .نظرت حولي في محاولة للبحث عمن سيرافقونا في رحلتنا حتى مرسى مطروح

أمي بجانبي، ولكن ماذا عن الكرسيين المقابلين لنا؟؟ كنت في غاية الترقــب أنتظر لأرى من سيكون جارنا المؤقت لبضع ساعات حتى الوصول.... و وسط استغراقي في التفكير سمعت صوت سائق الباص و هو يوجه حديثه للآخرين "لا أعرف لماذا في الحقيقة!!" طالبا منهم مساعدة الرجل "الكبير" في الصعود إلى الباص.. مضت لحظات لا أحسبها قليلة حتى ظهر وجه ذلك الرجل العجوز وهوينظر بعين قلقة إلى داخل المكان.. وبسرعة عاد لينظر إلى خارج الباص منتظرا زوجته التي صعدت خلفه، و نظرت مثله إلى داخل الباص...و لكن بعين شديـدة التفحص

ابتسمت حينما رأيت هذا الرجل العجوز، و سمعت صوتا بداخلي يطلق عليه لقب "جدو"!! حينها ابتسمت أكثر خجلا من نفسي في الحقيقة ... من داخلي تمنيت أن يكون هو جاري في الطريق رغم أني لم أتوقع أن يدور أي نقاش بيننا،لكني بالفعل تمنيت ذلك و لا أعرف السر

و كــان أول حوار بسيط في رحلتنا

العجوز: أهي التذاكر يابني. قوللي احنا هنقعد فين؟
السائق: كرسي 5و6 يا حاج
اللي هو فين يعني؟؟هنا علطول؟ (وهويشير إلى أول كرسي أمامه)، لكن السائق رد عليه بالنفي مشيرا إلى ثاني كرسي
و بدأ جدو الجميـل في خطواته البطيئة، لكن سؤال زوجته أوقفه مرة أخرى حيث أكدت على السائق ما قاله" كرسي 5 و6؟؟
أيوة يا حاجة. تاني كرسي دة
مش 3 و 4يعني؟
لأ

ثم رددت ما قاله مرة أخرى و أعطته التذاكر للتأكد. حينها ابتسمت و فكرت أن كبار السن –وغالبا السيدات أكثر :$- دوما ما يشككون في كلام الآخرين ويحاولون التأكد بأنفسهم خوفا من الخداع الذي يعرفونه جيدا من الحياة..... لكن بداخلهم "معظمهم طبعا وليس كلهم" مقدار من الطيبة لا يقدر بثمن

The Old Couple

بدأ جدو في الدخول و هو يبحث عن الكرسي و يتساءل مرة أخرى... وهنا ابتسمت ابتسامة عريضة و أنا أشير له "هنا. الكرسيين هنا يا فندم".و تلك الابتسامة في الحقيقة لم تكن لأني تحدثت معه فحسب، لكن لأن تلك هي الكراسي بجانبي
:))
أعتقد أن لقب "جدو" لن يكون خاصا بي أنا فقط. فأنا أراه يملك الشكل التقليدي جدا للكلمة، مما يجعلك منجذبا له و لتلك الطيبة التي تعلو وجهه. رفيع يرتدي النظارات السميكة ذات الإطار الغامق اللون، شعره أبيض خفيف، ويستند إلى عكازه وهو يمشي

لكنه لم يكن كجدي لأني لم أجد ابتسامة تشرق وجهه طوال الوقت كحبيبي رحمه الله

أما زوجته...فكانت امرأة وقور، ممتلئة الجسم قليلا، أعجتني ملابسها كثيرا في الحقيقة. . فقد كــانت غاية في الأناقة و في ذات الوقت تليق جدا بوقارها و عمرها الكبير، فضفاضة بألوان بسيطة لكنها أنيقة متميــــزة وتناسبها كثيرا. هي من السيدات اللاتي لا تستطيع رؤيتهن دون أن تعلق على مدى الطيبة الذي يظهرها وجهها و عيناها... وطريقة تحدثها و نبرة صوتها

سعـــدت كثيرا بجوارهم حتى إن كنت لن أتحدث معهم... و مع الدقائق الأولى بدأت شخصيتها تظهر أكثر فأكثر
هي مثل معظم السيدات كبار السن اللاتي قابلتهن :))).بالطبع لا أقصد الإهانة، لكنها الحقيقة على الأقل فيمن قابلتهن بحياتي القليلة نسبيا. دوما أجد السيدة هي التي تنصح زوجها و تحاول إقناعه برأيها و بأنه الصواب، مسئولة عنه..لكن بطريقة مختلفة بعض الشيء....و رد فعل الزوج دوما متشابه في المواقف التي شهدتها في حياتي

!!البؤجــة

بـــعد وقت قصير من بداية الرحلة هاجمني ألم الأسنان!!!!:( منذ سنيــــن لم يحدث ذلك ولله الحمد. فلماذا الآن؟؟!! هاجمني بشدة و لم أستطع احتماله. سألت أمي عن مسكن لكنها كانت قد تركته في الحقيبة الأخرى بداخل الباص. سألت أمي السيدة بجانبنا فنظرت إلي نظرة فاحصة يملؤها القلق

حينها تذكرت فوبيا الأنفلونزا و عذرتها في نظراتها تلك... وأخذت أتحسس خدي وأنا حزينة كي تتفهم الوضع. ابتسمت وبدأت في البحث عن البنادول. فتحت حقيبتها الممتلئة وأخذت تبحث و تبحث و تبحث :)!! حتى أني أحسست أنها مثل حقيبة "ماري بوبينز"،وأنها إذا ما وضعت يدها بداخل الحقيبة من الممكن أن تخرج بأي شيء أتخيله من داخلها. كانت يدها تغوص بالداخل فتنظر إلينا مبتسمة و تعتذر على "كركبة" الحقيبة. فنعتذر نحن أيضا على إزعاجها... مضى وقت حتى وجدت البنادول و أعطته لي مع دعوتها بالشفا

موبايلك و لا موبايلي؟؟

الرجل الجالس بالأمام وحده...يضع هاتفه المحمول الفخم أمامه و لا يمضي بعض الوقت إلا و يرن الهاتف. سيناريو متكرر طوال الطريق
لكنه لم يكن السيناريو المتكرر الوحيــد

فنغمة هاتفه المحمول تنم عن العملية البحتة. واحدة من نغمات نوكيا المعروفة ليس أكثر. و هي بالصدفة... نفس نغمة الرجل الذي يجلس خلفه.... "جدو يعني". و كم كنت أتمنى أن يكون أي شخص آخر غيره

فكلما سمع العجوز نغمة الهاتف، سأل زوجته إذا ما كان هذا صوت هاتفه وأخرجه بسرعة و أجابه. لكن خيبة الأمل تتكرر في كل مرة عندما لا يجد من يرد عليه. و في معظم الأوقات كان جدو بالطبع يستيقظ من نومه العميق كي يرد على .... مكالمة الرجل الجالس أمامه
في كل مرة يرن هاتف رجل الكرسي الأول، يتكرر السيناريو بشكل يثير الضحك..و الشفقة أحيانا

في بعض المرات كان جدو يغضب و يعلو صوته وهو يقول ألوووو. انت سامعني ولا إيه؟ و لا أملك إلا الابتسام لأني لا أستطيع التدخل
فكرت في أن أقترح عليه تغيير النغمة لكني لم أتجرأ.. فهو يعتبر تدخلا حتى إن كنت أريد مساعدته

رجل الأعمال

منذ اللحظة الأولى، عليك أن تطلق عليه لقب "رجل أعمال". رجل أنيق، يرتدي بدلة راقية، بوجه لا يعرف الابتسام إلا نادرا و نظارات بسيطة تناسبه

شخصية أفضل ما توصف به أنها شخصية "عملية بحــتة". حركات جسده، طريقة جلوسه، نظراته ، كل شيء يوحي بذلك... حتى نغمة موبايله

هذا هو الانطباع الأول الذي تأخذه عن هذا الرجل إن لقيته. إلا أن هذا الانطباع لم يدم طويلا لدي... فنظراته للآخرين وبعض أفعاله... جعلتني لا أحبه في الحقيقة

كـان يضع ساقا فوق الأخرى مسترخ على الكرسيين بثقة،وعندما جاء أحدهم للتحدث معه، لم يكن بالذوق الكافي ليتعب نفسه في إنزال قدمه من أمام وجه الرجل ولو للحظة. لم يغير أي شيء في جلسته

كذلك الحال عندما سألت سيدة عن الوقت المتبقي.. نــظر إليها بترفع ثم استدار إلى الأمام كأنه لم يسمع صوتا

كنت معجبة بشموخه و ثقته بنفسه في البداية، لكني حزنت قليلا حينما اكتشفت أن ما به ربما يتعدى الثقة قليلا..... أثارني الفضول في تخمين مهنة هذا الرجل
ببدلة رسمية، بحقيبة سمسونايت و كمبيوتر محمول، حجز لنفسه كرسيين كي يكون مستريحا وحده!! وعلبة الحلوى ليست لزيارة أحد...إنما هي وجبته اللذيذة من الجاتوه التي يتناولها في الطريق

لم أملك إلا أن أقول "رجل أعمال" فقط دون أن أعرف ماهية الكلمة. كان هناك شيء آخر في الحقيقة يشغلني، وهو أني أظنني رأيته من قبل !! لكني لا أعرف كيف بالطبع!!و لا أين

. . . . . . . . . . . . . .

لم أعرف حتى وصلنا إلى مرسى مطروح. وجدنا بعض الرجال المرتدين بدلات للجيش و هم يلتصقون بالباص وهو مازال يعدل من وقفته الأخيرة قبل فتح الباب. وفور وقوفه سارع كل منهم برفع يده لأداء التحية العسكرية و هم يقولون
حمدلله ع السلامة يا باشا، حمدلله ع السلامة يا باشا

. . . . . . . . .
و بــــس :)

Just some Distracted Words

2009-06-21T01:12:00.004+03:00

Deep within the fog

I see a shadow

A bit far but I still can see it

Shadow of a man

I may hear his steps sometimes

But yet… It’s still too far

I can’t get it !!

It keeps on being anonymous

Though I keep my eyes on it

Is it coming near ??

Or closer to disappear??

He holds something in his hand I suppose

& I wonder.. Can it be a gun?

Or just a rose !!

I really wonder

لا شيء

2009-06-15T20:06:00.002+03:00

وحشــــني البلـوج بتاعي أوي

أوي

. . . . . . . . . . .

و وحشتني كل الأحاسيس الحلوة اللي ممكن أحسها هنا

في مملكتي وبين ناس حبيتهم

. . . . . . . . . . . .

و وحشني ناس كتير رسموا ملامح لعالمي الصغـــــير دة.. و بعدها اختفوا منه

و كأنهم أخدوا جزء من العـالـم دة وهم ماشيين

شجـــرة اليـاسمين الهندي

2009-06-02T00:53:00.004+03:00

أعــشق الشتاء منذ صغري
أعشقه بكل ما فيه
لكن ذلك هو الشيء الوحيـد الذي لم أحبه في الشتاء يوما
افتقــادهـا
شجــرة اليـاسمين
ربما هي للبعض مجرد كائن حي من النباتات ليس أكثر
ربما لا يلاحظها المارة في الطريق و لم ينظروا إليها يوما
لكنها لي... لا أعرف كيف أصفها
فهي ليست كشجرة التوت التي تذكر الشباب بطفولتهم السعيدة... الحقيقة أني لم أكن ألعب تحت شجر توت و أنا طفلة : )رغم أني كنت أتمنى
و ليست شجرة عريقة عاشت مئات الأعوام حتى أكن لها كل التقدير و الاحترام وأقف مذهولة من جمال خلق الرحمن وبديع صنعه
الحقيقة... أني لم ألحظها سوى منذ بضع سنين فقط
لكنــي بالفعل أحبها كثيــرا

لا أدري لماذا أشعر دوما أن هناك رابط بيننا
لا أدرك ما يصيبني عندما أراها في الصباح الباكر
أبتسم كثيرا لرؤيتها و تفقد زهورها الصغيرة
أذكر أن أيام عملي كنت أنزل مسرعة في الصباح الباكر و أسير بجدية بين الشوارع.. إلا أني عندما ألقاها تستوقفنـي دوما
و كأنها تنادي علي
أقف فجأة أو حتى في بعض الأحيان كنت أتراجع بعض الخطوات لأقف بجانبها أسلّـم عليها
: )
أجدها جميلة رغم أنها ليست من أجمل الأشجار و لا تحوي ألوانا كثيرة حتى
تستوقفني لأجمع بعض أزهارها الصغيرة من تحتها و أكمل طريقي و أنا مستمتعة بملمسهم
مجرد أزهار صغيرة بيضاء،و بداخلها لمسةمن اللون الأصفر لكنها في نظري آية في الجمال
رائحتــها يجدها الكثيرون غير مثيرة للاهتمام، لكني لا أعرف بالفعل سر حبي لها حتى الآن
أحبها و أحب رائحتها الليمونيــة البسيطة
كـــنت آخد معي بعض الزهور الصغيرة في الصباح لأضعها على مكتبي
و أحيــانا كنت أمر بها في طريق العودة فآخد زهرتين لأمي لأعوضها عن غيابي
لو تعرف الابتسامة التي ترتسم على وجهي عندما أمر بها في طريق سيري
لو تعرف كم أحبها و أجدها غاليــة علي فلا أهديها إلا لمن أحب كثيرا
. . . . . . . . . . . . . . . . . . . . .
كلمـا مررت عليها في الشتاء كنت أشعر ببعض الحزن
ليســت شجرتي و ربما هي ليست قريبة من بيتي كل ذلك القرب
لكنــي كنت لكما مررت بها أتمنى أن أراها مشرقة كما كانت
في الشتاء... تكون خضراء حزينة
بلا أية زيــنة
أنظر إليها و أتساءل إن كانت الزهور الرقيقة ستتوجها مرة أخرى؟؟ أم أن تلك هي نهايتها؟
حتى جاء الربيع و شجرتي الصغيرة مازالت حزينة
لا تكســوها الزهور و لا أرى الأرض تحتها مفروشة بورود بيضاء صغيرة
بدأت في القلق من أني لن أراها مرة أخرى كمــا أحببتها
شجرة بلا تاريخ لكنــها شهدت معي أياما عديدة
أياما كنت بها حزينة و أخرى سعيدة... و أياما كنت فيها شاردة الذهن و أنا أمر بجانبها فلم أتذكرها
و أيام كنت أتقافز من شدة الفرح..و أيام كانت ترى دموعي التي لا أستطيع إخفاءها حينما تدق بابي
أستطيع أن أرسم معها بعضا من تاريخي البسيط

لكن... هل أصبحت مثلي؟؟ أين زهورها لست أدري!! لم أرد أن أفتقدها أكثر و أكثر
و كلــما مر من الربيع كلما زاد قلقي.. فهذا هو وقت تفتح الزهورو تلون العالم
منذ بضع أيام فقط..... : ) رأيت ورودها،و فرحت كـثيرا لها
و الآن أتوق لأن تزيد من ورودها حتى أستمتع بملمسهم الرقيـق مرة أخرى

و أبتسم لرؤيتها بزينتها

...

2009-05-29T18:09:00.004+03:00

سمعت صوت الكلب جامد أوي. بس دة كان نسبيا طبيعي لأننا اتعودنا عليه خلاص في منطقتنا
اللي كان مش طبيعي و خلى قلبي يقع كان صوت بنت صرخت
مش صريخة واحدة اتخضت وبس !! لكــن صريخ متواصل مع صوت الكلب اللي لسة نباحه مستمر

.....................
جريت بسرعة على الشباك وأنا قلقانة...بس مش لحقت غير آخر المشهد
و هو إن البنت كانت بتجري من الكلب!! و طبعا بالتالي هو بيهوهو ويجري وراها
الكلب مشي الحمدلله... و مش عارفة بداية ظهوره كانت إزاي عشان هي تجري منه و هو يتنرفز. لكن اللي أعرفه كويس هو إن البنت كانت لوحدها تماما
في شارع و في وقت مليــــان ناس والدنيا منورة
بس كمان مش دة اللي دايقني
أد ما دايقني رد فعل الناس دي
يعني مش كفاية محدش كان قريب منها يساعدها أو حد يروح لها بعد ما الكلب مشي ويهديها شوية
لأ . خالص
البنت فضلت بعدها دقايق متجمدة مكانها و هي حاطة إيدها على بؤها و مش بتتحرك... بس اللي يزعل كان إن شلة أولاد كتير كان رد فعلهم الوحيد هو إنهم قعدوا يضحكوا بصوت عالي أنا سمعاهم و أنا مش قريبة منهم
اتخيلت نفسي مكانها ساعتها
صحيح مش ممكن كنت هجري لأن غير الدروس اللي بنتعلمها من صغرنا عن الجري من الكلاب، كمان رد فعلي دايما لو اتفاجئت بحاجة هو إني بابقى زي التلاجة التقيلة اللي مستحيل تتعتع من مكـانها
بس قلقت أوي و اترعبت لما فكرت في إني هابقى لوحدي. و ممكن محدش يفكر يساعدني أو يبعد عني الكلب دة
. . . . . . . . . . . . . . . . . . . . . . . . . . . . . . . . . . .
يـــاريت بجد يا جماعة نحاول نحس ببعض أكتر شوية
حتى لو الدنيا وحشة و الظروف وحشة و الناس علطول زعلانة وكل واحد في حاله
هي عمرها ما هتبقى حلوة لو احنا كنا مقتنعين إن كل حاجة في الدنيا وحشة و مستحيل تتغير
عايزين الناس تهتم بينا لازم نهتم إحنا كمان، عايزين الإحساس و الحاجات البسيطة اللي بتسعد تظهر تاني في الدنيا.. لازم إحنا اللي نرجعها
ياريت بجد... حتى لو مش كنت قادر تساعد حد أدامك و شايف إيديك متـكتفة لأي سبب من الأسباب
بس حسسه إنك معاه، ادعمه نفسيا، شــاركه حتى لو مجرد مشاركة وجدانية مش أكتر
يعني... أنا لو مكان البنت دي بجد كان هيفرق معايا أوي لو حد كان قرب مني وسألني أنا كويسة و لا لأ
صحيح السؤال مش هيفيد في حاجة... بس على الأقل تحس إن فيه حد حس باللي هي فيه و يهدي من روعها شوية

صغيرين

يــــاريت بجد بجد نعيد نظر في كل علاقاتنا و في الناس اللي حوالينا اللي مش نعرفها
لو الشهامة و الضمير و الإحساس -و كــــل الحاجات اللي كل يوم بنقول إنها اختفت أكتر- لو الحاجات دي مش موجودة إحنا اللي لازم نوجدها
إحنا اللي لازم ندور عليها

يـــاريت بجد كلامي يفرق و لو مع شخص واحد بس... لأن بجد الدنيا و هي بادرة كدة ومش فيها علاقات إنسانية كويسة دة تاعبني أوي أوي أوي

هلــوسات قلـم ليس أكثر

2009-05-22T16:58:00.003+03:00

طفلة

حالمة رقيـقة

لكنهـا بأحلامها كانت ترحل إلى عــــالم آخر

تطير وحدها بين سحب من الخيـال

. . . . . . . . . . .

يـوما رأت ذاك البريـق

بريق أخاذ

لم تعرف ما هو و من أين أتى

لكنه بريـق يأخذ الأبصار كلها إليه

ســاحر يفوق الحدود

حلمت أن يكون لها

أن تمتلكه و تحتفظ به وحدهــا

أخذت تقترب منه متحمسة

يدور بخلدها مئات الأسئلة والأفكار

كيـف سيبدو هذا البريق عندما تقترب منه، و ماذا سيكون؟

اقتربت كثيرا

مدت يديها الصغيرتين إليه و أخذته بينهما

مسرعة ركضت إلى منزلها... إلى غرفتها الصغيرة

طـوال الطريق كانت حريصة جدا عليه

محكمة إغلاق يدها كي لا يزول أو يختفي بعيدا

وكلمـا كـانت تخاف أكثر من سقوطه منها.. كانت تحكم إغلاق يديها عليه

إلى أن وصلت إلى غرفتها

إلى صندوقها الصغير

تسميه صندوق الأسرار و ترى أنها تحتفظ فيه بكل ثمين في حياتها

فتـحت يديها ببراءة و هي تنظر إليهما لا تطيق الانتظار

!!لكنــها دهشت

فلم تجد بين يديها سوى الرمـــاد

عندهــا أبتسم

2009-05-10T18:27:00.008+03:00

عندما أستيقظ على صوت العصافير و أشاهد السماء بألــوانها الهادئة وقت الفجر.. عندها أبتسم

عندما أرى ابتسامة طفل ببراءة.. عندها أبتسم

عندما أرى القمر و قد أصبح بدرا ينير ظلمة السمــاء.. عندهاأبتسم

عندمـا أرى طائرة ورقية طرف خيطها يمسكه طفل صغير.. عندها أبتسم
عندما أرى فقـاعـات صابون تتطاير بحرية مع كل نسمة هواء خفيفة.. أبتسم بطفولة
عندمـا ألقى فراشــة تطير برقة بين الزهور.. أحلم و أبتسم

عندمـا أمر بزهرة صغيرة تعجبني..أتحسس أوراقها الرقيقة و أبتسم

. . . . . . . . . . . . . .
عندمــا أشاهد أطفالا تلعب و تجري بمرح في الحديقة القريبة من بيتي.. أبتسم

عند نجـاحي في عزف لحن استعصى عليّ في البداية... أبتسم

حـينما أقول دعـاء الركوب... أنظر إلى السمــاء وأبتسم

عندمـا أرى مياه النيل الزرقاء أمامي.. عندها أبتسم
عندمــا أسمع صوت البحر و أتخيل حديث أمواجه معي.. عندها..أبتسم و أستريح
عندمـا أنظر إلى السماء فوقي و أتأملها.. أسبح بحمد ربي لنعمه الجميلة في الكون و أبتسم

عندمـا أشعر أن ربي راضي عني أو أحس برسالة منه واضحة أمامي.. بالطبع أبتسم

. . . . . . . . . . . . . .
عندمـا أرى بسطاء مصر الذين أعشقهم بملامحهم الأصيلة.. عندها أبتسم
عندمـا أقرأ معاني الحب الحقيقي في عيون أشخاص حولي بالشارع.. عندها أبتسم

عندمـا أرى حب الخير فيمن حولي...عندها أبتسم

عندمـا أرى ضحكة أمي... عندها أبتسم
إذا مررت بجانب صورة أخي البعيد عني و ابنه.. عندها أبتسم
عندمـا يحاول ابن أختي إضحاكي بغمزة من عينيه الصغيرتين و حركات بهلوانية بسيطة.. بالطبع أبتسم
عندمـا أشاهد المفتش كورومبو و ألغازه المثيــرة "للضحك غالبا":)... أتذكر أبي و أبتسم

. . . . . . . . . . . . . .
عندما أر نوع الشيكولاتة الذي أحبه.... أبتســـم
:)
عندما أكون بالخارج و يتسلل إلى مسامعي موسيقى لأغنية من أغاني فيروز التي أعشقها.... أغمض عيناي و أبتسم
عندما أشم رائحة المطـر أو أحس بقطراته تلمسني برقة... من كل قلبي أبتسم
أبتسم... عندما أسمع هاتفي المحمول يرن بنغمة أنتظر سماعها دوما
أبتسـم.. عندما أسمع صوتا أتوق لسماعه دوما

أبتســم.. عندما أسمع أغنية تذكرتي بمن أحب

. . . . . . . . . . . . . . .
أبتسـم.. عندما أرى ما يذكرني بأناس أحبهم من كل قلبي في أي مكان حولي

أبتسـم..عندمـا يحدثني طفل صغير عن أحلامه المستقبلية

أبتســم.. عندما أستشعر الطيبة في ملامح شخص لا أعرفه
أبتسـم و الدموع في عيناي.. عندما تمر بذاكرتي بعض الذكريات مع أناس أحببتهم بشدة
أبتسم بمرارة.. عندما أشعر أحيانا أنه ربمـا يتم خداعي، لكني لا أفكر في الأمر كثيرا
أبتســـم... عندما أرى الابتسـامة صادقة في عيون من حولي

و ماذا عنك... متى تبتسم ؟؟

حــبيبتي الصغيرة

2009-05-02T19:35:00.004+03:00

نادوا اسمها فخرجت بسرعة من الطابور النونو للمكان اللي نادوها ليه و على وشها مليون سؤال ووشها معبّـر جداااااا باللي في بالها
كلنا صقفنا ليها و معظم الموجودين في قمة السعادة لأن دي حفلة أولادهم الصغيرة
إدوها هدية صغيرة وورقة صغيرة على شكل رسالة ملفوفة و لبسوها تاج صغير "على إنه تاج الوقار يعني"...و بسرعة أخدتها مدرسة تانية و وديتها للطابور التاني اللي فيه الأطفال اتكرموا خلاص
كـان قبلها جابوا حبيبتي الصغيرة عند الميكروفون و خلوها تقرأ سورة صغيرة :)... الحقيقة إن ساعتها كنا لسة أنا وماما بنركن العربية، بس كانت أختي راحت بسرعة عشان تشوف بنتها لأن5دقايق كانت مرت على معاد بداية الحفلة الصغيرة في المدرسة
قالولي إن محدش في فصلها قرأ غيرها بس بصراحة مش متأكدة من كدة... حتى لو الفصل كله قرأ في المايك... كفاية أوي إنهم يدوهم الفرصة دي و يدوهم ثقة أكتر في نفسهم
بعد ما حبيبتي الجميلة لبست التاج ووقفت مع أصحابها الشطورين اللي حفظوا قرآن كويس،بدؤوا يلفوا في طابور صغير حوالين الناس كلها... ساعتها هي بصت لي وابتسمت لما عرفت إني جيت فعلا حفلتها زي ما اتفقنا مع بعض اليوم اللي قبله
مش هنسى إنها بالليل آخر حاجة عملتها قبل نومها هي إنها جت إديتني بوسة وحضنتني و هي بتقول "يــاريت تيجي الحفلة بكرة مع ماما. عايزاكي معايا"!!! و ساعتها بصراحة ذهلت من طريقة تعبيرها دي
بنت أختي الجميلة.... أحلى حاجة في حياتي الحقيقة
بدأ الأطفال في المشي مع الطابور و أنا لقيت نفسي اتأثرت أوي أوي بس ركزت إني أهم حاجة عندي اللحظات دي هي إني أصورها صور حلوة..... كنت مبسوطة أوي أوي وقتها ولقيتني قاعدة أبص حواليا عشان أشوف الفرحة في عيون الأمهات التانية و الآباء"القليلة" اللي جت تشوف أولادها.... ببص لقيت مامتي دموعها نزلت!!! و أختي مامة حبيبتي كمان!!! مش لقيت أدامي غير إني أضحك أوي من التأثر الجــــامد دة

........................................
أول مرة البنوتة الصغيرة دي تتكرم
لأ و تكريمها عشان حفظت قرآن كويس في المدرسة :)))
و لما تفكر بعقلانية تلاقيها أساسا لسة مش بقت محسوبة على المدارس لأنها
Baby Class
حتي مش حصلت كي جي :). كان شكل الأطفال جميل اوي اوي اوي يجنن
و كلهم معبّــرين أوي. اللي بيدور بسرعة بعينيه على مامته بين الوشوش الكتير الموجودة، و اللي مبسوط وبس و عايز يتنطط لأنه حاسس إن فيه حفلة، و اللي عايز يقول لمامته بصي..أنا كبرت أهو و بقيت شطور... خليكي معايا طول اليوم عشان تشوفيني و أنا شطور ومميز في مجتمعي الصغير
قضينا طول اليوم معاها لأنه كان
Open Day
اللي "المفروض" بيكون أول السنة عشان أولياء الأمور يتطمنوا أكتر على أولادهم ويعرفوا طريقة التدريس والمعاملة المتبعة في المدرسة بتاعة أولادهم. بس الحقيقة دة كان نظام المدرسة دي!! إنها آخر السنة وقرروا يعملوا حفلة القرآن نفس اليوم وخلاص
شفتها و هي بتغني و وهي بتسرم على السبورة بإيديها الصغيرة، شفتها وهي قبل ما تقول أي حاجة تبص لي و تبتسم. شفتها وهي بتعمل حركات رقصة صغيرة كانت "غششتهالي" قبل الحفلة بيومين و خلتني أتمرنها معاها:$ بس من غير ما أقول الحركات لمامتها أو جدتها أو حتى أخوها الصغير عشان يشوفوها مفاجأة في الحفلة

............................................
ابتسامتها البريئة بتجنني،و خجلها الرقيق بمــــوت فيه
اليوم دة لقيتني بفتكرها وهي لسة بيبي صغيرة... و هي لسة مولودة، و بعدها لما كبرت شوية و بدأت تبتسم... و ابتسامتها لما تسمع صوتي من قبل ما تشوفني عشان أنا خالتها..... و بعدها لما بدأت تتكلم بسيط،و وأنا بحاول أعلمها إزاي تتكلم و تقول إيه
لحد ما كبرت و بقت تحكي لي حكايات صغيرة بريئة وجميلة زيها... بتغير لي أي إحساس وحش حاساه
البنوتة الصغيرة اللي بتعلم منها كتير...... يـــارب ربنا يبارك فيها و تفضل أحلى بنوتة في الدنيا مش في حياتي بس
و ييجي قريب اليوم اللي ألاقيها حافظة القرآن كله

Masquerade

2009-04-23T00:35:00.004+02:00

حفل تنــكري

خلف الأقنعة تقبع وجوها

تخـفي ملامحها

وراء شخصيـات زائفة

هناك من يخفي لؤمه خلف وجه وديع

و آخر يخفي حقده خلف ابتسامة قنــاع

نظرات خادعة و ابتسامات باهتة

تختبئ شياطين في زي الملائكة، و تختفي الخسّـة خلف زي بديع

أمام أبواب القصر قبل الدخول يرتدي الجميع الأقنعة..و تختفي حقيقتهم معهم

تلقى الزيـف في كل خطوة تخطوها

و تحاول البحث عن الصدق بداخل المكان

في الحفــل التنكـري

كــــل الحقائق تذوب

خلف الملامح الزائفة

يختبئ الجميــع

أشخاص كالذئاب في أرواحهم

بابتسامة خبيثة.. يخفون مخالبهم خلف عباءة التنكــر

هنـاك من يمشي بثقة بزي أسد مغوار

وهو في الواقع يخاف كل شيء حتى أنه لم يكن يوما كالأسود

في الحفــل التنكـري

تجد من يخفي جرحه العميق خلف ابتسامة مهرج

رسمها على وجهه قبل الدخول

و تلك بتنكرها أميــــرة الثلوج

تحت عينيها دمعة

تدّعي أنها ثلج يذوب

و آخر بتنكره تظنه كيوبيـد

بسهم الحب يلف القاعة مبتسما

ترى هل يخفي جرحه الغائر.. أم أنه لا يأبه بالألم الذي سببه للآخرين بحياته؟؟

و تلك من الخارج تسحر الألباب

تراها ترتدي زيا ملائكيا

و بداخلها خبث و شر يجعلها أقرب للشياطين

و فتاة في ريعان شبابها بضفيرتين

في غاية الرقة تسير بفستان طفولي

تتمنى لو أن تعود إلى تلك البراءة من جديد

و فتاة تسير مبتسمة

بفستان أبيض ملائكي و عصا سحرية

بداخلها المئات من الأمنيات

تود لو أن هزة بسيطة من تلك العصا تؤتي بسحرها

و تحـقق لها الأمنيات و تبعد الزيف عن الحياة

دمـــــــــوع

2009-03-22T00:37:00.006+02:00

دي محاولة لكتابة قصة قصيرة... قولوا رأيكم(طبعامن غير مبالغة) انتو عارفين كويس

....................................

انتهت من إعداد طبق التونة بالبصل و الخل كما تحبه حفيدتها،ولم يبق إلا بعض الإضافات البسيطة
انتقلت إلى حامل الأطباق و على وجهها ابتسامة كبيرة.. فهذا هو اليوم المخصص لزيارة حفيدتها لها كل أسبوع،و قدوصلت إليها بالفعل منذ بضع دقائق
بدأت في جمع أدوات الطعام كي تضعها على الطاولة لتناول الطعام مع حفيدتها. أخذت ستة أطباق و ملاعق و هي لا تفكر سوى في الساعات القليلة السعيدة التي ستقضيها مع حفيدتها... لكنها توقفت فجأة عندما أدركت أن عدد الأطباق الذي جمعته غير صحيح تماما!!

توقفت عن الحراك و هي تفكر كيف حدث ذلك؟ كـيف جمعت ستة أطباق كي تضعها على طاولة بيتها الهادئ؟؟ و كأنها عادت بالزمن إلى الوراء أكثر من ثمانية أعوام مضت
تذكرت أياما كان بها هذا البيت مليئا بالحياة و البهجة. تذكرت زوجها العزيز و الذي كان يجمع شمل الأسرة كلها بأوقات الطعام. تذكرت يوم وفاته و إحساسها المؤلم بالوحدة آنذاك. كانت بكل لحظة تفكر أنها ليس باستطاعتها الحياة بدونه، لم تكن تتخيل أن تستمر في الحياة بعده كل تلك الأعوام

تذكرت ابنتيها اللتان لاتراهما إلا على فترات متباعدة جدا. . ابنتها الكبرى التي لا تعلم عنها إلا القليل، فقط بعض المعلومات الأساسية بلا التي تنقلها ابنتها ذات الاثني عشر عاما إلى جدتها بلا تفاصيل عند زيارتها لها كل أسبوع.
!!ليست ابنتها الكبيرة بعيدة في السكن كل ذلك البعد حتى لا تزور أمها سوى مرات معدودة كل شهر
و ابنتها الآخرى التي لا يملأ عقلها إلا العلم. شغوفة هي بالازدياد من العلم كل لحظة و تحضير الأبحاث و حضور المؤتمرات، شغوفة لدرجةجعلتها تتناسى كل ما بالعالم من حولها
أخذت قرارا بتكريس كل حياتها للعلم إلى يوم وفاتها، و نسيت أن هناك من كرّســت كل حياتها لتربيتها هي و إخوتها...وتستحق اليوم تكريس ولو يوما واحدا لزيارتها كل أسبوع
كــان الجميع يشجعها على حب العلم و استكمال دراساتها العليا وما بعده.. لـكنهم لم يتخيلوا للحظة.. أن هذا الحب المفرط سيدفعها لشراء شقة صغيرة بجانب الجامعة لتعيش وحيدة بعالم الزئبقيات و التفاعلات الكيميائية و الدراسات المعقدة...بعيدا عن أي علاقات اجتماعية إلا نادرا
ابتسمت العجوز و هي تتذكر ابنها العزيز الذي سافر بعد زواجه إلى استراليا ولم تعد تراه إلا خلال زياراته السنوية لمصر
تستمد صبرها من الله.. ومن لقاءات باردة خالية من دفء المشاعر بينها و بين ابنها و أسرته على شاشة الكمبيوتر. لكم تشعر أحيانا برغبة في كسر هذا الجهاز العقيم الذي يريها أحباءها لكنها أبدا لا تستطيع لمسهم من خلاله
...................................
و ها هي اليوم وحيدة بين جدران منزل كبير كان يوما رمزا للسعادة و جمع شمل العائلة كلها
خانتها عيناها و خرجت دمعةحبيسة كانت بداخلها منذ زمن، كانت بمثابة إشارة استئذان تلاها شلال من الدموع على وجه السيدة العجوز
في تلك اللحظة جاء صوت حفيدتها من خلفها يتساءل "جدتي! ماذا هناك؟ ما الذي أبكاكي؟؟"
ابتسمت الجدة في حنان و قالت... لا تقلقي عزيزتي. تلك كانت..دموع البصل

Only Sometimes

2009-03-20T16:07:00.005+02:00

Sometimes I close my eyes& dream

Other times I feel I need to scream

Sometimes I just feel safe

But soon I find myself lonely.. in a cave

. . . . . . . . . . . . .

I'm scared

really scared

Is it time to quit dreaming??

تهادوا تحابوا

2009-03-14T17:34:00.002+02:00

الأسبوع اللي فات كنت في سيتي ستارز
دخلت من الباب المقابل لمكتبة الشروق...و أول ما دخلت لقيت زحمة أوي عندالمكتبة!! قلت يمكن يكون فيه توقيع كتاب أو حاجة ، بس تداركت بســـرعة :) إن إحنا مش شعب مثقف أساسا
كان فيه بوث لونه بنفسجي أدام المكتبة، و شوية موزعين لابسين نفس اللون، و بيوزعوا شوكولاتة ورقتها لونها إيـــــه؟؟
طبيعي بنفسجي برده
الزحمة دي كانت لأن الشوكولاتة بيتم توزيعها مجانا،و دي مش حاجة متعودين عليها أوي في مصر
غير طبعا إن اللي بيتوزع
:D
شوكولااااااتة
وقفــت كتير هناك براقب وشوش الناس و ملامحهم السعيدة. مش كان فيه حد قريب من المكان مكشر، الكل كان بيملى وشهم ابتسامة جميلة أوي و ساعات كمان ضحك
وقفت كتير و فرحت من المنظر جداجدا
بعيدا عن هدف الشركة طبعا من الحركة... بس هي حاجة جميلة أوي أوي
حتى لو الشوكولاتة صلاحيتها هتنتهي اليوم اللي بعده و لا مش عارفين يخلصوا منها
فكرت إنه حتى لو الموزعين دول بقالهم ساعات واقفين و تعبوا من الشغل... فهم برده مبسوطين،و صعب مش يقدروا يكونوا أصلا لأنهم بيبثوا الفرحة على كل اللي حواليهم
!!!و لو لقيت كل اللي حواليك قاعد يضحك.. صعب تفضل لوحدك عابس

افتكرت ساعتها مجموعة الشباب اللي راحوا ميدان التحرير و قعدوا يوزعوا على كل مار وردة :). أد إيه الفكرة بسيطة
بس بجد أد إيه بتسعد
ومش بتسعد المتلقي بس لكن بتسعد اللي بيوزع أكتر أصلا

افتكرت إن في مرة من فترة كبيرة قررت أوزع بومبوني و شوكولاتة صغيرة بس لقيت إنه مش هينفع يكون غير في مكان محدد نسبيا.... لأن أساسا البلد مش بقت فيها أمان أوي و كتير من الناس هيقلقوا ياخدوا
و بصراحة أنا أولهم لو كنت مكانهم :$

حاجات كتيرة أوي بسيطة بس ممكن تسعد كتير
ليه مش بنعملها بأة؟؟؟
ليه و انت رايح تزور صاحبك مش بتجيب له حاجة هو بيحبها؟؟ مش بنقول هدية.ومش بنقول كل مرة لازم يبقى فيه حاجة في إيدك و انت رايح
بس حاجات رمزية بتقرب المسافات أكتر
هي أصلا وصية من رسولنا –صلى الله عليه و سلم- من قبل اي حاجة تانية
تهــادوا تحــابوا
يبقى نعملها و إحنا معانا أكتر من نية كويسة
نبقى بنعمل بحاجة من كلام رسولنا محمد –ص-،و في نفس الوقت ننتهز الفرصة إنها حاجة خفيفة أوي على القلب. مش شاقة نسبيا
و في نفس الوقت نيتنا ندخل السرور على قلب اللي أدامنا...و نعبر طبعا عن اللي جوانا

زعلان من حد أو هوزعلان حتى منك اشتريله هدية... هتكسر حاجات كتير وحشة بينكو و تقربكوا لبعض أكتر. مش عشان تمنها بجد لكن عشان معناها
بتحب صاحبك أوي أو بتحب خطيبتك و مش دايما تقدر تعبّـر عن كدة؟
الهدية ليها مفعول السحر عشان هي اللي تتكلم بدالك و تقول اللي جواك
لو حد بيحب الورد أوي أوي. ليه مش تجيبله مرة ورد و انت رايحله؟؟ بجدمش هتبان تكسف أد ما هيبان أد إيه عايز تقول فاكرك و عارف إنك بتحب الورد، وعشان خاطرك جبته
لو واحد عيان.... ليه مش نتخلى عن الرسميات شوية و بدال كيلو البسبوسة والمش عارف إيه و لا علبة الشوكولاتة. تفكر في
حاجة
هو
بيحبها بجد
حاجة مميزة عنده مهما كانت بسيطة

الستات اللي دايما عايزة جوزها يدلعها و يفتكرها... ليه مش تبدئيها انت الأول المرة دي و تحسسيه بحبك؟؟
أد إيه بجد الحاجات الصغيرة دي بيكون ليها وقعها على القلب. بتفرح بجد
عبّـر عن حبك بالحاجات البسيطة و قول كنت معدي فلقيت دة و أنا عارف إنك بتحبه فافتكرتك و جبتهولك
إن شالله كيس لب و لا تين شوكي
أي حاجة بتقول إني فاكر صاحبي أو حبيبي طول الوقت،و عايز أسعده بحاجات بسيطة

تيجوا الأسبوعين الجايين نفتكر دايما وصية الرسول-صلى الله عليه و سلم- "تهادوا تحابوا"، و كل ما نكون هنشوف حد نجيب له حاجة حتى لو صغيرة جدا جدا؟؟ مش مهم تمنها بس المهم معناها...تمنها جوا قلب اللي هتهديهاله. إيه رأيكوا؟؟؟